銀龍粉麵茶餐廳

營業中

休息中

午餐食茶餐廳方便快捷今日試了銀龍的魚旦米雖然係出名招牌的魚旦河$37但米粉較健康所以轉了食米粉另點了熱咖啡上菜速度快 食物夠熱湯底正常 上面加左少量莞茜同䓤味道不錯 可惜份量偏少 這個份量當作下午茶炸魚皮好味 唔腥 可惜只得尾指咁大片魚片兩片 可惜同火腿一樣薄魚旦有三粒 轉淋身 有魚味魚角一件 size 同擦膠一樣大食完唔太口渴 味精不算加得很重可惜唔夠飽熱咖啡唔酸 夠熱 奶味香 都幾滿意整體來說 味道還可 可惜份量不足只可作下午茶填肚

星期六晚有波睇，諗住落街搵朋友去茶記邊睇邊食啦，結果去到老闆話full哂😑失哂預算，唔知去邊度睇好，個肚又餓喎，咁惟有去附近搵間野醫左肚再講啦呢間銀龍似乎係新開，啲裝飾都幾新，裡面又光猛，唔使等就有位諗住係普通茶記，點知又有少少喜出望外！蕃茄煮得出奇地好食，啲蛋炒得岩岩好，牛肉不淋也不硬，perfect match ah! 絕對好食過其他茶記既出品🤤標榜係招牌菜，但味道只係普通。飯有陣噥味，叉燒粒太硬身，食完非常口乾，好彩加左十蚊有杯凍檸水食完飯大家感覺好左唔少，決定繼續搵地方睇波去了💪🏿

銀龍要換廚師啦！！又貴50幾蚊！！點解可以難食到禁！！失望！大家千祈咪叫干炒豬扒炒意粉！！完全冇味得個油字！！難食到嘔電幫襯街市正記好過，雖然價錢唔平，但人地個廚師真係有用心去煮好味既食物比客人，唔似銀龍煮埋啲垃圾，我唔知你其他分店d質素係點，但係太和呢間真係好唔掂囉....（不喜勿插）:純粹分享下內心嘅不滿..

打牌手風唔順 馬仔又唔聽話 輸爆廠 真係爆曬廠 啱啱先至月頭 過後嘅生活都唔知點算 好彩老闆好人 肯借糧畀我 如果唔係真係連粥水都冇得食 電費都冇得交 我都知衰 其實我已經戒緊賭老闆現兜兜畀幾張金牛我 我即時成個人生猛曬 送完貨之後就去茶記食番個下午茶炸雞髀薯條 識食緊你食炸雞髀啦 不過呢個炸雞髀炸得唔係太好 好似好燶咁 食落去又乾又柴皮 而且仲好咸 感覺好鬼熱氣咁 炸薯條就好啲 起碼唔會揸得好燶亦唔係好乾身 仲有一件 生蕃茄 當係蔬菜咁食囉食香口嘢就預咗係熱氣㗎喇 所以就叫咗杯 好似叫做話梅檸水飲一飲 下下火

大埔已經好難搵到好食既 "沙嗲牛肉麵" 啦， 係太和村內的餐廳既沙嗲牛麵更加係難食。(PS: 個人口味，不喜勿插)見開左間新茶餐廳，又早起床，就去試下理間先!結果。。。。整體味道一般，牛肉算滑&入味， 麵唔會太淋。嗯~係太和村理講， 這間尚算最好食既一間😅。(食灑先醒起唔記得影相🙈)餐飲叫左凍咖啡…唔好食，勁淡，無味。👎食物價中上價，領展商場 係咁上下啦！環境都ok, 無BB椅，但多 "卡位"。

2017年1月14日開幕，前759阿信屋舖，在太和商場外圍，舖內新裝修，燈火通明。說實話，下午茶時段客量不多。餐廳的必食推介:下午茶餐選擇多:餐廳的必食推介之銀龍奶茶，聲稱斯里蘭卡進口高山茶葉泡製，實在喝不出分別，有一點鞋口，但茶味濃，合格水準!$43忌廉汁蘑菇焗雞扒飯，份量足，忌廉汁多，磨菇少，雞扒彈牙! 即叫即焗，熱辣辣。 美味!飯底有蛋絲，但又不是炒飯底:店員有禮貌，點餐時樂意解答顧客問題，給予意見，顧客走時也會說聲再見。 集團經營茶餐廳，可惜沒有設置八達通付款。