金祥排骨麵

營業中

休息中

剛剛看到 G鋒介紹，所以晚飯就選擇在此買外賣。原來此處是 HKU 同學的飯堂，很同學食晏還晚餐都再次解決。招牌名叫得做排骨麵，所以一定要試排骨麵。排骨即叫即炸，非常香脆，雖然炸物一定多油，但沒有肥肉，怕肥都唔怕食。再叫雲吞麵，上海海雲吞是菜肉餡，十分足料，皮薄但沒有爛皮，手工精巧。做得上海麵，麵底當然重要，粗幼一致，彈牙有口感。湯底亦不俗，有味但不太鹹，送麵易入口。最重要的是，小店除了有小店風味，亦是黃店，滿載人情味和良知。

呢間聽說出名食炸排骨，我事前唔知，是但入一間鋪搵食😄我唔知係我唔識食定佢整食物水準差左，佢既炸排骨，亦只係一件炸得夠脆，有小小調味既豬肉。而煎餃，餡料飽滿但煎耐小小會好d，睇餃子表面白雪雪，無引起食慾。而味道方面，調味較淡口。腐皮鯪魚肉不過不失，無特別。

曾經在西環這邊工作, 金祥就是其中一個午餐的地點. 這裡歷史悠久, 單靠一道炸排骨, 已經是不少區內街坊的心水. 這天, 一家人到龍虎山, 未出發前, 就在這裡吃頓午餐吧.未夠十二點, 已經有條人龍在門外, 為了美食, 更為了支持同路的小店, 等, 當然沒問題. 等了十五分鐘, 終於可以入座, 就馬上點選兩碗排骨麵, 一碗加雲吞, 另外再加一客煎餃子.菜膽雲吞排骨麵 $45 / 菜膽排骨麵 $40: 9分, 排骨, 湯麵分開上, 這格式, 很好. 排骨是現炸的, 熱到燙口, 外層相當香脆, 內裡肉質鬆軟, 帶肉汁及肉香, 入口不太油膩, 好吃得停不了口.至於上海麵, 麵條有嚼勁, 配清香的湯頭, 正是排骨身旁匹配的配角, 不會搶去對方的風頭. 雲吞大大隻, 份量十足, 雲吞皮很爽滑, 餡料豐富. 吃排骨, 加點菜中和一下就最好, 這裡下了不少菜膽, 真合我意.香煎餃子 $30: 8.5分, 至於香煎餃子, 一客五隻, 又是即叫即煎的, 上檯的時候自然是熱辣辣的, 皮脆之餘, 也有不少餡料, 很討好.好食是良知, 金祥排骨麵的排骨水準甚高, 麵條亦令人滿意, 加上這裡服務態度很好, 是值

👍🏾推薦程度：炸豬扒（排骨）同炸雲吞一定要嗌，配甜辣醬或者豆瓣醬都超正！！💰抵食程度：🍜🥟🍜🥟(4/5)兩個人去食，有麵、有小食、有嘢飲，人頭都係大概$50，食得飽個晏晝，可以。但淨係嗌一個炒麵嘅話，就唔抵喇。睇完「Kiki & May 隨意吃樂部」介紹，見喺港島就即刻拉埋桃子小姐去試。炸豬扒（排骨）嚟講師傅嘅心同力你係食得出嘅，而且食嘅同時你重會可以有聽覺上嘅享受，師傅會畀個beat你，因為我哋食緊嘅同時，佢已經揼緊之後嘅豬扒，呢個位係大加分！1️⃣馳名排骨麵🍖🍜($34)佢嘅排骨（雖然叫排骨，但佢係冇骨嘅，所以可以大啖咬唔驚咬爆牙！不過都建議細細啖食嘅，真係有骨都唔洗爆牙嘛！）首先係新鮮炸起，勁脆勁香口，再者佢個油份又偏低喎，食落罪惡感好低，啲肉汁係足以令你唔會覺得乾嘅。湯就偏清，不過蒜味好夠，同埋有蔥味咁，但好單調，可以話並冇為個豬扒加分！2️⃣排骨粗炒麵🍖🍝($45)一般嘅粗炒畀人嘅印象應該係油同鹹，但呢碟粗炒完全反轉，又唔油、又冇味，食落冇乜負擔。之但係如果落豆瓣醬又太鹹，搞到要淡茂茂咁食哂成碟，好彩有塊豬扒搭夠，唔係嘅話真係會變大嘥鬼。3️⃣酥炸雲吞🥟($16三隻)好好好好好好食！一定

星期日天朗氣清，咁大個人都無乜點去過西環，即日plan去西營盤站落去周記食西多士蝦多士點心，之後去落貨碼頭，再去泳棚加上魔星嶺，去到周記等位，入到去個老闆叫我出面等，之後先比飛我，我老婆見前幾個舖有都幾多人排隊，就過左去睇下，之後遠距離示意我過去，我行到過去見到上海麵，一開始，我是拒絕的，因為我對上海麵個種淰口又似粉既我真係唔識欣賞，而豬扒整唔好係會鞋，不過老婆永遠是對的，只有毫無保留認同才能夠減少危機既發生，到入到去，係乾淨既(因排隊個陣只見收銀位同出面以為係幾十年無裝修個種殘舊)，問店員咩係紫菜卷之後，決定左叫一碗排骨雲吞麵加菜，一碗排過紫菜卷麵，一個炸雲吞，全民感謝日送飲品，叫左凍奶茶同檸茶，野食黎到，一食淡麵，嘩，幾好食，無個種淰口又唔知點既感覺，再飲淡湯，夠味，配菜因為係炸野會分上夠細心，到豬扒，咬個陣外脆內淋，肉質唔鞋，嘩，未試其他，呢兩樣已經最少比60分，湯雲吞,炸雲吞正常食，因為我食過好好食既雲吞所以呢間只可以叫正常好食，都有汁既，奶茶正常，到紫菜卷，um..... 如果想練牙力可以叫，因為就咁食都幾肕，我決定比晒我剩餘既排骨比我老婆食，我就自己啃晒紫菜卷，最後幾舊放落

HKU同學👨🏻‍🎓同埋西區街坊無可能唔識呢間招牌黃店💛 每次去到門口都大排長龍 好多人懲罰佢👍🏻⭐️ 菜膽雲吞冬菇排骨麵 🐷 一碗食曬我最鍾意既餸🍲 排骨炸得金黃色✨ 咬落去好酥脆😛裡面都幾Juicy 唔會乾 冬菇大大舊🍄加埋菜膽🥬感覺幾健康 雲吞同樣大大舊🥟但係皮厚左少少 味道都唔係太特別 湯底既炸蒜略嫌多左D🧄 食開重口味既會比較喜歡😅⭐️ 腩汁菜心 💚⭐️ 蠔油娃娃菜 🥗怕排骨熱氣🔥叫多幾個菜🤣 食落都算新鮮 唔會老 調味都唔太重

週末的晚上步行與西環，這裏是香港早年的中心，看到這家收藏已久的排骨麵，最初我以為是台灣菜，後來發現是上海排骨麵，炸雲吞真的好脆，紫菜腐皮卷小硬，泡在湯麵裡很好吃，豆漿也很濃厚，推薦！

金祥排骨麵喺西環好出名，係一間開業近40年嘅老字號，HKU嘅寶寶無可能唔識！姐姐們都非常熱情，仲教我哋點影得靚啲😂 喺度食飯真係好似喺屋企咁，好溫暖🥰 😋 菜膽排骨麵 $40 ｜菜膽雞球麵 $40排骨即係炸豬扒，唔係好明點解豬扒分開碟上但雞球又唔分。小編好耐之前食嘅時候，炸豬扒嘅皮同肉分開咗，感覺麻麻。今次食就終埋痴返埋！咬落塊皮少少脆，肉質鬆軟好有口感！雞球肉質好嫩滑同好大嚿。麵係上海麵，感覺有啲似譚X米線。菜膽就係白菜仔，好juicy😝40蚊有菜有肉有麵，加6蚊仲有豆漿飲，抵到爛啦😆仲有呀如果唔想食上海麵嘅話仲可以食飯或者上海粗炒，炸雲谷都推介大家試！

邊個話老店一定多廢老？
喱間做咗幾十年嘅小店一樣黃到發金就算夏天熱辣辣一樣要排隊懲罰下佢！.🍴招牌排骨上海麵 HKD$ 40排骨同麵分開上 唔怕浸到林bei bei排骨以香酥方法製作 預先切好一塊塊幼條上枱 每塊外皮都好薄 香脆鬆化 唔會太油膩而且好易咬開 調味有胡椒味 但唔會過咸 單食亦無問題麵㡳以上海麵為主 煙韌有口感 份量亦唔少 絕對夠飽配埋有少少炸蒜嘅豬骨湯㡳真係幾惹味若然嫌太清淡 加番少少辣醬落去味道又再昇華喇.🍴鮮豆漿 HKD$ 12 (跟粉麵加HKD$ 6)自家製豆漿比較甜 但幾香豆味夏天飲番杯即刻爽曬.ps: 舖頭喺香港人嘅特別日子有機會唔開 去之前記得留意FB呀推薦度：9/10

19 APR 2020假日本來想在西營盤尋一間特色咖啡廳待上整個下午，靜靜享受不果（因為到處都人太多）由地頭蛇男友推介他在學時的最愛：金祥排骨麵  店家資訊置於文章尾   這間是在西營盤非常有名的餐廳那時候去很幸運不用排隊結果一進去之後就爆滿了哈哈之後又再去了一次就沒那麼幸運了排隊排超長！！     【MENU】    來這邊肯定要吃最出名的排骨！！    男友點菜膽牛腩排骨伊麵我點菜膽排骨粗麵然後我最愛的凍奶茶     心得就是吃完很懷念台灣(?)很好吃，很想念台灣的排骨麵哈哈跟台灣的味道好像都很好吃！！排骨很酥，配上基本款簡單的胡椒鹽就超級好吃了！！伊麵較細，口感偏硬個人比較喜歡軟一點的麵喜歡麵硬一點的話這款不錯伊麵比較像台灣的陽春麵（比較喜歡台灣的陽春麵哈）粗麵比較軟～喜歡粗麵跟台灣的擔仔麵有點類似湯頭調配的剛好味道偏重但又不會感覺太負擔加上點胡椒粉或是辣椒醬簡直是完美！！！凍奶茶很濃郁超好喝！！凍檸茶就是最清新透涼的選擇啊～好吃就必須吃爆     金祥排骨麵   ▌景點名稱：金祥排骨麵▌推薦指數：10  / 10 （純屬個人想法，僅供參考）▌評論：超級好吃的酥炸排骨，麵、飲

介紹一間喺西環的上海面食，坐落於水街腳。舖頭不大，今日禮拜五八點到店鋪堂食都花左時間等。等待大約15分鐘，終於入左去个卡位。叫左東菇餃子排骨面，$52。好足料，湯底清，冬菇和餃子都好大隻，餃子皮薄料多。招牌排骨不算大塊 不夠鬆化香脆，炸得略為过火了，而且無咩味。上海面幼身，比較軟腍，但絕對吳會浸到淋哂，煮得啱啱好。下次想試炸荳腐，雞球，紫菜腐皮卷用即棄餐具，下次我會自備餐具。服務幾好，友善有效率，衛生又好食的老字號價錢親民

🌸 #girlsfoodies粉麵#girlsfoodies西營盤 🌸​【💛 黃店 #GF_List 】​🉑：外賣自取​⭐評分: 7.5/10​——————————————————​上次問咗大家HKU附近有咩黃店，最多人推薦呢間老字號！試完覺得真係好抵，如果我係附近返學會成日食～​——————————————————​▪️ 招牌菜膽排骨麵 （$40）​▪️ 菜膽雞球麵 ​ （$40）​​原來「菜膽」就係「時菜」咁解，每碗麵都有菜跟。用上幼身嘅上海麵，食落比較淋​​網上面見到塊排骨好似好巨型，但實物唔算大塊。可能因為嗌咗菜膽所以排骨份量相應少啲～排骨嘅肉質唔錯，幾軟腍鬆化，唔會炸到過火、乾晒。​​可能影相影咗都至少5分鐘，食嗰時層炸皮已經唔係最脆，泛油泛到浸軟咗成舊肉，而且無咩味，比想像中普通。不過以呢個價錢，有咁嘅質素其實接受到有餘啦​​反而雞球更有驚喜！上碟有成五大舊雞，超級入味又半煎炸到勁香，上面仲有啲炸蒜，咬落雞肉好嫩滑，絕對抵食又高質，個人覺得好食過佢嘅排骨！​​豆漿唔係一支支來貨，而係自家製，用機斟出嚟，有啲似係街市豆腐舖買到個隻味，甜度比較高，但豆味算香濃～​

金祥排骨麵位於水街, 算係西環嘅老字號。舖位唔算好大, 係老式嘅傳統嘅上海排骨麵店。不過因為我同同伴都好憎食排骨, 所以今次就無點到佢地最出名嘅排骨麵。因為疫情關係所以我哋選擇咗叫外賣返屋企食。目測店舖入邊嘅座位都坐得好疏落，有做足安全嘅防疫措施。大家可以放心。呢間黃店參與左唔少黃色經濟圈嘅活動。老闆亦都好好人好Nice，好有禮貌，服務相當唔錯。雖然我哋叫外賣都等咗一段短時間，但係我覺得可以接受。我哋點左一份炸雞翼麵、一份炸豆腐同埋一份煎餃子，另外兩杯豆漿。一個餐加兩份小食，total $100唔使，夠兩個人食得好飽。食物都係即叫即做，好新鮮熱辣辣。由我拎到外賣到返到屋企都差唔多一個鐘有多嘅時間，都仲係好熱好脆，加分！豆漿係台舖新鮮自己整，有好重豆味，唔係買現成返嚟，好飲！煎餃就不過不失，入邊好足料，香脆新鮮，味道就正常煎餃囉,唔係驚為天人但絕對唔難食，對得住呢個價錢。個人認為最好食係炸豆腐！首先佢係即叫即炸！好新鮮熱辣辣，拎到返屋企都仲係辣手嘅。第一下擺落口你會覺得好鹹，但食落其實好好食😋外面係好脆好香口，入邊係好滑好嫩嘅豆腐。下次一定會繼續食呢個炸豆腐。講返主菜炸雞翼麵，因為我哋兩

平時食開嘅黃店都係咖啡店為主好少係呢種街坊老字號上次嚟嗰時佢休息今次終於食到啦排隊等候嘅期間（等左大約15分鐘）一路喺度掙扎緊到底應該叫招牌排骨麵定係菜膽雲吞排骨麵最後叫咗後者咁就可以食到雲吞又食到排骨啦雲吞皮薄料多又大隻排骨炸得好鬆脆食落又唔油膩上海麵煮得啱啱好唔會太硬唔會太軟分量十足近排仲可以係邊度搵到啲$50落樓嘅午餐佢嘅CP值真係好高下次去食想試吓佢個牛腩麵仲有其他小食好似香炸豆腐、紫菜腐皮卷、炸雲吞等等

#支持良心餐廳招牌菜膽排骨麵$40菜膽牛肉麵$40煎餃子$28 同豆漿好掛住金祥冇去港島已經好耐冇食😭Cp值高排骨炸得個皮夠薄肉夠淋牛肉用牛𦟌 都好夠淋個面系上海幼面 雖然未去到話有咬口 但絕對唔系會浸到淋哂嗰隻下次會試粗面之後餃子好大隻 好香口老闆態度又好 又要黃食物又抵食好味一定要多多支持