金翠餐廳

營業中

休息中

本人在星期六下午1:30在金翠門口行過，門口有職員說先生食飯入嚟，我就按門口職員安排走入去餐廳後就說二位，之後有個櫃面同事出來對我說”先生你未人齊，唔該同我出返去。 ” 我感覺非常侮辱，一句不說就走出餐廳。我決定這＇世也不去這家金翠食飯。 如果大家是支持餐廳行為，大家就多些去幫襯。好啊

✨金翠餐廳（太子）要出太子果頭 近近地見到呢間餐廳都幾多人食就食翻個下午茶✨香草雞扒配煙肉🥓煎蛋、茄汁豆、薯餅、厚多士（半份）超多野食咩都有啲咁🤣好豐富雞扒食落肉質嫩滑 ～ ✨牛扒配煙肉🥓煎蛋、茄汁豆、薯餅、厚多士（半份）同上面一樣 純粹係變左牛扒 🥩都大件 ✨部隊辛辣麵男朋友話睇落好正咁就叫埋～ 入面有餐肉同芝士等✨蒜蓉雞扒配薯條呢個係是日午餐餐牌黎 超巨形既雞扒 因為食過佢嘅雞扒覺得好好食 就叫埋佢🤣份量好大 食完即刻飽曬😂

雖然聖誕節已過，但入門見到聖誕樹🎄，同埋唐樓加霓虹燈裝飾，突然有種時光倒流的感覺⏳，好懷舊。🍴帶子牛扒鐵板：好多食客點鐵板都加蒜蓉，貪生蒜🧄辛辣刺激，令味道冇咁單調。帶子同7成熟牛扒都幾tenders易咬。🍴煎羊膝腿：✨推薦✨羊腿少少羶，肉質好似牛𦟌帶少少筋👍🏻，份量唔少好滿足。🍴羅宋湯+餐包：羅宋湯用好多蔬菜煮，所以味道甜，餐包有翻熱軟綿綿。🍴紅豆冰：紅豆好淋👍🏻，奶味淡。🍧花奶啫喱：✨推薦✨簡單而美味，童年回憶一下子返番黎🥹。味道：🔅🔅🔅🔅分量：🔅🔅🔅🔅速度：🔅🔅🔅（5🔅為滿分）

去開太子臨近晚餐時份 見到一間充滿香港情懷嘅冰室睇睇參考有懷舊港式西餐鐵板每一份鐵板餐都附送埋餐湯，同埋牛油餐包咖啡或茶 真係性價比高最愛牛油餐包好鬆軟再搽啲牛油好滋味揀嘅羅宋湯香濃，又多雜菜又夠熱 叫左三款小食紫菜魷魚鬚 單骨炸雞翼 日式炸蝦香香脆脆 特別喜歡紫菜魷魚鬚帶子西冷牛扒 好靚一整大件西冷黎到店員淋一啲克椒汁非常配合西冷 味道更上一層樓帶子鮮甜蘇格蘭肉眼扒店員先會問要唔要蒜容平時十分喜歡多蒜容加上肉眼扒 更加滋味肉眼扒油香四溢 口感十足配上懷舊曲曲薯條 正呀飲品叫左粒粒紅豆冰凍檸茶。傳統冰室的味道👍🏻更附送甜品。花奶啫喱 兒時的回憶

呢間位於太子嘅🪆金翠餐廳🪆係一間超傳統懷舊式鋸扒餐廳，佢哋嘅嘢食都係港式地道菜😆，仲係鐵板上嫁👍🏻，係香港既味道，裏面嘅裝修都係帶有香港特色嘅霓虹燈😍，舊式廣告招牌等，我哋梗係叫下佢哋嘅傳統鐵板餐啦，佢哋嘅款式都有幾多選擇，仲有龍蝦鐵板添，另外都會有晚市套餐優惠👍🏻🐑香草煎羊鞍 $173 :基本上佢哋嘅鐵板都係會跟餐，跟餐嘅話餐湯，餐包同埋熱飲，餐湯嘅就梗係有經典嘅羅宋湯或者忌廉湯啦，而我哋嗌呢一款羊跟薯菜，羊鞍有三大件，食落有羊味又唔蘇😋，脂肪唔算太多，都算均勻，食起上嚟口感剛好唔靭，另外薯菜方面佢都係傳統嘅扭紋粗薯條，每個餐都可以有醬汁揀，包括係燒汁或者黑椒汁😆🐮蘇格蘭肉眼牛扒 $132 :另外呢一份係七成熟嘅肉眼扒，熟度啱啱好，牛扒最緊要係唔韌，脂肪比例平均🤤，同埋佢都有牛味，雪藏味食唔到，已經係唔錯，另外加咗生蒜，食落都幾惹味👍🏻🐷西班牙黑豚豬鞍扒 $158 :最後就試埋佢哋嘅黑豚豬，反而我覺得呢份豬鞍有驚喜😍，佢嘅肉質爽口，一啲都唔韌，同埋都幾大份，肉又夠多，佢哋嘅餐絕對夠飽👍🏻，呢份嘅薯菜裏面變咗薯角同埋粟米，粟米唔係伴碟咁簡單，食落都幾甜，唔錯🤤🥗酥炸軟殼蟹沙律 $128

上次同朋友食完晚餐覺得幾好食今日放工約咗老豆去試午餐午餐好抵食好多款揀點咗蒜蓉牛扒意粉幾十蚊黎講呢個貨色已經唔錯牛扒唔軔醬汁好食但其實成個午餐最好食嘅係果個暖笠笠嘅餐包就算無搽牛油都好夠牛油味軟綿綿好好食🤤好飽嘅一餐#金翠餐廳 #香港 #太子#港式扒房 #hk #hkfoodies #princeedward #steak #hongkongstyle #lunch #happy #family #CHUZZZTASTYJOURNEY #gracechuma

🕖時段-星期一夜晚8點幾去都幾多人 去到店員好快幫手安排坐位 _▫️西冷牛扒拼帶子 $158 +$2加蒜套餐包餐湯🥣 牛油餐包🍞 主食🥩 餐飲🍹同啫喱🍨帶子有2大粒 煎完表面會有少少焦香 入面口感鮮嫩西冷牛扒叫左7成 肉質軟嫩 唔會太overcook醬汁揀左配黑椒汁 可以+$2 加蒜加左成個sauce既調味多左個層次 推! (不過留意返食完會口臭😂)_▫️ 蘇格蘭肉眼牛扒 $132 +$2加蒜套餐基本上同西冷個餐一樣 都係全包😎肉眼呢個叫左medium 口感更嫩 唔怕太紅人士建議叫medium👍🏻始終鐵板上會keep住熱塊扒令佢再熟少少 _整體好食抵食! 兩個餐都推介🫶🏻 除咗鐵板扒之外餐廳都有其他晚餐menu選擇

於2024年12月21日1:45pm光顧，當天，門口沒有人等，我約了一位朋友2:00pm，早到想攞位入去坐，見門口有二張大枱，其中一張有一對情侶坐了，亦沒有職員帶位，我自行坐下(我不是第一次光顧)，想先點餐之際，門外有6人在等位，侍應叫我讓位，我也覺合理。侍應叫我坐近岀入口㕑房的卡位，因為我從來都不喜歡坐近㕑房的卡位，我拒絕，我寧願再等下一張，我站在門口再等，終於 另一侍應又叫我坐另一邊㕑房厠所門外的卡位，我拒絕，我話再等，返正朋友未岀現，那個女收銀，很不滿地說”唉”麻煩，再接再厲講，咁你等齊人先。我話，已經行緊過嚟，佢再講: 都係得番近厠所果張！呢一刻，(同步)朋友立即岀現，另一位侍應帶我們去另一張正常卡位(竟然唔係得番近㕑厠果二張！這間餐廳，每一次去光顧，他們都用一個理由，齊人先至俾位，我想預先排隊攞位，佢哋都唔俾入，我唔明白究竟係乜嘢邏輯？有一次我對侍應講，我會叫二人嘅份量，我會叫兩個餐，咁可唔可以呀？佢竟然同我講可以，”唔好勞氣，勞氣傷身”講事實嗰句，佢哋嘅食物，係OK嘅，正常嘅，否則唔會幫襯咁多次，但係佢哋對客人入座嘅安排，確實有啲離譜，好多次我想走，但係附近冇乜坐得舒服嘅餐

今晚凍凍地想食d熱辣辣嘅嘢，過咗嚟太子金翠鋸扒🥩🥩餐廳裝修好有特色，係以舊香港做主題，好多打卡位📍帶子牛扒：佢既牛扒係西冷牛扒，我加左蒜蓉，上枱真係勁香😻😻牛扒唔會韌，好重牛味，呢個價錢有呢個質素真係冇得頂😎加埋兩粒帶子，帶子唔算好大粒，不過都有鮮甜味😆芝士焗加拿大龍蝦海鮮飯🦞 ：呢係份量十足，係原隻開邊龍蝦去焗，加埋勁多唔同既海鮮，個飯都好有誠意，佢係用蛋炒飯底😻成個飯好有鮮味，必點推介😎

歐陸扒餐1 香草雞扒配煙肉、煎蛋、沙律和薯餅這道香草雞扒的雞肉鮮嫩多汁，香草的香氣與雞肉完美結合，帶來清新的口感。煙肉的加入增添了鹹香味，為整道菜增添了層次感，讓每一口都充滿驚喜。煎蛋的黃金蛋黃流出時，為菜品添上了絲滑的口感，與雞扒和煙肉的搭配相得益彰。薯餅外脆內軟，完美地吸收了香草雞扒的醬汁，讓每一口都充滿滿足感。整體來說，這道菜色香味俱全，不僅在視覺上引人注目，味道上更是讓人驚喜，是完美的一頓2. 吉列龍利柳配煙肉 、煎蛋、沙律和薯餅吉列龍利柳配煙肉、煎蛋、沙律和薯餅是一道令人垂涎的美食，讓人一試成主顧。這道菜的吉列龍利柳外脆內嫩，魚肉鮮美，搭配上煙肉的鹹香，增添了滋味的層次感。每一口都能感受到魚柳的清新與煙肉的濃郁完美融合。煎蛋的滑嫩口感為整道菜增添了一絲豐富感，蛋黃的香滑與其他配料相得益彰，讓人忍不住多吃幾口。而沙律則帶來了新鮮的蔬菜與清脆的口感，為這道菜帶來了健康的元素，平衡了整體口味。薯餅的金黃色外表誘人，內裡鬆軟，為這份豐盛的餐點增添了懷舊的風味。整體而言，這道菜不僅色彩繽紛、擺盤精緻，還能讓人享受到豐富的口感與營養，是早餐或午餐的絕佳選擇。無論是獨享還是與朋友分享，這道

有親友來港旅遊，佢住喺太子，今晚我就帶佢去附近嘅金翠餐廳食晚飯，餐廳裝潢好有懷舊格調，以卡座為主，座位舒適。主打港式懷舊鐵板餐。扒餐奉送牛油餐包、餐湯、甜品。餐湯可選羅宋湯或忌廉湯，忌廉湯口感順滑，餐包軟熟。巨人什扒餐更多送蟹籽雜果沙律。更免費升級轉飲紅豆冰。蟹籽雜果沙律，新鮮爽口。紅豆冰奶味香濃，紅豆亦夠林甜。金翠巨人什扒餐熱辣辣用鐵板上，倒入黑椒汁發出沙沙聲，即時香氣四溢，什扒份量非常足，豬扒、雞扒、牛仔骨肉身略厚，燒煮後咬下去非常軟熟，口感柔軟而多汁，肉味濃厚，還有司華力腸、煙肉、煎蛋非常豐富又惹味。香草煎羊鞍：羊鞍是肋脊部位，脂肪瘦肉比例平均，肉質細嫩，多汁，帶有骨香，放上少許香草調味，再加上黑椒汁已經十分滋味。甜品是懷舊啫喱，加上少許淡奶，味道十分之甜美。

金翠餐廳 高質港式茶餐廳我時不時同朋友都會去金翠食野，因為佢地啲野食抵食夾大件，而且餐廳裝修走懷舊風，唔似平時啲茶記～今次我地下午茶時段過去，叫咗個豬扒菠蘿包加薯條，再加兩個是日超值鐵板餐，分別係美式什扒（雞、牛、豬扒同埋腸仔）同蝴蝶型肉眼扒，所有餐都包埋是日餐湯、牛油餐包，同埋咖啡或茶（凍飲加$3）～✨豬扒菠蘿包加薯條 一嚟就見到個豬扒菠蘿包，個菠蘿皮烘到超金黃，入面豬扒大大一塊，睇見都流口水🤤豬扒醃得幾入味，煎得又夠香口，咬落好juicy唔會乾柴~ 同豬扒夾埋一齊食好正✨美式什扒鐵板餐 美式什扒鐵板餐有雞扒、牛扒、豬扒同腸仔，全部都煎到啱啱好，唔會過熟。雞扒嫩滑，牛扒牛味濃郁，豬扒就正常發揮，腸仔就煎到脆卜卜，整體嚟講都幾好食，而且份量都幾多，真係抵食夾大件！蝴蝶型肉眼扒鐵板餐 最後就係蝴蝶型肉眼扒，估唔到呢個價錢都有咁大塊扒，牛扒煎得香口，肉汁完美鎖住是日餐湯 & 牛油餐包 餐湯係忌廉湯加羅宋湯，食既時候加埋熱辣辣牛油餐包黎食就啱晒食完仲送甜品 係jelly~~

🍽️ 金翠巨人什扒餐 $188 ❤️4.5/5巨人雜扒餐名副其實真係比巨人食🤣有豬扒、雞扒、牛仔骨、司華力腸、煙肉同埋雞蛋，份量超級多，一個男人食都係啱啱好！肉量十足，而且不會太煙靭和有雪藏味，配合淋上的黑椒汁，十分幸福！前菜係牛油餐包，仲有蟹籽雜果沙律，食完有10分既飽肚感，而且十分貼心地在進食時有另一隻碟俾你放下其他的肉，十分推薦！🍽️ 蘇格蘭肉眼牛扒 $132❤️4.5/5蘇格蘭肉眼扒上碟時已經聞到濃濃的牛肉香味，配合鐵板亦不會令牛扒過熟。咬落不會太煙靭，而且亦沒有太多的筋。配上黑椒汁，味道十分豐富！仲要加埋紅豆冰配搭，真係一流！食完主菜餐後甜品係啫喱配花奶，食返兒時細個嘅味道，好有懷舊感🤭😝

太子茶餐廳 食🐮🐏扒好去處 同朋友先叫左個🐏羊扒 我叫左個🐮西冷牛扒餐 食西餐緊係唔少得餐包同餐湯配埋牛油 幫個胃可以打個低先😬特別欣賞佢嘅白湯足料 香濃🤤 首先送上嚟嘅係🐏羊扒 侍應特別同我哋介紹如果唔鍾意太臊味 可以揀依款 相對羊架 佢既臊味冇咁大💯 識落肉質比較嫩 份量超大 傳統鐵板 上到嚟再淋汁 然後就係🐮西冷鐵板5成熟碟上 第一時間一定係切開佢睇睇 💯真係5成啱啱好😋 牛味重 有少少筋 多肉汁 同樣係夠份量👍 仲有兩粒帶子 新鮮好食 外表係少少煎燶小食分別叫咗春卷 咖喱角 單骨雞翼 紫菜魷魚鬚🤤 單骨雞翼係好好食 蒜味重 熱辣辣 香脆唔過火🔥 紫菜魷魚酥都好食 魷魚爽口🦑 其他就正常發揮啦

好耐冇食港式扒房，第一次試呢間嘅鐵板牛扒，真係唔錯👍佢哋做足舊時港式扒房應有嘅水準，牛扒質感滿意又有牛味，每啖都好滿足。嗌咗個黑椒汁味道夠濃郁，好夾個牛扒，紅湯夠開胃。最緊要係有牛油餐包，熱辣辣咁食，味道好好。最令我滿意嘅係佢哋嘅服務，香港餐廳中真係買少見少。每位員工都好有禮貌，服務態度非常好，呢種優質服務令整個用餐體驗更加愉快，值得支持讚賞！👍👍👍總括而言，對呢次用餐體驗非常滿意，會繼續支持呢間扒房，期待下次再嚟幫襯！