金香緣雲南過橋米線 (已結業)

今日肥妹仔同肥家姐一齊去咗荃灣嗰邊搵嘢食，路過一間叫金香緣嘅雲南過橋米線，肥妹仔都好耐冇食米線啦，就決定入去食晚餐啦。小鍋紅薯粉  $50肥妹仔揀咗番茄湯底，而配料就有豬潤，牛腩同埋大腸。先講佢個湯底，係非常濃郁嘅蕃茄湯味 ，飲落去就好似食緊一碗滿滿嘅蕃茄，超級香濃，肥妹仔我勁鍾意食!佢嘅豬潤同大腸都洗得好乾淨，食落去一啲都冇異味，牛腩就煮住得好淋好入味，薯粉煙煙靭靭，非常彈牙爽口。小鍋紅薯粉 酸辣湯底  $48另外肥家姐就叫咗呢一個酸辣湯底嘅小鍋紅薯粉，配料有竹笙，牛柏葉同埋炸醬。個湯底酸酸辣辣，超級惹味。竹笙同栢葉都吸滿了酸辣湯底，所以食落去好入味，唔會好清淡。至於佢個炸醬做得非常出色，佢嘅炸醬仲保留咗一粒粒豬肉嘅口感 ，撈埋薯粉一齊食好好食。涼拌皮蛋  $18肥家姐對佢嘅涼拌皮蛋讚不絕口，佢嘅辣汁唔算太辣，但係食落去有少少麻，好惹味。口水雞  $36呢一個口水雞肥妹仔我就覺得超級好食啦，佢嘅雞肉質好嫩滑，一啲都唔柴!而佢嘅醬汁唔會太辣，妹仔我接受到，食落去有口水雞嗰種麻同辣，非常刺激。青檸梳打  $16解辣一流。道地蜂蜜綠茶$8

早兩日囉經荃灣見到一間食雲南過橋米線叫做金香緣雲南過橋米線 見入面人又唔係好多就入去試下 米線方面肥雞蛋咗個酸辣小窩米線配料簡咗牛柏葉 祝生同埋炸醬 小食嗌咗個 川辣口水雞同埋涼拌皮蛋 首先講番嗰個酸辣小窩米線鮮酸辣度可以畀你揀大中小辣我就嗌咗個少辣但係呢食落去都有啲流汗嘅感覺 個湯底非常之惹味又酸又辣 而牛柏葉都畀啲湯給曬啲汁食落去交差唔多等於飲一啖湯非常之香口至於嗰個涼拌皮蛋雖然睇落好似好辣但係其實呢咬落去呢有少少微辣之外呢嗰種皮蛋味好香 最抵食就係個酸辣口水雞36蚊打差唔多畀咗成半隻雞你啲辣油好香口配合配埋芫茜啲雞又話食落口真係非常之一樓

今日同朋友嚟到荃灣行街，經過依間米線舖，大家見肚餓就入去試吓啦。依間米線舖睇黎新開，裝修不錯，環境亦乾淨衛生！睇下餐牌，食物選擇應有盡有，仲有特色小食俾你揀！炸醬腩肉香菇燒麻辣薯粉：依個麻辣湯底好香，而且味道好濃厚！配上超彈牙薯粉，一流！炸醬好貼心用個碗仔另上，真材實料份量十足！腩肉食落好爽滑，而且唔會係成大舊肥肉，好味！香菇燒大大粒，食落又真係濃濃嘅香菇香氣，不錯！朋友點咗一碗：鮮牛肉龍崗雞章魚燒番茄米線佢碗米線又係超級足料！而且番茄湯底十分鮮味，牛肉同龍崗雞好軟滑！章魚燒大大粒，爽口彈牙！見啲小食好似幾吸引，於是我地亦點咗兩個試下：香辣酥炸豬頸肉：啲豬頸似炸得又香又酥軟，唔好炸到乾晒，而且份量十足，食落好滋味！口水雞：除了非常大碟之外，碟雞上檯時候是熱的，而麻辣汁配上雞件，一睇就已經令人食指大動！雞件入口軟滑，辣油開胃，非常好吃！

今日OpenRice左間米線，見都幾多好評所以去試下我叫左香茅豬扒炸醬酸辣米線多酸等左大概5-10分鐘碗麵就到喇第一眼望到已經覺得湯底色香味俱全，即刻試左一口果然係出眾之後再試左啖香茅豬扒，一咬落去差啲辣親，即叫即炸，非常香口，而且好爽口彈牙，超級好味呀！❤️炸醬就無乜特別，可以唔試唯一美中不足係啲米線唔夠彈牙😔，一咬即斷～無乜咬口。如果日後老闆睇到我果comment可以煮到彈牙既米線就好啦哈哈！香茅豬真係好出色，必點👍🏼

荃灣好多出名嘅米線鋪，但環境未必間間都好呢間裝修光鮮啲，而且網上見到幾多好評，就過黎試過下午茶叫左一人一個米線，加兩款小食，炸豬頸肉同皮蛋米線份量好大，同譚仔無得比我嘅蕃茄湯好濃，不錯肉醬偏鹹，但加在米線中，也可以喜歡呢度嘅配菜有木耳絲！酸辣(小辣)米線，都幾有辣勁！🌶🌶鮮牛肉夠嫩唔老！香菇丸幾香！炸豬頸肉無得頂，平時燒已經好香，脆炸過更美味！皮蛋好好味，蛋選得好靚！擺盤精美，見微知著，看得出心機！下午茶可加優惠價加飲品/汽水，不錯！

香港米線鋪有好多，今日經過荃灣，黎到沙咀道，見到有間米線舖好似好吸引，行到攰攰地，就入去試吓食下啦。呢度嘅米線選擇有好多，有豬骨湯，有番茄湯亦都有麻辣湯，應有盡有。而且小食嘅種類又多好多。佢哋嘅米線用嘅鍋好有特色，出邊食嘅米線通常都係用個大碗，但係呢度會用一個黑色嘅鍋上，米線嘅份量十分之多，而且米線好彈牙，滑溜溜，仲配上一啲嘅芽菜十分之爽口，今次我叫咗番茄湯，湯底酸酸甜甜好開胃呀，唔可以唔提嘅係佢嘅餸十分之大份，我叫咗豬扒，蘿蔔，佢嘅餸唔係好貴，最重要嘅係大大份真係稱得上係巨無霸。朋友叫咗嘅係魚蛋，龍崗雞，同埋豬腸，豬腸真係不可不吃，因為佢唔會好肥，而且大大件，魚蛋爽口彈牙，龍崗雞完全唔會有雪藏嘅雞味啊至於小食方便，我哋叫咗涼拌馬勒皮蛋，馬勒汁好香，而且唔會好辣，配上送飯嘅皮蛋，果真惹味涼拌貓耳，實質就係云耳，同樣地都係有麻辣汁，爽口又彈牙，而且冰冰涼涼十分之開胃。嘢飲夠晒冰凍消暑一流

這陣子想要吃米線的心又走出來了! 但又唔想來來去去都係去平時食開個幾間, 想要話去試下D新口味~於是我地今日係荃灣搵左呢間新新地既米線店黎到滿足下胃口!呢間店唔算係旺既位置, 唔係特登搵既話我諗我未必會經過入去試,店鋪裝修得不錯, 坐位唔算太迫, 比較有返D空間感~望望餐牌, 配料既選擇都算多喎! 而且呢度轉紅薯粉係唔使加錢!我揀左豬大腸、腩肉酸辣小辣紅薯粉(因為第一次食既關係,試小辣比較安全吧)而朋友揀左黑豚肉、腐皮蕃茄米線, 其實我朋友比我更食得辣, 可惜佢唔舒服所以要忍一下叫蕃茄湯了~先係蕃茄湯黎到, 利申:我朋友對蕃茄湯同埋食米線都有一定要求,而今次對呢個蕃茄湯既評價係一般,蕃茄味道不夠,而黑豚肉同腐皮新鮮好味, 米線合格!至於我的豬大腸腩肉酸辣小辣紅薯粉, 我覺得很不錯!!酸辣入面帶點麻辣, 好惹味!豬大腸乾淨而且爽口, 腩肉亦比我預期中好, 食得出佢地用既食材係新鮮~紅薯粉正常, 同酸辣湯係絕配!我已經跟朋友說好, 下次等佢病好, 我地再黎挑戰!!

荃灣一向多野食，今日就黎左呢間雲南米線舖試下，位置不好找，但食落有驚喜!七點鐘到達，店舖都幾乎滿人，肚餓的我們二話不說就order食物，我叫左碗响鈴、牛筋生菜酸辣小鍋米線、男朋友就叫左碗雲南過橋米線!小食就叫左香辣酥炸豬頸肉同埋章魚燒，配埋支豆漿，正!等左大概5分鐘，食物就到，我個碗口感不錯，湯底唔算太濃但有淡淡酸辣味一路食一路滲出黎，响鈴生菜正常水準，而牛筋就真係好好味，入味又軟口，真係好入味!男朋友個碗就又睇得又食得，碗米線黎到係會由職員現場一碟一碟咁係你面前落配料即煮，感覺比一般過橋米線多料，特別是加入了粟米粒和滷蛋，男朋友一路食一路讚 小食方面，香辣酥炸豬頸肉炸得好香口，食落口有一種「入口即溶」既感覺，男朋友就話如果加埋個泰式辣醬點下就更多PERFECT!另一個小食章魚燒也非常好食，感覺好似炸花枝丸咁，推介必叫之選!食咁多野埋單200元有找，可惜地理位置差了點，但對米線有要求的朋友推介不坊來試一下，包你有意外驚喜!!呢個辣油好香

今早去荃灣戴麟趾覆診，睇完醫生後 ，到食中午飯，突然間想起食米線，經過沙咀道（金香緣雲南過橋米線）這小館地方須不是太大，但價錢經濟實惠，另上菜都算好快，適合香港人一般的要求，快靚正不錯之選，日後食米線不一定要去出名的食店， 坊間仲有好多選擇。叫左碗腐皮魚腐紅薯粉，湯底特別鮮甜，再加上煙煙韌韌的红薯粉，口感不錯，成碗粉都十分清甜美味。鮮牛肉米線， 牛肉分量就少了一些，不過都好新鮮。餐牌上仲有好多美食， 下次要試其他款式。

今日又係去城門行山嘅日子 天氣非常之炎熱 太陽伯伯全日都同我哋say hello 之後落到荃灣 繼續尋找好味嘅美食 去到呢一間金香緣雲南過橋米線 好似幾有特色 唔同某某連鎖米線店咁樣我地首先就叫咗一個小鍋紅薯粉 餸菜有豚肉 大腸 炸醬 同酸辣湯 豚肉口感十分豐富 唔硬但有豬肉味濃郁 而且油脂甘香 非常之可口 大腸無臭味 而且有陣陣嘅油香味 炸醬唔算好咸 豬肉味清淡朋友都係叫小鍋紅薯粉 餸菜有豬扒 切雞同豚肉 豬扒相比起豚肉 豬肉味更加突出 切雞味道同出面燒臘舖差唔多之後我哋仲叫咗花雕雞中翼 花雕味非常之香 而且完全滲入雞翼入面 令人食到上哂癮之後仲叫左口水雞 口水雞惹味得嚟 唔算好辣 非常之有麻味 我覺得係最好食嘅一道菜飲品方面叫咗鮮椰汁同青檸梳打 味道同出面飲到嘅差唔多 普普通通

今日有個住荃灣嘅好朋友帶我去食好東西，佢話依間係佢食過最好食嘅雲南米線，咁岩我又係超級喜愛米線之人，聽佢咁介紹法 唔食翻一碗對唔住自己呀😫我地各人叫咗一碗小窩米線，我叫咗腩肉、牛筋、枝竹酸辣湯底，而朋友叫咗豚肉、鮮牛肉、大腸清湯，小食叫款口水雞同香辣炸豬頸肉。😍佢依到嘅米線碗係用鍋仔上，令米線保持到一定溫度，酸辣湯好好飲唔會太酸，酸度適中，我叫咗小辣所以都會辣辣地，但辣得惹味過癮。豬腩肉肉質算嫩口，脂肪均勻，唔會太乾柴。牛筋最好食，煮得軟淋之餘，非常入味，咬落去幾乎係唔洗咬好好食呀。😋依碗係朋友食嘅，牛肉好滑份量都幾多，清湯底估唔到又幾好飲喎，清清地無咁重口味。口水雞嘅肉質好嫩滑，醬汁夠麻辣，仲要辣得嚟好香口，好令人上癮，會好想不停放啲雞肉入口。炸豬頸肉熱辣辣，外脆內肉嫩多汁，炸粉有少少微微地嘅辣度，加上甜辣醬食係一流！👍🏻估唔到又真係幾好食，湯底唔錯小食又滋味，下次出荃灣諗唔到食咩可以再encore😍

荃灣既米線舖花多眼亂，今日就黎呢暗新開冇耐既金香緣試試佢！有麵食有小食～仲有飯添！朋友就叫左個小鍋米線麻辣湯～有牛筋、黑毛豬豚肉同埋香菇燒！一砵咁上非常霸氣，食到尾都仲好夠熱，重點係啲麵多到女仔一定食唔晒🤭米線較粗身，比街外一般米線更有咬口👍香菇燒原來唔係菇而係香菇丸，都幾特別。我就叫左蕃茄湯小鍋米線🍜蕃茄湯唔同街多一般用蕃茄膏開既，唔夠茄膏濃，但有淡淡真正天然既茄香。推薦牛腩，肉淋且入味，份量仲幾多～《口水雞》$36份量多，雞肉滑，辣味夠香夠辣。如果唔太食得辣嘅朋友就未必岩食了😋《手拍青瓜》$18麻辣同口水雞果種一樣，青瓜爽口👍

The interior was so oriental and cool! Waiter was so nice and friendly to introduce special of the day to us.I ordered a little spicy soup with beef tendon and squid balls. It was all delicious, And can really satisfy your hunger! (hahaha!) why… they serve their noodles in a big bowl and truly they are so generous about the amount of noodles they put in it, I even didn’t get to finish it all.For my husband, he ordered with a toppng of pork skin, pork intestine and tofu. It’s a great combinatio

平時食米線黎黎去去都係嗰幾間，真係食到有啲悶。咁啱係荃灣嘅海港買完靚牛扒，諗住搭車鬆人就見到呢間新開無耐嘅米線鋪，就一於食埋先返屋企。呢度米線選擇就食開嘅大同小異，配菜自由選擇。不過見佢個鍋幾得意，係直接燒熱個湯底，再由食客自行落料參與下煮食嘅過程。揀左係招牌鍋，配料有十多種包括豆卜／腐皮／牛丸／豬潤／滑牛肉／魚蛋／木耳／炸醬等等。份量十足，揀左清湯底係因為近排熱氣，不宜食得太刺激。湯底味道都唔錯，米線算彈牙唔會煮到一夾就散。牛丸及魚蛋質素都可以，唔會食到一口只係麵粉味嗰啲平價貨色。豬膶同埋牛肉因為夠厚身，所以耐左都仲保持滑嫩。唔錯。最好嘅係豆卜唔係一開二，而係成粒咁好吸個湯嘅味道。一向食米線都鐘意食個拍青瓜解一解膩，青瓜食落爽口同入味，麻香微辣仲有少少芝麻增加口感，解油作用唔錯。環境新裝修無耐，乾淨企理。算係幾唔錯，唯一可惜係呢度無水吧，只有罐裝／樽裝飲品提供。否則有杯咸檸７都就真無得彈了。

喂呢間金香緣真係正😋啖啖都係真材實料，落單後即整熱辣辣，食落真係好舒服！不得不推薦！小鍋米線+豚肉、魚腐、枝竹湯頭好清甜，配料好足豚肉勁爽口，唔係下欄野🤤🤩酸辣小鍋米線+牛筋、肥牛、豆卜小辣湯底個湯頭顏色勁吸引🤤🤤🤤🤤牛筋好軟好滑🔥值得大讚成碗野都好正好順喉，好味到一大啖一大啖🤤🤤🤤 個份量好足，正！叫左個菜同花鵰雞翼，兩樣都好對版👍🏻正總括黎講，食材新鮮好味，米線煮得超好，調味又夠夾，真心正！青檸梳打+椰子汁為呢餐畫上好gur既句號🤤🤤😋