影片
營業時間
今日營業
08:00 - 21:30
星期一至日
08:00 - 21:30
以上資料只供參考, 請與餐廳確認詳情
外賣叫左個X O醬蝦球伴西蘭花9吾搭8有雞柳就係唔想食肉先叫蝦取巧用大量雞柳伴住3粒蝦根本就係雞柳飯雞柳又鞋食開另一間蝦球飯堅係成盒刀係蝦可惜今日唔岩路焗住要係度買外賣以後唔會咁豬$85 食雞柳飯
繼續閱讀
位於匯景廣場內，整體食物質素還算可以，環境衛生，地方整潔，招呼有禮，坐得舒服，地點方便，價錢質素正常，提供早、午、晚餐算是不錯的茶餐廳，可以再試。叫左2set下午茶，脆香炸雞髀伴沙律和吉列魚柳伴沙律，凍飲加$3（凍檸檬茶），再加多個蛋撻和雞批，食左咁多煎炸野飲番杯凍檸茶會係解膩的好選擇，飲完清新爽口。
繼續閱讀
今日諗住一個人黎食個快早餐，一入去同收銀講「一位」，無反應，我當佢聽唔到，咁咪再大聲啲「一位呀唔該」收銀呀姐呼喝我「直行入去啦…」我行到入去，第一；無位。第二；侍應睇到扮睇唔到，完全無人理！我行返出去，問收銀呀姐「無位喎，你意思叫我坐邊？」呀姐大聲兼夾呼喝態度：「見到有位你就坐啦」…..我聽完真係火都泥，問返佢咩態度，佢仲一副不耐煩嘴臉🤷🏻♀️🤷🏻♀️我真心覺得食完都驚背脊骨落，直接走人！其實平時都覺得呢間餐廳啲侍應同收銀態度好差，今日直頭嘆為觀止👍🏻呢世都唔會再幫襯，野又唔係特別好食，仲要咁態度👎🏾blacklist
繼續閱讀
而家搵食艱難，冇乜特別事都唔想寫負評，不過今次實在太嬲，要不吐不快。我同老公都係街坊，平時都會喺匯景搵嘢食，之前間唔中都有幫襯錫蘭，但係佢哋一直有個問題，就係凍飲要加$3都唔緊要，不過超過一半都係冰，我地同其中一個staff反映過，想要凍檸茶走冰，不過佢哋話唔走得，咁冇問題，我地可以少冰，但係杯凍飲嚟到之後，啲冰都係超過一半…然後其中一個短頭髮嘅女侍應話，原本杯檸茶係熱嘅，所以要放好多冰落去令佢變凍…又唔見其他茶餐廳係咁樣，成本都唔係咁樣慳，我哋決定以後都唔會再嚟呢間食，啲嘢又唔係特別好食，特別係個海南雞，勁鞋，應該係我食過最難食嘅海南雞飯。
繼續閱讀
侍應服務態度極差，行入去無人理都唔緊要 就當無爆場所以任坐 大把空位，不過得一兩張係執好咗枱嘅。坐低之後舉咗5分鐘都扮睇唔到叫落單，等到個白頭髮侍應嬲爆爆咁走埋嚟問「你想做咩架？」，即刻打咗個突答佢「落單唔該」，個侍應「好心你一個人坐第二度啦，又要幫你執枱又要剩」，起身轉去第二張枱想話叫佢落單先，個白頭髮侍應眼尾都唔望手指去第二張枱，示意叫我行開先唔得閒招呼人。再之後見佢都係態度好差咁鬧啲廚房同唔理啲客。
繼續閱讀
您可能會有興趣的...