金玥 (已結業)

在港島上班，食飯基本上都係貴字當頭，好唔好食同價錢並不一定掛勾。好多時都係冇麥好食但今日要講既金玥就十分的令人印象深刻，平平無奇的店面，一時滿座一時冇麥人。番工食左好多次午餐，午餐十分的出色，十分實惠，比好多同價午餐更吸引，但小食唔算平，亦唔算好令人印象深刻，所以Lunch Hour去食個 Lunch set is totally enough。口水雞午餐，係我其中一間最愛既口水雞，比好多餐廳的更為出色，目前覺得最媽食既口水雞之一！小食墨魚餅，還好，可試，但唔會話愛試呢個小食

叫左個口水雞,十分鐘追一次,再過多十分鐘,又再追一次,但係呢位女士應完全係漠視，淨係識得響到扮忙，幫人攞下汽水，幫人攞水，最後半個鐘後搵咗個另外一個女士，呢位女士即刻提另外個女侍應話，如果啲單冇到就要幫手追喎。呢位女待應開始認真落單部機度再撳一撳，個口水雞即刻出現，即係之前係一直敷衍啲客人。幾好食都冇用啦，下次一定唔會再幫襯。

喺燈籠街呢條食街入面，試左間勁高質素嘅酸菜魚🤤🤤🤤本身除咗酸菜魚外，對其他小菜都無抱有特別大期望，點知直頭驚艷到我😍😍😍先讚下個五指毛桃燉瘦肉湯，每碗湯都用拳頭👊咁大嚿瘦肉燉湯，想唔甜都難啦🤤🤤🤤酸菜魚要咗2人份，仲可以加$10加多個小菜，揀咗腩肉手撕包菜，呢個價錢真係抵到爆炸🔥🔥🔥最後仲有個鬼馬咕嚕肉，原來係咕嚕肉加油炸鬼❤️❤️❤️油炸鬼咕嚕肉全部脆卜卜，真係勁好食🤤真心推介呢間性價比極高嘅食店👍🏼👍🏼👍🏼

吾知係咪多咗國內人食質素全差，外賣午餐等咗十五分鐘。堂食得個六枱客。催佢先快一點。拎返公司打開個蓋，頂你。蔥油雞皮多過肉。又咸。吾再幫襯👎🏻👎🏻👎🏻👎🏻。寫到去大衆點評同小紅書。

誠意食店 即叫即炒。 肥腸微焦 酸菜配合剛好。 我叫小辣，辣度剛好。份量好足，平時食肥腸得嗰一兩舊，金玥食過幾次，份量都係咁足，唔會酸菜多肥腸少。聽隔離枱話個回鍋肉都好味道， 下次都要試下。

經過登龍街見到午市有酸菜魚套餐就入去試吓，午市套餐價錢抵食，酸菜魚份量魚都多，湯底都好濃味，另外嗌咗個魚皮小食，但係味道好失望，口感好林，咬落口一坺嘢咁，食咗一啖就冇再食落去

雖然呢度主打係酸菜魚，不過其實小菜都唔錯✔️.洛神鬼馬咕嚕雞肉 $82外層炸得好香脆，比起平時食開嘅咕嚕豬肉，用雞肉嚟炸食起嚟無咁肥膩，亦都唔使lur骨。另外仲有啲炸到脆脆嘅油炸鬼做伴碟，好有特色，真係夠晒鬼馬😂.拍蒜金玉手撕包菜 $60椰菜炒得好有鑊氣。金玉原來係炸咗嘅豬油渣，所以食起上嚟好香好惹味。.開胃酸湯肥牛 $82酸中帶辣好開胃，肥牛好足料，下面仲有索汁嘅粉絲同金菇，好正。.家常熗炒土豆絲 $70炒得好惹味，又唔會太油膩，唔錯唔錯👍🏻.

落到銅鑼灣唔知食咩好，比佢門口張廣告牌吸引咗，見到超辣挑戰。雖然我唔食辣，但係我喜歡食酸，見到酸菜魚我從未試過，所以就入去一試。入到去，店員服務幾好，因為一般餐廳要叫先畀水，但呢度店員都主動攞一杯水畀我，呢杯水非一般清水，而是抽子水，還有小碟酸酸辣辣的前菜給你先開胃口呢。我叫了口水雞套餐， 竟然冇想像中咁辣，唔食得辣嘅我辣度啱啱好，如果食得辣的話確實唔夠喉，而味道一般冇話特別超級好食。我還叫了最期待的酸菜魚套餐，我轉了薯粉。薯粉比一般的薯粉特別，比一般薯粉扁身及粗，但呢碗薯粉係一d味都沒，可能係配酸菜魚一齊食所以較清淡。店員先俾薯粉我還以為他漏了酸菜魚，因為另上又或者在薯粉面都見唔到。我問店員店員才告知我是分開上的，我唯有一直繼續期待。最後我薯粉也凍了酸菜魚終於來。酸菜魚我嗌了bb辣，對唔係好食得辣嘅人辣味啱啱好，味道都不錯，我想如果薯粉冇咁凍的話亦有返d味的話配酸菜魚應該仲會好食。

第一次食完覺得味道都不錯，所以再去食第二次，餐廳環境闊落，味道算係唔錯，但係味道就算幾好，服務態度差，都唔會留得住啲客人，簡直係趕客，高既果位似係熟手嘅女侍應，服務態度極之惡劣，全程完全唔講嘢，仲要係咁手指指，反而另外一位似係新手啲嘅女侍應，服務態度好又有禮貌，真係好大對比！經過今日之後，直接黑名單，以後都唔會再食！簡直係比錢貼難受！

金玥 (銅鑼灣)銅鑼灣登龍街31-35號玉山大廈31-35號地鋪1.招牌酸菜魚叫左Bb辣，有豆卜、蘿蔔等配菜☺️啲魚份量算多同滑，但比較碎 湯，酸菜香味都幾香，但啲魚味爭d，如果魚有煎過會好食啲🙈💥評分：6.5/102.凍山楂羅漢果 ($13)好多養生飲品😋揀左羅漢果少少偏酸💥評分：7/10💥總性價比:6.5/10味道不過不失，但有一位員工服務態度馬馬🥹

喺銅鑼灣鬧市基本上想食乜嘢都可以搵到 今次同朋友想試吓酸菜魚 於是就嚟到金玥口水雞口水雞大大份 上面滿滿都係辣椒醬 同花生 睇吓仲墊咗好多青瓜絲 以口水雞大部份都係雞髀位置 肉質絕對唔會鞋口 而且好少口水雞會配搭花生同青瓜絲 配埋白飯 好香口老壇酸菜魚酸菜魚份量好大盤 滿滿都係魚片 魚片好鮮 入邊仲有蘿蔔片酸菜等等配料食酸菜魚，首先就要飲下去啖湯，再配埋白飯。湯底酸酸甜甜，食落去好開胃。呢個湯係好味到會不斷想撈飯同就咁飲！一定要食！

天氣開始轉涼在銅鑼灣想吃熱湯類經過登龍街找餐廳見到很大間店原來是吃川味酸菜魚就直接入座了 餐廳提供多款川味小菜酸菜魚可自選酸度和辣度而且座位多 有卡位 有四人座Qr code 下單 十分方便很快就上菜 食完暖笠笠辣度夠 感覺滿足🤗 //黃金小饅頭 $26//好耐冇食過炸饅頭，見到餐牌有，突然間好想食，比較鍾意這間的一口饅頭，食完唔會飽，但又可以過吓口癮，是絕佳的餐前小吃。 //招牌老壇酸菜魚 $218//餐牌寫1-2人用，份量超級大份，兩個人都需要好努力先食得晒。酸度可以選小/中/大酸，而辣度可選BB/小中/大辣，我地揀左中酸+小辣，我食完覺得是完美配搭！先喝一口湯，湯底加了好多自家製酸菜，小小辣味卻仍然可以清楚地帶出濃郁的酸味，非常之香胃。魚片每一塊都厚肉不散開，肉質鮮嫩而不會食到魚骨，害怕食到魚骨的我表示讚賞！湯底加了寬粉，寬粉口感煙韌，完全吸收了酸菜魚湯，配菜仲有金菇蓮藕片都是吸汁嘅食材。 //酸菜魚最佳拍檔 $26//另外加配了一份餐牌上寫着「酸菜魚最佳拍檔」！最佳拍檔？是什麼呢？問一問店員，原來是油炸鬼，將油炸鬼放進熱辣辣嘅酸菜魚湯底浸一回，入口香脆而且吸收了酸菜魚湯的精華，

不可一不可再#金玥前菜 係內地水東芥菜醃得又酸又咸招牌老壇酸菜魚配飯$78 跟一杯健康茶生魚算滑，但份量真係平時唔食飯嘅我都要食飯，仲要食完都唔飽！我平時食開果間$88+10% 係食唔哂仲要打包碗白飯同汽水！先講下佢個酸菜湯，平時可以KO 3碗湯嘅我，飲咗一啖，咩料呀？又酸又咸！呢個味道咁難食叫正宗？同我大陸食過嘅都好唔同喎！咸到頂唔順要餸飯食再飲一啖健康茶先！點知飲咗半啖，虎！咩嚟㗎？咁嘅味嘅？問個伙記，佢仲好自豪咁答我，我哋自家煲嫁！好健康！喂！我問緊你係咩嚟呀？點知佢再答我係五花茶！What?! 我話唔係個個人都飲得五花茶，你哋應該要指明係咩茶，唔係叫「健康茶」囉！我本人就係有蠶豆症係唔可以飲五花茶！希望店家留意返！好多人係唔飲得有必要寫清楚！又酸又咸又少配料 本來想試埋佢另一招牌雞，點知食完呢餐返到去痾左5次😡都唔知關唔關杯野事定啲湯事！不幸中之大幸係冇急性發病要入醫院，因為都唔關我飲咗半啖茶定一杯五花茶事，發病係急性隨時冇命！同事問我食邊間，佢話：我上次食完又係咁痾🤢拍片話正果啲全部收左$係咪？

📍 金玥 (銅鑼灣)銅鑼灣登龍街31-35號玉山大廈31-35號地鋪———————————————招牌老壇酸菜魚 (配薯粉)(💰: 98 hkd) (+$8 hkd)嚟到當然要叫餐廳嘅鎮店招牌- 老壇酸菜魚 🍲 魚片份量好足夠，食落好香魚味但又唔會腥，質感滑溜😍 唯一係小心食落可能有少少魚骨～ 而且有好多唔同配料，包括酸菜、蓮藕、蘿蔔、金菇等，食到嘴同肚都大滿足🤣 整體份量都幾多，如果兩個女仔分享可能都夠食呢🫢 湯底方面我哋叫咗小辣，其實小辣嘅辣度都幾足夠，食到好香嘅花椒八角味道🌶 但又唔會太麻太鹹，冇掩蓋到主菜嘅鮮味，配上薯粉煙煙韌韌又吸湯，令我哋都食到停唔到口🤤💕金玥登龍雞飯 (配置自家製味飯)(💰: 98 hkd) 雞肉肉質嫩滑而且味道香濃，去晒骨之後啖啖肉，附上三款唔同嘅醬汁，蔥油好蔥味而甜鼓油味道都好夾，仲有一碟酸酸甜甜嘅涼拌醃蘿蔔。爽脆麻辣魚皮(💰: 28 hkd) 魚皮半透明有啲似海蜇，口感爽脆，麻麻辣辣嘅醬汁非常惹味，仲有啲青瓜絲，配合起上嚟非常開胃清新，啱晒做前菜～整體評分 (6個🐽為滿分)味道：🐽🐽🐽🐽🐽抵食：🐽🐽🐽🐽🐽環境：🐽🐽🐽🐽服務：🐽🐽🐽🐽🐾: 銅鑼灣站B出

金玥 (銅鑼灣)$78招牌老壇酸菜魚(7.5/10🌟)（飯轉薯粉+$8）-薯粉另分配上，薯粉好煙韌，配清湯+娃娃菜-酸菜魚魚肉無骨，可以啖啖肉咁隨意食-辣度揀咗正常辣，食落都入到口唔算太辣-酸度正常$98 銅鑼灣金玥登籠雞飯(8.5/10🌟)-雞肉嫩滑，雞皮似啫喱狀，而雞肉變瘦，雞以凍食上枱-配三隻醬，三隻醬配雞肉都夾，好食，推薦📍銅鑼灣登龍街31-35號玉山大廈31-35號地鋪#銅鑼灣美食 #香港美食 #平民美食 #hkfood #foodhk