鉄火堂 (厚福街)

營業中

休息中

上星期跟姐姐到尖沙咀逛街，想吃日本菜，剛好路過這家就決定吃它了。下午兩點多來到，還是要等位呢。我們在店外等候期間，先寫好點餐紙，到快要入座前店員就先幫我們入單。入座後店員很細心地提供客人一個籃子用來放袋。店內面積不大，但裝潢很有日式的風格，感覺還算舒服。雖說是入座前已經下單了，但還是等了好久才上菜呢。這裡的丼飯可自由配搭食材，$59可選四款材料，還附送麵豉湯呢我選了帆立貝、炙燒三文魚腩、左口魚、玻璃蝦 四款配料，質素不錯，也很新鮮，丼飯上還有一塊印有鉄火堂名字的玉子呢。總括來說，$59就能吃到如此質素的丼飯，實在是非常抵食，也難怪要等位呢！

琴日同男友一個月， 決定去我地都好中意既日本野到食，發覺好耐冇食丼飯，經過厚福街既時候正正見到鉄火堂。一開始係比佢地個餐廳名吸引住，第一次知原來依個都係讀「鐵」字，然後係waiter不斷既介紹下終於忍唔住入去。入到去一坐低waiter就過黎介紹而家做緊一個promotion，原價$268既厚切五色藍鰭吞拿魚丼而家只係$15。本身自己係拖羅既fans，見到有五款唔同既吞拿魚，仲要係厚切，真係忍唔住即刻叫左，d拖羅好新鮮，一啲筋都冇，入口即溶好Creamy。而男朋友就order左自選魚生飯，其中一樣好特別就係好似車仔麵咁，最少要自選三款魚生，而且仲可以免費追加壽司飯。魚生好新鮮又夠凍，鍾意食日本野嘅人不妨試下。最後兩個total食咗$300，唯一不足就係上食物上得好，起碼等左20分鐘先有得食。

..呢間野，刺身唔錯，新鮮無異味但唔知係咪鋪面太細既原故，出餐實在太慢⋯果個慢既程度係，坐底由落單計要等十五至二十分鐘先到⋯.不過咁，佢cp值超高就真既！中午食真係好抵😂刺身飯好似人地食車仔麵咁，可以選擇$59四款刺身，或者$69自選五款刺身，實在好抵😆😂.刺身料我個人推薦佢地既蟹肉，蟹膏同吞拿魚🥰🥰飯底佢地好得意嫁，可以由普通醋飯改成白飯又得，加五蚊仲有冬菇醋飯、混合左薑既醋飯、沙律菜任你揀～我推薦冬菇醋飯！🤪😆😂..

中午尖沙咀食飯度度都好爆。但係實在太肚餓啦，吾想排隊…甘岩見到依間野食ok價錢合理又吾洗排隊，就入左去食😝環境都舒服，服務又幾好有禮貌👍午餐選4種魚生飯就$59，選5種魚生飯就係$69，仲有味噌湯。而飯可選白飯或壽司飯。價錢真係好合理…我就叫左帆立貝，鰻魚，松葉蟹棒，火炙左口魚邊配壽司飯。帆立貝有兩隻，一隻就正常size另外一隻就係細size，見到兩隻帆立貝大細唔一樣感覺上好似蝕左咁😞不過帆立貝都算新鮮。鰻魚就正常。左口魚邊比較碎用筷子一夾容易散，不過味道幾好。松葉蟹棒比較失望冇咩鮮味。不過係尖沙咀以依個價錢同服務同來講都算合格。

之前睇過d片都有介紹過呢間日本🇯🇵料理！咁岩知道佢做緊promotion, 係fb點贊後就可以半價，就黎試下！ 餐廳唔算多人，可能是平日夜晚關係都不用等位！我們點了雜錦壽司🍣半價，好抵丫！ 佢個set都幾多野的, 有湯, 溫泉蛋, 迷你魚生飯柸, 沙律! 個人認為魚生尚算鮮味, 賣相吸引, 女生一個人應該食唔灑的!另外, 還點了自選魚生飯，魚生飯其實很少店可以自選的，都幾特別！可以揀d自己鍾意食既野！個魚生飯還配了麵豉湯都幾抵食，性價比高！

星期六出尖沙咀睇戲，諗住去厚福街附近食飯。選擇其實真係好多，不過最後都係去左鉄火堂食魚生飯。通常黎都係放工後食晚飯黎，估唔到中午黎食真係抵好多! 有$59自選4款、或$69自選5款餸，真係好抵! 因為起碼肯定呢度D水準唔會令我失望。呢間鉄火堂好食在D魚生真係新鮮，就算D連鎖中價日本餐廳都唔及佢。我記得第一次黎晚飯配左一客中拖羅，真係好驚喜，$48一客都算係好甘香同新鮮，油脂比較好好，又有吞拿魚既鮮味! 係香港黎講、仲要係咁平價既舖頭食到性價比真心高。呢個中午飯餐都係一樣，我揀左甜蛋、甜蝦、蟹膏同埋吞拿魚，樣樣都冇令我失望，而且份量好足! 佢每碗都有配菜，有薑蓉同青瓜絲等，配合得好好，賣相都吸引。甜蛋、甜蝦、吞拿魚每樣都有兩切，雖然吞拿魚薄切左D，但好鮮甜又有D筋香。甜蛋、甜蝦不嬲都係我既最愛，佢既甜蛋鬆得黎甜度剛好，而且甜蝦都相當大隻，彈牙得黎當然有鮮味。我估佢都係冰鮮材料，但真係處理得好好，因為冇食到任何雪味。佢個壽司飯係有D微溫，所以同偏凍的蟹膏都幾夾。朋友揀左北寄貝、火炙三文魚腩、碎蔥吞拿魚同左口魚邊。加左手8蚊配冬菇飯，我覺得呢個就同壽司飯分別不大，可能佢個菇味唔算好出，要食入

性價比高魚生飯平日晚市黎到，門口都大排長龍，魚生飯款式種類多☺☺☺，價錢合理今次就叫咗自選魚生飯 ，抵食好多🤭，可以揀自己鍾意嘅魚生同飯底，豐儉由人 ，附送麵豉湯同埋可以無限追加飯，抵食

是咁的，有時候一收工好肚餓，我都會去厚福街搵野食，整係呢條街都講緊有10間8間食肆，係得尖沙咀反工既朋友都一定會認識呢條街！今日就帶大家去食魚生飯！宵夜時段加上星期一，完全唔等位！有時候食魚生飯，你總有1,2款魚你係唔太Like！呢度最出名，莫過於自選魚生飯，因為你可以揀你鍾意食既食物，最緊要白飯或壽司飯係無限添加！啱晒大食既你地！小編溫馨提示，午餐同宵夜去食係最抵食小編極力推介，火炙左口魚邊同火炙牛小排！我地一行2人，每碗都叫左6，7個餸！每一件食落後都覺得非新鮮！同場加映，仲有呢蟹肉忌廉薯餅，非常重既忌廉味！食呢個既朋友記得吹下先食，入面好滾，小心小心

每次喺尖沙咀厚福街，都要好好諗下食啲咩 🤔因為太多選擇喇！！！😍😍近排成日喺網上見到唔少人介紹呢一間餐廳，見到 5-7pm 有下午茶優惠係壽司飯set 😍 結果就吸左我埋尼～～❤️結果我覺得真係抵食又好食！刺身仲多個飯！同埋啲材料都好新鮮！超抵讚👏🏻👏🏻👏🏻坐嘅環境都幾舒服，特別平日嘅下午茶時間唔使等位👏🏻 waitress都幾有禮貌特別推介：鮑魚、帶子好鮮甜好好味❤️蝦🦐 好大隻，好新鮮鮑魚 ： 其實我唔係好鍾意食鮑魚，但係今次呢個煮得軟硬程度啱啱好三文魚 ： 好味推介！⭐️⭐️⭐️⭐️⭐️

今日自己一個嚟尖沙咀，行行下有啲肚餓，所以就決定嚟呢間鐵火堂食嘢啦。咁係午餐時間啊，所以有個優惠。就係好似車仔形式咁樣揀刺身同埋飯，都真係好抵食，我三刺身加埋湯都係$59。咁我就叫咗帶子，吞拿魚同埋蝦刺身，佢好快就上咗菜啦。感覺非常之新鮮，同埋我幾鍾意個客肉質非常之鮮甜。加上餸嘅湯，熱辣辣車唔係好鹹，非常啱我口味。但係我見佢餐牌如果唔係午餐食要正價嘅話都成百幾蚊，好似就冇咁抵啦。最後覺得午餐去食多幾抵嘅，下次再試吓其他刺身啦。

點了一個角切雜錦魚生丼，食物黎到魚生丼有吞拿魚、三文魚🍣、三文魚子、八爪魚🐙同中間的蝦🦐，雖然我都知圖片只供參考，但係內層入面全部都係青瓜而且賣相都唔太好，另外粒粒三文魚居然有骨的，而個蛋係凍到超硬，可能放太耐？講真大家都係搵啖好野食，但呢間仲要服務態度真心差，其實我一向入餐廳對侍應的服務要求不高，見佢地忙都等佢地得閒先問佢地拎餐牌，但佢地差點飛左個餐牌落地下食物不新鮮，價錢不算便宜，服務差，我係openrice的第一次劣評就俾左你～真係幾失望下！

去開尖沙咀行街，又唔想用太多時間等餐廳，lum去左厚福街碰下運氣，咁岩見到呢間食魚生飯，又唔洗等位（可能好彩）見個價錢okay，最後就入左去試喇！可能時間尚早，餐廳未滿座~因爲太肚餓既關係，我同男朋友好快就點左想食既魚生飯組合，我叫左一個自選魚生飯，揀左帆立貝、吞拿魚、油甘魚、三文魚，另外再叫左海膽帶子三文魚丼。上菜時間快，魚生飯望落似樣，件數亦唔少，以百幾蚊食到咁多款刺身，價錢都幾經濟實惠。整體味道都唔錯幾新鮮，唯一不足係魚生有點薄，性價比黎講算唔差，特別適合想食early dinner之後仲想行街既朋友！海膽帶子三文魚丼自選魚生飯（帆立貝、吞拿魚、油甘魚、三文魚）

Good and budget Japanese lunch option recommended! Although the portion of the sushi bowl was slightly smaller than the dinner ones, it was still satisfying enough! Sashimi was pretty fresh and you can choose either plain rice or sushi rice, 4 or 5 choices of sashimi. I recommend seared salmon belly, seared thin slice steak and tuna and spring onion.|Sushi bowl💰HKD59 (4 choices of sashimi)💰HKD69 (5 choices of sashimi)

Service and price ok but the food has no quality. Shashimi is not fresh, stingy indeed. It was so tricky that they spilled some sauce on top of shashimi to cover the stingy taste. Just good looking for photo taking, taste really not good. Totally unimpressed, definitely will not try again.

本身黎厚福街唔係食鉄火堂，但本身想去間餐廳已經打晒蛇餅，所以就行左去食鉄火堂，大概七點零鐘，未見人龍出現。餐牌有得揀已經set好晒/自由配搭嘅魚生飯，其餘仲有壽司之類可以嗌我地嗌左一人一客自選魚生飯，由飯（白飯/壽司飯/薑飯等等）、各種魚生（刺生/熟食/火炙都有）到配料（蔥/薑/青瓜/wasabi）都可以隨便搭配貌相舖得幾靚，舊鉄火堂玉子係送嘅。飯嘅份量好多，一定塞得飽你。魚生方面，大部份每款都會比三片你，食落都鮮甜，但唔夠厚，遜色左啲。每個飯仲有額外配埋個麵豉湯比你價錢方面，每款魚生主要由十幾到三十幾一款，我地每人各自揀左五款，成碗飯每人大概$130幾左右，都唔算貴丫呢度本身寫限時90分鐘，但我地食唔夠一個鐘，已經比職員趕走，出面都開始有人等位。