鈴木酒場

營業中

休息中

尋日去食飯，我地都食左好多野，前前後後叫左8杯酒，其中有一杯叫左highball但佢地黎左一杯Chu-hi, 我地當下無同waiter講，覺得飲Chu-Hi都無乜所謂，但買單既時候我同佢講返，有一杯High Ball好似黎左Chu-Hi，個價錢就High Ball貴過Chu Hi $20，個收銀態度非常串同惡劣地同我講話依家先講無辦法證實喎，我就話咁算啦。講真我會唔會無啦啦講大話去呃你一杯野飲靜係$20 蚊，我張單成千蚊，就算係無得證實 個客咁樣講到你都應該要去處理，超級唔識做生意，唔會再幫襯，因為$20 成本可能幾蚊無左個客

作為元朗土生土長人😂前身雞地完全未試過..經朋友介紹試咗呢間返唔到轉頭🔥見到試咗雞尾，再俾老闆推銷雞肝！！！之後每次嚟雞尾同雞肝必嗌！但係雞尾一客有兩串，唔太好雞尾最好有朋友一齊shareBtw.雞尾我食兩串都冇問題～😆每次食完雞肝同雞尾心滿意足，再加埋枝豆送酒一流其他我個人覺得正常～～但喺元朗區嚟講，要講平時串燒正常都已經好難🤣明就明～～唔明就黎明啦🌝隔咗一段時間已經冇打食評我認為今次第四至五次嚟啦～可以打下食評😂問心無愧阿已經～極力推薦雞肝同雞尾！希望之後一直keep住食物質素

野食質素無乜好講，木屋仲好食。份量少，上菜慢。燒雞肝串、鰹魚湯烏冬都等咗半個鐘。最差係個服務態度，做得街坊生意都唔會有人想做爛市，講真，食完野都講左要埋單，個侍應仲企係到要我地收埋碗碟幫佢倒埋啲骨都係第一次聽。仲要要補多句：驚職員人手唔夠收唔切啲碗碟⋯其實你連我哋呢一台客人都照顧得唔好，我仲要幫你顧埋下一台客人？屋企人有老有嫩過黎食，食野唔算多，埋單都幾百蚊，如果店舖唔滿意客人點餐少，可以加埋最低消費條款，明白小生意都要多啲錢去經營好合理，但係個女店員就全程俾晒面色，譚仔姐姐都好態度過佢好多好多⋯真係好差⋯⋯⋯⋯完全破壞我對元朗嘅印象

去過舊鋪雞地嗰邊食，朋友話佢而家搬咗去呢度改咗名，諗住試吓，一入到去個環境好舒服，坐得好闊落，服務亦都好好，可惜食物質素有待改善好鍾意飲佢個金菇湯，因為以前舊舖覺得好清好舒服，而今次比以前大碗咗，但係就好重蒜蓉，好喊，可能下次叫走船會好啲(?)另外叫咗個燒蝦，燒出嚟個樣都幾靚，不過隻蝦實在係唔太新鮮，啲肉有啲梅，真係好可惜。。燒魚干就正常發揮，最值得稱讚係燒菜肉瓜，啲花好清甜總結，好想俾多次機會佢，因為環境同服務質素都好，價錢亦都OK。。希望食物質素下次會更加好，繼續生意興隆

中秋節翌日，一個人午餐。做嘢行到西菁街呢邊。通常去容鳳書覆診外都好少過呢邊。見到門口有個$36咖喱牛肉飯嘅A字牌，所以行入去試下。要掃QRcode落單，午餐選擇不多，畢竟是間食串燒飲酒場。點了個咖哩牛肉飯，初時有點擔心是否頹飯之類。但上菜食過一啖發覺是我自己過份擔心，而且好足料。我另外加$12轉套餐，有湯、茶蒸煮，炸物小食等。而飲品得汽水或酒精飲品可選需另外加錢。服務員熊態度好好，有提醒食物小心燙口。好細心。原來除了外面幾個位外，裡面有些卡位及大小小嘅枱。下次可以叫埋啲friend試。

今日走進元朗，約了朋友元朗西菁街的鈴木酒場，一起聚一聚聊聊天💬享用日式串燒及料理，餐廳提供室內及室外座位，環境雖然不大，但裝修行政治，用餐的位置亦很舒適。整個餐廳的設計風格以木材為主，給人一種溫馨的感覺。🤗餐廳所提供的菜單種類相當豐富，而且價錢合理不貴，包含肉類和蔬菜類的串燒、經典的炸物、日式小吃和配以肋酒的小點心、以及飯團和烏冬等主食。當然，也有豐富的酒精和無酒精飲品選擇。🥃🌟豚肉野菜串 $26經過燒烤處理後，外脆香的豚肉片，包裹住超多菜汁的野菜，清淡又不油膩🫶🏻🌟豚肉尖椒（辣）$26豚肉片包裹住尖椒，豬肉烤到脆嫩，尖椒帶有微微的辣味，與豚肉搭配得不錯。🌟炸雞 $46外皮炸得金黃酥脆，內裡的肉質鮮嫩多汁，配上一些沙拉或醬汁，一定要用來配酒。🌟炸蠔（4隻）$48炸到金黃色的吉列蠔🦪外脆內香香的，小心燙嘴🌟雞腿肉 $26大大串雞肉🍗內裡的肉質鮮嫩多汁，雞肉醃製得剛剛好，不會重口味🌟燒豆卜$23豆卜烤到外皮香脆，還帶有微微的甜味，內裡的質地鬆脆，配酒不錯🌟燒魚干 $38每一次吃日本野都要叫一份燒魚干，甜甜鹹鹹的，帶有淡淡的煙燻魚香味，用來配酒也不錯🌟翠玉瓜 $28爽口清甜又多汁的翠玉瓜，上

元朗居酒屋小店坐位不多，記得要book位啊😊 日式木系風格舒服，有2張四人卡位，門口還有張一枱吹下風， 飲返兩杯食下串燒都幾chill 😎先嚟食個 梅漬蕃茄仔 開一開胃先😋 食串燒又點可以唔飲返兩杯呢🍻有sake🍶highball, Chu-hi, beer 🍺選擇。呢到嘅豚肉串燒燒得好好，豚肉燒後唔會太乾亦有香脆口感😊白板串 👍 必食 👍 咸香唔乾豚肉野菜串 👍 外層豚肉燒得好香脆，內包椰菜熟唔會淋晒亦唔會有菜水辣嘴😋 成件事好match 👍豚肉尖椒 👍 尖椒有辣夠惹味豚肉蘆筍 👍 鰻白燒 燒到個皮脆卜卜咬落有聲😋 燒魚干 佐酒小食炸雞 👍 大粒炸雞，裡面一d都唔乾，熱辣辣好香口送🍻一流炸餃子 ， 炸雞軟骨 👍，炸墨魚丸

呢間鈴木前身係川串燒一知道佢重開第一時間去食，雖然款式冇之前咁多款，仲主打嘅仲有，呢到串燒只係簡單調味，就已經好好味，同D朋友飲杯啤酒，食幾串串燒,是一個不錯的選擇😊必推:鰻魚，烏冬，白板串， 雞泡魚乾，炸餃子😋👉鰻魚:燒到皮脆肉嫩，十分香口👉烏冬:湯底也十分好喝，自家製不是味精湯👉白板串:燒到好脆， 咬落去又唔會韌👉雞泡魚乾:超好吃😂越食越想食👉炸餃子:外脆內嫩，食2碟先夠皮新環境比以前坐得舒服以前只可以排隊，宜家可以訂坐添

個地方唔係太顯眼～之前行番屋企經過無意中見到新開～裝修又有日本feel~於是擔粗粗試吓～～今次已經第二次黎～同fd傾下計，飲下酒，都唔會催你走。我鍾意食佢既醃製蕃茄同埋湯烏冬。除左野食好食之外～highball 都好飲。佢仲有自家製梅酒，不過我唔鍾意飲梅酒，所以有冇試。今次叫埋3粒米～甜左少少，不過岩我口味！黎之前一定要book位，座位唔算多。但係坐得舒服～之前坐係outdoor~又冇少少風～靜得黎又傾到計～環境都幾舒服。老闆好warm~～～會出嚟同下d客傾吓計～～

川師傅新開既舖 去到果然冇令我失望 個飯團太驚喜 🍙加上日本蛋黃 味道實在太夾 食得出師傅用心燒而家仲多左好多酒既選擇 紅酒 白酒 啤酒 同sake職員好用心推介 選左枝性價比即原酒 有回甘味掛住食嘢 冇乜影相 😂😂ps 好鐘意新環境同裝修 感覺好舒服 三五知己 男女朋友 都可以推介既餐廳

#鈴木酒場 位於西菁街網球場對出，稍為遠離市區嘅煩囂🌳餐廳明亮嘅淺色木系裝潢、紙吊燈、加咗三粒正方形冰嘅冰水，更讓食客感覺去咗轉小日本🧚🏻‍♀️🇯🇵唔會浪費等候串燒製作嘅時間☝🏻點咗梅漬蕃茄仔、雞絲沙律及炸餃子。梅漬蕃茄仔甜甜帶微酸好開胃～雞絲沙律以京蔥作主調，醬汁唔會太結稠，配搭清新開胃🤤炸餃子唔會炸到好乾，幾好味，嗌咗2客🤭豚肉串燒款式豐富！有平實最愛白板串（咸香唔乾）另外亦分別有豚肉卷香蔥（左上）、野菜菜（右下）、蘆筍（右上）及青椒（左下）🍢各有特色！最愛嘅都係卷香蔥（香蔥控💚）最驚喜就係卷野菜（即係娃娃菜），估唔到咁夾！娃娃菜嘅甜味及水份令豚肉片更顯juicy及清甜😋🍘燒飯團製作極緻💕珍珠米混合甜醬油、菜粒及香甜日本蛋黃🤤鋪上木魚絲，口感豐富🧡另外亦點咗燒魷魚干及炸雞塊，同樣香口佐酒🍻炸雞方面，雞塊大大粒，炸粉同雞肉唔會一咬就分離👍🏻雞塊底鋪咗好多椰菜絲，一啖雞、一啖菜、一啖啤酒，就唔會熱氣啦👍🏻此外，燒豆卜亦不容錯過～豆卜唔會燒到好乾𠝹嘴，調味都無平時自己bbq淨係灑孜然粉咁單一，豆卜上淋咗少少醬油，鋪上木魚絲，食到豆卜味～另外亦點咗燒雞翼及燒白鱔，稍為較前面介紹嘅食物失色，較