錦麗 (上水廣場)

營業中

休息中

經常都來這裏吃早餐，份量足，價錢合理，坐位舒適，尤其香茅豬扒特別愛吃，大多數來到都是吃這款豬扒，間中也會吃扎肉肉碎，味道也不錯，其實吃一個早餐已經很飽，（配有米粉一碗、牛角包🥐金不換炒蛋、飲品）但有時又想吃吓其他食物，又可以加6元加配，例如：6元就有兩塊厚的午餐肉、或香膓2條，還有其他食物可自由選擇👍——————-早晨美食…我最愛吃的香茅豬扒😋其實開心簡單🥳⋯⋯就在我身邊❤️．食..拍…寫已經成為我生活中的一部份🥳鍾意食…鍾意拍…鍾意寫..留下美食回憶🥰———————

點了招牌錦麗綜合粉，湯底清甜，牛骨香氣濃郁，喝起來不油膩！生牛肉片嫩滑，熟牛肉和牛丸彈牙，牛筋軟硬適中，份量十足。河粉滑溜，搭配新鮮芽菜和香草，味道層次豐富。另外試了越式炸春卷，外皮脆卜卜，內餡鮮香，沾上魚露很開胃。飲品選了香茅青檸薄荷梳打，酸甜清爽，夏天喝超解渴。店員態度友善，點餐用二維碼，方便快捷。上菜速度快，即使人多也不會等太久。餐廳裝修簡約，帶點復古越南風，坐位略為密集，但整體乾淨舒適，適合快速用餐或小聚。下午茶划算！

錦麗在上水廣場開了分店，主打越南菜，下午茶時段都唔算多人。點了三款套餐，包括主食、小食和飲品。扎肉湯河、豬扒湯河和牛腩生牛肉湯河，小食有春卷和魚餅。河粉味道普通，份量少，三款都是正常發揮。小食跟餐每款一件，飲品都是一般。以前經常食錦麗，個人感覺以前的水準比較好，但服務亦是一般。🏷️溫馨提示～ 整個用餐體驗均屬個人分享意見， 只作參考😊。錦麗(香港)地址: 香港上水龍琛路39號上水廣場4樓405-406號舖

上水廣場錦麗餐廳食評今晚我在上水廣場的錦麗餐廳用餐，整體體驗非常失望。首先，食物質素令人堪憂。我點了一碗生牛肉湯金邊粉，結果卻讓我感到非常不滿。金邊粉顯然未經充分煮熟，口感硬硬的，完全影響了整個用餐的享受。而湯底的鹹味更是過於濃烈，讓人難以下嚥，甚至影響了食欲。此外，餐廳的服務態度同樣讓人失望。在我們的用餐時間內，服務員似乎一直保持著一種急躁的狀態，像是急於收工，完全沒有對顧客的關心。這樣的氛圍使得我們在用餐時並不輕鬆，反而感到被催促，讓人很難專心享受餐點。整體來看，這次的用餐經歷讓我十分失望，無論是食物的質素還是服務的態度都未達標。以後不會再光顧這間餐廳，實在是浪費時間和金錢。希望餐廳能對食物質素和顧客服務有所改善，否則難以留住顧客。$88完全不值！

有日我點了兩個午餐，一個生牛湯河，一個咖喱豬扒飯。點餐後大概10分鐘生牛湯河到咗，但係咖喱豬扒飯等左20幾分鐘還未到。於是詢問侍應餐還有幾耐。搵了兩個侍應，只是敷衍回應，跟住完全沒有跟進。於是我再問另一位侍應，侍應過來用急速而不太友善的語氣打開餐牌問：「咁你轉唔轉？」，我心諗轉乜嘢？ 我話我點咗咖喱豬扒飯，轉乜嘢？我開頭以為係賣晒，跟住佢就話而家好多單呀唔知要等幾耐…粉麵就快啲，但完全冇交代發生咩事，淨係問我轉唔轉…我話我唔想轉仲要等幾耐，佢話唔知㗎，可能等多15-20分鐘架…個侍應全程西口西面，一開始又唔主動講發生咩事，淨係要個客喺度等，仲要當時其實餐廳唔係好多客，如果等一個餐差唔多要40幾分鐘合唔合理？最後要三催四請之下先將個餐送俾我。總括而言，呢間啲食物可以，但服務真係非常差⋯其實有少少禮貌講句我幫你跟跟，俾個預算個客要等幾耐都唔係好難咋嘛？ 真係好難怪人哋話香港餐飲業做唔住….無奈😓

今次去咗上水廣場嘅錦麗食飯，叫咗個香茅咖哩牛筋腩飯同香脆魚柳雞湯金邊粉下午茶套餐。首先講吓佢地個香茅咖哩牛筋腩飯，咖哩香味濃郁，帶有淡淡嘅香茅味，食落去好開胃，牛筋腩煮得好腍，入口即溶，配埋香噴噴嘅白飯，真係一流。而到佢地嘅香脆魚柳雞湯金邊粉下午茶套餐，魚柳炸得金黃香脆，外脆內嫩，配埋清甜嘅雞湯金邊粉，湯底鮮甜，金邊粉彈牙，食落好滿足，呢個套餐仲有小食同飲品，性價比好高。飲品方面，我試咗熱甘蔗汁同咸檸青檸梳打，熱甘蔗汁甜而不膩，好暖胃；咸檸青檸梳打清爽解渴，酸甜適中，感覺好清新。

上水廣場太少食物選項了🙂‍↕️🙂‍↕️=🍜 ||胡志明綜合粉（晚）$88||生牛肉幾嫩，牛丸好鹹，牛腩就正常質地，整體湯底真係偏鹹，但質素ok的～以連鎖餐廳來講質素都唔錯薏米水有薑味，又唔會太甜，推薦！

今日星期六，入上水同朋友辦些事，時間尚早，就在商場行吓，搵個早餐食，點知到處都有人排。比我見到間錦麗，原來佢近排開始做埋早餐，第一次有d新鮮感，不妨試吓。早晨種類有6款選擇，例如有札肉肉碎、香茅豬扒、脆魚柳、沙嗲牛肉等......仲可揀金邊粉或米粉。我揀咗扎肉金不換辣椒肉碎湯金邊粉，微微辣，札肉好好味，鮮味好彈牙，覺得金邊粉比午餐還好吃。套餐還配有牛角包和金不換炒蛋或煎蛋，牛角包熱辣辣夠酥脆，還有一杯凍檸茶，佢加多一片青檸檬，比一般檸檬茶更多鮮香味！

生牛肉湯汁濃郁,牛肉爛到化,入口即化,實在是人間美味。湯頭味道濃郁,不似一般牛肉湯那麼清淡,而且不會有太重的膩感,喝落肚子暖呼呼的。作為廣東小食的代表,小食拼盤上既有炸蝦,又有彈牙甜脆的春卷,真乃色香味俱全。炸蝦水準更是一絕,外脆內軟,不會有絲毫油膩感,令人忍不住一口接一口。春卷皮薄餡料豐富,入口即化,簡直是人間美味。店內環境整潔舒適,服務周到親切,為食客營造了愉快的用餐體驗。呢間店的生牛肉湯和小食拼盤堪稱是廣東小食的精華,值得一試!

今次好笑，去到錦麗叫左一個早餐：扎肉金不換辣椒肉碎湯金邊粉先上左飲品，牛角包及炒蛋，然後上左一碗只有肉碎的麵，我摷晒成碗麵，一個扎肉都冇，好奇咁問侍應，到底係啲肉碎係由扎肉整成，定係今日冇扎肉賣，侍應諗左一陣先話漏左上扎肉😂

打工仔用膳，叫了法包，催促後才到，由下單至食物送到足20分鐘，不追不知還要等多久，法包脆而硬，D麵包碎散，口感麻麻，需耗時才完成，時間已好急趕，埋收銀台算賬又話要等？！倍感失望，還是鄰店太興較好。

😶服務令我冇胃口下午茶時段嚟食，份量少得可憐三個大陸員工一直大聲用普通話傾計，不斷喺客人面前講其他客人壞話特別係收銀，牛仔衫應該係高級啲，態度尤其惡劣，有位客人等外賣問幾句，一走咗就講人壞話，又話唔等得唔好食啦！：）劣質員工，以後唔會食。

湯河都10分好吃， 撈檬亦都很好吃， 牛有牛味， 紅酒燴牛尾好好食，火車頭亦好好食， 性價比好高嘅越南餐廳， 香港人其實唔需要下下都上深圳消費， 其實香港都有好多優質嘅餐廳， 價錢唔係貴， 服務亦都好好

新增了早餐，吃了沙爹牛肉米。沙爹有香茅同蝦米碎，有別於一般茶餐廳口味，幾有新鲜感，牛肉也滑，米粉是幼身軟滑純粘米那種，我喜歡。要讚他的牛角包，鲜香脆熱，無求奇，今時今日如此質素$42算抵食，仲要好食。

講到食越南粉「錦麗」是一個很好的選擇，榮獲米芝蓮2023必比登推介，現在更有羅蘭姐的肖象加持感覺更加親切。行完山乘車到上水廣場，正想吃個下午茶，竟然見到「Pho le」 很開心啊。下午茶order了我最愛的「錦麗生牛肉粉」加一個小食和一杯飲料，我哋加咗春卷和魚餅，春卷爽脆，魚餅彈牙。生牛肉粉上台時已經有牛肉香味，個湯清澈不油膩，品嚐一口清甜有牛肉的香味，牛肉還是帶粉紅的嫩嫩的，加上洋蔥的甜，河粉吸收了湯的精華，有質感有味道。下午茶的份量當然比正價少，但也不錯。餐飲加錢叫了珍多冰，每次都保持水準，濃香的椰汁加上開邊綠豆、珍多等，甜美飽肚。