金飯館

營業中

休息中

係牛頭角有一間飯專門店！🍚主打飯既餐廳有自選經典飯、炒飯同泡飯可以選擇，岩哂一眾想湊下米氣既朋友🤭依家外賣做緊8折優惠，買返屋企慢慢嘆感覺比較安心～😋🌟 招牌蝦頭抽炒飯 $78餐廳有幾款招牌菜，其中一款就係呢款招牌蝦頭抽炒飯～🦐炒飯加入自家製既蝦頭抽一齊炒，食落味道好鮮味，而且粒粒分明，入味又唔會好油膩。👌🏿配料都好足，有蠔仔、魷魚、帶子，加埋大大粒既蝦球同櫻花蝦係面，味道層次都好豐富！😄

觀塘牛角頭都真系好多隱身美食, 朋友介紹左呢間好味餐廳, 就決定外賣返屋企慢慢食, 路上拎住已經聞到香味不斷飄出🍚叫左大熱既招牌即叫即炸椒鹽豬扒飯, 返到去一打開即刻嘩嘩聲, 因為見到有豬扒鋪滿成個外賣兜, 至少見到五六塊豬扒,  每塊豬扒唔細塊, 味道有肉味但不油膩, 無諗到會食到大牌檔鑊氣風味, 最重要系飯系炒底, 炒飯好香蛋味, 粒粒飯黃色被蛋包住, 唔油又乾真系真心讚 秘制沙嗲牛肉雙燶邊蘭王蛋飯: 沙嗲牛肉肉質唔會太硬林林地好易入口, 仲好香沙嗲味但唔辣, 仲有菜脯, 亮點就梗系蘭王煎雙蛋, 見到鮮橙色既蛋黃都想咬落去, 蘭王蛋有幾香幾好味唔使多講, 煎到半生熟既太陽蘭王蛋真系正🍳蜜汁雞翼3隻:  每隻外面都有一層蜜汁同粒粒芝麻,  咬落甜甜地好香好夾味，唔會太甜又滲出淡淡芝麻味 

今日去完牛頭角做嘢 又要獨自食飯啦 見到呢間金飯碗就入去食下餐廳人唔太多 卡位坐得幾舒服 食品係茶餐廳風格 今日就嚟過港式午餐啦即叫即炸椒鹽豬扒飯 真係要等成三個字先有得食不過絕冇白費 一上枱成座山咁高 豬扒都有六七嚿非常豐富 上面鋪上滿滿嘅炸蒜同辣椒香口惹味 豬扒炸得外脆內軟入面勁juicy 一啲鬆肉粉味都冇 用嚟送飯一流 下面竟然仲係極邪惡嘅蛋炒飯 炒得粒粒分明夠曬乾身 每粒都有蛋漿包住 鑊氣十足叫番杯凍檸茶下下暑 除咗一般嘅檸檬之外 仲加咗青檸落去 飲落更加清香解渴

嚟到觀塘．牛頭角，呢間餐廳嘅炒飯真係數一數二。入到餐廳已經聞到勁香，可惜禁堂食只好外賣。不過外賣有8折，計返又好抵食。留喺屋企食都安心啲。「招牌蝦頭油炒飯」開蓋聞到陣味已經流哂口水，原隻鮮蝦好爽口，加入蝦頭油炒得好香，炒飯粒粒都散開，個飯真係炒得好靚「即叫即炸椒鹽豬扒飯」需要少少時間，因為真係即叫即製，拎到返去仲係熱辣辣，豬扒夠淋唔會鞋，底層嘅炒飯底好好食，粒粒金黃，唔會好油膩「蜜汁雞翼」加上芝麻嘅雞翼，個汁甜甜地,又幾好味見隔離枱食緊「秘制沙嗲牛肉雙燶邊蘭王蛋飯」好吸引。我都好想試下，等疲情緩和，要再嚟堂食

最近好鍾意食蛋所以加咗入社交平台蛋控關注組 入面有隻蘭皇蛋一直都好想試上網搵咗呢間位於牛頭角嘅金飯碗 竟然有得食喎 所以就嚟食下啦 下午茶時間嚟到 餐廳人唔太多坐得都幾舒服叫咗個秘製沙爹牛肉雙燶邊蘭皇蛋飯 最吸睛梗係兩粒大大隻嘅蘭皇蛋啦 個蛋黃係橙色 蛋白煎到燶邊超脆口 蛋黃漿特別濃厚 蛋香味濃郁果然唔錯沙爹牛肉醬汁調教得而濃淡適中 牛肉一啲都唔韌 用嚟送飯一流下面係炒底 炒得夠乾身 鑊氣十足叫多份蜜汁雞翼 雞翼隻隻都超巨型 外面炸得脆卜卜入面超juicy 再加上滿滿嘅蜜糖 一啲油膩感都冇

停晚市的第一個晚上，選擇了這家街坊式的茶餐廳，由於是第一次幫襯，於是問不知道是老闆還是店員的大叔，「這裏有什麼好吃？」他指着餐牌頭兩行回答說「呢兩款最多人叫㗎喇！你外賣返去都得㗎，我哋啲豬扒外賣返到屋企都仲脆㗎！」是挺大口氣的！ ➡️  即叫即炸椒鹽豬扒飯 $78。然後我便豪無懸念地點了這款每日限量的炸豬扒飯，我家距離餐廳有半小時的路程，回家後還要等齊人才開飯，但仍然感受到豬扒的鑊氣，可能我半小時之久未能留住香脆感，但味道仍是滿分的！ ➡️  秘制沙嗲牛肉雙燶邊蘭王蛋飯 $78。對這款客飯的幻想比豬扒飯更高，因為沙嗲牛配飯，加上有「朵」的蘭王蛋，聽了也垂涎，結果是蘭王蛋確實加了不少分數，沙嗲牛極重口味，送飯一流！

金飯館金黃色嘅炒飯做到粒粒分明，蛋漿包住每粒飯，就睇得出師傅嘅功力而且裝住炒飯隻碟係有熱過，保持溫度呢個細心位值得讚👍🏽🌀秘制沙嗲牛肉雙燶邊蘭王蛋飯近期大熱嘅沙爹牛肉，除咗配公仔麵，配炒飯都係第一次沙嗲汁煮得濃而不膩，食到陣陣沙嗲香味，質素比得上好多沙嗲牛肉專門店牛肉份量亦係俾得大方，入口軟嫩，加上燶邊嘅蘭王煎蛋，鮮橙黃色的蛋黃撈飯好正，啖啖飯都充滿蛋黃香。🌀即叫即炸椒鹽豬扒飯椒鹽豬扒鋪滿炸蒜、蔥同辣椒，蒜味突出，非常惹味豬扒用左較多脂肪位置，肉質軟腍有油香而且份量都唔少，足足有5件豬扒，食得滿足🌀椒鹽雞軟骨雞軟骨粒粒金黃香脆，賣相吸引以香口嘅蔥、蒜提味，一上枱已經聞到陣陣蒜香同椒鹽香，幾種惹味食材嘅配搭令雞軟骨都變得有層次

之前同老婆OT，分別叫咗個招牌脆皮牛腩飯、招牌蝦頭油炒飯、沙嗲三寶同麻辣雲耳。先講脆皮牛腩飯，個皮都幾脆，無淋到，而啲牛腩亦都入味同唔韌，同平時食開嘅牛腩幾唔同，都係第一次食咁嘅煮法，仲配埋炒飯，咁嘅食法都幾特別。跟住到蝦頭油炒飯，食落去都幾香，而且唔算鹹，啲飯都無乜水氣，無淋到。而個麻辣雲耳都唔係好辣，反而酸咗啲。最後到沙嗲三寶，唔係太入味，不過份量都算多。整體嚟講以外賣嚟計都算唔錯，喺而家不能堂食的情況下可以一試。

門口有張好sharp可愛貼紙，出面啲相睇落好吸引，於是入去試下。用手機落單，可以電子支付，感覺係比較年輕嘅茶記。椒鹽豬扒飯 $78同其他茶記一樣，份量好多。飯底係炒飯，無白飯咁dry,炒飯金黃色好吸引，飯粒炒到粒粒分明，椒鹽豬扒味道好濃，好惹味，豬扒用左較多脂肪位置，肉質軟腍。祕制沙爹牛肉雙燶邊蘭王蛋飯 $78同樣係炒飯，煎蛋燶邊好香脆唔會太燶，一面係半熟，底就煎到好脆，用蘭王蛋撈飯好正，蛋黃味更突出。沙爹汁好香，牛肉腍滑。金飯仔沙爹三寶 $48細細碟但就有好多野食，豬皮吸曬d汁好入味，牛柏葉同魷魚口感爽彈。

睇門面以為係裝修靚仔d 既港式餐廳，食物質素真係冇諗過咁高質😍 由粒粒分明既炒飯底到檸茶有檸檬+青檸，樣樣都用心多少少，加埋就完全唔同晒，性價比超高🌟❤️即叫即炸椒鹽豬扒飯 招牌既椒鹽豬扒蛋炒飯，勁多塊豬扒堆到成座山仔咁，粒粒分明金黃色好乾身既蛋炒飯，大量炸蒜粒粒好香口呀～🧡袐制沙爹牛肉雙燶邊蘭王蛋飯 沙爹醬好香濃，牛肉好滑滑冇筋唔會鞋，最正係蘭王煎到半熟燶邊然後蛋黃汁撈飯超正呀!!💛椒鹽雞軟骨 脆脆雞軟骨，好惹味，一粒接一粒食唔停口

牛頭角一帶有很多餐廳，之前在附近住了一陣子，知道這條街的餐廳性價比都比較高，價錢不貴，但是都有不錯的飲食，金飯館我是第一次吃，本來以為他是泰國菜餐廳，聽上去有種泰國感覺，原來是一間純港式餐廳，看了看這兒的食評才發現，金飯原來是指炒飯底，這兒店面不算很大，也不小，能容納客人20到30人左右，下單到餐點到桌面的速度很快，店員也很友善。講一講食物方面，我們這次叫了即叫即炸椒鹽豬排炒飯跟秘製沙嗲牛肉雙燶邊蘭王蛋飯(名字有點長，但是一睇就明白自己有咩食到)加飲品熱飲6蚊，凍飲8蚊，合理價錢。以下簡稱為椒鹽豬排炒飯，賣相好大份好好睇，一座山甘樣，豬排係炒飯山上面大大塊，香味十足，炸的也好香脆，完全食得出佢係即叫即炸既味道，味道相對重口味一點點，咸了一點點，豬排上面有少許乾辣椒，香蔥，色香味一流，炒飯做到粒粒分明，香口不油膩。肉食主食之外還配有少許蔬菜，中和一下口味。沙嗲牛肉雙蛋炒飯相對椒鹽豬排飯會有多少少沙嗲汁，沙嗲汁香濃好味，牛肉嫩滑大塊好入口，份量依舊驚人，呢個價錢食到甘大碟飯都好吾錯，炒飯真係必食款式。不得不提佢既雙煎燶邊蘭王蛋，流心的蘭王蛋味十足，色澤誘人，燶邊為一大賣點，香脆蛋邊又吾會話

本身去緊食米線 係車見到之前save低左依間好似更吸引 即刻變陣搭去牛頭角黎試 未落車已經決定左要食兩個必食推介飯 牛飯時間電話落單後五分鐘就有得食!!! 即叫即炸椒鹽豬扒飯 $78實物同poster圖一樣 幾塊大豬扒上面勁多炸蒜 d飯真係粒粒金黃 炒得好乾身又唔油 熱辣辣加埋炸蒜食已經好正!! 豬扒塊塊都係厚身既 食肉獸/地盤佬都夠晒食秘制沙嗲牛肉雙燶邊蘭王蛋飯 $78好少食咁生既蛋 不過見食評話係日本蛋食好食既就試下! 幾香蛋味 不過覺得撈左沙嗲汁就無食唔出 cross over撈落豬扒飯個飯夾d🤪 沙嗲牛肉都幾多 沙嗲汁夠杰食 不過我自己鐘意花生味濃d既 飯都係炒低 但無豬扒飯個飯底咁好食兩個飯都比一般茶記高質 值依個價 不過battle既話係椒鹽豬扒飯贏

今日去牛頭角搵朋友👬，行到見到間個招牌名好特別，於是行去望下。發現係一間專食炒飯嘅鋪頭，啱曬我，因為我真係好鍾意食炒飯🥘。上網搵一搵資料，發覺呢間“金飯碗”喺牛頭角好出名，全香港只有一家，既然嚟到梗係要試下。即叫即炸椒鹽豬扒🥩飯🍚：呢度嘅椒鹽豬扒飯係佢哋嘅招牌菜，仲要係即叫即炸，咁當然要等一陣，但食好嘢係唔介意等嘅，果然冇令我失望，未上檯已經嗅到好香椒鹽香同豬扒🥩香，而且份量都唔細，豬扒🥩多到遮住曬啲飯，個炒飯炒得好靚，粒粒金黃色，蛋漿包住晒d飯，就睇得出師傅嘅功架，唔好以為炒飯好簡單，其實係最難。豬扒炸得好鬆軟，而且好入味，果然係招牌主打🥰。招牌蝦頭🦐油炒飯🍚：聽個名已經覺得好特別，出面未見過，佢哋嘅炒飯唔使多講，鑊氣夠之餘冇任何水分，令到粒粒米都好香同好分明，再加埋佢哋自製嘅蝦頭油撈落炒飯到炒，令依個個炒飯味道升到另外一個層次，而且入面啲海鮮都用足料，有魷魚🦑/元貝仔/蝦球🦐，簡直係高級版嘅炒飯。椒鹽雞翼🍗：佢哋呢隻雞翼係冇炸漿既做法，雞翼炸得好香，外脆內軟，好juicy好多汁，而且面頭佈滿好多炸蒜同蔥，令到成個畫面都震撼。食完咁濃味嘅嘢梗係要飲杯凍飲🥤，我哋叫咗杯凍奶茶/凍檸茶，

這間餐廳開張至今才4️⃣個月，就已經廣受好評，在開幕初時也有來光顧過，還記得那時來吃了一個乾坤金窩蟹粉炒飯，令人回味無窮。今天再來本想回味一下，可惜老闆說已過了時令，等秋天才有靚貨🦀 上次在仍有晚市堂食時來訪，人流不多，今次平日中午來訪，人流如鯽穿梭，幸好稍等5分鐘就有位置。門口仍不斷有客叫外賣，十分熱鬧，而且裝修頗趣緻，有自家吉祥物金飯粒和鮮蝦先生🦐場內以白色為主調，掛上像迪士尼角色的畫作，盡展童心。 蛋炒飯最初因蛋黃素油色澤如金，飯粒潔白如玉，故炒出的飯顆顆都是外黃內白，被稱作“金裹銀”🌅其後亦稱作碎金飯，正是這家餐廳的主打部份。午餐另外有泡飯和小食，下午茶時分更有米線提供，算有多元化餐點📔 🍳秘制沙嗲牛肉雙燶邊蘭王蛋飯 | 7.5/10因為疫情關係，各類食物關注組湧現，其中最具討論度的莫過於沙嗲牛肉關注組，我也曾跟當中的帖文揾食，發掘不少好地方🤓這份沙嗲牛肉的色澤較深，但鹹度適中，應是以鮮牛肉制成，肉質不會太緊實難咬，味道不錯，配有獨門菜脯清新口感🥓最搶眼的是蘭王煎蛋，鮮橙黃色的蛋黃誘人，蛋香濃郁無腥味，邊緣位置帶有焦香超正🍳 🥩即叫即炸椒鹽豬扒飯 | 8/10另一份招牌之作，每日限

前排係IG見到篇文章介紹呢間金飯館，我不嬲都好愛椒鹽豬扒，尤其係配炒飯底！😍今日咁岩黎觀塘附近搵朋友食晏，我當然順勢提議黎呢度試下😆❤️即叫即炸椒鹽豬扒飯豬扒炸到金黃色，配埋又紅又綠既香蔥同辣椒，賣相好得！😍豬扒份量超足😯 完全唔油膩，肉質半肥瘦入口鬆化👍炒飯底粒粒分明兼帶椒鹽香，好食！🤤❤️秘制沙爹牛肉煎燶邊蘭王雙蛋飯同樣出色！沙爹味香濃而有層次，牛肉肉質勁嫰滑😋 蘭王蛋邊位堅脆！蛋黃既蛋香味超濃郁！！撈飯一流！😍⭐椒鹽雞軟骨皮夠薄，口感香脆，但個人認為略嫌有丁點油膩～炒飯果然好得！👏 唔怪得叫做“金飯館” ，值得encore😎