金鳳大餐廳 (晴朗商場)

營業中

休息中

對這間餐廳印象不太好，首先是先入為主比較了D2的分店，哪裏是相對乾淨衛生，而且傢俬比較新淨。在這裏卡位的梳化比較殘舊，而且一些雜物也堆滿了在各處空間。另外一個特別之處，這裏有一個六座位的 VIP 小房間。另一個終極特色，就是茶餐廳服務及配置竟然需要加一服務費。今次沒有點選鋸扒，我想那是最值得選擇的菜品吧。我們分別叫了焗飯及常規的雜扒，味道都是過咸，所以這是最後一次吧，最主要原因是味道及性價比不合理。如果你是附近街坊，建議你繞過這所餐廳吧。

第一次黎行過附近，諗住問阿姐咖喱撈烏冬係港式定日式？我：想問咖喱撈烏冬係港式定日式？小梅姐：港式定日咩式呀？ 聽唔明你講乜！小梅阿姐塊面已經好唔耐煩我：（我以為阿姐聽唔清，我再講一次）即係港式定日式？小梅阿姐：緊係香港啦，你以為大陸呀？！我：哦⋯ 我唔係話大陸，日式即係日本甜咖喱小梅姐：你呢個問題真係好難答！我唔知咖喱係咩式，我只知黃咖喱白咖喱紅咖喱，我未食過我唔識答你！我已經唔想同佢繼續呢個話題，同埋問佢一句個樣好似得罪左佢咁黑！ 太肚餓我就冇叫咖喱叫燒汁啦⋯好普通！普通到我覺得唔好食！真係唔值呢個價，新蒲崗大把40幾蚊好食少少🤏 食緊既時候已經諗早知去麥當勞食，個職員態度差又唔好食做餐飲連食物既本身咁簡單問題都唔知😐我覺得員工係需要培訓囉之後睇返OpenRice 先發現原來呢間咁多打手，差評都係鬧食身質素同職員態度差，講真想做街坊生意仲態度差好快會執笠

啟德站真喺好多餐廳，行咗去晴朗商場發現咗間老字號金鳳大餐廳，好耐都冇食金鳳，即時入去鋸個扒先！回憶番哂嚟，微波爐叮叮的餐包🍞超濃味羅宋湯🍅好creamy嘅白湯美國安格斯肉眼扒（七成熟）碟上保留肉汁，配脆薯格同爽甜雜菜，加$2爆多蒜蓉，惹味到舔唇！另一必試招牌牛柳餐，喜歡鐵板咋咋聲上枱，五成熟靠餘溫至剛剛好，切開粉嫩無筋，肉質鬆化，淋滿黑椒汁更帶焦香，口感好鬆軟添。餐廳店員姐姐都好有禮，環境都闊落坐得舒服。

繼續為姨甥仔試食唔同餐廳嘅肉醬意粉，今次就揀左啟德sogo附近嘅金鳳餐廳，晚市除左鋸扒之外（不過我覺得佢啲扒麻麻），仲有得食焗意粉或者焗飯。今次我哋揀咗焗肉醬意粉，同埋焗海鮮意粉。估唔到味道真係唔錯，份量十足，肉醬有好多肉醬，海鮮有好多海鮮，我相信係小朋友鍾意食嘅口味，同埋每碟大約70幾蚊，都算經濟。可能我地嗰日較為夜入座，所以座位好舒適。最後埋單總共$158 ，真係好飽，下次有機會會帶埋姨甥仔嚟。

雞髀都好食嘅，懷舊沙律竟然有西芹，我很喜歡，不過如果唔鍾意西芹嘅，應該就會好愕然，凍檸茶都好味。不過店員帶位就非常沒有彈性，話說下午茶時間我見到入面都冇坐滿，前面有兩張大枱飛，得我一張二人枱飛，阿姐好堅決唔俾我哋入先，佢話一定要撳咗張大枱飛先得，但出邊完全冇人等位，相信嗰個攞咗大枱飛嘅人客已經走咗，我問可唔可以搭枱？佢話得，但都要等兩張大枱賣咗單，俾佢執埋，先可以俾我地二人枱，呢個安排非常之荒謬，首先見到出邊冇人，點解唔撳走兩張大枱飛先呢？要等兩張大枱埋咗單走咗，再撳飛肯定冇人返嚟，呢個做法匪夷所思，應該學吓其他餐廳「以下號碼只限二人枱」咁咪解決囉⋯⋯同佢講完都冇用，搞到我哋等咗成20分鐘，但明明入面有好多二人位（搭枱位）

金鳳餐廳在啟德地鐵站附近的晴朗商場開咗分店，今日同朋友過嚟睇吓新店同食晚餐。雜扒餐份量十足，配料豐富，包括雞翼、腸仔、火腿、煙肉、豬扒、牛扒等，墊底是波浪紋薯條，醬汁揀咗黑椒汁，醬汁澆在熱鐵板上，香氣四溢，口感豐富且帶有鐵板的香脆。加18元有茄汁意粉，每條麵條都均勻沾滿醬汁，口感彈牙。鴛鴦扒餐：雞扒的嫩滑和豬扒的香脆互補，配合黑椒汁醬料，口感豐富且帶有鹹香微辣的層次感。扒餐包括：牛油餐包、餐湯及餐飲牛油餐包質地柔軟、富彈性。忌廉湯細膩滑順，帶有奶香和淡淡鹹味。凍檸茶入口檸檬芳香清新，茶味香醇濃郁，甜而不膩。

今日嚟到啟德嘅金鳳大餐廳嗰度食嘢，萬事非常之爆滿，等咗幾分鐘先入到去，一人嗌咗一個餐分別係牛柳餐同埋雜扒餐每一款套餐嘅價錢已經包咗餐包湯同埋嘢飲，所以都幾抵食👍🏻👍🏻羅宋湯港式羅宋湯用牛肉粒、椰菜、紅蘿蔔、番茄等慢煮，湯底酸甜帶牛肉香，材料超多，喝落暖胃又滿足，係經典西餐廳開胃菜！🍲鐵板牛柳餐牛柳預先煎香，放上熱辣辣鐵板，淋上黑椒汁，鐵板滋滋聲超吸引！牛柳肉質軟腍多汁，啱啱好七成熟，配薯條，吸晒黑椒汁嘅精華，視覺同味覺都好正！🥩鐵板雜扒餐牛扒、豬扒、雞扒、腸仔同埋雞翼，真係一次過滿足你多種願望，全部鋪晒鐵板上，醬汁一淋即刻香氣四溢，份量十足，滿足感爆燈🍳

金鳳大餐廳有幾間分店，主打港式鐵板扒餐，晚飯時間，見到差不多枱枱客人都食鐵板，“滋滋”聲音此起彼落，非常治癒。《咖哩羊扒飯》$105羊扒煎得香濃，配咖哩汁更加惹味，送飯一流。《每月精選晚餐》$188套餐豐富，餐湯、餐包、前菜、主菜、甜品、飲品齊全。前菜：日式鰻魚薯仔沙律有半條鰻魚，份量頗多，沙律新鮮主菜：鐵板西冷牛扒拼司華力腸大大份的牛扒加一條肥嘟嘟的司華力腸，淋上蒜蓉汁頓時煙霧四起，簡直令人垂涎欲滴。牛扒熟度剛好，還有薯條墊底，夠滿足。甜品是幼滑的綠茶雪糕

這家餐廳在地鐵站附近，老牌茶餐廳牛扒性價比高，其他食物質素收費也公道。晚餐有不少選擇，例如美國牛扒、港式扒和晚市套餐。⭐️美國牛小排餐包括牛油餐包、餐湯、餐飲。餐包軟熟。牛小排煎至medium rare，外層焦香內裡粉嫩多汁，茶餐廳可以做到這個質素有驚喜。肉質柔軟得可以用餐刀輕鬆切開。特別調配的醬汁可以襯托牛肉原味。 ⭐️肉醬豬柳扒意粉有兩塊豬柳，意粉量多。肉醬意粉鑊氣十足，番茄肉醬酸甜平衡。羅宋湯大大碗。⭐️柚子茶解膩。

被譽為平民扒房的老字號，創立於1969年，主打懷舊鐵板餐，每到午巿晚巿時分，更座無虛席。🥩招牌牛柳餐🥩牛柳色澤紅亮，肉質細嫩，上枱時還有「滋滋聲」，香氣十足，鐵板的高溫能鎖住肉汁，口感好豐富，每款扒餐也有大量薯條及蔬菜墊底，再配合惹味香濃的黑椒汁或燒汁，非常惹味。🥩T骨牛扒餐🥩T骨牛扒有兩種不同肉質，肋骨及脊骨形成，外層燒得焦香，份量好大，非常吸引，油脂豐富而分佈平均，嚼感帶筋，肉味濃郁。

好多人都話食金鳳，就咁多年都冇食過。今晚新年去啟德探完親戚，夜晚又唔知食咩好，見到附近有金鳳又唔想食小炒就去鋸扒。呢度啲員工做嘢超有效率，見到個微波爐櫃裏便一次過起碼叮10個以上嘅餐包。但係啲餐包出嚟又係暖又鬆軟。羅宋湯正常酸度啱啱好。屋企人個蕃茄豬扒意粉同埋咖喱豬扒意粉嚟咗先，咁就偷嚟試吓味。個焗豬扒好似以前細個喺大排檔食嘅味道，係有少少偏酸，但係好醒胃。不過豬扒個份量就少咗啲啲。另外個咖喱豬扒個咖喱汁純粹超港式就係以前中學嘅時候喺大排檔食嗰種感覺。試咗個咖喱豬扒幾厚身，唔會嚡口同乾。其實點餐嘅時候見到其他人點好大塊牛應該係牛柳嚟嘅，但係始終第一次試就就食個普通牛扒，同埋晏晝喺長洲飲完茶其實未太肚餓。雖然話好港式嘅牛扒，但係食落唔會太重梳打粉醃過嘅感覺。五成熟鐵板上剛剛好，喺近筋位有少少韌係可接受。其實呢個份量一塊已經好滿足。下次餓啲嘅話可以試佢個牛柳。事次用餐為自費。

一直對港式扒房有份情意結☺️成日經過金鳳都話下次要食，終於成事入店後，第一印象係裝潢比較新穎，大概係因為晴朗村係一條比較新嘅屋村吧～餐廳主要做街坊生意 四圍既食客都係一家大細 甚至有人食緊生日蛋糕慶祝生日tim 人情味甚濃🤍我哋三人叫咗鐵板雜扒餐、鐵板雞扒餐、嚤囉飯餐（咖喱雞扒飯）。上枱一刻大家都不若而同嘩了出聲，如果扒餐對女仔嚟講實在太大份啦(⊃｡•́‿•̀｡)⊃白湯、紅湯都𝐨𝐫𝐝𝐞𝐫咗，好大碗呢～隨餐仲各有一個餐包😋♡︎羅宋湯飲落有蕃茄味仲帶點點辣辣地、湯既蔬菜都幾足料٩(◕‿◕｡)۶♡︎忌廉湯飲落比較𝐜𝐫𝐞𝐚𝐦𝐲 ，有粟米粒🌽，唔會話好稀( ̀⌄ ́)♡︎美式雜扒餐上餐後，店員會因應你的喜好淋上黑椒汁或蒜蓉汁！渣渣聲好有feel!雜扒餐超豐盛啊，有牛扒、豬扒、雞翼、香腸，同埋火腿。每款肉都好大塊，啖啖肉，好惹味。♡︎鐵板雞扒餐雞扒有兩大塊，一樣咁豐盛呀，好驚喜薯菜除咗有薯條，仲有翠肉瓜。份量多，食到捧住個肚走。♡︎摩囉雞扒飯咖喱汁好出色，飯底都炒過，咖喱汁撈飯相當惹味。

今日我同老婆去咗金鳳大餐廳食晚餐，呢間餐廳位於九龍城嘅晴朗商場，環境好靚，氣氛輕鬆，非常適合情侶約會。我點咗每月精選晚餐，包括羅宋湯、鰻魚沙律，同埋五成熟嘅鐵板西冷牛扒，仲有司華力腸。最後，我仲選咗即磨嘅凍咖啡同埋芒果意大利配方雪糕。羅宋湯味道濃郁，湯底好香，鰻魚沙律就清新爽口，搭配新鮮嘅配料，唔會太膩。牛扒煮得剛剛好，肉質鮮嫩，搭埋香腸，更加美味。老婆嘅選擇係海鮮燴煙三文魚意粉，味道好好，煙三文魚嘅香氣同新鮮海鮮完美結合，意粉煮得啱啱好，口感非常好。佢仲點咗一杯紅牛飲品，呢款飲品係士多啤梨雪糕加氣泡水，既清新又解渴。最後，佢享用了忌廉湯，奶香濃郁，味道十分滿足。整體而言，今次嘅用餐經歷好愉快，我哋唔單止食咗好味嘅晚餐，仲享受咗一個開心嘅晚上，真係好幸福！

職員態度惡劣，極趕客！！！雖然食物質素尚可，但真係完全坐得唔舒服，唔夠半個鍾叫你讓位。成200蚊一個扒餐，咁嘅服務，真係擔心你挨唔住。我亦都開始明白， 點解有啲餐廳真係要執笠。

之前細個嘅時候成日都同屋企人食金鳳，而家大咗帶佢哋嚟緬懷一下以前！屋企人都非常鍾意食呢一間餐廳，所以今日就帶咗佢哋過嚟食！我哋叫咗兩個餐，我覺得整體味道都做得唔錯，同以前嘅味道都好似！！忌廉湯同埋雜菜湯，每樣都要一個，我自己個人來講就比較鍾意忌廉湯，口感比較濃郁，而且食到有蘑菇，真係懷舊嘅味道！雜菜湯嘅味道都唔錯，都覺得非常開胃，加埋麵包！呢個價錢嚟講，都覺得冇乜可以挑剔，整體上都唔錯！鐵板牛柳五成熟，餐廳最出名嘅當然係佢嘅懷舊牛扒套餐，我就揀咗呢一個鐵板牛柳！個人嚟講鍾意食牛柳多啲，牛柳係牛嘅腰大肌，所以通常呢一個部位嘅肉都比較鮮嫩。而且佢嘅肉質都比較柔軟，唔會話好硬嘅情況出現，餐廳用嘅牛柳質素當然係好啦咁多年老字號，我覺得味道都非常唔錯，再加埋餐廳嘅黑椒汁，真係完全冇得輸，所有童年回憶返晒嚟，仲會好貼心咁叫我哋退後少少，黑椒汁再加埋牛柳嘅味道，簡直係天衣無縫，味道非常好食，而且牛柳中間呈現粉紅色，證明餐廳喺烹調時間方便都控制得非常好，價錢嚟講已經係非常抵食！屋企人亦都食得非常開心.