銀杏館-越老 (已結業)

星期二（26/6）與三位朋友到油麻地越老吃晚餐。我們各自前往餐廳。是我最先到達。不過，我曾在大廈外猶疑了一會……因為大廈門口比較隱蔽，且並不寬闊。是舊式的商住大廈。所以設施比較殘舊。步出電梯，看到旁邊是男士洗手間。但門是鐵閘門。感覺有點恐怖。心想，餐廳內不是沒有洗手間吧？幸好是有的。而且洗手間也頗潔淨。 不要看餐廳門外的裝潢那麼新及時尚。其實與周圍的環境並不相配。 一個樓層的面積很大。有很多個單位。而餐廳的面積也不小。 地板是混凝土地板。天花板沒有修飾。感覺就是工廠的模樣。椅子的設計特別。像鳥籠。 我們被安排坐在此沙發座椅。桌子下的原來不是椅子。用餐時，店員將它拉出來放置桌子上的餐具和調味料。讓桌子有多點空間放置食物。越老是銀杏館的餐廳。所以，店員都是長者。點餐時，不要說得太快。客人也要有耐性，讓店員將餐點清楚記錄下來。 有機田園蔬菜米紙卷，$46。米紙的口感軟糯且滑。餡料有爽口的蔬菜絲。嚐到辛辣的味道。我懷疑有洋葱之類的東西。但他們說或許是醃蘿蔔。 素三文魚青木瓜沙律，$68。素三文魚切得比較厚，所以有豐富的口感。不會完全像蒟蒻般爽滑。有少許粗糙感。可能是冷藏後變成有如蜂巢豆腐的效果。下面的蔬菜絲有點像米紙卷的餡料。也有點辛辣的味道。 這是朋友點的香煎素鱈魚扒碎米飯，$78。另一位則點了葷食的主菜。 我和素食朋友都選了越老素三寶撈檬（素鴨、素春卷、素札肉），$68。檬粉份量不少。但有點單調。尤其是三寶都吃完了，就只有白色的檬粉在碗中。沒有其他配料。素鴨比較油膩。會嚐到油的味道。因為腐皮較容易吸收油份，烹煮的時間不容易拿捏得準確。素春卷沒有那麼油膩。可能因為餡料有清甜的蔬菜吧。素札肉口感軟滑。他們都說味道好。 這是素魚露。朋友說這像橙汁。銀杏館本身也有經營素食店。而這間餐廳亦有不少素食選擇。應該有素食者光顧。然而，當我們的撈檬送到時，店員沒有提供素魚露。我差點便將相片中紅色的真魚露倒進我的撈檬中！幸好突然想起要了解清楚而住手……其實，米卷附送的紅色醬汁也不知道是甚麼醬汁。或許也不是素食。所以，我沒有蘸上該醬汁。 我的滴漏咖啡（走掉奶），$18。咖啡味道不苦。不膩喉。像精品咖啡。不是我喜歡的那一種咖啡。…查看更多

食過一次晚餐，幾次早餐（不過早餐沒了）。今次食午餐。午餐變了半自助形式（記得之前沒有的）。有自助沙律吧和雜菜素湯任食仼飮。另選餐牌上其中一款主菜，$40幾-$100不等包飲品。還有素食的主菜。雖然沙律種類不多，但是有機的，很新鮮。菜湯比較清淡，夏天喝一碗過得去。雙拼春卷撈檬，$52。很大碗，春卷很香脆。長者侍應好好人。看見我一個人來又吃得少，兩道走來叫我不要客氣隨便出去拿食物。午市11:30-14:30。如果好意思而客人又不多的話，我下次真的會由11:30坐到14:30！這裏的氣氛我很喜歡，靜靜坐一角也是一種享受。有土地問題的我極需要這樣的空間！叧有下午茶，有機會也試試。…查看更多

聽個名「越老」咩意思呢🤔薑越老越辣，果然有驚喜。家姐識個老闆，所以留意也去試試。之前試過社企的西餐，今次嘗試越南菜。因為老闆請的是退休人員，所以估計是一般小店環境，誰不知店內環境裝修時尚，店員也殷勤招待，絕不馬虎了事，而且當中有一店員，英文流利，介紹菜式亦很細緻，原來他以前在酒店上班，招待客人自然有板有眼，推介食物也非常進取😅最後亦介紹我們入會，在星期一至四晚餐有折扣優惠餐牌食品種類雖然不算太多，大致上還可以，食物質素也平均。最有特色是他們的蔬菜是自己農場有機耕種，午餐時間有semi buffet salad bar, 聽說吸引很多office girl ，所以午市一般都滿座大家不妨試試，也有其它分店可供選擇，聽聞各有特色呢…查看更多

黎到星期六，又唔想煮飯，不如就早啲食啦。原來有一間社企開嘅銀杏館係呢頭，6點就去食飯啦。我地由另外一個門口入，係大廈門口搭𨋢上。其實佢有另外一個餐廳入口，不過要行樓梯。入面嘅裝修好靚，佢保留左原有單位嘅石灰牆，無特別油，只係用咗一啲大鏡同框去隔一隔。簡單嘅吊燈，好有古典味之餘，又有啲新穎感。無揀到二人餐，反而分開點想食嘅嘢。鮮蝦豬肉米紙卷，比較簡單，主要都係要點汁，如果唔係好寡。豬手炆得唔夠林，有小小辣，但唔過份。蕃茄蟹膏雜錦湯河，味頭味道夠，豆腐略唔夠入味。佢嘅河唔似平時嘅河粉，似米線多啲，但就「鞋」身小小。到我最愛嘅撈檬，豬肉ok，本身係先另外煮加醬汁。新鮮嘅菜係好fresh，好夠菜味。串燒要6串，牛豬各三，佢點嘅醬唔係平時個種咖哩，小小酸酸地，幾特別，肉質算可以。最後試咗個班蘭粽，甜甜地，好香，每人有一啖，少食多滋味。每人大概百幾元。老友記好好服務，又好笑容 😊薑越老越辣，但呢度嘅老友記笑容超好，唔錯，支持支持。…查看更多

一向都好喜歡銀杏館這系列，今次有機會就黎試一試呢一間越老。越老位於油麻地站同佐敦站既中間，一幢舊大廈既一樓，平日行過都未必會留意到。想不到上到一樓有一間咁靚既餐廳。餐廳以綠色及金色作主調，有復古既感覺。座位亦安排得闊落，枱與枱之間有足夠空間。進餐廳後一位伯伯出來熱情的招呼，坐下後很快便送上餐牌及水。真的不要少看這些長者，雖然頭髮都白了，但行動仍然很敏捷，點菜下單反應都很快。最欣賞的是佢地態度真的佷熱情親切。菜單選擇都不少，從小食、湯粉、撈檬、飯到主菜、飲品、甜品都一應俱全。最後選了:魚露炸雞翼雞翼炸得金黃，賣相不錯。不會炸得太乾，食落仲好有肉汁。雞翼醃得好入味，一盤4隻秒殺了。火車頭湯河料很足，有生牛肉片，牛丸，牛柏葉，牛筋，牛腩…每一款配料都食到牛既鮮味，朋友最喜歡牛丸，我就覺得牛腩煮得夠淋好正。湯頭比較清淡，個人認為可以濃味返啲。河粉都好爽滑。咖哩牛腩法包咖哩汁很香，有一點點辣，很惹味。切開法包，裏面有好多舊牛腩，唔怪得咖哩滿到瀉出黎。法包吸晒咖哩汁既味，好好味，如果個包再焗得脆身啲就好喇。唔好睇個包唔係好大，食完都好飽。班蘭葉粽甜品有三款，原本想食班蘭布甸，但被告知今日只有班蘭粽，都好啦試一試。粽子即叫即蒸，等左大概15分鐘就有得食喇。連埋蒸籠上都幾得意。落左班蘭既緣故，成條粽都變左綠色，食落有淡淡既班蘭味，甜甜既粽幾得意。不過成條粽都係得班蘭味糯米，有啲單調，如果中間可以加啲椰蓉或者綠豆餡可能更好味。滴滴咖啡最後仲叫左個滴滴咖啡作結食左咁多野，埋單唔使三百，食物質素不錯，環境幾靚幾舒服，肯定會回頭的！這裏的銀髮族待應服務一定不是最專業的，但態度殷勤有禮，不時有位婆婆為大家添水，已經好難得。整個用餐過程十分愉快。亦見到有些客人同待應有講有笑，這種人情味亦已經很少見。會繼續支持銀杏館這社企的～PS用了訂位app訂位，主餐牌有九折優惠，沒想到帶位的待應都記得(攞位既時候冇提到係用app訂位的），遞上餐牌時清楚解釋優惠適用範圍，真係好多出面餐廳都未必做到呢點啊，加分。…查看更多

銀杏越老位於一幢非常殘舊嘅大廈之內，入到大廈裏邊簡直唔相信有一間餐廳喺樓上，上到一樓以為搵錯地方，但一轉彎就見到有一幅好顯眼嘅水泥牆，行前啲見到有道門，以懷舊嘅「英倫綠」配上金邊，相當搶眼，古典味十足，呢度就係銀杏越老入口。銀杏越老裡面仍保留舊大廈嘅石屎場同埋柱躉，再配上工業燈，「英倫綠」配上金邊的主調，加上全場演奏輕音樂，簡直好似去咗另一個世界一樣，環境真係一流👍🏻👍🏻👍🏻。銀杏系列餐廳一向雇傭銀髮一族，呢度都唔例外，個別服務員記性或者差少少，對菜式亦唔太熟悉，不過都幾殷勤招呼。食物唔算標青，盼望再改進一下，價錢就唔貴，淨係計環境，都應該嚟坐下食下。…查看更多

下午茶選了會安雞河粉(可選飯或檬粉)+滴滴咖啡(升級加15)，雞上裝半隻，啲雞肉好滑，蔬菜多，好吃得祇餘下雞皮。果然是油蔴地有不銹鋼麻雀枱跟舊樓式復古裝修，食客不像旺角那麼多跟吵，很舒服。…查看更多

難得放假，看完電影去醫肚，來到這間由中年或以上的老友主理，雖然是樓上舖位，裝修很不錯。雖說是上了年紀的侍應生，但充滿活力，門口的「哥哥」更中氣十足，禮貌周周，期望銀杏店永遠䇄立不倒！下午茶有小食、主菜（粉/檬）和飲品，我選了春卷、炸豬排檬和青檸梳打，春卷味道ok但略嫌不夠熱，但炸豬排真的十分香脆好味，配乾檬粉一流，不會被湯浸到淋哂，青檸梳打有好幾塊青檸，很夠味。整體來說，環境、食品和服務都值得讚賞，期望老友記繼續努力，把銀杏館越做越好…查看更多

早排問起媽咪團年飯食咩好佢竟然話，不如試下銀杏館既盤菜啦！之前都聽聞銀杏館食物既質素黎開拎盤菜，梗係要順便食一餐試下啦！一入去感覺好舒服燈光好柔和，座位又寬鬆下午茶時間客人唔多，好耐無試過係個咁寧靜既環境食飯下午茶有幾類選擇想輕食既，可以揀3款小食下午茶想飽肚既，又有粉類飯類好貼心啊～一行三人，叫左2個輕食1個檬粉平時食檬粉要落好多汁既我今次落少少已經覺得夠哂味！試埋魚餅同春卷先魚餅有少少硬，但係陣香茅味好夠春卷擺左陣先食都仲係脆，因為係素春卷，食落仲好清新！兩樣都係煎炸食物，但係唔會油膩架！好舒適開心既下午茶可能點菜再三重覆，可能上菜會慢，可能埋單要等候但係老友記既笑容，有禮，食物既質素，等一陣，又有咩所謂！下次要再黎試下晚餐先！…查看更多

舊同事約食飯，發板搵咗間社企叫做銀杏館越老 越南個越老人家個老呢間餐廳簡直係大隱隱於市， 平日經過佐敦逸東酒店十字路口咁多次都唔知道 平安大樓一樓竟然開咗一間咁大嘅餐廳。 門口雖然有些少難搵， 但餐廳入面裝修得十分靚，坐得好舒服 ， 廁所仲好新潮好乾淨，閒日夜晚冇乜人 ，明顯開業冇幾耐。 原來只係開業咗兩個月。 呢度既侍應全部都係老人家 ，但十分活力充沛 ，而且非常殷勤介紹菜式 ，細心招呼。 都感覺到班老人家返工返得幾開心。雖然係越式嘅餐廳 ，但味道有別於一般嘅越南小店， 主要係醬汁嘅味道比一般越南小店更有層次。 亦有一啲平日越南檬粉店食唔到嘅嘢 ，例如蜜燒鱸魚扒。今晚點咗 胡椒豬肉米紙卷 ，素越老春卷， 牙車快沙律 ，雞肉撈檬，香茅豬扒碎米飯 ，海防香露蜜燒鱸魚扒， 同埋叫咗甜班蘭葉粽做甜品。 四個人埋單都係大概三百幾蚊， 雖然 每道菜份量 比普通餐廳小 一點點， 但味道相當唔錯 ，菜式有驚喜 ，我都認為十分抵食。 會再同其他朋友來試埋其他菜式。 呢度啲老人家都真係好可愛好有活力，大家來都可以感受得到。…查看更多

[希望短短地帶到重點]今日約左幾位朋友，平時好少機會可一齊坐低傾計， 所以約個可慢慢食慢慢傾嘅地方。最初揀呢度，係因為想試佢個手工啤酒。結果，鍾意試特別嘢嘅我...揀左呢個紅酒洋蔥特飲好酸，好強醋味，非常刺激lol是日餐點：火車頭湯河燒豬頸肉撈檬咖哩雞碎米飯越式拼盤以上咁多款...我最推薦係咖哩雞碎米飯~~~唔算非常辣又夠咖哩味，出面有啲咖哩就得個辣字但食唔到咖哩味，呢一間平衡得好好。我地都為咖哩嗌多碗白飯。整體上，我今次最滿意嘅唔係食物，係人同環境。坐得舒適、燈光溫和令人安心，伙記雖然係食鹽多過我食米嘅老友記，但好笑容又有禮貌，不錯。越老，加油！…查看更多

社企餐廳已經好直得比下午5點下午茶☕️時間人不多，座也很舒服環境不錯下午茶的餐，可自選兩餸拼粉類:)點了生牛肉拼胡椒扎肉河呢碗河粉賣相已經不錯下午茶都算大大碗湯底對於本身喜歡食喊的我覺得味道不夠濃，但係味道係唔錯牛肉片數亦多，牛肉有小小厚度，所外有口感的另外餐裏面可選一個小吃而小吃選擇素越老春卷春卷熱辣辣非常脆這個餐有飲品，選擇涷奶茶不太甜，奶同茶配合得剛剛好值得一提的是這店全樓面是長者工作，態度非常好他們送餐也不會慢…查看更多

薑越老越辣，但我認為薑越老越可愛。銀杏館在油麻地開設了分店，裝潢懷舊有風格。店員依然採用年長的一輩，有禮貌好親切。午餐有小吃，主食，飲品，價錢位於五六十元左右，先別論好食與否，抵食己一大吸引之處。椰菜扎肉沙律，爽脆清甜，醬汁不會放太多，恰到好處，開胃前菜。湯檬可選兩款餸菜。湯底過於清淡，有點似開滾水。檬粉尚算滑溜。配料是牛肚和生菜，牛肚驟看好明顯不是高質素，沒半點牛味。其實用另一角度看，清淡啲健康啲...哈哈。要了杯茶走，居然店員婆婆話即係全走，即時滴汗。後來我教她即係加煉乳的意思，她恍然大悟，哈！你話佢地幾可愛。…查看更多

柔和的爵士樂 配一份精美嘅早餐 最適合悠閒嘅星期日 搞到我暗暗地想俾like 佐敦附近仲食到又唔貴嘅早餐 好想開心些牙悠閒星期日嘅喜悦 真心推介 正 引用店內字句:Viet Street 飲得杯落 薑越老越辣!…查看更多

發現銀杏館開了在屋企附近。昨晚就捉了老人家去試。的確我是有私心的。除了想支持社企之外，也想讓我家老人家面對現實。他經常說要出去打工做生意，但其實他又盲又聾腳又震。我就要讓他知道自己還有沒有這種能耐。通往銀杏館有三個方法。這個樓梯老人家已經打敗仗。所以我們去了平安大樓入面撘電梯直上一樓。另外在平安大樓內也有一條樓梯住銀杏館，但入得來就撘電梯吧。上到去認住這個牌子就見到，其實好容易找到。環境昏暗，老人家又輸了。他舉步難行的樣子跟這裏健步如飛的長者侍應真是差別很大。這裏有種懷舊但很有型格的味道。裝修、燈光、擺設、餐桌餐椅、字體和字句都花了很多心思。服務好到家。在樓下派傳單的已經很好心帶我們搭電梯，來到這裏長者侍應又很願意解答我們的題問。這裏吃的是越南菜。我們要了越老春卷，$42。香芧豬扒碎米飯，$68。海防香露蜜燒臚魚扒，$116。份量不是很多，但夠我們三人吃，因為老人家吃得少。春卷香口。香芧豬扒惹味又夠稔。臚魚扒差不多無骨又熱辣辣，醬汁又惹味。老人家也說水準不錯。看看餐牌，價錢有貴有平。老人家研究了餐牌很久，說這裏有點貴。我說他要是在這裏打工，就不會覺得貴了。我和家姐都笑他，你又說要打工，來這裏應徵啦。他才笑笑口說自己應該不行。不過這裏都不會請我們老人家了。人家最老的才70幾，我家的已經80多歲。他，還是等我們帶他去吃好西吧。…查看更多