鍋心粥底海鮮火鍋 (德成街)

聽食友介紹過鍋心的粥底火鍋， 今天路過佐敦終於可以一嘗， 果然是比想像中精彩， 人生有一知己食友的確好好。有別於內地流行的粥底火鍋，這是很香港很廣式的粥底火鍋，也用上最新鮮澎湃的海鮮，以為海鮮會很貴也不是，收費以每位計人均二百左右，就有粥底、七款海鮮、八款配料，確是滿足了想大啖海鮮卻預算有限的食客。最欣賞的是原隻肉蟹，新鮮多羔肉細嫩。鮑魚和生蠔亦好驚喜，新鮮已經好難得仲鮮甜肥美，令人意猶未盡想再追加，但追加的價格太不划算，只好打消念頭。兩款海蜆鮮甜又飽滿，海蝦生猛鮮甜，對這家海鮮的新鮮程度甚滿意。至於配料是大路款式，但也有三十幾款選擇，反正粥底鮮甜就是錦上添花吧！到尾聲粥底會盡吸精華而超甜，這時壓軸的是煮粥！將芋頭南瓜米粥加入粥底，煮出來綿滑的粥鮮、香、甜！對食友的誠意推介甚滿意，而平時文迪很不愛吃粥，但鍋心的粥底火鍋就是個例外！也許可以探尋更多粥的菜系，改變霖迪對粥的偏見吧！…查看更多

火鍋套餐，有三個選擇，我哋揀咗有龍蝦嗰個，之後配菜每人可以揀四款，肉類要另外加錢，整體價錢都唔錯，人均消費300頭，抵食過任食放題。海鮮質素都唔錯，幾新鮮，鮑魚上枱仲郁緊，但係蜆類都係會有啲沙，佢都幾貼身，有計時器同埋寫咗每種海鮮煮嘅時間喺度，唔會煮過龍。店員服務幾好，蟹鉗開唔到佢哋會幫手開。最後個粥底吸收晒啲海鮮好正，略嫌佢偏鹹咗啲，如果佢唔加咁多鹽可以食到海鮮嘅鮮甜就更好。整體而言，海鮮質素幾好，鍾意食海鮮可以一試。…查看更多

食過超過10次嘅老店海鮮火鍋真係冇得頂 。每人埋單唔使$300有龍蝦有好多海鮮仲可以打邊爐食埋粥 。而家喺香港出面真係好難搵到。雖然係老店，但係店員服務非常之優秀又會搞氣氛，又會播音樂又會幫你慶祝生日仲會玩埋好似海鮮拍賣咁樣 。不過最主要講返啲嘢食，嘢食方面雖然比起以前嚟講龍蝦細咗少少，但係質素仍然冇變價錢仲要都冇乜加過價 。海鮮方面超級新鮮，鮑魚蝦龍蝦全部都係仲識郁！ 無論要嚟打卡啦，食嘢啦，方面都真係超級推介，不過建議方面就係嘢飲如果可以有埋特色飲品啊即沖啊呢啲咁會更加好 。…查看更多

呢個價錢吃到的份量真係抵幫襯過好多次都依然覺得好食😋有6款海鮮，海鮮又新鮮好味龍蝦切開仲識郁🦞啲肉爽口鮮甜鮑魚隻隻新鮮識郁發現唔新鮮都即刻換花甲唔大隻但肉厚又甜唔記得影蝦，又甜又好味食完海鮮再打邊爐花膠仔好正芋頭條好香炸魚皮油條都好味基本上菜式都新鮮打完邊爐吃埋粥底超滿足😌服務又好好👍🏻有求必應時不時又會搞下氣氛或者推介特價海鮮🩵座位安排唔錯，環境乾淨仲要無限時👍🏻依家有啲店舖就算無客夠鐘都會趕人…查看更多

因為想食海鮮，所以揀鍋心，喺落單嘅時候太多選擇都有選擇困難症，但係每一款海鮮都非常新鮮，所以點揀都唔會錯。最後揀咗肉蟹套餐，湯底就鴛鴦湯底可以試晒胡椒豬肚湯同埋粥底。牛肉係加$39半磅都非常抵食。在香港食飯要受氣係已經習以為常，鍋心嘅員工非常友善有禮、有問必答，亦都係非常主動去幫手：由落單到開海鮮以及加湯，喺香港我覺得呢個係非常驚喜，而且呢間店仲係免加一！第一次來到佐敦店，見到裝修企理個店比長沙灣店大得多。…查看更多