鐵牛台灣牛肉麵 (旺角中心第一座) (已結業)

Second time here and first time to try the rice noodle and it was really good.We ordered spicy 🌶 beef with rice noodle without soup and pork chop 沙茶 noodle soup. The egg plant was really the highlight of the evening. Good balance of vinegar and soya sauce.

一間不錯既台灣餐廳，好好味，仲有好多選擇添。我同朋友叫左依啲。小食黎講，依家都算飽肚，有四舊豆腐皮蛋，仲要每一夠都有咁上下size。魚酥嘅份量極多，亦為原本清淡嘅豆腐皮蛋，添上左不同既味道。不錯不錯。主食，我叫咗個奮起湖雞腿便當。強烈推薦！因為雞腿好好味同好大份，一定夠你食。便當的話，仲有三樣配菜，咁樣你就唔使淨係得雞腿同飯咁齋，配菜都幾好味，主要以蔬菜為主。野飲方面，建議唔飲開太甜既朋友仔，可以叫少甜。總結：已經期待下次去食。

去旺角買完野，不經意地留意到旺角中心地庫有鐵牛台灣牛肉麵🍲遇着放午飯時分都幾多人🕐一個人唔難有位，唔使五分鐘，店員示意我入座，仲放了留座嘅牌，起初都唔明留座牌用意何在，原來需要自行填寫點餐紙✏再出去收銀櫃付錢，點好食物，隨後店員會安排送餐招牌紅燒牛肉麵🐂先嚐一口湯底，味道清甜，紅燒牛肉軟腍易入口且帶有肉香麵底夠彈牙酸菜很開胃但得好少，如果多番啲就食得更加滋味！再加多杯熱珍珠奶茶，細細粒珍珠口感煙韌, 荼味唔算香濃，不過不失

一個人打風日子，到了旺角搵食，其實這間鐵牛食過好多次，只是沒有出過食評，今次再去要出返個食評先，下午茶依舊主食4選1有兩個是麵食，有兩個是飯類，然後有小食8選3及飲品。首先主食我選左麻醬撈麵，麵質不錯有咬口，麻醬味不夠香濃，好彩的是麻醬不會黏住晒個麵，令到個麵一pat嘢咁，這個要讚，小食選了台式香腸，麻辣牛肚，台式豆腐，先講香腸皮脆肉好味同台灣食的一樣好味，至於牛肚那花椒香辣的味道食過會再想食，至於台式豆腐一直都有會叫，本身覺得唔錯，但可能個汁太多成件豆腐的外脆內滑的功夫比太多的汁醬搶曬，要扣分，至於飲品方面，不嬲我都會叫凍香芋奶茶，今天天氣有d凍所以叫左杯熱台式奶茶，可能我未習慣啦，想像下凍台式珍珠奶茶，但要熱飲有d怪，不過可能是我個人問題。整體而言$36可以在旺角吃到以上東西都好好好抵，可以推介。

呢間鐵牛係初初新開張都食過一次，台灣野黎講價錢不算便宜，但覺得都幾好食，可以反兜，今次就第二次食啦！呢間餐廳應該有啲員工係台灣人黎既，另外要自己剔點餐紙再去收銀比錢。叫左個雞腿排便當：略嫌雞嘅醬汁有啲鹹，雞肉不算太滑但尚可接受。另外仲有少少前菜，而個滷肉飯都還可以，但我覺得可以比多少少滷肉同醬汁，撈飯食會好啲仲有紅燒牛肉麵(忘了影相)唔知係咪個碗比較闊身，顯得麵有點少，牛肉又好似亂咁擺，灑左少少蔥花。湯底色水正常，但有點不足，缺少左紅燒嘅香辣味，較淡口。今次試下市，人均一百蚊，喺香港食牛肉麵都係咁上下質素，唔會抱太大期望。

早幾日落雨經過旺角 又唔想淋雨 所以直接入左呢間野 講番先 其實之前都經過呢間野不過排哂長龍 無機會食到 今日5點幾黎到 唔洗等位掛首先黎過排骨肉燥飯 眾所週知台灣既排骨同香港唔同 無骨既炸到好香 好脆之後同行叫左個雞腿飯 嘩 食雞最爽就係咩係成件食 野飲好大杯 飲唔哂

在逛旺中期間無意間發現了它.朋友點了一個招牌牛肉面，本人口饞食了一下：牛筋和牛腩軟綿綿並不屬於入口即化，擁有自己體色。湯頭夹杂着牛肉、青菜、和麵條清香，配合起來口感清而不膩.皮蛋豆腐有點偏甜，加上木魚，口感不錯但是不知道是不是木魚太大塊，容易黏住口.芝士炸雞比較有驚喜,每一口炸雞都付芝士，還瞞解膩的，也沒覆蓋住雞的香趣。本人就點了一個香腸拌麵.香腸口感趣而香. 加上拌麵，一流。主要價錢合理，環境不錯.等待位置還蠻快。

來到擠擁的旺角街頭， 亂打亂撞，竟然找到這間味道出色的台灣牛肉麵館，收取的是平民價錢 我是蕃茄控，見到凡有蕃茄的食品都想叫。。。有豐富茄红素， 記得要加熱才能發揮效果的 有抗氧化功能， 延遲衰老，邊個吾想鮮茄加大塊牛肉麵 ~ 茄汁湯底很夠味， 麵條也很爽滑， 吃得我津津有味 平時好多嘢講， 都變了鴉雀無聲， 呵呵紅燒牛筋腩麵 ~ 炆得夠霖，但又不會過爛或溶掉，牛筋夠彈牙，而且夠入味濃郁， 配上熱 Coffee, 真是人都醒哂! 雖然座位空間不多， 但在香港； 還有旺角。。。 容忍下吧

本人與先生是第二次去食Order左一份鹽酥雞、一杯焦糖珍珠奶茶、一份招牌紅燒牛肉麵、一份麻辣豬大腸麵.鹽酥雞：大概不用等五分鐘就上枱，味道還 可以，不夠熱.招牌紅燒牛肉麵：牛肉味道一般，湯底味道 比一般台式牛肉麵偏淡.麻辣豬大腸麵：大腸口感非常非常韌，麻辣 湯底都是偏淡味.焦糖珍珠奶茶：是這輩子最難喝的珍珠奶茶 茶味+奶味+焦糖味 味道完全不配合 真的有點想不通一間味道一般而服務態度差的餐廳是怎樣開分店的.🤦🏼‍♀️🤦🏼‍♀️🤦🏼‍♀️不會再去的餐廳，已入本人黑名單系列.

成日聽到人話鐵牛牛肉麵好食到成日都好多人大排長龍。難得今日經過附近，決定同朋友去試一試。可能因為係下午，所以已經過左食飯高峰期時間，眼見都唔使排隊就有位坐啦，都算幾多人幫襯。雖然d人話牛肉麵係最出名，但係我對牛腩真係一般般，所以最後決定要牛筋麵。份量其實都幾多，牛筋好大塊而且應該有5-6塊，當中仲有牛腩。牛筋都整得好淋身好入味，麵亦都好彈牙，整體質素唔錯。只係個湯都係偏鹹少少，味精落得太多，所以飲左2啖就無飲。我見附近d人點既野食賣相好似都唔錯，下次可以試下。

好耐冇出旺角，突然想食台灣野，竟然意外地發現旺角中心地庫開左間台灣牛肉麵！晚飯時間見到都咁多人食，但又只係等一陣就有位，諗住應該都唔差可以一試。入到去店員放低份menu同張點餐紙就行開左，我地填完後等左好耐先見到有店員同我地講話係要自己去門口落單😕指示唔清晰之餘仲要冇咩店員咁，想問啲咩或者攞咩野都唔得👎🏻但個招牌紅燒牛肉麵好好食！排骨麵既湯底就淡左啲，加左杯野飲都好普通，希望服務可以做得好啲。

平時會排長龍, 今次好好彩唔洗排隊直入~~~服務好好, 半自助形式 (寫完自己游去比錢先, 之後有服務員送餐)*** 好好味的小食*** *** 好好味的小食*** *** 好好味的小食*** 好認真~~ 木魚炸豆腐 - 外脆內滑 (必食) 大腸, 鹽酥雞~~正~~另外, 好貼心, 有素食便當~ 就算帶素食的朋友一齊黎都OK~~素食便當 - 地瓜飯, 菜, 幾個小食~~最後當然要有麻辣牛筋腩面~~正不過撈面, 我覺得甜左小小~~ 整體黎講, 可以再食!! 

呢間每次嚟都好鬼多人，尤其係食飯時間，所以我每次都會早d去，免得要等位。今次同朋友去咗食佢既晚餐，我就叫咗鹽酥雞飯，朋友就叫咗招牌牛肉面，每人都只係5，60蚊，食個晚餐真係好抵。嗰下我個鹽酥雞飯先，佢有3個配菜，蛋，菜同埋面筋，d配菜相當之入味，我最近中意個生菜，因為佢d醬汁好濃，甜甜咸咸，好易入口。至於個飯，我就覺得冇鹽酥雞湯面好食，感覺普通咗d，不過個雞依然咁好食，咁juicy。朋友就話個牛肉麵d肉好好食，好淋，唔使點咬，面質方面都幾好，有d似拉面，又有d似上海面，而且d 湯好濃牛肉味，飲完仲想再飲。

琴日day off同細佬出旺角睇戲 睇完戲1點幾食飯之前係紅磡食過呢間鐵牛 牛肉麵質素唔錯😍知道係旺角開左分店 所以帶細佬黎食位置方便 就係旺角中心地底👍🏻由於暑假期間 平日都好多人黎食星期一至五都有set lunch $4x-6x就可以食到我叫左個鹽酥雞肉燥湯麵 配熱珍奶細佬就叫左香酥排骨肉燥湯麵 飲凍珍奶另外加錢仲有台灣小食可以選擇即使人多 上菜時間唔到5分鐘 服務態度都唔錯鹽酥雞同個炸排骨都好香口 炸粉唔會好厚曬左d椒鹽粉係面 更惹味🤤 攤凍左都keep到脆P.S. 有冇人留意到鹽酥雞個碟係台灣版塊形狀😂至於麵 係好普通既幼麵 肉燥只有面頭一細啖撈勻左食直頭唔覺有肉燥 湯底亦冇咩味對於呢個麵有d失望🙈不過珍奶就唔錯 奶茶幾香 珍珠都算煙韌但細佬話凍個杯珍奶既珍珠硬左 麻麻地🙈

一直深受港人喜歡嘅台灣餐廳周街都有,但整得好嘅寥寥可數。試咗個鹽酥雞滷肉便當同埋鹽酥雞肉燥湯麵。鹽酥雞揸得啱啱好，食落唔會好熱氣，但口感好博博趣。滷肉飯嘅滷肉都好充足但味就淡左少少;湯麵棉質好彈㗎，湯底都好惹味。總括來講都算係唔錯嘅台灣餐廳。鹽酥雞滷肉便當$56鹽酥雞肉燥湯麵$56凍台灣奶茶$6(左)凍珍珠奶茶$9(右)