金鳳大餐廳 (山林道) (裝修中)

今日來到尖沙咀，山林道有一間叫金鳳嘅餐廳， 呢間餐廳係一間老字號嘅食扒嘅餐廳。應該無人唔識佢。除咗長沙灣之外，尖沙咀都有分店。。。呢間餐廳，老字號加上佢嘅餐都分量好大，而且價錢又唔貴！非常抵食！餐廳職員都好友善，佢哋會介紹下最近推出一啲新嘅套餐。今日我哋就試咗美國德州頂級西冷牛扒，牛肉味濃，鮮嫩多汁！我哋用鐵扒碟上，淋汁嗰下，真係好香！佢嘅牛扒都幾厚，而且一啲都唔鞋，好嫩口，又真係多汁！佢個牛肉味，的確幾濃！令一款，我哋叫咗，帶子紐西蘭牛扒拼荷蘭豬扒，呢度除咗牛扒出名，原來豬扒都唔差！一樣好鮮嫩多！又厚又大塊！我覺得金鳳嘅扒餐，真係無得輸！價錢合理，平民化夠晒貼地！

近來天氣轉涼，秋高氣爽，心郁郁想搵間餐廳鋸扒，暖下個身，所以今個星期放工就同朋友試下呢間喺尖沙咀既金鳳大餐廳。久聞金鳳既大名好耐，但之前未有機會一試，今次終於有機會試下喇。夜晚6點幾就同朋友去左山林道既金鳳，餐廳環境闊敞，座位亦坐得舒服。我地點左一份T骨牛扒餐，五成熟，附上牛油餐包，餐湯同飲品，質素不錯，只係略嫌飲品細杯杯左小小。呢塊T骨牛扒仲大過塊鐵板，遮住哂下面既薯菜，牛扒既淋度剛剛好，一啲都唔鞋，加上熱辣辣既黑椒汁，口感一流。雖然呢塊T骨牛扒非常大塊，但係我三兩下手勢已經食完，性價比實在好高，十分推薦!另外亦點左一份美國頂級西冷，都係五成熟。雖然呢塊西冷牛扒唔算係好大塊，亦唔係鐵板上，但勝在火候控制佳，肉質嫩口同新鮮，牛味十足，配埋黑椒汁簡直係Perfect match!總結而言，環境舒適，員工服務到位，餐廳位於貴價地段但係牛扒定價親民而且性價比高，所以我會再來呢度鋸扒。味道 4/5環境 4/5服務 4/5衛生 4/5抵食 5/5

好耐好耐冇食港式鐵板餐啦，於是今晚黎到位於山林道的金鳳餐廳鋸下扒!太子果間就食得多啦，呢間就第一次黎食!餐廳都幾大，有卡位亦有普通位!由於是平日的關係，所以都唔駛等位!餐牌上有好多不同的扒類可以揀，而每款扒都會跟有湯、餐包和飲品!羅宋湯跟餐包，唔知點解食鐵板餐的餐廳羅宋湯特別好飲，夠酸又夠辣!餐包夠熱又夠軟熟，配上牛油一齊食更加正!金鳳招牌牛柳餐，牛柳非常厚肉，好重牛肉味，醬汁選了蒜蓉醬，而且再加錢加生蒜，更可口惹味!牛肉底還有薯條和椰菜，薯條是粗薯條，特別好食!T骨牛扒餐，牛扒有成塊鐵板咁大，牛肉味都幾濃，肉質鬆軟。由於牛扒好大份，所以T骨都好大條，見到都覺得惹味呀!凍檸茶，唔知點解港式鐵板餐廳的凍檸茶味道又係特別好飲，檸檬夠酸，茶底夠澀，而且甜度亦會剛剛好!間唔中食下港式鐵板，兒時的回憶返哂黎呀!

久吾久就會好想吃港式扒餐,鐵板, 紙巾, 黑椒汁, “喳”明白嗎?係回憶的感覺今晚收工就去左金鳳食”回憶”.N年無去, 食物質素令人好驚喜叫左一個美國扒, 一份芝士焗肉醬意粉先講吾好的地方啦加左錢轉龍蝦湯, 可惜湯死鹹飲左一兩啖就飲吾落口包就一如既往地鬆軟,必搽牛油! 會更香口去到肉啦 友人叫左7成熟扒咬落好軟滑, 重點係竟然保留濃濃的牛味!外面好多牛肉飛水飛到好無味道單單依靠醬汁呢間並吾係! 有誠意!另外意粉都吾差WOR大大碟又香又抵食

🐷🐷🐷🐷▪️金鳳貴族牛扒餐 ($168)依個餐係全餐廳最貴既牛扒餐，即管試下佢有幾貴族！牛扒厚度上已經贏左十條街😹 有成4cm厚!!伴碟有薯格同啲蔬果，喺茶餐廳又真係幾少食到啲咁fancy既餐🤣 牛扒order左五成熟。食落去厚肉有滿足感！牛肉油脂味同肉味並重，加埋茶餐室扒房專有既黑椒汁，成件事都幾邪惡🙈 依個價錢我比滿分🤔〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️鴛鴦扒餐 ($88)因為已經叫左個扒餐所以就叫埋豬同雞扒。豬扒既表現又係出乎預料之外咁outstanding，鮮嫩多汁，鬆軟易入口，係油膩左少少🤣 雞扒既表現就不過不失。所有既餐都跟左餐湯，餐包同飲料。兩個餐既份量真係夠曬3個正常食量既女仔食🤔〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️燒牛肉芝士三文治 ($33)〰️〰️〰〰️️〰️〰️〰️4/5🐷〰️〰️〰️〰〰️️〰️〰️🔸Overall ($289+1)📍金鳳大餐廳 (尖沙咀)尖沙咀山林道9號A地下

第一次去這間店 都係朋友介紹而來..這店都係舊式設計, 冷氣很舒服 位置都多..但很有趣是都是兩個兩個入來食的..餐牌就有好多唔同款的肉類選擇. 而這而的扒有分碟上或鐵板上..之後都是好傳統般在你面前加汁...那個肉汁遇熱發出的聲音聽到後真係食指大動.前菜餐湯同沙律都唔馬虎味道都唔差. 而今次點鴛鴦扒就是試試兩種肉水準.. 出奇地牛扒同豬扒都很有口感 ,而且都幾大塊.最後上的雪糕也委好吃有少少果肉在入面. 成個餐$158 食完真係大滿足.. 另外食太多肉的關係所以就外加一個沙律食點菜.. 到上菜昤也委驚喜 $58 都有大大碟.  調味是用醋加橄欖油,吃落很清新  有點美中不足就是上面配的麵包..就太油膩  不好吃.這店位置係偏僻一點..但行遠少少食都是值得.

「金鳳」喺香港無人不知，最近知道已經係50週年，實屬難得，所以去支持一下！餐廳推出咗一個50週年特別版嘅牛扒餐，當然要叫一個啦！餐湯及餐包～ 微暖軟熟嘅餐包，加上濃度適中嘅忌廉湯，好味！「香港味」濃嘅凍檸水同凍檸茶！帶子牛柳餐～ 有兩粒香煎帶子，一口一粒，而且煎到非常香口，非常滿足！牛柳方面，極之嫰滑同淋！厚度都非常合理！ 不得不提嘅……係佢有得加兩蚊加香蒜，蒜加埋牛絕對係別具一番風味！50週年金鳳貴族牛扒餐～ 朋友點咗呢個，有少少失望唔係鐵板上，不過睇返牛嘅質量，就釋懷返！ 本身肉厚、味濃，而且鎖汁做得非常之好， 由於唔係鐵板上， 所以唔會一直warm住，就可以慢慢食，唔怕越放越熟！老店果然有老店嘅質量保證👍🏻

以前想浪漫下，就會選擇去食西餐，至愛去老牌剧扒餐廳食，好味又大份，而家反而少去食了，通常都會揀食日本菜同台灣菜等等，昨日約左朋友出尖沙咀行街食飯，剛好傾起以前成日一齊去食鐵板扒，所以我地不若而同想去重拾下回憶，去左山林道依間老牌牛扒餐廳食晚飯可能閒日既關係，客人唔算多，唔洗等位就可以立即入座，店員帶左我地去卡位座坐低，我就叫左至愛既什扒，因為咩都有得食，唔洗左諗右諗，我朋友就叫左份美國德州頂級西冷扒餐，所有扒餐都包餐湯、餐包同飲品店員神速先送上一紅一白餐湯，羅宋湯都幾濃味，暖暖餐包搽少少牛油再點湯咁食一流，忌廉湯味道飲落較淡，落左少少胡椒粉調味一下，湯味道帶胡椒香好飲好多飲完個湯，剛好就送黎扒餐有蒜蓉汁同黑椒汁揀，我既什扒餐就配左黑椒汁，另外我仲追加左生蒜茸當中有厚切豬扒、牛柳肉、腸仔同火腿，配菜係波浪薯條，豬扒食落軟熟啖啖肉，仲要超大塊，配生蒜茸食一係正到飛起，真心推介同埋係必加之物！牛柳肉接近九成熟，但食落依然軟熟帶牛香，腸仔火腿同波浪薯條由細食到大，真係食極都唔厭，夠哂份量！我朋友叫左七成熟頂級西冷扒，淋左蒜蓉汁，另外都追加左生蒜茸，入口軟熟帶汁，牛肉味香濃十足，配蒜茸一齊食更加

尖沙咀 金鳳大餐廳今日晏晝去開山林道，突然好想食扒。所以就平平地去金鳳鋸扒。尖沙咀呢間分店好大間，枱櫈都幾十張，比總店闊落好多，光猛好多，坐得亦舒服好多，潢設計帶點舊式 相當別緻 算是港人集體回憶 金鳳大餐廳有著馳名各式各樣價廉物美扒餐黑椒汁牛扒仔 呢個價錢仲有西湯、餐包同埋餐飲，最緊要係餐飲凍飲都唔洗加錢。餐湯都好足料，羅宋湯鹹淡適中！有一點點微辣的感覺！香濃料多。餐包都係暖暖地嘅好好味，黑椒汁牛扒仔 肉質可口和軟嫩。肉味香濃，配上黑椒汁令肉味味更加突出整體嚟講，食物OK，份量好夠。推介⭐️⭐⭐️⭐⭐ —————#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #follow

金鳳既鐵板餐過一排又會掛住想食，鐵板加埋D汁治治聲彈到周圍都係個感覺真係好開心！ 呢晚又黎到金鳳搵番呢D治治聲，我地分別叫左兩個set dinner，美國西冷同埋牛柳餐，最重要係加蒜茸同埋黑椒汁！ 店員先上左我地既餐湯同埋餐包，兩樣都夠哂熱辣辣！餐包熱辣辣加埋牛油又令到舊牛油溶溶地真係好好食！紅湯夠足料有辣味！白湯就夠哂忌廉！ 到鐵板出場！其實店員有問我地要碟上定鐵板上！我地咁中意D治河聲梗係鐵板上！但鐵板上都真係易俾D汁彈到！因為好想快D食肉個陣要切開就俾D汁彈到！為食係要付出代價！ 美國西冷明顯比普通牛柳餐優勝！肉質嫩D! 兩者份量都夠哂多！不過我地驚唔飽所以叫多左碟意粉，意粉加$12有一大碟！抵食！

中學時代開始金鳳一直是我享用鐵板餐的首選，價錢平之餘，扒的份量十足而且質素高，絕對是學生時代的恩物。自畢業工作後，食無定時，生活一片混亂，已經有好一段時間沒有經過金鳳大餐廳。難得是今日同友人經過，見金鳳仍然坐立於佐敦山林道，而且店內裝飾得比從前更有時代感，一於入坐享用鐵板餐緬懷一下。我同友人各自點了一份牛扒餐，各5成熟，包括美國極品牛小排及金鳳貴族牛排，隨餐附上忌廉和羅宋湯及餐包。餐包大大件配牛油好好食，牛扒又厚又唔會韌，再加上蒜蓉鋪滿在扒上，將肉味同黑椒汁味道都昇華到極緻，最後再配上餐飲凍檸檬茶完尾作結，這餐非常滿足。其實除了牛扒外，環顧四周仲有食客點了其他的扒餐，如雜扒餐，龍蝦牛扒餐等，全部都係價錢相宜，份量足，性價高，因此好值得推薦。

人妻的童年成長於充滿本土特色的舊香港!裏面有冰室有豉油西餐,有每一次大日子爸爸媽媽都會帶我們去食的扒房裏面的菜單未必是最頂級的材料未必是最精緻的擺盤但是滿載濃濃的人情味和家庭的期盼⋯⋯時至今日金鳳仍然係人妻的生活中擔當起文化記憶的傳承！拍拖表白是它、求婚是它、家庭同樂日是它、獎勵小朋友亦是它！粵語而今天因為希望同老公仔一同放鬆下工作上的壓力特意相約一同過嚟鋸扒舊夢重溫頭盤是餐包和羅宋湯羅宋湯鹹淡適中！有一點點微辣的感覺！香濃料多美國極品牛小排肉質可口和軟嫩。肉味香濃，配上蒜蓉令肉味味更加突出，最重要係呢個級數只需要$140左右就可以享受簡直係平到冇得輸！香煎羊扒小鮮肉老公就食佢最鍾意嘅羊扒！由於用鐵板上菜，傳熱快令肉汁被充分鎖著，不會『乾爭爭』。肉質柔軟細緻！食到老公仔舔舔脷最後由於鋪頭有周年紀念飲品中免費加大添啊⋯⋯真係超級大件夾抵食

又是同親愛的鄰居來每月一聚既飯局 記得轉工前曾經同親愛既鄰居 食過臨別既扒餐 因為當年金鳳大餐廳係長沙灣新開舖 剛好可以一試 不過當時只得一個鐘 吃得不算滋味 既然是每月飯聚 當然時間就可以鬆動點 走到最原始原址既金鳳大餐廳 裝潢設計帶點舊式 相當別緻 算是港人集體回憶 金鳳大餐廳有著馳名各式各樣價廉物美扒餐 望望餐牌 果然選擇真不少 雞牛海鮮應有盡有 除左扒餐 仲有傳統飯麵可選 款式都不少 跟親各自點了什扒餐 套餐仲會附送餐湯餐飽同餐飲 餐湯識揀一定要揀紅湯 超濃茄味之餘仲有大量配菜 絕對是真材實料 餐飽配牛油是經典既拍檔 經過加熱既餐飽 再搽上牛油 沾上餐湯 是最捧既食法 什扒餐算是港式扒房傳統之作 有雞扒、豬扒  size都不惹少尤如整塊面般大 肉味算濃郁 而且肉汁豐富 咬落有嚼勁 配合香氣迫人既蒜蓉汁 令人更添垂涎三尺之感整塊扒原汁原味 不經醃製 屬水準之作 至於餐飲只是普通檸茶檸水 不值一提

中學時期已經聽聞金鳳鋸扒好食，但係一直都未去試過，前排聽中學同學講返呢間就去試。甘岩適逢50週年，promote緊晚市消費滿$500送$50現金券。【金鳳貴族牛扒】$168為著50週年先推出就試下，下次黎未必有。牛肉味吾算好重，但又真係幾多肉汁，而且好厚，大塊到食吾哂。跟餐包同餐湯【蕃茄焗豬扒飯】豬扒都幾軟香，加埋鮮蕃茄既酸味，幾開胃，不過個醬汁就水潤d。飯底有炒香過，焗到熱辣辣既米飯先好食。【炸蝦】金黃香脆既炸蝦，蘸酸酸甜甜沙拉醬就最夾。

今日做完Facial同男朋友諗緊食咩行到去山林道見到有間餐廳好多人排隊原來係金鳳餐廳😂唔講唔知原來係新店本着唔執輸嘅態度就即刻去食一食先比起太子總店既人龍，呢度都仲可以接受（下圖係食完飯後影既）等左10分鐘左右就已經可以入去啦我哋好快就點左兩個美國扒 餐湯👇🏻隔咗一陣鐵板牛扒已經可以上枱啦醬汁有1️⃣黑椒汁2️⃣蒜蓉汁我哋兩個都加咗生蒜，好似係加$5唔加唔好同人講你去左金鳳 成塊扒無哂靈魂🉐頂級西冷扒塊扒真係大到個鐵板都裝唔着 勁厚加咗啲黑椒汁同生蒜 食落去好攻鼻好辣真係多重感觀既刺激🥺肉質好結實無渣🉐帶子牛柳一句講晒帶子晶凝通透 大大粒表面輕輕煎過 裡面仍然係微溫 唔會好鞋口相對黎講牛柳既份量較細 肉質比我嘅西冷扒更加柔軟 所以男朋友好鍾意諗住嗌餐飲嘅時候服務員再同我地講話消費滿$180就可以升級做紅豆冰紅豆冰加鐵板餐根本就係童年回憶完全冇得抗拒🙈🌸紅豆冰嘅製作都絕不馬虎紅豆煮得非常之軟綿 又唔會太甜買單先發現原來晚市消費滿$500 即送$50現金券，可惜都仲差一大截睇嚟下次都要叫多幾個朋友一齊食先得——————————食物質素：7.5/10環境衛生：6.5/10舒適度：7/10服務：7/1