影片
營業時間
今日營業
06:00 - 21:00
星期一至日
06:00 - 21:00
以上資料只供參考, 請與餐廳確認詳情
我未試過訂個生日蛋糕咁受氣！真係一肚氣！向來好少寫評價但今次真係實在忍唔住要寫！首先講個蛋糕，訂左個Frozen Elsa生日蛋糕比小朋友，勁多色素，訂果時已經要求整淺色d, 但完全冇淺色過，完全係求其拎個現貨再寫個生日牌就算（生日牌仲要寫錯）隻手掂到藍色忌廉d藍色都抺唔走，點比小朋友食呀，真係影下相算，完全唔敢擺落口然後間野態度勁差！我whatsapp聯絡餅店（應該係老闆）訂蛋糕，訂之前問佢可唔可以西灣河地鐵站交收，佢覆可以！咁我先落單, 然後取餅前兩日因打風，我whatsapp佢睇下可唔可以遲一日先拎蛋糕，佢都覆我話ok. 點知到取餅當日，我打去西灣河餅店問可唔可以提早少少取蛋糕，點知店員話無收過order! 我再whatsapp老闆，佢冇覆我，我咪直接打電話去，隔左一陣有個男人聽電話，佢話要check下，轉個頭就話個蛋糕仲喺工場，莫講話早少少，原定時間都送唔切嚟，極度懷疑係漏左單，然後佢話安排唔到西灣河地鐵站交收，話冇人手，叫我自己去餅鋪拎，我話我訂之前問過話可以西灣河地鐵站交收我先訂，而家遲左又唔通知我，地鐵站交收唔到又唔通知我，仲要我主動打去問佢先話我知送唔切同埋要我自己去餅店拎.咁都算，我諗住睇下佢其他分店會唔會有多啲人手可以送去地鐵站交收，佢態度超級差！仲話「你打幾廿個電話嚟都冇用架，總之安排唔到人手去地鐵站」下？我打兩次電話咋喎，第一次係confirm蛋糕既order, 第二次係問佢其他地鐵站有冇可能交收到. 然後仲要cut我線！跟住我再打返比佢，佢已經唔聽我電話！最後被迫去拎個蛋糕，臨時臨急唔知邊度搵Elsa蛋糕，又唔想小朋友生日失望唔開心，不過呢間GDB bakehouse真係永久blacklist冇下次！大家小心！唔好貪平！
繼續閱讀
當年這款布甸法包係香港出現，引起一輪熱潮時至今天，一些街坊麵包鋪也仿效推出，一於買黎試下單個$16，買兩個$25，蛋漿料尚算包滿，不過明顯不平均；而且覺得甜左D，但都夠滑至於個法包，都係一般咁（個人本身不太喜歡食法包）；但個包人面挖得幾平均，而且薄，令入面既單漿感覺非常充實，好滿足！
繼續閱讀