鐵牛台灣牛肉麵 (旺角中心第一座) (已結業)

每次一個人想食台式食物嘅時候，我都會首選呢間❤️因為呢間嘅位置坐落舒服，而且環境都幾寧靜😌下午茶餐係最抵食嘅，一碗細碗嘅滷肉飯，仲可以揀3樣小食，選擇上都多😋

今日食既係紅燒牛肉麵同鹽酥雞加支茶一入餐廳就聽住周杰倫既歌，特別掛住台灣睇住menu有咁多野揀花多眼亂又諗住食滷肉飯便當又諗下飲唔飲珍珠奶茶最後到牛肉麵又會諗紅燒，麻辣然後又係牛肉麵，牛筋麵同埋有埋其他牛部位既麵之間選擇紅燒牛肉麵應該係大家去台灣主要回憶之一，就揀最基本架啦熱辣辣既麵加埋個湯無得頂牛腩都唔錯，可以再冧dd鹽酥雞細細粒一啖一粒好滿足飲埋支烏龍茶就走得快食個lunch同朋友諗起好多旅行既回憶So nice！

— #旺角平時收早出旺角做facial之前一定會去鐵牛食個tea先因為真係好抵食又飽(๑˃̵ᴗ˂̵)𝐎𝐫𝐝𝐞𝐫:⧐ 茶餐 | $44↬ 小碗麻醬乾拌麵↬ 鹽酥雞 + 涼拌小黄瓜 + 木魚炸豆腐↬ 凍檸檬紅茶 (+$6)呢個tea set我都食咗好幾年可惜嘅係當我今次想介紹比大家食嘅時候偏偏佢嘅質素似乎下降咗無以前咁好食了(　ﾟдﾟ)不過呢個價錢我覺得都算係咁啦~佢麻醬乾拌麵啲醬唔會話太少我會再加埋小小辣油同黑醋個味道就好豐富可惜今次個麵底可能煮得太耐(?)比較腍身咗少少配菜可以揀3款我太多數都係揀鹽酥雞+涼拌小黄瓜+木魚炸豆腐鹽酥雞今次嘅感覺好似唔係好新鮮炸起不過都保持到外脆內軟小黃瓜就一如既往夠酸夠入味木魚炸豆腐就真係好失望炸得太耐木魚都硬哂Σ(-᷅_-᷄๑)希望佢下次會做番好啲啦凍檸茶揀咗微甜不過今次落糖好似重手咗都真係太甜了其實如果唔加凍飲嘅話佢只係需要$38都真係幾抵食㗎下次再去食嘅時候再報告番比大家聽佢哋嘅質素有無改善啦(*´-`)—📝評分味道 𝟹 / 𝟻環境 𝟺 / 𝟻服務 𝟹 / 𝟻衛生 𝟺 / 𝟻抵食 𝟻 / 𝟻—📍鐵牛台灣牛肉麵 (旺角)旺角彌敦道688號旺角中心1期地庫A舖

鐵牛食 為左食佢下午茶最近又去食，環境幾舒服，2:30後就有$38下午茶食，其實為左飲佢既奶茶有一次系尖沙咀分店試完之後，覺得佢嘅奶茶幾好飲。之後就時不時掛住佢不過今次，就覺得難食咗。因為滷肉飯啲肉好鞋口，炸地瓜條個粉質都唔同咗，厚身左，而炸豆腐都一樣好厚，唔知係個廚師唔同咗，定本身品質開始差。我之前喺尖沙咀食過係最好食，所以下次都係去返尖沙咀店，可能好啲，😿😿

鐵牛係我曾經最愛嘅台式餐廳，可惜不再係了😢講到食台灣嘢梗係要食牛肉麵，以前嘅牛肉麵湯底好香牛味好濃郁，今次食淨係食到鹹味，好失望小食冇咩點變，皮蛋肉鬆豆腐幾好食，炸物拼盤冇特別。俾我揀就不會再來了😢

行街行到 好多舖頭都閂晒門 先來搵嘢食見到呢間舖頭仲開緊就衝左入去 依啲時間當然係入去坐卡位㗎啦卡位好坐啲 多啲空位可以擺嘢 印象中第二次食呢一間 樣樣都想食 兩個人叫咗三個面 兩份小食 兩個嘢飲 本身以為食得晒🤦🏻‍♀️我諗我哋太高估自己 哈哈覺得依間餐廳 台灣嘢食嘅味道好正宗叫咗牛肉麵 貢丸米線 🍜擔擔麵 推薦呢三個麵😋 超級好食❗️❗️❗️鹽酥雞有配啲夜市小腸 仲有一個嘢食唔記得咗係乜嘢 好似係牛肚嘢飲係凍檸茶同埋珍珠奶茶最後當然趕唔切食晒 最後係用外賣兜 攞走下次會再幫襯～

好少寫食評會懷住d咁不安嘅心情去寫😿但實在要share出去滿懷歡喜叫左個醋香雞球定食($70)上枱見到原來只係將d鹽酥雞去加埋d勁稀嘅紅色汁去撈一撈唔係我想像中ge juicy炸雞髀肉已經好失望😞點知更驚喜嘅係食左2粒雞之後發現第三粒有隻蟲癡住左喺度🤮🤮🤮睇得都幾清楚（有說服過自己可能只係穫撈）仲要煮完都甘大隻見到有翼有腳個身有橫間🥶真係喊出嚟😭即刻同店員講店員話唔好意思同我換個份但個影像已經喺我腦海揮之不去了😓😓😓

入到去點完餐先入座，menu選擇都幾多，可以逐啲試曬台灣風味菜式😍 一一一一一一一一一一一一一一#麻辣大塊牛肉麵 <$69>碗麵份量十足，牛肉大塊兼厚肉，呢個價錢嚟講都幾抵食🤎味道方面都幾好，牛肉鬆軟得嚟又有咬口，而且係好濃郁嘅牛味，少少辣都幾香口😳麵質比較幼身但掛湯，食落口感啱啱好，唔會太稔又唔會太硬😆嚟過幾次鐵牛 鐘意佢地大多分店嘅空間感好大 而且食物cp值高 又平又大份又好食🤤 而且仲有好多選擇 所以都好啱一班人去食🥰地址：旺角彌敦道688號旺角中心1期地庫A舖其他分店

如題，份量外賣碗嘅1/3，本身都係雀仔胃，食曬都係岩岩好😅 成為$86建議如果食堂食會好d~ D麵黐埋一齊 凍的。個牛肉係好食，可以份量多少少 外賣性價比唔高😅😅😅

同朋友行完旺中之後，佢哋又話想去台灣店舖食台灣嘢食，於是我推介左呢一間位於地庫嘅鐵牛台灣牛肉麵。價錢方面唔算好平，但食物都算高質，下次會想在黎。我哋先入座，然後喺選單上面填好想食嘅食物後，就要出去收銀處俾錢，佢哋亦都有準備精美嘅紙袋口罩套，唔使額外用紙巾包住。鹽酥雞蕃茄湯麵麵質好彈牙，亦都朔晒蕃茄湯底，所以非常入味，味道唔會好鹹，我都會不經不覺飲咗半碗湯。鹽酥雞炸得好脆，而且份量仲有七件，食晒成個餐會覺得好飽肚，好滿足。推介涼拌小黃瓜，味道酸酸甜甜，可以當做開胃菜，加埋小辣椒，食落更加爽脆。

• 逢甲鹽酥雞肉肉燥乾拌麵 ($64) ⭐️⭐️⭐️⭐️鹽酥雞炸得超鬆脆，熱辣辣，唔會有超厚嘅炸衣😙👍🏻 不過比較細粒🤣🙈 拌麵方面好有咬口, 撈埋肉燥幾好食🤓 我個人終於有嚼勁嘅麵 呢個唔錯☺️• 香酥排骨肉操乾拌麵 ($64) ⭐️⭐️⭐️⭐️排骨都係炸得好脆, 相比之下大份啲, 不過略嫌乾左少少🙈 不過整體超好食🤓 碗麵都好大碟👍🏻•🧋焦糖珍珠奶茶 ($30) ⭐️⭐️我覺得焦糖配奶茶唔會太好飲🙈 全部都好甜, 茶味唔算太濃，珍珠要用力少少咬🤣 我覺得應該其他奶茶更加好飲🤔•🍹百香果QQ冰茶 ($28) ⭐️⭐️⭐️⭐️整個都好好飲😙超好👍🏻📎 位置方面我覺得座位較逼, 不太寬闊🙈 #旺角美食 #鐵牛台灣牛肉麵

鐵牛這家餐廳主打台灣牛肉麵一直都未試過，今日中午剛好經過就嚐嚐。😋雖然台灣牛肉麵出名但係我比較喜歡食鹽酥雞。🥢鹽酥雞滷肉湯麵 $65大大件鹽酥雞炸得酥香，外脆內軟咸咸香香都幾可口，碗滷肉湯麵啲滷肉就寒酸左啲，不過碗麵個麵質都唔錯，軟硬適中有麵粉香。👍☕️台式奶茶味道就是，熱飲珍珠奶茶走珍珠。🤣還未講到裝修就係台灣風的便檔格局，座位還好看好餐牌再外去點餐有點麻煩，全面電子化就最好。

//位於旺中嘅台灣餐廳，真心好抵食👍🏻下午茶之選：滷肉飯/麵+三款小食+飲品 只係$38起另外中環、尖沙咀也有分店架⚠️（下午茶•時間：14:30-18:00PM）⚠️📍家鄉滷肉飯（小碗）滷肉飯 都唔細碗喎😂而滷肉肥瘦適中都算足料，亦好多汁🤣撈飯一流😋推介👍🏻另外可揀：麻辣擔擔麵/麻醬乾麵/肉燥湯麵📍鹽酥雞+小香腸+木魚炸豆腐（選3個）小食共有八款選擇，另外有脆薯、涼拌小黃瓜、滷味爽耳、麻辣牛肚絲、滷水蛋半舊//每次來都必叫「木魚炸豆腐」上面仲有青瓜絲🥒，豆腐外脆內軟，個醬甜甜哋連埋木魚一齊食，特別有口感😋// 鹽酥雞細細粒，每啖都有肉，唔會好硬//小香腸好似加咗蜜糖，但有啲硬🤣📍珍珠蜂蜜綠茶 🧋+$9 百香QQ綠茶 🧋+$9#旺角美食 #餐廳推介不設加一服務費✖️抵食程度：🌝🌝🌝🌝🌖📍鐵牛台灣牛肉麵 （旺角）旺角彌敦道688號旺角中心1期地庫A舖

好耐無去旅行，最掛住嘅地方之一就係台灣台灣嘅野食真係平靚正，其中一樣我好掛住嘅就係台灣嘅紅燒牛肉麵，所以今次就嚟到呢間鐵牛試吓而且佢價錢都唔算貴，一碗麵只係幾十蚊，喺香港食一啲其他國家嘅菜式算係咁佢湯底係比較濃郁，幾適合我呢啲重口味人士，麵嘅質地都幾彈牙，唔會話好重麵粉感，不過都幾夠飽肚，因為佢啲牛肉份量都幾多。牛肉都幾入味，同埋夠淋！食牛肉最怕就係食到好似咬緊橡筋咁呀嘛！另外都仲叫咗一啲小食同飲品，豬耳同埋台式飲品表現麵不過不失，口痕想食台式牛肉麵都可以嚟呢間試吓

今日出咗去旺角整d野，咁啱下午茶時間，落咗去旺角中心地庫睇吓有咩食，見到呢間台灣餐廳，個名好得意😂 原來入咗去坐底之後，佢會比個點餐牌您點野食，然之後出返去cashier 落單比錢😉今次我就叫咗個下午茶餐，都好抵 $38 已經包咗一碗胡麻醬撈麵，跟餐有3碟小食，有台灣腸，地瓜薯，鹽酥雞肉😋 同埋包熱飲一杯環境質素🏚：🟢🟢🟢🟢⚪️衛生程度🧽：🟢🟢🟢🟢⚪️美味程度😋：🟢🟢🟢🟢⚪️抵食指數🤩：🟢🟢🟢🟢🟢回頭指數🤩：🟢🟢🟢🟢🟢小總結📝：雖然座位唔算好闊落，整體嘅餐廳環境尚算可以，食物賣相同味道都唔錯，係一間性價比高嘅台灣餐廳👍🏻