鍾美食 (已結業)

今日(17/10)午餐我地去0左<Johnny Cafe>食. 今日係第三日放工, 發現0左一個現象, 就係一到中午十二點半左右, 就會勁多人0架啦. 不過我地公司多數都係十二點鬆d就去食, 避開d人群!!! 我地入到去當然有位坐啦, 但係落單就要等一段時間, 因為樓面得個經理同一個伙計, 呢個餐廳發生咩事呢??? 真係做死佢地呀, 我地食完走0既時候, 人就愈多, 伙計又冇變, 真係2個伙計服務50個客, 勁勁勁, 呢日真係賺唔少, 呵呵!!! 1.西式四寶飯 + 凍檸茶($30) ~ 價錢比起前兩日合理d 啦, 呢碟西式四寶飯(黑椒汁), 包括火腿, 午餐肉, 蛋及司華力腸, 呢幾樣雖然係好普通0既餸, 不過我都幾鐘意食0架, 呵呵!!! 黑椒汁就偏少少辣, 整體都唔錯的!!! 仲有凍飲用冰杯, 視覺加分!!!整體評價：質素ok, 人手唔ok!!!

睇左咁多食評,奇怪無人提佢o既切腩.呢間食肆可算觀塘開源道一帶工業區的牛腩專家,牛腩有三種整法: 醬腩, 咖哩腩同切腩.我就覺得切腩最好食,入口即溶, 真是在水準之上.不過不好處就是飯的份量太少,對女性來說可能剛剛好,對男性就真係唔夠食.另外過三十蚊先肯送外賣,一個人叫早餐肯定唔過呢個數,都幾頭痛.

20080521官塘工業區人多, 食肆也多. 但當你想要搵野食時, 倒也頭痛.用打工仔的角度想, 當然不要太貴便是選擇之考慮. 但對食物有要求, 質素好的餐廳, 工厰區給你選擇不多.尤以每朝的早餐, 大多數賣港式早餐, 公仔麵, 腸仔蛋, 餐蛋治.很多油.或麥記等.其實這星期我也幫櫬了他們幾次自取外賣如厚多士. 飛碟. 早餐及今次order左Turkey Sandwiches. 麥方飽內有生菜,cucumber, tomato + 2片cold cut火雞. 配即磨咖啡.對我來說ok及不膩, 剛好!

我今日有少少感冒，食完一份有新鮮番茄既火腿治早餐，精神晒囉!!!!依家仲享受緊一杯好過好多大公司既咖啡!!多謝晒!!!

星期三去吃了一豌蝦雲吞湯河粉，之前HK$18，而家要HK$20。雲吞是未完全解凍硬硬的，份量亦不多。腸旦飯+ 豉油汁都要HK$26！我覺得價錢高(在工業區來說)。揚手落order 時，那位阿叔經常只叫客人：「等等啦，等等啦....」，又經常企在就快吃完的客人的桌子旁對在出面等位的人說：「佢地就快走啦，你等等啦！」張台不夠位，竟然叫一早來了吃到一半的一位客人移位坐走廊位(同一張台)，客人即刻擰晒頭彩佢都傻。

佢地厚多士(連飲品$14), 與同區分店所出的質數相約, 今朝試的是鵝肝醬多士和是日咖啡~巴西山度士咖啡, 飲落都幾香濃, 又熱到辣口, 此咖啡沒在餐牌出現的, 聽老板說每天都會轉不同款式的咖啡, 而多士是用上長條形法包, 略為烘得過火, 可吃得出一點點鵝肝的味道, 不過略嫌咸了一些。又是全區吸煙格局, 上午少人都可接受, 人多時就算無人吸煙也覺焗促