金苑越南食館 (已結業)

29-4-2006 1533幾輪挑機後，有點肚餓，想食凍檬，就膽粗粗入去。這裡雖有下午茶餐，但不包凍檬，最後散叫了扎肉蝦肉凍檬加椰汁珍多冰。扎肉有三件，蝦肉有四件，加埋炸蒜蓉及葱粒，似食緊香茅豬扒飯多的，幸好味道唔算太強烈，仲有少少生菜及青瓜，主角及配角份量都幾多。加入適量越式酸汁及爽爽地的檬粉，食落津津有味。珍多冰落了唔少椰汁，都算幾香，甜味剛剛好。總結中規中矩，價錢合理水平，已算是不錯吧！

原本是去金泰吃泰國菜, 8 點多也有好多人排隊, 看見金苑越南食館, 好像不錯, 就入去試下. 老闆娘好nice , 地方雖然不是太大, 但也不會太擠. 我們點了扎肉雞絲湯粉, 湯底的味道非常好, 而且,好大碗, 兩個人吃都已經飽了一半. 沙嗲雞肉串燒, 可以改一半豬肉, 價錢一樣, 和扎肉雞絲湯粉一樣, 非常好吃, 肉質非常軟不會感覺好乾, 必點的菜式. 釀蟹蓋, 這個普普通通, 粉絲比蟹肉還多, $29 一個, 差不多啦, 不會期望太高. 樓面也算乾淨, 不過, 洗手間就不敢恭維, 和一般茶餐廳一樣, 好濕, 如果是夏天, 可能更糟. 好少這類餐廳會收10% 服務費, 所以算起來其實也不是太便宜.

昨晚平安夜，周圍都係人。唔想同人逼，於是就同朋友落九龍城食晚飯。右睇左睇，終於選咗\"金苑\"試。好彩有張四人枱的客剛走，我們才不用搭枱。經waiter嘅介紹，我哋order咗:1) 炸軟殼蟹($7x): 好大碟，有蟹味，好脆和野味，真係好好味。2) 炒金邊粉($39): 咸咗D，不過都炒得好乾身，ok。3) 蒸粉卷($2x): 新鮮整，熱辣辣。D粉皮唔太厚又好滑，唔錯。D呀姐不停咁加水比客，服務都幾好。而且價錢都唔貴，唔錯嘅選擇。

星期六, 本來今晚好想食金泰美食, 但係滿座, 要同人搭枱. 其實我不介意同人搭枱的, 不過, 可以比我地搭個張枱實在太……而且有個女人好奇怪, 明明同佢2個fd 一齊食緊, 侍應叫佢讓一邊比我地座, 佢居然自己坐埋一邊, 即係叫我同我bf 係係佢地3個人既中間??!!! 你話幾奇怪, 本來仲想等下位, 但係我見佢地張張枱好多都剛剛開始食, 有排等, 唯有食第二間啦!!!最後, 我地兩個選擇左呢間金苑越南食館, 我地只係叫左..個炒飯好好味, 夠料炒, 又唔會太濕, 大碟, 抵食~~ 冬陰公湯, 好酸, 有些辣, 我覺得麻麻, 不好飲, 飲完好口渴, 應該好多味精~~ 小食拼盆, 這道菜我們等左45分鐘, 非常耐, 後來發生同其他枱既客人一齊整, 唔怪得..整體來講, 我覺得麻麻, 又唔係話特別好食, 可能我一心係想食泰國菜啦.

我響上個禮拜六幫襯，可能係母親節前夕，幾乎爆晒棚咁滯。同老媽子做節，點都要体面，叫個越式拼盤、香炒飯、一盅雞肉冬蔭功，甜品叫盅椰汁燕窩畀老媽子，我就叫盅海底椰西米露，埋單連埋加一，收一百七十幾。你話貴又得唔貴又得，百幾銀又有燕窩食又盛，想點咩。先前有朋友話間鋪頭有，可能人多關係唔敢躝出來，整体衛生都尚算良好。

一間完全唔起眼的餐\廳，裝修只是茶餐\廳的格式，食物方面也沒有很大的驚喜，我們叫了泰國海蝦，海蝦的味道不太鮮甜，反而個汁做的不錯，另外還有個椰青海鮮焗飯，這個口感不錯，食下去還有椰青味，其他食物的水準一般，沒有特別，所以不說也吧！另外侍應的服務也算是滿意，只是你感覺唔到有泰國的感覺，只是一間普通的茶餐\廳而已！

一行八人到此醫肚, 一入門口不久已有一隻成年小強跟我們打個招呼, 可惡的女侍應竟說了一句:"死野, 早唔出黎遲唔出黎", 有冇搞錯!!!!!!

呢間其實係永珍O既分店,所有食物全部一樣,去永珍成日要等位,呢度早少少到都會有位坐,仲坐得舒服好多!係3coupon.com仲有9折coupon download添!永珍都有!