金西南米線

營業中

休息中

✨自選酸辣小鍋米線（配肥牛）呢間肥牛肉感較多，幾啱我食🐮😋而米線份量好足➕煮得啱啱好，好掛湯汁，食落微酸微辣咁🌶️.✨酸辣小鍋米線一人餐（配金獎腩肉+蟹柳+肥牛）呢碗同上面嗰碗差唔多～都係肥牛肉感多，米線量充足🍜金獎腩肉唔係成塊係肥膏，肉嘅比例算多，食落好有鹹香。.✨椒鹽炸燒賣（6粒）炸得外脆內軟，外層薄脆 帶點椒香💛💛.✨麻辣手撕雞唔係好麻/辣，但有麻辣獨有嘅香氣撲鼻而來😂😂雞肉質感緊實。芫茜同花生嘅加入 增添不少風味🐓.✨煉奶炸饅頭炸饅頭都係外脆內軟，同香甜嘅煉奶好配🤤🤤.✨凍檸茶：比起其他茶餐廳 檸檬酸+濃度高啲

有日係米線關注組見到呢間米線好似幾出名 咁啱又係旺角開咗 所以就諗住去試下我叫咗個熱拌米線 個米線勁一般 個撈米線得個辣字 一啲都唔好食見open rice銅鑼灣嗰間分店勁多負評都知唔係好對路 真係無下次🙂‍↕️下次去其他就算了 又大份又好食然後杯豆漿得個甜字一啲都唔吸引😮‍💨唯一讚嘅係佢個椒鹽燒賣 夠脆不過鹹咗啲咁解🙂‍↕️總結個米線又鹹又無乜酸味 完全無食慾大佬 真係完全搞唔掂 埋單200蚊 真係無下次🥲🥲

諗住佢剛剛在旺角新開張試一試外賣，見佢舖入面唔多人，叫個員工介紹下有咩好食，但係佢好似唔想講，唔想介紹咁，好似阻住佢企喺門口叫客入去坐，仲要叫我自己落單信用卡畀埋，唔好煩佢咁！【但係當其時佢根本就冇嘢做】，跟住問佢可唔可以幫我落單順便畀埋八達通，佢就好唔願意咁，仲要一叫蘿蔔個餸就冇蘿蔔，唔怪得知入面果啲員工企曬喺到拍烏蠅， 只係得嗰兩三個客坐係到幫襯！ 返去試埋個味道就知佢咩料， 希望好食 ，但係我諗都唔會有下次！

我第一次幫襯呢間食店，就遇到非常不愉快嘅經歷。當我被安排入座，我問過侍應，可否把我的手袋放在隔籬位置上，如果你有其他客坐，我立即拎開，個侍應覆我可以。隔咗一陣，另一位侍應，叫我拎走個手袋，我見全場還有好多空位，我就同佢講之前我問過侍應，佢話我可以放住先，有人坐先至需要拎開，然後呢位侍應立即叫其他啱啱入嚟呢一間舖頭嘅顧客，坐喺我擠手袋個位，但全場還有好😓多空位😓我真係好唔明白，今時今日仲有呢一種趕客嘅服務態度😓佢嘅米線又唔係特別好食, 旺角周圍大把米線餐廳, 我以後唔會再幫襯

📍 金西南米線 旺角平平地食碗米線🍜呢間米線舖價錢合理，但岀名大份一定食飽您😳只有兩款主食揀，酸辣湯同埋涼拌！酸辣湯仲有套餐，只係68$就食到仲包兩個餸、飲品、+8就有一款小食真心平岀旺角😍✨ 酸辣小鍋米線湯底酸味十足，我嗌左中辣，辣度唔太辣，下次試下大辣先🤭🤭湯頭層次分明，米線煮得剛好滑嫩，吸收哂湯底的精華，口感豐富！另外我哋仲加左餸，金獎腩肉、炸醬、牛筋丸，令到整杯都好豐富🍜 牛筋丸軟滑彈牙，濃郁牛肉味，口感Q彈！炸醬係超多，鋪滿晒成碗酸辣米線，好滿足😍金獎腩肉肉質軟嫩，油脂分佈均勻，入口即化。✨椒鹽炸燒賣✨ 椒鹽炸魚蛋兩款都係椒鹽炸物，外皮炸至金黃酥脆，撒上適量既椒鹽，配店內招牌辣椒醬，增添咗少少辣味🌶️✨ 黃金炸咖喱角三大嚿，並唔係馬虎細細舊，每一件都係份量十足！外皮金黃酥脆，一咬落去好有驚喜，內餡則是香濃的咖喱汁同豬肉，感受到咖喱的香氣，搭配外酥內嫩的口感，係一款值得加分嘅小食！✨凍奶茶香滑既牛奶加埋濃郁嘅茶香，最後加入冰塊，冷藏至冰涼，茶香不會被奶味蓋過🤲🏻

喜歡食粉麵的我, 今晚你試下新開的米線店, 比安排面向牆的單人座位, 疑似老細的男人話下面有個勾, 可以掛野👍👍夠貼心🥰, 之後QR code落單, 有好多野都無, 無手撕雞, 無青瓜, 唯有第日再試過, 叫左BB辣小鍋米線, 多芽菜多芫茜😂, 叫左羅白豬潤🐽米線加豬紅, 凍🍋茶少甜少冰, 小食叫左藤椒魚皮走花生, 等左一陣送來魚皮🐟, 夠麻, 魚皮夠晒爽脆😘👍, 再之後送來🍋茶, 少甜都似甜左d😂不過茶味幾夠濃😍, 再之後送來米線, 用銀色碗裝, 幾夠特別👍又可以令食物熱d😀, 飲啖湯先, 味道唔錯, 夠熱亦不會太咸😄, 米線份量都幾多, 不過我個人就覺得煮得淋左少少, 豬紅ok, 唔會太碎濕濕, 豬潤好細件, 唔會好粉, 但又唔夠爽脆😆, 二件大羅白煮得好淋, 入晒味, 食到有少少薑味😍, 整體味道唔錯, 食左之後唔會好口渴😋, 都有下次😀

🌸肥牛墨魚丸日本鱈魚豆腐酸辣小鍋米線大大碗熱辣辣，肥牛牛肉味好濃郁，份量都唔少！酸辣湯底有唔同辣度可以選擇，我揀左BB辣，唔會太辣，湯底好香微微酸辣，配有肉碎、花生、酸菜芫荽，芽菜同埋韭菜，好惹味！🌸鹽香手撕雞蟹柳牛筋丸鯊魚丸酸辣小鍋米線大大碗好足料！手撕雞鹹鹹香香，牛筋丸爽口有肉汁，配埋爽口彈牙嘅酸辣米線，夠哂飽肚！🌸椒鹽炸燒賣熱辣辣上枱，炸得乾身唔會太油膩，椒鹽味道香口🌸麻辣手撕雞手撕雞啖啖肉，肉質鮮嫩，而且好入味，食到啖啖麻辣嘅味道！停唔到口，係好好味嘅小食🌸黃金炸迷你春卷（素食）春卷炸至外皮呈金黃色，脆卜卜，春卷入面嘅紅蘿蔔都好甜🌸炸海鮮卷配沙律醬海鮮卷口感酥脆足料，配埋沙律醬可以減低油膩感🌸煉奶炸饅頭炸饅頭表皮香脆，咬落入內裏軟綿綿，配埋煉奶同埋朱古力醬都好match🌸椒鹽炸魚蛋魚蛋爽口彈牙入味，食落口有好香嘅椒鹽味道🌸豆漿有豆香味夠重！🎀餐廳舒適，上菜速度快，店員服務態度友善！性價比唔錯！

同女女喺旺角做完野，晚餐時間搵食，想拿拿聲食完返屋企，不過間間都咁多人，見到呢間仲有位，問左有冇唔辣野食就走去，諗住食米線點都唔會伏女女想食凍撈米線，所以揀左凍撈，走晒啲辣野後，想食無咁寡，叫多2個餸俾佢等，女女比較大食，仲加左錢加底，我自己就叫左個湯米線餐，加個小食辣魚皮面到左，阿女先係話碗面係熱撈，不過我覺得天氣都凍，算啦，唔好攪太多，於是相機食完就各自食。食到一陣見阿女係咁諗食檸檬茶，佢話原來個面有少少辣，咁我問要唔要我問店員拎啲清湯？於是過多陣佢始終都頂唔順，所以想問店員加啲湯點知店員話，個清湯要加15蚊，我解釋，其實主要係你俾左碗辣嘅面我女女，所以先要（唔係我不自量力食大辣要問你拎湯），佢竟然答我：我明，不過都係要收錢咁我最後問佢拎左個熱水算，（無錯係我問，店員無意解決小朋友碗面辣嘅問題），但加左水之後個面已經唔係果件事最後阿女都食唔到落去（我仲幫佢加左底！），我真係唔明，明明俾錯左辣人（果個仲要小朋友！）想解決件事都可以懶理而家睇返幫個女影嘅相，原來都見到啲辣椒子籽（當時無留意）事後回想我真係蠢左，呢件事教訓我下次叫左野有問題都應該馬上岀聲，自己對人仁慈之後俾人咁對待更難以

【金西南米線 (旺角)旺角花園街3-5號鴻威大廈2座地下9號舖】@ππππππππππππππππππππππππππππππ旺角金西南米線真係一間唔錯嘅港式食肆，尤其適合愛食米線同港式小菜嘅朋友！睇吓依張餐單同相，佢哋嘅米線選擇好多，仲有好多豐富嘅配料，比如豬紅、牛筋、魚蛋同魚皮，湯底鮮甜，入口滑溜，十分開胃。單睇相片，碗入面嘅米線同配料份量十足，賣相吸引，連同生菜同芝麻醬雞同埋炸物，感覺好有地道港式風味。價錢方面，依餐單總共$270，對於一班朋友一齊食嘅份量同質素，算係合理同抵食。特別鍾意佢哋嘅炸物，例如炸魚皮同炸雞球，外脆內軟，味道香口。芝麻醬雞同生菜亦都清新開胃，配埋米線真係一絕。唯一可能要提一提係，如果人多嘅話，份量雖然足，但可能要再叫多一碗米線先夠飽。整體嚟講，金西南米線喺旺角呢個繁忙地區提供咗一間質素高同味美嘅選擇，無論同朋友放假出嚟食飯，定係想快啲解決一餐，都係唔錯嘅選擇！如果有機會，建議大家去試下佢哋嘅招牌米線同炸物，絕對唔會失望！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 270✨✨✨✨✨✨✨✨✨✨✨✨✨金西南米線 (

琴日同朋友喺旺角搵食，見到呢間米線舖，裝修都幾新淨，就即管入去試吓。用手機落單，我揀咗自選小窩米線，湯底選唔辣就會走咗辣肉碎；米線轉咗薯粉，我唔想食咁多carb又可揀少薯粉；酸菜、芽菜、芫荽、蔥等配料一般只可以揀走去某款，呢度可以揀加多啲。Toppings都幾多選擇，我揀咗墨魚頭、星星鱈魚豆腐呢兩款幾特別係第度好少有嘅配料，又叫埋我喜愛的竹笙、豬紅和蘿蔔，好豐富😜個小鍋賣相唔錯，湯夠熱，墨魚頭彈牙，蘿蔔甜又無渣😋朋友揀咗BB辣撈薯粉，toppings揀咗呢度嘅金獎豬腩肉，仲有豬大腸、墨丸和腐竹。我平時唔食得辣但呢個BB辣都食到且幾惹味，豬腩肉夠腍好入味、墨丸爽彈好吃！但腐竹就有點硬。另外我哋都叫咗一啲小食，麻辣手撕雞有點點麻辣好吃；椒鹽炸燒賣外脆內軟；炸皮蛋豆卜都幾特別。呢餐整體來說都食得好開心滿意，店員服務都幾好。

之前已經食過銅鑼灣分店，俾我發現咗佢哋最近開咗旺角分店啦，終於唔使過海都食到了😍嗌咗個「1人餐 酸辣小鍋米線」，湯底酸酸辣辣，好開胃！配料勁豐富，自選咗滷水豬大腸、豬潤、鹽香手撕雞、菜心，米線索晒啲湯汁，好入味！小食加左我最愛嘅藤椒魚皮！魚皮爽口彈牙，又香又麻 ！正呀😋 另外仲跟咗杯熱奶茶（少奶），啱啱好解辣！另外今次仲試咗個「涼拌米線」，撈埋金獎腩肉（微辣）、滷水豬肚、墨魚頭、鯊魚丸、生菜，再加埋杯凍豆漿，撈埋一齊，口感超豐富！😍 金獎腩肉肥瘦適中，豬肚爽脆，墨魚頭彈牙，鯊魚丸juicy，再配埋爽脆嘅生菜同冰涼嘅豆漿，真係perfect match！👍🏻大食嘅朋友仔可以叫埋佢哋嘅煉奶炸饅頭同「日式捧餃（配紅醋）」都好好味！炸饅頭外脆內軟，點埋煉奶，甜而不膩！日式捧餃皮薄餡靚，點埋紅醋，酸酸甜甜，好開胃！😋

前兩日發現呢間新開嘅金西南米線🍜 ☺️佢哋嘅酸辣小鍋米線幾正，性價比都唔錯👍以後食米線又可以多一個選擇😽😽經理熱情介紹餐點，感覺幾親切我地點左兩份1人餐，套餐包1碗自選兩餸米線、1份小食同一杯飲品🤩價錢都係$68，估唔到都幾大碗😳😳湯底係用豬骨雞殼煲，酸辣適中，啲米線索晒啲湯，令人食得開胃🤤但酸辣感偏溫和，鍾意重口味嘅話可能要試辣度高啲嘅版本。今次我試咗BB辣版本，配上金獎腩肉、豬潤、豬紅、魚腐同竹笙👍聽經理講竹笙，仲係自己親自搣頭搣尾😋小食方面，我哋點咗麻辣手撕雞（細），雞肉撕得好細，麻辣味道十足，食落去唔會太膩，啱晒做開胃小食😋另外仲點左藤椒魚皮，魚皮爽彈，香辣惹味👍🏻而煉奶鴛鴦炸饅頭，就係一個驚喜，外脆內軟剛剛好🤤不過因為係跟餐小食，所以份量好似相對細份啲👀另外，椒鹽炸燒賣同椒鹽炸魚蛋都係必試嘅小食，炸得金黃酥脆，又唔會過鹹👌整體嚟講佢地米線同小食選擇算多，少米線仲可以平$5，價錢合理，環境都幾舒適，希望佢哋可以保持水準🙌🙌📍 金西南米線 (旺角)旺角花園街3-5號鴻威大廈2座地下9號舖

🌟今次去咗旺角呢間金西南食米線，夜晚八點都仲係人山人海，咁梗係入去試吓呢間米線嘅手勢啦🤓🤓叫咗一個一人餐，酸辣小窩米線（$68)，包兩個餸，就叫左金獎腩肉同滷水豬大腸，啲餸滷整得超好味🤤自己再加左$5蚊藤椒魚皮，都係好爽口，正到爆👍🏻👍🏻👍🏻，加埋杯凍檸茶，都係Total $76蚊，真係食得好開心呀，誠意推介比大家❤️❤️🏠環境：8/10🌟味道：9/10💰性價比：8/10🙇🏻‍♂️服務：8/10📍金西南米線旺角花園街3-5號鴻威大廈2座地下9號舖#hkfood#yummy#相機食先#hkfoodie#852food#foodahoilc007#金西南#旺角餐廳#旺角餐廳 #旺角美食地圖 #餐廳推介#假日好去處 #香港好去處 #香港打卡 #香港美食 #米線 #旺角 #旺角美食 #香港探店 #香港必吃 #香港美食攻略

呢度米線可以揀原味酸菜湯(冇辣肉碎), 酸辣湯, 撈米線為主, 另外仲有啲特式港式小食🤩 我同朋友都叫左自選米線, 一個辣一個唔辣, 辣度都可以揀, 仲可以選擇多/走酸菜同芫茜, 自選餸我覺得最好食係超彈牙爽口既墨魚頭, 金獎腩肉整到入曬味都好正😊 呢度既酸菜湯係我食過咁多間最夠味既一間, 湯底真心正🥳 另外仲叫左個藤椒魚皮好爽脆同埋辣得黎好惹味🤗

🫶🏻$68小窩米線套餐自選兩款添加餸+1款小食+飲品🫶🏻自選咗微辣腩肉+豬潤小食只有魚皮+炸魚蛋揀🫶🏻微辣腩南（金獎）幾入味又大舊，又唔會太肥😍食落又唔會太辣🤤🤤🫶🏻豬潤都OK,冇咩特別🤣🫶🏻薯粉份量相對大份，配料相對適中有D驚喜🤓🫶🏻可能試業期間，小食選擇種類唔係太多只有兩款有得揀，套餐+$5有魚皮/炸魚蛋🌝🌝選擇唔算多，試左炸魚蛋味道都ok魚蛋都爽口🤓🤓