銓仔記

營業中

休息中

先食雞煲，再打邊爐。聽過無數次，很慚愧，本人真係第一次。因為同行友人唔食辣，於是叫左奇味雞煲。雞煲捧上黎已經好香，有大量香料同埋我最中意的洋蔥和芫茜。食落真係啖啖肉，味道農業，正。食到差唔多，我地放湯落個煲開始打邊爐。加埋原來個雞煲，成個邊爐變得味道香濃，唔使點醬油都夠味。叫左一碟大安格斯肥牛，雪花比例完美，牛味回甘，係上等靚貨。雖然係任食，但我地食量唔大，於是隨便叫左D丸。有魚蛋，貢丸，芝心丸，芝士腸，豬紅，雲吞等。芝士丸一定要試，裡面勁多芝士。蔬菜方面，我地叫左金針菇，生菜同埋芫茜。樣樣配料都好新鮮湯抵又美味，大家食得好開心！值得一提係醬油配菜飲品都係全自助。飲品啤酒應有盡有，店家好大度，貨量大而且補充即時，贊！食得好滿足，一定要介紹朋友再黎！

自從大元邨間邊爐冇左之後, O係大埔都冇乜又抵又好食既邊爐..但直至朋友介紹呢間, 趁天氣涼返, 去打邊爐就真係非常岩!!2小時任飲任食, 價錢都幾抵!店內唔算好大, 但原來有上一層, 食緊之際都有D大group既客, 地方應該好足夠大班朋友一齊黎烚下烚下~睇到D雞煲既相都覺得好吸引!餐廳亦有其他小菜~叫完野就去睇下有咩飲先!飲品選擇都好多!! 紙包罐裝都有~仲有竹蔗茅根! 健康之選, 梗係唔好錯過.拎完野飲再混個醬~坐左陣, 先上雞煲~胡椒咸菜豬肚雞煲個湯底好惹味! 酸酸meimei, 我地既至愛!仲有好多咸菜, 豬肚同枝竹~豬肚冇異味, 枝竹又索哂D湯汁, 正!不得不提, 雞肉既份量好多, 而且十分有驚喜! 曾經食過一次雞煲, D雞肉好鞋口, 但呢度完全唔會!!D雞好滑, 同埋真係啖啖肉!仲有好多咸菜, 豬肚同枝竹~豬肚冇異味, 枝竹又索哂D湯汁, 正!係到咁上下, 就放D料打邊爐喇!先黎D即刻食得既香口野~響鈴好鬆脆! 推介!其他食材都十分新鮮, 選擇都好大路岩食!Overall, 十分推介呢間餐廳!! 性價比相當高岩哂鍾意打邊爐既我呀!!

有一個大埔朋友推介左呢間餐廳俾我，今日就同屋企人嚟呢度食晚飯。我哋六點鐘到，價錢係大人$138，小童$88。但看價錢已經覺得超級抵食。我哋首先order咗個「奇味雞煲」。呢個雞煲係唔辣嘅因為要就返小朋友。餐廳俾咗一隻雞我哋， 份量好多！雞肉肉質嫩滑，醬汁甜甜地鹹鹹地好味道👍，加上大量芫茜，紫洋蔥，及其他香料，一邊炒一邊聞到勁香勁流口水！呢個雞煲真係要俾個讚佢！食完雞煲就開始打邊爐。店員先幫我地加湯。我地第一round叫了：美國肥牛，芝心丸，墨魚丸，牛丸，芝士腸。 美國肥牛雖然帶點肥但是很好吃。其他食物質素平均，不錯吃。第二Round叫了: 菜肉雲吞，韮菜餃，芝心丸。韮菜餃和菜肉雲吞聽聞是自家製所以特別大件和飽滿。我比較喜歡韮菜餃因為裡面有大量韮菜和少少肉正合我心意。另外我地覺得芝心丸幾好味所以我地叫多次。菜類我地叫左：芫茜，金菇，唐生菜，全部很新鮮。我哋見價錢咁優惠就加錢散叫左叫咗個安格斯肥牛。肉質鮮嫩，有牛味，有口感，不錯不錯👍啤酒汽水還有紙包飲品，及自家製竹庶茅根，是任飲的！醬料區另外想讚讚有個女仔店員斯文有禮態度殷勤。此火鍋店雖然沒有華麗裝修，但係有親切的感覺，值得再光顧的！

大埔朋友應該都未必好知呢間「銓仔記」街坊就應該知啦~係東昌街條行 門口唔係好大 但都有2層架!!!價錢唔貴 每位只係$138 任食任飲 有好多啤酒!!!有自家製竹蔗茅根 唔會好甜~正常就食完雞煲加湯打邊爐 不過我地+20 要左藥膳 變左一黎就打邊爐好在材料豐富 雞肉仲嫩滑!配菜款式多 都係任點 打邊爐點少得叫肥牛款款都唔差 幾新鮮架~響鈴細細嚿岩岩好~D丸就好彈牙~~~最好最好既係每款配菜都可以逐件叫 佢真係1件1件執比你架~大家可以預返自己份量叫~       

最近迷上雞煲 貪佢有得食惹味雞煲 又可以任食打邊爐 經濟又實惠今日嚟到大埔 大埔墟附近嘅呢間銓仔記 價錢唔貴 又唔使等位 可以算係係街坊食堂 裝修易都好平民化 乾乾淨淨坐得幾舒服正常晚飯時間 2小時任飲任食都係$148一位 仲要加一 呢個時候邊度搵到？奇味雞煲 非常惹味 雞肉煮得嫩滑 而且入味加錢仲可以改為酸菜烤魚 用上鉗魚非常少見 而且肉質嫩滑 索曬酸菜味 魚肉煮極都唔爛 好鮮甜 好食 食完雞煲就可以加清湯打邊爐 用料一般無乜特別 勝在款式多 但其中最滿意嘅就係響鈴 細細嚿非常鬆脆 一口size食落岩岩好另外加錢嘅安格斯肥牛 勁大碟 油花好靚食得過

天色陰暗，又開始凍返，即刻想打邊爐暖暖身。係屋企附近四圍行吓發現大埔墟呢一間任食雞煲好似好香好吸引，百幾蚊一位好抵食，就行咗入去同女朋友開餐。我哋叫咗大辣至尊麻辣雞煲，兩個人有半隻。一上枱，比想像中多雞件！同單點鋪頭嘅一隻雞有得比！女朋友最鍾意食嘅紫洋蔥都夠多，正。呢度嘅大辣，麻比辣多，做惹味又唔會食得辛苦，估計係用麻椒粉去炒，所以味道夠之餘又唔會食到一粒粒麻椒。食完雞煲都飽咗一半，睇吓剩低嘅香料，以任食來講食到咁嘅質素嘅雞煲實在冇得頂！之後就加湯打邊爐，每一款配菜都可以逐件叫，方便就返自己份量，唔係廚房根據人數執俾你，每款可以試少少幾好。肥牛等質素正常。韭菜餃以為係來貨上枱仲係結左冰，但食落相當有驚喜，餡有多種打碎嘅配料，好似媽媽自家製水餃咁，好多汁！另外估唔到嘅就係有自家炸響鈴，又香又脆，任食少見！飲品方面選擇都唔少，啤酒都有四個唔同嘅品牌。總括嚟講呢間任食雞煲性價比相當高，見隔離枱加錢叫美國安格斯肥牛都好靚仔，下次多啲人嚟一齊試吓先。

一直都唔知原來呢度開左間雞煲，$138 任食其實唔貴，如果星期五/六/日都係加$10。經店員推介，我地揀左3號烤味雞煲，比平時嘅麻辣雞煲多左一陣烤焦味，唔會話好燶。🍀烤味雞煲基本上雞煲已經煮熟左，好快已經食得。🍀椒鹽一口粟米期間友人見到menu有好多小食，我地就叫左個椒鹽一口粟米試下，食落香口得黎又有驚喜。🍀竹蔗茅根野飲係任飲自己去攞，有汽水有包裝飲品例如檸檬茶，平時外面要加錢叫，而家有得揀，當然試下自家制嘅竹蔗茅根，都幾清甜。食晒雞先加湯打邊爐，呢度叫配料係一件件咁叫，其實都幾好，唔會叫太多食唔晒，肥牛/響鈴/餃類都唔錯，最後加個烏冬都飽晒。整體黎講$138呢個價錢真係唔錯，難得呢個價錢已經食到咁多種類。👍🏻👍🏻👍🏻

最近好忙，每天都忙到沒時間食飯，出文的頻率都慢了很多～但辛苦一輪後，當然要好好獎賞自己！朋友推介去大埔吃CP值超高的雞煲，一人只要$138😳我當然不會錯過啦！——————————🔸至尊麻辣雞煲 (小辣) $138雞煲當然要食辣啦！所以叫了傳統的至尊麻辣雞煲。雞上有大量芫茜、芹菜、洋蔥、蒜頭及辣椒，聞起來超香！相比其他連鎖的雞煲店，這裏的雞件外皮更香又爽脆，肉質嫩滑，火候控制得剛剛好！整體味道不錯，不會太鹹；雖然越食越辣，甚至嘴唇都有點麻，不過麻得過癮！👄👅任食配料選擇多，除了有基本的肉、丸和菜之外，本人大推炸響鈴和韭菜餃🥟，皆因它們都是餐廳自家炮製！響鈴新鮮即炸，上菜還有點熱，完全不似其他店有油益味；韭菜餃則是每日現包，粒粒都好飽滿，非常好食😋想更飽肚的話，記住點紅薯粉，粉條吸滿湯底精華，超正！🔹安格斯肥牛 (細) $148本身沒有打算加錢吃安格斯肥牛，但看到牆上那張雪花紋牛肉的相片，真的忍不住了🤤每塊肥牛都是雪花紋，油花分布很平均，吃下去牛味超香、肉質超嫩，完全不油膩，的確沒有叫錯😍🔸椒鹽一口粟米 $48📍本身很喜歡吃粟米，特愛它清爽甜甜的味道❤️但沒想過用椒鹽炒粟米，居然是那麼夾！一

身為大埔地膽 一定要試晒大埔人點名讚好嘅餐廳係大埔墟被受吹棒嘅雞煲 今次就約埋姐妹一齊試 地理位置都好方便 一講大家都知點去 晚市好多人 不過我地兩個人好易安排到位價格非常親民 $138雞煲加任食火鍋 淨係雞煲已經有六款味道可以選擇 仲有一款羊腩煲 兩款烤魚 真係令人心大心細 最後我地揀咗胡椒鹹菜豬肚雞窩 貪佢既可以嘆到胡椒豬肚湯又食到鮮雞煲雞煲上檯就聞到濃香胡椒味 真係流晒口水咸菜豬肚滿煲 雞件嫩滑又數量多 雞肉保留到本來肉汁之餘 更吸收大量胡椒湯再加埋入晒味嘅枝竹 從來無想過兩者會係咁夾 建議最後先飲湯 否則會好快飽 因為有湯底 所以就算雞煲未食完都可以開始打邊爐打邊爐一定食牛 今次食高質安格斯肥牛 目測一碟大概16片 兩個人食啱啱好肥牛雪花均勻 唔會過肥 或者過瘦無口感大概淥15秒後食 入口即溶 口腔留有醇香牛味最欣賞任點任食部分 可以選擇點單件倒如芝士丸我點2粒 娃娃菜點3棵 食幾多點幾多 唔會做成浪費食物 又能夠試多幾款 飲品都係自助形式 打開雪櫃就可以自取 汽水 果汁 茶飲 一應俱全 啤酒就額外收費 但就一定要試餐廳自製竹庶水 每渣都見到竹庶 粟米 紅蘿白 絕對真材實料 竹

大埔廣福道不嬲都好多美食，今次去咗一間好多人去嘅雞煲店，因為佢又平又好食，我平日7點幾去到，成人都只係收$138一位，有成9款煲揀🤤 我揀咗烤味雞煲，有少少辣嘅，啲雞超級香，醬汁夠濃、惹味，而且每舊雞都切到細細舊，好易入口👌🏻配料呢，呢到好特別，肉係每片咁落單，丸就係每粒咁落，方便客人準確預好份量，唔會浪費👍🏻飲品都好多選擇，除咗普通罐裝同紙包飲品外，呢到仲有自製嘅竹蔗茅根任飲，有心思！最後食到意猶未盡，友人提議試試佢哋嘅小食，酥炸廣島蠔 $88，由於係即叫即整，上枱時啱啱炸起嘅香味飄哂出嚟，咬落去好酥脆，原本已經飽到上心口嘅我，都忍唔住食咗3隻🤫⁣如果你鍾意睇我嘅食評，不妨關注我，支持吓我，謝謝你☺️💕

大埔朋友又帶我去食好西，今次就帶我到一間CP值極高的火鍋店，名為「銓仔記」位於大埔東昌街4號地舖，位置都幾方便而且好容易就會搵到。點解話CP值極高呢？因為呢度每位都只係$138，有雞煲+火鍋+任飲任食，請問邊度可以有咁平嘅美食呢～就在銓仔記可以做到。先講餐廳外觀好一般，同一般食雞煲餐廳一樣冇咩特別豪華裝修，街坊味重，好親民呀！今次點了奇味雞煲+BB辣，問了侍應哥哥咩叫奇味，其實係沙爹醬+南乳混合已成，味道又幾好喎，又濃好又香，BB辣又唔會太辣，可以接受喎。材料又豐富，雞肉嫩滑，果然唔錯，推介!火鍋配菜都係任點，因食咗個雞煲都已經7成飽，我都就叫咗少量肥牛，芝士丸同蔬菜。嘩~唔好以為佢哋會畀cheap野，每款樣樣都好得，肥牛算合格，芝士丸好好味，超彈牙有夠芝士味，蔬菜未食睇都知道新鮮啦。大大力推介，佢哋嘅即叫即製嘅響鈴，上檯都feel到佢熱架，即食或落湯食都一樣咁得，好正呀！最後我加個烏冬，我要索埋湯底嘅辣味，烏冬都好滑加埋湯一齊價夠惹味!最後又忍唔住見到隔離檯食緊38蚊一碟的冷盤雲耳，我都叫埋一份，勁辛辣超過癮。整體上「銓仔記」汽水啤酒任飲任食2小時，仲有醬汁配料都任你拎，每位都係$1

唔係誇張，平日既我係唔食粟米！但呢個粟米真係炸得超級宇宙無敵咁好味😭我一路食，一路講左好多次：好好味😆😆😆--入翻正題，今日去呢間親呢既火鍋店打邊爐有幸試到當中既椒鹽粟米覺得太好食所以決定要先表揚😂😂-講翻個雞煲先，因為我同媽媽都係唔食得辣，又鍾意食咸菜豬肚所以就緊係揀胡椒咸菜豬肚雞窩☺️-平日一人$138任飲任食，個價錢抵到咁邊度搵？所以我同媽媽本身既期望都唔高--飲品方面有汽水，紙包飲杯，仲有蔗汁水一大壺下下火，睇相就知真材實料❤️❤️❤️-個雞煲真係好足料，又香胡椒味我同媽媽兩個人食一大煲胡椒豬肚雞煲食完已經好滿足🥰感覺好養生咸菜又唔係死咸，雞肉嫩滑👍🏻👍🏻-好特別既係，呢度既配料係以件做單位一件豬紅、一件魚皮餃之類食幾多點幾多👍🏻 呢種方法唔錯，唔怕浪費食物-加錢 $12就有一大隻廣島蠔👅鮮甜厚肉！-見到牆上果張安格斯肥牛相，忍唔住叫碟細安格斯果然真相同圖片一樣，雪花啊😛❤️睇到都流口水，食落好香牛味🥳🥳🥳雪花紋靚到呢。。。-我又口痕忍唔住叫份尖椒皮蛋食，惹味，又流心🤤🤤🤤好想encore但真係好飽了-最後最後，我決定首尾呼應！再度表揚呢碟椒鹽一口粟米😍😍😍😍外皮炸到好香脆可口，絕對唔厚

住咗咁耐大埔都試過區內幾間雞煲不過呢間又真係未試過喎位置其實都算易搵就係大埔墟馬會過馬路過對面既一條內街入面價錢明碼實價坐位與坐位之間唔逼朋友未到 先叫一款餐前小食尖椒皮蛋香脆尖椒醬及花生碎鋪滿皮蛋上微微既味道刺激我既味蕾呀我地揀咗至尊麻辣雞煲揀咗bb辣咋，唔敢揀太辣有紅洋蔥、大量芫茜雞件帶微香辣，夠麻味呀而且雞件都多嫁、而且大件厚肉所以呢一煲真係好抵食，食完個雞煲都已經飽飽地😅我地都係叫咗小量配料咋，火鍋配料都係任點任食梗係唔好叫得咁過份，浪費食物啦我地都怕食唔哂，所以配料都係叫左小小配料質素平均，除咗個肥牛，真係肥咗小小最後我地都另外再加一碟安格斯肥牛 細碟$148紋理好靚，油脂分布都好平均仲有香濃既牛味呀整體黎講呢間雞煲價錢一點都唔貴，仲可以任食兩個鐘👍🏻👍🏻

今次又係我第二次嚟呢度任食放縱😝——————————————————————-呢度啲菜真係好新鮮。一棵爛都冇。飲品有酒同埋有維他嘅嘢飲，又有電視睇又有Wi-Fi。每次放假都會選擇嚟呢度同男友一齊食。仲有廣島蠔另叫都好大隻。正呀。 。。。。。。。呢度啲服務員態度好好，真心講有邊間可以做到。

去完鐵路博物館，係附近搵食Search到有間新開雞煲小店汽水罐裝啤酒任飲，價錢唔貴最鍾意個竹蔗茅根，係自家製唔會好甜又可解辣，打邊爐好啱飲我地都想食辣 揀左麻辣雞煲其實都幾想試個胡椒豬肚雞如果有鴛鴦窩可以雙拼就好la不過麻辣窩都無令我地失望雞煲有芫茜，芹菜，洋蔥，蒜頭麻，辣味都好足加熱煲滾後好香，而且雞件份量唔少食唔到豬肚雞煲，但都想食豬肚我地叫左2款小食，麻辣豬肚和麻辣皮蛋雖然要另外叫，但2碟都好食皮蛋做到流心軟滑，豬肚絲入味，爽口食完麻辣雞，自助加湯劃紙叫火鍋料火鍋配料真係按鍵一粒，一個既份量去點可以試多d款式又避免浪費生菜，麻辣公仔麵能吸到湯既麻辣味