金龍越南餐廳 (已結業)

18 May 2007 (Fri) - 午飯同朋友過黎黃大仙食飯，求祈是但一餐，我叫咗蕃茄牛腩河，友人叫咗蝦餅湯檬粉，我哋再叫一個馬拉盞抄通菜，因為友人話想食馬拉盞抄菜！蕃茄牛腩河($21)，蕃茄湯唔錯，但係牛腩真係幾硬下，又幾大件，唔好食，河粉好散下，食到底較難夾黎食！朋友既炸蝦餅湯檬粉($26)，炸蝦餅炸得唔香口，好淋下，唔係因為啲湯既關係，係個顏色都麻麻！檬粉都好散，湯底勁淡而無味！馬拉盞抄通菜($30)，無乜難度，所以OK，咸魚同蝦醬味都有啲，並唔太咸碟嘢，不失其香味！水準平均！

各位我o個日一大班friend去黃大仙拜神趁下熱鬧, 拜完就去食D野la心想,黃大仙會邊有咩特別野食唉,走去全黃大仙最好o個個商場行下行下,到間叫,金龍越南餐廳嘩!超平,至少平過咩越棧,平過金牛苑就唔洗講la我o地叫牛肉檬卷啦,炒越式河粉,炸蝦餅等等1)牛肉檬卷超足料,夠大條,2)炒越式河粉份量都算大,Ok woo,3)炸蝦餅, 超低,夠大份,有蝦味4)個下午茶餐又夠大份結果我又去食多次, 昨天!!個晚餐超大份,個例湯一飲就知足料,加上每個小炒都包白飯,好過其它餐廳要白飯都加5蚊但係有樣野我發現原來個老闆好肥,仲好惡, 因為我見到個員工落錯單, 結果就馬上被鬧wakwkakwum.,..服務就OK la, 無咩問題不過個餐廳位置就唔太好, 好難見到...係個藥行旁邊, 夾係中間,好難...

去完聖母醫院探病，就走到附近的龍翔中心找地方醫肚。這領匯的商場算有幾多食肆，最意想不到的是有starbucks的分店在此。當然，我們不會去starbucks食晚飯。有兩間都想試試，一是Angel Blue Cafe而另一間是金龍越南餐廳。最終走進了金龍。點了二人套餐再加一碟越南炒粉皮。套餐有生牛肉湯河、扎肉湯河、春卷和炒通菜，另有兩杯飲品。越南炒粉皮其實即係牛肉炒河，不過都算炒得幾好味，亦不會太油。兩款湯河都是一般水準。最好是炒菜，好香，又爽口，高水準之作。春卷都炸得好脆口，熱騰騰脆卜卜的，也是不錯。以街坊茶記來講，這裡的服務算幾好。埋單平均每人唔使$40，合理吧。

客人雖然少，但是味道不錯；奶茶都頗香滑，不燙口；咖哩豬扒湯河味道很好，味道沒有被湯沖淡。本人當時三點幾到達，有下午茶，$18，抵食；下次經過會試下另一款。

見到呢度啲食評講到幾好，所以同啲同事試吓。去到時已經無位，所以都等咗一陣。呢間係一間茶餐廳X 越南餐廳。午市每日有六種套餐。我哋叫咗咖哩炒飯，越式炒粉，豬扒泡飯等。味道都幾好，加凍飯都係廿八元左右。响龍翔中心嚟講算係有啲特色嘅選擇。服務都OK，一般茶餐廳速度。下次一定要試吓啲牛肉粉.....This is probably not a place frequent by too many, yet if you are a visitor of the nearby Wong Tai Sin temple this could be an ok choice. I had lunch there with some colleagues because of some good reviews here. We got there had to wait a while before we get a table. It is sort of a combination between "Cha Chan Tang" and Vietnamese Restaurant. We had

間野難食到嘔,D朦根本就唔太眾化下午茶D野食要成2:30先開始最衰就係D 凍朦就係FOR D 食得酸既人我食唔倒酸野,問佢拎D 熱湯竟然要加我錢仲要我話想加熱湯果時,佢又無聲明要加錢拎到黎先起張單寫好心就整下D 冷氣設備啦~隔離怡D人食食下冷氣機漏水你話幾無MOOD 丫~~未見個D熱檸茶D檸檬切得咁薄總括黎講間野好不知所謂,如果你整D食物出黎唔係大眾化,而係FOR 部份人,咁已經失敗左一半

又幫襯左幾次後有新發現再寫食評除左越式粉麵既早餐外仲加多左西式早餐選擇多而且即叫即煮新鮮熱辣個樣好似唔錯平時食得多沙嗲牛肉同雞絲今次試下個沙嗲海鮮金邊粉($22)但呢個就唔多抵食比雞絲貴4蚊但質素還要差只有魚片,急凍蝦粒同魷魚幸好金邊粉份量多而且湯底無因為係早餐而偷工減料服務亦好好凍檸茶少甜後仍然好甜我請佢加茶都無話黑面另外隔離檯剛過十一點先叫早餐阿姐都無say no

我講既唔係味道上呢排去食過幾次發覺佢慢慢多左食物既選擇以前只有越式食物而家menu上仲加左一d中式食物而且價錢係一般茶餐廳收費不過今日食碗粉時發覺份量少左相中為沙嗲牛肉湯檬

因為近屋企而且味道唔錯服務態度又幾好再去試左幾次原來好多人都覺得呢度d沙嗲汁味道好所以差唔多每檯都有人叫沙嗲湯粉幾次經驗下沙嗲湯底同河粉個味道最夾但可惜配料只可以揀牛肉,雞絲,海鮮或者扎肉牛肉同雞肉份量都唔少雞肉仲食到少少雞味牛肉雖然係肥牛但唔算太肥唔錯不過呢度d飲品唔得紅毛丹冰,雜果賓治都麻麻地都係叫番檸茶,咖啡會穩陣d而且lunch time只係得炒飯麵既set湯粉類要熱飲加5蚊,凍飲加7蚊阿姐d服務態度好好雖然有時人有錯手,落錯單但你要改佢都唔會黑面

前幾日黎食午飯叫左沙爹雞肉河,烤牛肉檬,紅豆冰同雜果賓治沙爹雞肉河～沙爹味同之前一樣咁香花生味,雞肉亦嫩滑,河粉都幾滑口,但個人認為都係沙爹汁同檬粉夾d烤牛肉檬～叫左多醃菜走蔥油,點知只係走左蔥油,醃菜無多到,檬粉上檯時一舊舊,幸好牛肉入味而唔油,overall都係翻啅之選紅豆冰～叫佢少甜少奶,點知一樣無少到,好重椰汁味,幸好紅豆夠淋,如果可以少甜d就好好喇雜果賓治～無試過唔comment!服務都唔知話佢得唔得好落單時有乜要求都話得得得.......但上檯時又係另一件事

星期日中午黎食上次食過雞絲撈檬好味,再食另外朋友仔要左沙嗲牛肉湯檬跟紅豆冰同菠蘿冰雞絲仍然係用左新鮮雞絲有鮮味沙嗲湯檬出奇地好有花生粒粒O係面增加左口感而沙嗲湯底好香濃檬粉吸左D湯好好味不過牛肉用左肥牛多左D肥肉囉紅豆冰要左小甜結果真係少到紅豆淋淋地但仍然係原粒幾好味道

星期日訓醒未食野o係無乜選擇下同朋友仔黎左呢間唔起眼既餐廳叫左雞絲撈檬同烤牛肉撈檬份量都幾多除左檬同主菜外配料亦有少少酸蘿蔔同青瓜雞絲無乜期望但食落竟然有鮮味再食一啖相信係新鮮雞手撕而成烤牛肉一d都唔油亦唔un不過不失加凍飲加左5蚊唔收加一都幾抵