金鳳茶餐廳

營業中

休息中

在香港最傳統而提供單一性茶餐廳的老茶餐廳真很少，這家在灣仔街市附近，店舖很小，但店舖還維持非常好。以前的茶餐到現在已變化了一點，但不吃不可。沙爹牛肉米粉加菠蘿包奶茶應該是最傳統之一種。菠蘿包的重量真是異常的重磅，在家有自己做也沒有這種份量，真的是重手之物。而且所有面包都是餐廳的面包師傅親手做的，絕對新鮮。朋友話沙爹是這兒出名之物，只次於omette,所以能不吃。味道果然濃厚，牛肉嫩滑，十分美味。奶茶是傳統茶餐廳味道就不用再介紹了。

香港島茶餐廳嚟講, 金鳳茶餐廳都算係頭三!今次係我第一次過嚟食Lunch, 仲要係特登過海嚟食!但真心覺得Tea Time 客人少啲, 食物質素會好好多!沙嗲牛肉麵表現正常, 但麵身有啲硬, 啱晒鍾意食口感嘅朋友.加左$5 要咗個鮮油 (菠蘿油), 個面麵飽實結實嘅, 好重手㗎, 食一個都已經半飽喇, 但略嫌唔夠熱.嗰奄列整得好好食, 啲蛋又滑, 火腿又入味, 相當唔錯.個餐嘅重點係凍奶茶,茶味相當夠, 口感夠滑, 不枉我刻意過海嚟食.小提示: 1. 提醒侍應個包要熱啲2. 座位比較狹窄, 2人卡位都好逼, 帶多野嘅食客會好唔方便

在灣仔附近完成工作 見到金鳳難得沒有人排隊 就決定食個快飯 由於餐廳不大 如果要堂食 要有心理準備 通常都要與其他客人搭枱 而且不是可以坐得耐的餐廳 今次都係選擇了每一次都叫的常餐 常餐會有麵/餐包或菠蘿包/煎蛋或火腿奄列/熱飲細碗的沙嗲牛肉麵 沙嗲汁濃 牛肉又有不少片 麵不會太軟身菠蘿包大大個 菠蘿包脆皮不錯 牛油味香 麵包紮實 不是連鎖餅店的太空包 可惜菠蘿包不熱 加$5可以轉菠蘿油 但不轉都可以 碟邊都會附上牛油凍奶茶超級推薦 茶味香濃出色 而且奶茶沒有冰 不會因為冰塊融了而令到奶茶味道變淡

去開灣仔，去金鳳茶餐廳食返個經典港式口味早餐一早到來已幾乎滿座，店裡空間不大，一邊係四人卡座，另一邊係兩人及單人卡座，中間就擺左圓枱。非常濟迫，好有香港特色點左營養早餐B $44沙嗲牛肉麵用細碗裝，好有滿瀉感。牛肉好蛋片，係鮮牛肉，沙嗲汁好正，麵又彈牙，正🥰早餐可以配餐包或菠蘿包，一於試下菠蘿包。一上枱好震撼，個包勁大又高，將煎蛋都遮住晒。菠蘿包唔熱，不過牛油味濃又好紮實，食晒實好飽肚。雖然冇加$5鮮牛油，店員仍係碟邊批左少少牛油（可惜我唔食牛油，浪費左）熱谷古：完全冇奶似黑朱古力，岩晒我，微苦帶朱古力香，好味食食下聽到有食客問幾點有蛋撻，原來930就有！之後又聽到店員叫：雞批出爐喇，隨即聞到勁香🤤原來現場有製作雞批、蛋撻同麵包，為食叫左個雞批，姐姐仲好醒主動拎個膠袋幫我包起個菠蘿包🥰

除左奶茶比較正常，其他冇一樣嘢好味，d菠蘿包同餐包又凍又梗，從來未食過咁難食嘅餐包同菠蘿包，重話係最出名，真係唔知點解，完全非常十分之失望中晒伏，冇下次唔會再幫襯

今日嚟到灣仔呢一間老牌老字號茶餐廳食早餐，朝早嚟講，原來都幾多人，都要排咗20分鐘先入到去！排隊期間見到有雞批新鮮出爐，好多打工仔都買來做早餐！ 下次有機會我都會買一個今日叫咗沙嗲牛肉公仔麵，餐包轉左菠蘿油，煎雙蛋，同埋一杯熱檸茶 呢度最出名嘅當然係佢嘅沙嗲牛肉公仔麵，沙嗲牛肉公仔麵嘅牛肉應該佢哋自己炒嘅，味道非常香濃，牛肉咬落，亦都唔會有好韌嘅感覺，配上公仔麵食非常好，只係略嫌公仔麵嘅湯有啲小，食到最尾有啲唔夠！菠蘿油都非常好食，飲埋熱檸茶，非常滿足！

見生意咁好，以為好好食啦，入去一試，嘩我叼⋯⋯⋯⋯第一次食菠蘿油係塊油完全融曬落個包度囉！！！你哋見過未？！我真係30幾歲人第一次見⋯⋯真係活到老見到老⋯⋯菠蘿油完全融曬，個包又實嘅，還被啲牛油浸濕曬😓⋯我究竟食咗啲咩⋯⋯我最後食唔曬個菠蘿油，而且我見其他台的人好多都係食剩曬個包！即係唔係我一個人覺得難食！唔好同我講因為個包新鮮出爐熱所以會咁，我唔係未食過現整嘅新鮮出爐菠蘿油。希望大家唔好同我一樣中伏完先嚟後悔💔💔💔💔💔

久聞大名的老牌茶餐廳 一直都冇咩機會幫櫬 今日辦完事路過碰上蛋撻啱啱出爐 即刻買個試下(大概下午2:30左右 買完看到裝菠蘿包嗰個烤盤被拿佐入去😜)熱辣辣！ 個撻皮質地介於酥皮和cookie之間掉渣那種同埋係比較薄身啲嘅 唔會搶佐撻心個味 因為他們撻心的味道主要係突出蛋香濃郁 甜度都比較低 一啖下去重點主要係撻心而唔係個撻皮 撻皮主要係平衡好似流心狀質地的撻心（如果你鍾意厚身cookie塔皮的話 哩個唔啱你😅）下次試菠蘿包同奶茶😌

而家香港咁懷舊嘅餐廳真係唔算多經過灣仔見到一間好似好懷舊嘅茶餐廳令我諗起係電影先見到嘅情景、我一直都覺得呢類嘅餐廳好有特色小弟一直好鍾意食蛋撻、飲奶茶 一杯好嘅奶茶會影響當日既心情。我同我朋友分別叫咗一杯凍奶茶、一杯凍鴛鴦、過咗一陣我哋決定每人一個蛋撻試吓佢凍奶茶同凍鴛鴦唔會有冰 但係都夠凍 非常之好奶茶嘅茶膽同埋茶香亦都好夠味而蛋撻嘅蛋味都好夠，酥皮亦都好夠味唔會好甜或者好重牛油味，總之佢就將成個蛋撻整得好好食。

-本身好鐘意飲奶茶，食蛋撻，在會展行完Art Basel，久聞金鳳大名，就行過黎一試。-食物：叫左兩杯熱奶茶，兩隻蛋撻。因為當時已經五點幾，其實已經冇咩客人。杯熱奶茶唔錯，茶味濃。蛋撻就有啲失望，因為唔熱，唔脆，雖然明白五點幾都未必有新鮮出爐的蛋撻。-環境：港式茶餐廳的裝修，座位比較迫。店員都冇咩服務可言。我見入黎餐廳的主要都係遊客。-總結：因為冇下午茶餐，兩杯熱奶茶，兩隻蛋撻已經要HK$70左右。明白餐廳有啲歷史，對某些人黎講係食情懷，但如果你係為食物而來的，試一次就夠啦。

上晝去行鋪，見出開去灣仔又好耐無食過金鳳。所以就去佢到食個lunch再番Office。一如以往門口都係有條一龍喺到，不過好快就有得入去坐啦。每次嚟到金鳳都覺得所有嘢都好mini，而啲嘢食就好大份。可能為咗就番啲咁細張嘅枱櫈啦。坐低就即刻嗌咗個煎蛋菠蘿包，雪菜肉絲米。菠蘿包可惜唔係啱啱出爐，不過食落去嘅味道就係舊式茶記出品嘅麵包味。煎蛋係即刻煎就差極都有個泡。合格。雪菜肉絲米嘅雪菜肉絲俾得好多，搞到有啲浸唔到落個湯到，鹹咗少少。最後杯凍檸茶就正路啦，舊式茶記沖嘅茶膽，實香嘅。味道如一，值得繼續幫襯。

灣仔金鳳既菠蘿油實在太劣，個包實的的唔鬆軟超重身，菠蘿皮係硬既唔係脆。睇錯名原來呢間唔係出名果間，本地人都中伏，可能遊客會以為香港啲菠蘿包真係咁難食😢______________________________🏠金鳳茶餐廳📍灣仔春園街41號春園大廈地舖💵 HKD40 per head‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

做野經過，見到openrice 有成20幾個推介菠蘿油 ，就買左個返公司做下午茶 一打開望到個菠蘿包形狀已經奇奇怪怪，好似長方形餐包鋪左層菠蘿皮 唔緊要！ 呢d傳統野最緊要有內涵，又唔係用黎野卡既，好食就得咬落去口感似食緊饅頭，好「漿」口，而且好大陣廉價麵包既味道，街邊2蚊個加左好多添加劑果種🤮🤮 菠蘿皮都完全唔脆，食落得個甜字成個包得塊牛油叫正常，好驚嚇 其實都無預期會係有好高質素，但無諗過係難食到咁，可謂係我食過最難食既菠蘿油…..咬左兩啖直接送入垃圾筒

以前都幾多時間會來金鳳食個快，因為佢曾經係我最鍾意食的沙嗲牛麵，但真係愈來愈多人，有時見到人龍都會走。今日癮起又得閒點，見唔多人都排下。排左三個字隊，入到去都係例牌坐一面，兩個大男人擠在狹小的卡位其實都幾辛苦，不過之前都係咁，算了，隨即就叫個午餐食。沙嗲牛麵+雙蛋+菠蘿油+熱奶茶一黎就上個菠蘿油先，菠蘿包身凍左，塊牛油重凍，失望。菠蘿油影唔切，因為急急腳就上埋煎雙蛋同沙嗲牛麵。餐廳用的碟好淺，所以啖啖都有濃郁沙嗲牛味，但唔知係咪趕住上菜，麵身好硬，似只係煮左分半鐘，你見如澳牛出餐都好快，但質素係維持到。雙蛋，一般。最後最最最緊要杯茶，唔知係咪耐冇飲，都係一般質素，茶味唔夠，真係有點可惜。希望情意結係可以維持到質素，而唔係成為佢有空間退步的因素。餐廳：金鳳茶餐廳 Kam Fung Restaurant地址：灣仔春園街41號春園大廈地舖  Address：G/F, Spring Garden Mansion, 41 Spring Garden Lane, Wan Chai #肥誠 #肥誠搵食 #fatshinghk #instagramhk #instagramfood #food #餐廳

一行三人入到餐廳 自己搵位 坐低左即話坐唔到三個人 叫我地坐住兩個 另一個自己坐 語氣差 呼呼喝喝 問佢之前有位係咪安排坐位俾三個人 話要三個人一齊坐就出去等 完全係你死你窮咁既態度食物叫左蛋撻同熱奶茶 蛋撻無蛋味 偏細 連壇島蛋撻都好食過佢 奶茶淡口無味 無特別見佢歷史咁耐帶外國朋友試 無下次