銅蒸涮涮音樂火鍋餐廳 (已結業)

今日去左試一間新開的火鍋店，形式似一間酒廊，有人在台上伴唱，環境氣氛都同其他火鍋店很不一樣，而且食物質素同可能因為人唔多嘅關係，職員服務都好貼心！每位198，但免費湯其實只有3款，辣/唔辣/蕃茄薯仔海鮮，可以揀，其他都要額外俾錢，但嚟到個鍋入面有嘅海鮮都唔少, 有4人份量到叫野食係一般款式，但d材料好新鮮，而且有最愛白鱔片同海虾，而且肥牛同牛肉粒都好新鮮而且唔會好肥！最特別係有醉雞亦，係用嚟打邊爐的，碌完，花雕嘅香味都仲係好濃郁，應該本身浸左好耐，亦冇諗過醉雞亦都可以用嚟打邊爐至於蒸海鮮就係加一個銅鍋上去，效果唔錯，但加了上去後，夾野碌野就困難左d....但其實整體都唔差，仲有雀巢雪糕，同外面自助火鍋嘅價錢都差唔多，但位置舒適了，環境氣氛好了，也值得吧！

呢間餐廳環境，食品質數也OK，食物盛載嘅餐具亦很有心思，賣相好精緻，影相好吸引好吸睛，但食品種類我認為可以再多元化d。銅鍋兩用又蒸又打邊爐，實屬與其他餐廳不同，很有創意，值得一讚!有現場live band唱歌賣點很好，但樂隊歌手未至太投入，歌技一般，令到現場氣氛爭少少，在場的食客亦都係你有你唱，我有我食，未能吸引到顧客注意力去投入其中。總括嚟講，呢間餐廳也可值得一試，洗手間嘅設計亦與餐廳環境很配合，也很衛生。

朋友推介一定要來，但正好開飯時間7點幾， 因商場全座都係餐廳酒樓，等升降機排長龍，真好想放棄唔去。 約10幾20分鐘先到頂樓餐廳。朋友已坐底飲汽水，我們人齐要8點多，還好是入紙落單才計時。 聽住歌手現場唱，餐廳環境令人放鬆。 選了蕃茄薯仔湯底，原來仲有青口及蜆在內。喜歡海鮮，當然要海鮮蒸籠。因是四川菜，有好多豬什牛什火煱料。因火煱是分兩邊，有人唔喜歡內臟，就用另一邊。 選擇都好多，合開胃，足足叫兩轉全人部人數的火煱料，食晒。

今時今日想搵間舒服又有氣氛既放題講真一隻手數黎數去冇乜邊幾間，有朋友介紹我去試下尼間過江龍，佢話價錢合理環境又舒服而且仲有歌聽添！正！啱曬我✌️！去到基本唔使點等位，可能7點尼段時間尚早D人未落班食飯！一出電梯一望，全場工業風，但感覺俾人舒服👍🏻基本野湯底，本身我地唔多好食辣，所嗌左一邊芫茜一邊豬骨湯，湯底一到根住食物都好快上，廚房效率果然夠快！而且食物水準Ok，放題黎講佢地都高班馬🐎（可惜影相果時唔Q記得影個步步高😩），一路食一路聽歌手唱歌ok過癮🎶👏🏻👏🏻👏🏻👏🏻

第一篇食評，真係好失望，未試過食左餐飯可以食到個人咁嬲。第一環境熱，問佢地可唔可以較大點冷氣，佢會即刻叫你飲啤酒等個人清涼點，如果唔鐘意飲酒嘅人又可以點呢!!?地板都已經熱到出晒水，我當冷氣壞左，都可以臨時加返點風扇但空氣流通點，完全無人理你。第二服務零，基本上無人理，無人收碟，叫野都要追先黎得齊omg。第三食物差，基本上搵唔到邊樣係好食，海鮮完全唔會想放入口，唔新鮮。其實有音樂既邊爐地方，係好特別既噱頭，但如果食物質素如此，真可惜。

今晚book左依間有live show既火鍋店一邊點野食一邊聽歌點了重慶鴛鴦鍋蒸海鮮（青口、蝦&蜆）（可重複點）步步高丸（可重複點）震店之寶-麻辣牛肉 （辣）但超好食鴨腸（掛起黎，慢慢食）一般打邊爐食材都有，牛肉/鮮牛肉都好正。丸類都多選擇（龍蝦丸、海膽丸、芝心丸etc⋯）墨魚滑都好值得叫～質素幾好 落左單既 都會到齊定時加豬骨湯 換碟 服務幾好可能我揸筷子ok la,我成晚都冇俾銅鍋「辣」親手😂 可以放心淥淥淥野食～Live show 分兩場一晚可以欣賞兩隊 真是值回票價（氣氛好好架）下次再去 希望可以坐近d個stage!😊

其實我從來不寫食評，但我食完之後真係忍不住要開一個帳戶寫食評，真的係人生第一次。原本想去食樓下的大窩口，但沒有位，見這間新開，就同三個朋友膽粗粗試下。但食野真係唔可以亂試，大窩口有名氣真係有原因，試完這間真的後悔莫及。首先佢賣點係音樂，所以我要講講音樂。求其請啲靚妹靚仔黎唱歌，個女仔極年青，但聲音好似劏豬咁聲，甩key又爆咪，簡直係惡夢。隊live band勁唔得，啲音樂又大聲，完全傾唔到計。我地四個人要勁大聲咁傾計都傾唔到，完全enjoy唔到！隊live Band都唔知係咪求其上網搵啲唔洗錢既黎表演就算！極度求其！第二佢所謂既鍋，設計極度唔好用，完全打唔到邊爐，因為你打邊爐想烚下烚下係做唔到，因為佢中間個個鍋太大，你烚下烚下隻手會燙到鍋邊。打邊爐個面積極細，個蒸鍋佔左成個鍋2/3面積！咁點打邊爐！？傻的嗎？第三，服務態度非常唔得。雖然係任食，但佢會不停叫你點貴食材，例如海鮮，極級肥牛，又叫你開酒。一唔叫要比錢既食材就即時黑口黑面，態度極度惡劣，好似我地做錯野咁。第四，環境尚算可以，始終新開。食材也是一般貨式。至於佢啲海鮮，我不敢恭維。我唔敢講一定關佢啲海鮮事，但我食完之後痾左成日，大

係openrice見到呢間d相都幾靚就book位夜晚同屋企人去食。我爸媽7點鐘去攞位先，過左陣我先上去，見到暫時先得幾枱客，吾知點解個姐姐比左最角落頭張枱我地坐，前面一大條柱擋住完全睇吾到live band表演。我問個姐姐，佢答我枱枱都有book位。。。我都有book位嫁喎。。。之後佢話幫我問下可吾可以坐第二張枱，我話算啦我屋企人都坐定晒，佢叫我下次book位request要坐前面喎- - 總括泥講，任食嘅打邊爐呢間質素係非常好，野食都好多野揀好好食，麻辣牛肉好夠味好食，d蝦好大隻好新鮮。蒸果part其實冇乜特別只係個鍋影相幾靚，同埋都要蒸好耐d蜆先開晒口。服務就。。。希望可以更好，可能仲係新開d員工未熟手，我呀爸嗌左枝藍妹，佢比左枝青島。。。d姐姐有時會幫你換下碟，有時就堆到成碟都係骨都冇人換。Live band果part其實都唱得幾好聽，d歌好岩聽，亦可以點歌。只係我全晚有聲冇畫面，乜都睇吾到，對我泥講就好嘈，傾計都要大聲嗌先聽到。我諗坐前面有表演睇果d會覺得冇問題掛。

再度來此店，以「歡樂早場」形式來聽歌，「情已逝……不得不放棄……」，在歌廳的音響設備下，更加悅耳。食客稀疏，我坐在台下最佳位置，細聽著「她似是這月兒，仍然是不開口，提琴獨奏獨奏……要分手」。卡位與檯之間，距離很闊，在火鍋「烚下烚下」，不方便。環境是令人愜意。以格局而言，是我目前最欣賞的洋化火鍋店。食店始終是食物為勝負關鍵。今次選了蕃茄薯仔海鮮火鍋，有約7隻大蜆，2隻青口。及時取食，細嫩鮮甜。湯底則太淡，因數隻貝殼，豈可能令大窩水變成清甜。加了鮮雞件，蕃茄。再加了豬腩片，豬骨湯水，花膠，仍無補於事。湯水偏酸，配合「情已逝」情懷，口感欠佳。以蒸鍋蒸蝦，魚臘䱽仍如上次般鮮甜。鯪魚滑賣相美，但有腥味。後段吃了手打墨魚丸，彈牙有鮮味，烏冬則不似「稻庭」水準，欠滑溜。…………四川菜方面，我吃了鮮炸酥肉。不太喜歡，豬肉不幼嫩，亦不是入口即酥。7時有歌手表演，…Today………

看見網上推介這間新開特色火鍋店、就即管去試一試、一入去既感覺裝修好有心意、好靚好特色、最特別有樂隊唱歌仲可以點歌、令用餐時感覺氣氛好好、好輕鬆！任飲任食黎講都可算超值🎉！火鍋爐係外圓位火鍋而中間可以蒸海鮮既有「蜆、花甲、青口」、麻辣都好香不過唔夠辣、強烈推薦「麻辣牛肉」「手切肥牛」「滑牛」「鯧魚」超級新鮮、「醉酒雞翼」好香好入味步步高即係四色丸就普普通通沒有特別、餃類都比較好食、有自設魚缸海鮮區（另收費）、有個大酒吧（另收費）好多選擇而最想不通「紅糖糍葩」就是一粒炸米飯、所以可以不用再試！員工十分有禮貌Ps:希望增加更多食材：豬紅、鴨血、雞子、豬腦！

讚，火鍋和音樂的結合，火鍋很正宗，很多菜品是重慶特色，打邊爐、蒸海鮮、聽音樂！Live band氣氛很好，Gaga的Bad Romance唱得很到位！菜品推薦麻辣牛肉、牛肉粒、空運千層肚、手打蝦滑丸等，都幾好食。鍋底一定要重慶麻辣鍋，味道很正！仲可以蒸海鮮，也是一大特色！紙巾也是讓妳印象深刻

剛撰文評估火鍋店經營方向，是年青化，餐廳化。寫時遲，開時快，又有一間創意火鍋店面世。在樓下拿到單張時，一頭霧水。🤥🤔何謂音樂火鍋？🤔定位為川式麻辣火鍋？🤔上蒸下涮是甚麼意思？🤔屬任食火鍋？🏢🏢🏢格局🏢🏢🏢在5:30入座，映入眼簾是一排透視的書架，接著是舒適的卡位，明中帶暗，耳邊響起1980，90年代的廣東歌曲，果然是餐廳酒廊式格局。位於高層，夕陽斜照，令人十分愜意。每既7時許開始有唱歌獻藝，聲音不算吵耳。如此「烚下烚下」的歡樂早場，是一個愉快的體驗。用古老式的圓形銅鍋，中央的尖頂令人聯想到昔日的炭爐。中央部份加水煮沸，是蒸氣鍋。好處是性價比高，一個價錢，兩種享受，弊端是蒸鍋遮蔽了不少涮鍋的空間。筷子用了新式插入式設計，弊端是容易脫落，倒進火鍋。墊碗碟很細，未夠盛骨頭。通風設計一般，衣服沾上油煙味。🥘🥘🥘湯底🥘🥘🥘湯底有3款免費，如蕃茄薯仔海鮮火鍋，6款「有料」，如澳門豬骨火鍋。選擇了胡椒豬肚雞火鍋，因近年較少食店供應，亦較濃味，加上微辛辣最合口味。滾了半小時後，入口有明顯的白胡椒味，因自行加了雞肉（即共有一隻雞的份量）和菇類，嚐到清香菇味。因沒有咸菜，味道會以豬，雞肉味為主，與慣飲的豬

享受美食的同时还有专业乐队带来的听觉享受...这家的蒸海鲜绝对的够味儿！鲜美！特制的番茄锅底超赞的👍……还有刺身、龙虾面都绝道的好👍👍👍关键价格还很实惠，喜欢有些调调的绝对不要错过这一家！