金裝燉奶佬餐廳 (麗城薈一期) (已結業)

😹去燉奶佬冇食燉奶對呢間餐廳嘅印象就係坤哥賣廣告第一次食 出奇地幾好食 可以再黎.豬扒肉燥撈米線🍜$49米線偏淋 但由於加上肉燥汁 滑菇粒 口感變得舒服塊豬扒都好滑 半煎炸得剛剛好 比一般連鎖店好.跟餐加$6 飲品轉糖水(冷熱同價)原價賣$20架 足料又唔會太細碗有6款選擇 養顏為主 有桃膠/木瓜/紅棗桂圓等

至愛燉奶佬之前的番茄湯雞扒粉早餐曾經有一段時間沒有供應。最近經過見到餐牌， 蕃茄湯底會歸啦！今次仲特別地配魚餅兩塊魚餅配上番茄湯，原來又有另一番美味。欣賞他們的創新

魚餅勁淋，冇鮑汁，乾爭爭。同埋好失望，冇咗款糖水食（黑糯米），希望可以加番係餐牌到。服務態度：轉咗新既員工態度好咗，但舊既員工態度需要改善。新餐牌小菜少咗好多😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭

冇嚟燉奶佬冇十年都有七年，印象中一直只是甜品舖，極其量只係茶餐廳。今次黎食居然有台式滷肉飯及一人火鍋。 其穀飼牛肉一人鍋$68， 有粟米有菜有烏冬，份量唔算多，剛剛夠八成飽。主角肥牛只有6條，肥肉部份較多，始終一分錢一分貨不能要求太多。

朝早做完運動 經過荃灣搵早餐食 友人介紹 走入這家連鎖茶餐廳 看看時間都已經過了11點 都有早餐供應 立即就叫了沙爹牛肉麵 過了幾分鐘就到了 聞起來 已經濃郁沙爹味 夾起來 醬汁不會太稀 入口還有花生粒 不是間間茶記都會有這種素質

今晚出咗去跑步，有些少微微雨，天氣感覺寒冷，經過這間燉奶佬，睇下有咩新菜式醫下肚。menu有多了好多新菜式，仲有多款一人火鍋選擇，價錢都係100蚊樓下，可惜今晚我哋去到火鍋已經全部售罄，結果我揀咗個麻辣雞煲， 而我朋友就叫了一個越式豬扒飯。套餐仲包括熱飲不另收費，熱奶茶亦都幾有水準！我朋友點嘅越式豬扒飯，豬扒十分柔軟，仲有沙律，唯獨是薑蔥冇乜味道。而我點嘅麻辣雞煲，入口麻辣香味唔錯，而且雞件大大件，沒有雞頭雞尾，雞肉都好入味，裏面仲有黑木耳、 青椒等配料，味道唔錯！

燉奶佬也是第一次來，竟然有花膠食，咁就叫左碗花膠雙冬濃湯湯飯，同事也是叫呢個，另一個叫麻辣魚蛋河粉，花膠好大塊呀，也是深色，有兩大塊，都幾淋身，係條邊硬d，冬菇都好淋好味又大件，仲有冬瓜粒，蒜頭，芫荽，濃湯底真的好濃，但好重味精味道，份量也不少，食完真的夠晒熱。同事的麻辣也是幾夠辣的，味道okay，份量夠。食到出晒汗。感覺也是幾好，坐得幾舒服，服務都okay，都好多座位，午餐選擇都唔少，下次可以試下食其它嘢！

話說我和男友一齊去荃灣玩，走咗好耐見肚餓就想去地王廣場1樓裏面食，誰知走了一半迷路😳，於是找附近有什麼好食的，發現燉奶佬餐廳出面個餐牌吸引到我地，某某然入咗去，不過燉奶佬呢個名令我想起有好大胸肌仲要食住口煙係廚房做咁燉奶的男人（FF中）回到正題，由於，我個時唔可以食得太飽關係，所以選咗個西冷牛排同埋鰻魚飯兩份食。首先介紹個牛排先🐽個牛排好多肉汁，味道非常濃口，食落去唔會硬身，口感比起一般餐廳的牛排好食，個薯條炸得好脆，冇咁多鹽份，食得健康d👍但係唔知點解鐵板上有個位係空咗，菜得2塊蘿蔔同半個粟米同埋價錢貴咗d……而且，令我最驚訝的事個湯有蚊子飛來飛去，之後仲要死係個湯到，我都唔感飲🤤只於個鰻魚飯，d鰻魚汁冇咁濃，似扣稀咗，炸蝦就一般，有一塊黑色物體我仲以為係紅腸原來係蘿蔔，呢個餐最好食都係個飯，飯上面唔知落左咩汁 ，甜甜地，加埋蛋一齊very good😚相片:9/10/2018 IG:food_cream.hk

今晚同個朋友出去食飯，去咗依間係荃灣麗城薈(燉奶佬餐廳)，因為個朋友有駕車，選擇依間，可以泊車在對面路邊，一邊食，又可以望住部車，避免抄牌。一入到店內，食店一半邊已坐滿8成客，另一半店則是空的。看完餐牌，選咗個美式雜扒鐵板餐配黑椒汁，首先來咗個牛油餐包，又有例湯，又有免費甜品。但未上鐵板，甜品已送上來先。感覺有D怪怪地。鐵板非常熱，絕對有鐵板餐霧堙的感覺，雜扒味道幾好味。薯條好好食，份量十足。非常滿足的一餐。價錢$80元，尚算合理。可以再光顧。

午餐時間間中都離開下公司出黎食下飯，周圍都係食晏人潮，是日就黎食下燉奶佬。咖哩雞扒煎蛋意粉（$47）同事叫了雞扒，原來有兩隻蛋，又幾豐富喎，咖哩汁好稀無乜味，附上一堆沒賣相可言的雜菜，好在雞扒同蛋都煎得香口。鮮茄吉列魚柳火腿意粉（$45）自己點左呢款午餐，茄汁醬同樣好稀，一早煮定已經出哂水，意粉又係早就煮好，凍的又太淋，勝在大大盤實夠飽，火腿好鹹，最好食係塊炸魚柳，剛炸起好熱又脆口，而且好大塊。熱咖啡同同事一樣叫杯熱咖啡，好飲喎，夠熱唔酸又唔苦，好正。食物粗製濫造，純粹為填飽個肚都ok嘅。

見到又吾知食咩又近就入左去試下先，小食我地叫左青口，炸雞翼，蕃茄，木耳，西蘭花。再加2個主菜和甜品：牛扒肉醬意粉和咖喱豬扒飯。青口食落味吾道偏淡冇味，炸雞翼炸得好脆口又夠熱吾錯喎，雞肉仲有汁添，蕃茄配辣汁竟然都吾差仲有微酸好味道，木耳偏酸味道好吾太好味，西蘭花得用水煮冇味。牛扒肉醬意粉份量勁大份，味道剛好但意粉太淋身，牛扒同事一個好味，另一個成塊差不多都係根黎，有失望。咖喱豬扒飯第一口覺吾錯，但再食就偏咸，豬扒薄身味道一般但薯仔好食。之後再加錢換2個甜品，木瓜雪耳普通冇咩特別正正常常，腐竹蛋糖水味道好味而且腐竹仲煲得吾錯，整體都抵食而價錢都合理。

之前去過其他金裝燉奶佬的分店吃飯，印象是不過不失，喜歡它選擇較多，咖啡亦不錯，今日下午就路經去了荃城薈分店試一試。坐下沒多久，便聽到旁邊的客人抱怨，等了二十分鐘，湯麵仍未送到，一再追問下才知漏了單，趕快通知廚房先做，但最令客人氣憤是送錯了湯河而不是湯麵，抱怨之"眼神"不絕！其實，漏單亦算是平常事，所以我們也懶理，趕快看餐牌揀選午餐，最後，我選了帆立貝鰻魚窩飯配腐竹白合蛋糖水($67) ,而太太就揀了雞扒喇沙米線 ($46) 。十分鐘內，帆立貝鰻魚窩飯已送上，熱辣辣香噴噴，帆立貝尺碼不細，雖然有點過熟而煙韌，但味道尚算不錯。鰻魚有半條的份量也合理，因為鰻魚真的越賣越貴，一份$67 的套餐，我真的不會苛求！鰻魚肉質比較淋，口感一般，塗上了燒汁必定好味，最重要這不是魚尾，所以沒有骨。白飯粒粒分明，有口感，有燒汁味，令我胃口大增。不經不覺原來已經等了20 分鐘，但喇沙米線仍未出現，即時想到"案件重演"! 不出所料，真的是漏了單，"案件"疑點重重。。。。落單時其實分別同兩位女侍應提及過，因為要將河粉改成米線，但仍然會漏單，真的要打。。。。手板！！追單後，竟然兩分鐘內就送上"證物" 雞扒喇沙湯米