影片
以上資料只供參考, 請與餐廳確認詳情
本身茶樓呀姐態度唔好都慣，但呢間真係難忍，已經第3次係咁，早市兩位經理，一位係戴眼鏡，一位頭髮長少少，兩位態度真係令人難忘，今日到頭髮長少少果位，屋企人張椅坐過左少少，阻到佢行，佢好大聲呼喝，「呀姐，坐過少少啦，呢條路黎架，邊有咁坐架」，跟著仲要係你附近放碟放碗大大聲，正👍，對住d新年有俾$果d，勁好禮貌，乜太，坐邊呀，好耐冇見 ，相反，多數返夜市果個經理係好好態度既
繼續閱讀
平時都唔會寫任何食評，今日你迫到我出手啦，當日下午去Book 晚上食飯，一個待應阿姐話唔洗Book 都ok 啦，直接晚上過黎就冇問題，叫左佢幾次寫底番啦，佢都係話ok 啦，仲話比收銀對出張枱我，點知到當晚去到就full 晒，枱又冇留比我，搵番個阿姐佢就扮睇唔到鼠左入去廚房應該就係知道自己賴左野，第二d 職員仲好態度，同佢講野扮聽唔到起到扮忙，講多兩聲仲要串嘴話今日咩野日子full 晒啦，我又想問係咩野日子又唔係做冬，我book 就話唔洗都ok,一句道歉唔好意思都冇，仲同我講下午個個阿姐唔知咁多，唔通我book 親枱都要搵你個經理呀？講到好似我唔岩咁，香港有呢d 咁好服務態度既餐廳，真係遲早玩完！
繼續閱讀
差，唔系裝修差、系啲服務員態度差，一早8:40去飲早茶。去到一個人都想搭台，見只有幾張空台都唔想霸佔，問有冇位，點知服務員態度唔想理我，空台一個人就唔好坐，搭台自己搵。有病俾錢受氣，走過傍邊間彩匯飲好過。
繼續閱讀
《完全冇服務》《冇職員》《冇人幫客攞位》《樓面態度極差》1/7 諗住同屋企人飲茶，黎到酒樓門口一個職員都冇，任由客人入店搶位，問職員有冇人幫客攞位，竟然趕我出門口，淨係識話「有位就俾左你啦」，一肚氣即刻掉頭走。估唔到話晒一間連鎖酒樓管理可以差到咁，仲話刺激本地經濟真係嘥氣，激死你就真！
繼續閱讀
早上同家人飲茶，人流吾算多，明明有卡位，都要迫人坐大枱同人搭枱。。。假日10點半前有特價孖寶點心叫，我地叫左2個孖寶加個點心‘’北菇棉花雞’’ 煎釀茄子熱辣辣上菜，魚餅好味，夾住茄子食岩岩好，茄子吾會煮得太淋，有口感 桂林牛肉腸腸粉皮有d厚， 牛肉很細舊，如果牛肉多dd就好好多。。 蠔皇鮮竹卷屋企人讚呢碟鮮竹卷，吾係用炸過既腐皮，健康d甘話😂材料豐富，最好食係呢碟點心啦 薑汁雞包仔普普通通，有薑絲響入面 北菇棉花雞估吾到得2舊棉花。。 但雞係好大舊既，有2件雞，2件魚肚，1粒冬菇，味道ok總結來講，呢度野食ok, 但職員態度有待改善，有卡位都吾比人坐🫨🫨
繼續閱讀