銘興山西刀削麵 (黃埔新邨) (已結業)

So pleased to find this place in Whampoa.Service quick and efficient, a must for a work day lunch.Offer soup noodles and tossed noodles, the speciality is knife cut noodles.Chose the soup noodles with cuttlefish balls.Cuttlefish fishballs were a good size and had a nice firm texture. Noodles were chewy and did not go mushy.The other bowl we tried was the 'mala' spicy chicken steak with soup noodles.Generous portion with the chicken steak nice and juicy. Spicy sauce is on the hot side.Restaurant

依間刀削面真係黃埔少有食完肯回頭既鋪頭 足料 好味!最推介係花雕醉雞刀削面 每次食佢都係比雞脾肉 仲有溏心蛋一隻 夠香夠大份雖然都鐘意麻辣香雞 但略嫌雞肉量唔夠醉雞多總括黎講係抵食既

老公同我都好鍾意食麵， 我哋兩個都好鍾意呢間店， 我哋食過幾次嘅係金沙骨同牛根腩。 牛根腩次次都好入味，偶爾可能煮太耐而食落有啲油同過淋，有時太夜去會賣哂；三件金沙骨係即叫即炸，因為中間舊骨好大成日覺得唔夠喉。每個餸有麻辣汁，真係好好好好味 .....唯一係佢有啲蒜蓉，如果晏晝食可能要叫佢走蒜。 啲汁再倒落個湯麵到，好正！ 啲麵好紮實，所以睇落雖然好少，但每次食到頂胃。連老公食量大嘅都食唔哂。 最後不得不提嘅，就係佢哋嘅醃蘿蔔，可以任食😋 會繼續光顧的

-{黃埔刀削拌麵😙}平時刀削麵淨係食759嘅 第一次食刀削麵試專門店 嗌個出名嘅手撕雞試😋🤤熱拌手撕雞刀削麵🤤($48)勁大碗個碗仲要幾深😂😂撈完出黎啱啱手撕雞好足料！刀削麵食得出係手切 係厚薄不一嘅 感覺食左好多麵粉所以好飽下👀👖褲評: 8.3/10午市包熱飲價錢相宜 好鬼大碗食極都食唔曬咁😂到12點半都開始多人排 唔想排就早d食~仲有任食嘅醃蘿蔔幾開胃🥳性價比: 8.5/10服務: 7.8/10環境: 7.5/10🚩銘興山西刀削麵 🚩地址: 大角咀埃華街89-105號大同新邨L座大衛樓地下4B號舖紅磡黃埔新邨德民街36號地下C舖#fuudjai #fuudjai中式 #fuudjai大角咀 #fuudjai黃埔 #fuudjai紅磡

呢間刀削麵試過兩次，兩次都覺得好好味，係正中的山西菜。醉雞肉質好嫩，而且刀削麵好有咬口，好煙韌，而且好大碗。我同朋友仔都食唔曬，如果細食既女士可能叫少面會比較好。另外叫左個熱拌雞扒刀削麵好好味雞扒外皮好脆而且熱辣辣，味道剛剛好。熱拌麵有啲麻辣，好過癮。最緊要係叫咁多野都係百零蚊就埋到單，仲送兩杯熱飲。服務態度都好好，個姨姨好有禮貌咁推薦我地食咩嘢，上菜又好快手。總體來講真係不錯，之後一定會繼續幫襯。

因為住附近間唔中都有幫襯，一直覺得都唔錯，價錢實惠，分量合理，係堂食就坐得迫啲。因疫情關係昨晚買外賣回家，叫了一個雞扒和一個豬頸肉熱拌麵，雞扒好難食，豬頸肉還可以。同店員講話要一份油菜，佢話要$18 ，我話上次叫外賣加$9有一份油菜，佢話$9的油菜份量很少，因我們有兩個人建議要$18 ，份量多很多，咁我哋聽佢講，回家後發現油菜和上次加$9的份量是一樣的，好心做街坊生意就唔好咁唔老實，我以後唔會再幫襯。

今次叫左個招牌雞湯麵都幾抵食，有1/3隻雞，湯有微微既酒味，另外下午茶有跟埋野飲～而且仲見到師傅即製都幾funny~食完都覺得飽，最好食係有酸蘿蔔食，個人梨講超鐘意食

第一次堂食，可以講埋環境服務😛小編由舊舖食到新鋪，人流爭好遠，依加多咗勁多人食，次次都要等位😆一黎間鋪細咗，二黎可能裝修靚咗，吸引埋後生仔黎食✨啲姨姨全部都好好人，不過就比較遴迍，成日撞到人(間鋪太細)同落錯單，場面係十級混亂😂但當你見到個價錢，份量再加埋味道，就會覺得冇乜所謂😈.🍜熱拌手撕雞刀削麵之前次次都去食刀削麵，今次小編試咗熱拌(轉薯粉)🤩一開頭見到碗野喺度諗，啲料夾唔夾架，結果唔單止夾，仲比我想像中好食🥳同埋食呢一間刀削麵，一定唔可以走辣，麻辣係佢地招牌黎，超 級 開 胃🤤同埋份量好多，尤其係啲餸，細食嘅可以兩個人share一個餐🤭以下係小編極力推介嘅餸(排名不分先後)1️⃣口水雞2️⃣牛筋腩3️⃣豬軟骨4️⃣豬扒.🍽味道: 3.6/5🏙環境: 2.6/5‍👨🏼‍🍳服務: 4/5💧衛生: 3.4/5💰價錢: 4/5

本身見到網上有人推介哩間野 滿心期待入到去 結果俾錢買難受 一開始佢地要我地撘枱已經覺得好無奈 疫情期間連塊板都冇隔住 之後落單落錯左 落單個個過哩仲要語氣勁差 再上過碗麵既時候 好似扔碗麵落枱咁 唔會再幫襯

經過紅磡，唔知食乜好，就誤打誤撞入左黎食！發現呢間餐廳既下午茶抵到爛大概HK$28~HK$30已經碗面+熱飲!呢個價錢真係唔知去邊到搵而且仲要係食刀削面WO~於是我叫左，湯底咸味適中，但麻辣唔算好勁，但我諗可以再叫佢添Ｄ麻辣醬既～而豬軟骨有兩大塊，都好厚身，同埋非常入味～真係物超所值呀！不過刀削面面質比較偏硬，我自己本身就鍾意食淋Ｄ既面～但整體黎講，真係好抵～價錢咁平就唔好要求太多了！所以，下次我都會再黎既～～

原本唔打算再寫尼間小店嘅食評，所以一開頭連相都無影！食到一半覺得佢嘅下午茶真系好低食！覺得值得再一次嘉許所以食到一半先影相再一次推介下午茶餐麻辣豬軟骨刀削麵$28，都有三大嚿豬軟骨，豬軟骨煮得好琳！再加上佢嘅酸蘿蔔好爽脆再后嘆埋杯熱檸茶閒日下午茶唔算多人！而主要負責樓面嘅姐姐都好有禮貌見佢主餐牌換咗仲以為茶餐一定加咗價點知下午茶餐原來無變過

之前附近有兩間食開既刀削麵都係機削，總覺得麵質差點什麼的，有一間已經沒去，另一間我都改吃菜飯，但前陣子已經關了。這間在小巷的隱世刀削麵店，午飯時段好多人等位，坐在裡頭才看到師傅一直搓麵團，一直削麵（很忙喔！）麵條由人手削係唔同啲，每條麵的厚度粗度長度都唔一樣，質感咬口都唔同，讚！麻辣東坡肉刀削麵 $43 半肥瘦東坡肉都幾邪惡，雖然未去到入口即溶，但最緊要係唔柴皮同唔痴牙。我喜歡將蒜及辣撈麵食，正！豬軟骨刀削麵 $43 好大舊豬軟骨，夠淋夠脆口，正！每碗麵配熱飲免費，凍飲加$3，真係好抵食，CP值高！下次要試下拌麵同其他餸！

舖面唔算大 不過食物吸引！點了個 「花鵰醉雞配刀削麵」刀削麵湯底約好飲 （幾乎飲哂）麵份量都多呀。係出面嘅份量再多少少 反正夠飽。麵有略厚 不過麵質係幾好。睇到窗口師傅親手片啲麵落湯寫。睇到辛苦手工嘢 ， 覺得有一份味道係度另外醉雞 重點係有花鵰味 但酒味唔濃。仲要有花鵰酒味之餘雞都做到有味，幾好👍🏻份量嚟講都好好㗎 雞有切開 我以為一邊切咗雞髀一邊雞胸，原來唔係。係兩邊都雞髀👍🏻好食。朋友點了一份麻辣手撕雞刀削麵，手撕雞試了幾口的確唔錯，下次去可以試一卜

今日午餐時間 同同事到呢間餐廳食飯開頭見門口幾多人排隊 等左一陣先有位 一坐低 唔夠5分鐘 已經分別有兩個侍應 想幫我地落單 我點左手撕雞加湯刀削麵 同事點左花雕醉雞湯刀削麵手撕雞份量十足嘅手撕雞 我叫咗小辣 辣度足夠 幾惹味 口感一流 配埋花生 青瓜絲 簡直絕配 花雕醉雞真係份量十足 酒味同埋雞味配搭一絕 食落好夾 仲有一隻鹵水蛋 出色刀削麵湯底好味幾清新 面底幾有口感同彈牙 份量都足夠 手撕雞餐 $43 簡直超值 仲有熱飲跟埋 超級推介 下次會黎試 口水雞

紅磡出名食物選擇多，這天午餐食甚麼好？朋友就介紹了一間他久不久會食的刀削麵小店，就買了外賣試試。根據朋友的推介，我點了麻辣牛筋腩冷刀削麵($48)。一打開蓋香味撲鼻：有麻、有辣，有些清新的氣味，又有些濃郁的味道，同時飄來惹味的風味，讓人急不及待要開餐了。看樣子份量正常，但原來拌起來份量都有幾多，裝得滿滿的刀削麵有一定的粗度和厚度，我喜歡麵煮得不會很淋，保留少許咬口；拌着豐富又濃味的醬汁，少少麻，特别是有生蒜的香辣，青瓜絲帶來的清新，食到停不到口，非常惹味牛筋腩有大約四條，每條都是程長型，有牛腩黏着一些牛筋的。每一條牛筋腩都做得幾淋，幾容易咬，牛味突出。雖然一條牛筋腩裡肉的比例比筋多一點，但因爲做得軟淋所以也不用太擔心會黏牙。刀削麵有適當的粗度，不會太厚令口感太粉，保留少許質感不會糊口。然而，沾上香辣惹味的醬汁跟讓人難以抗拒的蒜香味，會一啖一啖的放進口裡，重口味得來又滿足自問都算是一個大食的女仔，這碗刀削麵一直吃，都好像吃不完的似；除了份量多，裡面的材料都幾飽肚，直至晚餐時分我還是不肚餓，可想是多麼足料。食量一般，或者細食的朋友，點正常份量時要先「三思」邪惡的味道讓人難忘，下次我也會特意