錦麗 (形點 II)

營業中

休息中

其實我只係食第二次錦麗好似每次都要排隊，但係今日就早左去食午餐就食咗。今日嗌嘅同我第一次食嘅一樣。係綜合，入面有牛丸，生牛肉，牛腩！我淨係落咗辣椒粒同埋芽菜，因為唔想個口食完唔舒服嘅關係，所以走咗洋蔥同埋蔥！湯底唔多味精嘅，加埋辣椒粒辣辣地，好飲。生牛肉佢好滑好薄好有牛味，以前都唔知點解咁多人會嚟排隊。但係我想講佢個牛丸真係好特別好好味。雖然得三粒半粒=一粒半另外佢個牛腩，唔係瘦肉質地，好香。唔同潮州粉麵嗰一種完全係一個人食野最佳之選

位於YOHO二期大堂底層的中間處，當沒有節日擺放臨時乾貨攤位時，在遠處已可輕易見到錦麗獨特的越風時尚裝修，未開張圍板時雖然感覺整件事非常之Marketing，但似乎大眾非常受落，開張連續多日大排長龍，即使時到今日每逢午晚市都需等位，早市亦人頭踴踴。餐牌簡單兩頁，精簡到位，同時睇得出減少廚房的消耗，集中出貨，都無咩點可以諗就點了一個錦麗綜合粉、龍眼茶外加一份炸春卷小食，伴粉的蔥牙菜等另外杯上，免卻部份挑食客戶及員工的麻煩，整體味道精準到位，可能被裝修及用具及新鮮感吸引，感覺比越乜之類對出菜的水準一致性有執著，炸春卷熱呼呼上桌，牛丸可口新鮮並無任何臭牛肉味，是一間高水準的連鎖食肆。

通常有得豬扒撈檬嘅 ，都大致上 有 豬扒湯檬， 因為 撈嘅 係 凍食，湯嘅係熱食 湯嘅比較啱老人家食， 炸豬扒好香口再加埋花生粒， 豬扒整得好好味， 但感覺好熱氣， 好彩佢加咗好多 生菜 落去 啱啱好均勻返， 米 糕都好食可惜面頭太多醬 料 醬汁 已經冇咗米糕嘅味 個米紙卷餡料整得 新鮮有口感 整得唔錯，但係 米紙太 厚身唔可以一件個食 用咬兩口， 我第一件一啖 過 食，然後個咪仔黏住個上顎， 然後因為 米紙太厚太 靭 米 紙吞咗一半 斷唔到 另一半 同埋啲 餡料 kick實 留咗喺口腔， 真係玩死人， 真係前無去路後無退路 差啲哽親， 杯玫瑰紅糖桂圓茶都幾好飲 值得叫。

若不是繁忙時間到錦麗，基本上不用排隊，許多時還可選擇喜歡的座位🔰錦麗綜合粉$66，有生牛肉、牛丸、和3件牛腩塊(即是熟牛肉)，個人喜歡走蔥🔰河粉一上桌，即時將生牛肉浸進熱湯裏，熟後要快吃，這才可吃到質嫩的牛肉，若浸耐些，可能會有點嚡或吃不到最嫩的時刻；3塊牛腩中有兩塊肉質嫩、淋😋😋😋，有1塊較嚡🔰錦麗牛丸粉$60，有驚喜的是自家製的牛丸🤩🤩🤩，爽口彈牙，牛味香濃，咬開時，會見到令立立的油脂分布整粒牛丸，仔細再看，會見到數粒狀似啫哩的小牛筋粒，這都是令牛丸質感豐富，配搭滑溜的幼河粉，實在太好味🥳🔰每張枱的貼紙，都介紹湯底是濃郁的牛湯，喝一口時，真的不錯👏🏼

這間出名食越南牛肉粉既連鎖餐廳，在yoho mall開張之後就一直要排隊先有得食，難得今日不用排隊，就去試下。餐廳呈半開放式設計，就在中庭位置，座位不算太多，裝修簡約，餐牌選擇不是太多，粉麵類有綜合粉、生/熟牛肉粉、牛丸粉，綜合粉就是全部配料都有，既有生/熟牛肉，亦有牛丸。點了生熟牛肉粉，湯底清甜，有香濃牛肉味，不會太咸，生牛肉片是一片片薄薄的，肉質軟熟，而熟牛肉就比較厚身，有口感。每碗粉會跟一杯配菜，有生芽菜、香葉、辣椒和青檸。

今日午飯時間，經過錦麗門口，比食物香味吸引左入去。試吓呢個大🦐扎肉撈檬。見賣相都知好靚仔，蝦好大隻、鮮味、爽甜。扎肉很地道,又彈牙。撈檬有好多種配料，口感多層次、好Flesh, 色彩繽紛，今餐滿足左我個胃同對眼！

#香芧雞翼撈檬 ⭐️⭐️⭐️⭐️⭐️#生熟牛肉河⭐️⭐️⭐️⭐️⭐️#牛油炸雞翼⭐️⭐️⭐️⭐️真心覺得食唔停口，重點係午餐唔洗排隊🔥平時晚市開就排到好長好長，所以唔洗排隊係好難得既事，佢仲有早餐食而且都係有質素。⭕️雞翼好香好脆好入味真係食唔停口⭕️撈檬同平時餐廳唔同，佢加埋肉鬆更加好食⭕️湯底非常濃郁，河粉加埋湯食好入味一d 都唔dry ❌雖然份量有點少，唔係好夠喉好想繼續食😂整體來講係好食，如果喜歡食濃味既絕對要試呢間。

今晚終於決定去品嚐這間以越南粉及小食為主的餐廳，因我曾風聞它的美食能令人難以忘懷㗎! 嘩，真係咁利害?!我點了三樣東西，包括錦麗熟牛肉粉 、法式牛油雞翼及越式滴漏咖啡。首先要讚的是其熟牛肉粉，牛肉好嫩，粉又滑，其味無比呀，值得一試再試。至於法式牛油雞翼，就蒜頭味太重，而且外表很油膩，食落就更油膩，令我條金脷，都被油遮蓋，不能發揮正常作用。最後，來一杯越式滴漏咖啡，確實好飲，很甜，很有咖啡味。整體上是可以的，多謝廚師之熟牛肉粉，確實是精彩絕倫之佳作。

住開元朗附近，次次經過yoho mall見到呢間錦麗都好多人排隊，雖然知有好多間分店，但就一次都未試過。前幾日終於有時間同朋友去食，2個人各自叫左個湯河，由於我未食過既關係，貪心d叫左個雜錦湯河，試多幾樣餸!3樣餸裡面最好食就係牛丸，咬落彈牙得黎又唔會好”鞋”，而且仲食到入面仲有汁，好juicy!除左湯河，仲叫多左一樣小食春捲，同樣都好好食!2個人其實各自叫一個湯河，再加一個小食都已經夠飽了~下次再食既話會試下食雞翼♡

剛開業時，晚飯時間每家分店都排滿了人龍，所以待沒人排隊時才來嘗試。這裏的越南河粉選擇不多，只有牛肉沒有豬肉，所以並不適合戒牛的朋友。每一碗河粉都有洋蔥、青蔥等基本配料，如果不需要的話可以提前說。桌面也擺放了各種醬料，另外辣椒、芽菜等配料則是隨個人喜好而自行添加。 熟牛肉粉牛肉偏半肥瘦，每一口都啖啖肉，牛肉香味濃。湯底偏油膩，但越南菜大概都是這樣。牛丸粉手打牛丸非常彈牙，每口咬下去牛肉汁都會四溢，肉汁香濃。

唔係間間錦麗都有早餐食，元朗係其中一間提供早餐的分店。 店內還裝舒適， 如果星期六日光顧，排隊需時大約預十至15分鐘。 早餐只提供至10點30分，想試嘅朋友就要早啲去。每次必點香辣肉碎米粉，加法包炒蛋，先講米粉，用上銀絲米粉，口感Q彈，一試愛上；肉碎味道濃郁，帶點微辣，令喜歡辣的朋友胃口大開；再形容下別樹一格的法包，用牛油果醬代替一般茶餐廳的牛油，食落感覺清新健康；炒蛋 加入金不換的香草味， 但絕不會掩蓋其蛋香， 具越南風味。

仲記得平時行過錦麗好多人等位😬咁岩今日6:30未到食飯時間未有咁多人 即刻衝去拎位食😎今日叫左一碗錦麗綜合粉同雞肉米紙卷綜合粉有生熟牛肉同牛丸生牛肉同牛丸好食👍🏻牛味好重熟牛肉比較韌🙊個湯低味道係好濃郁既牛湯但略嫌油太多如果可以減少油就更加好雞肉米紙卷第一次食類似春卷不過質感有小小不同 還可以接受啦🙆🏻‍♀️

閒日去開元朗, 試下這間新開的越南餐廳。主食河粉選擇唔多，都是生/熟牛肉/牛丸。於是我們就點了一個熟牛肉粉和一個牛丸粉。湯底好清，好重牛味，食得出係好多牛骨熬制，食完唔會好口渴，唔會好大味留係個口度，應該無加味精。牛肉普普通通，不過牛丸就好出色，好鮮味，爽口彈牙。下次可以考慮試食綜合粉就試哂牛肉同牛丸。

午飯時間，我們都不太餓。原來想吃個米線，路過錦麗時發現排隊人數比平時少，就進去嚐鮮。主食選擇比較單一，就是生牛肉、熟牛肉和牛丸（互併）的牛骨湯河粉。最新推介就有香茅豬扒撈濛和大蝦扎肉撈濛。不太餓的關係，我選擇了牛丸湯河，而女朋友點了個大蝦扎肉撈濛。小米卷和雞翼等小食好像很吸引，但是都沒有點小食和飲品。牛丸牛骨湯河，濃郁的牛骨湯、清新的芽菜，還有非一般的牛丸，彈牙、味道比一般吃到牛丸更好吃。女朋友說她的大蝦扎肉撈濛的大蝦很鮮很好吃。

友人想找個舒適的地方吃麵，想起了一家專門店，專門店主理越式牛肉，便走去試試。凍鹹檸青檸梳打$25將材料拌勻，令鹹檸和青檸出味，味道濃、夠凍、非常清涼!錦麗牛丸粉$60先試湯底，確是清澈及鮮甜，再跟餐抬上的指示加入配料進餐。配料新鮮、河粉爽滑、牛丸內有透明小粒，似是筋狀，但因為太細粒難以辨別，這些小粒確實令牛丸口感爽兼有彈性!大蝦扎肉撈檬$65二話不說的將魚露全部撈進碗內，少少辣少少酸，幾惹味。加上青瓜絲、蘿蔔絲、花生、肉鬆及牛油果等，味道和口感豐富，只是蝦較為細隻!越式炸春卷$38春卷炸得香脆，餡料一目了然，又可用生菜包着一起吃，加添魚露，香口惹味又抵食!每件包得各有特色