金滿膳燒味餐室 (已結業)

呢間新開既茶餐廳裝修普通，但串燒燒物好高質！我地先試燒五花腩 $18同埋肥牛金菇卷$28🍢五花腩肥肉燒到岩岩好，肥肥地但又唔會食到成口油，好香！肥牛金菇卷口感都好好，肥牛好香好好食！燒物方面就更出色啦！先有麻辣小龍蝦$228🦞小龍蝦每隻都好大好肥美，麻辣味令到龍蝦好香，而龍蝦肉爽口鮮甜，好正😋之後仲食埋燒生蠔 $68.3隻🦪生蠔大大隻，用佐好多蒜蓉辣椒去燒，燒到好香，而且肥美鮮甜，超好食🤤最後食埋開心花甲粉 $68👅一兜有好多花甲，每隻都唔細，花甲又好鮮甜，仲有好多金菇，蒜蓉辣椒，重口味既朋友岩晒，撈晒黎食好惹味！

今日趁住lunch同同事試下新野，黎佐呢間金滿膳燒味餐室，普通茶餐廳裝修，但食物絕對唔係普通茶餐廳既質素！🤤$128既金滿膳燻香燒鵝髀飯🦆係大大隻燒鵝髀呀！燒鵝髀切件斬好，充滿油香，鵝汁滲透落白飯，拎起隻鵝髀咬一啖再食一啖飯，人間享受呀！鵝肉都好香，肉質又好，一碟都唔夠食呀😆雞扒蛋飯 $50👍🏻雞扒係有一定份量既，但最吸引既係蓋住晒啲飯既太陽蛋，隻蛋好香，將佢撈埋落白飯一齊食係絕配呀！雞扒又醃佐，好惹味，而且雞皮煎到脆脆地，好好食！燒味四寶飯 $50😍四寶飯有白切雞，紅腸，叉燒同咸蛋，好足料呀！白切雞唔鞋口，又有啲味！紅腸就爽口彈牙。叉燒好焦香，醃到甜甜地，好正！而咸蛋亦好高質，蛋黃漏油，蛋白又唔會死咸，送飯絕配呀！野飲就叫佐凍咖啡，凍奶茶，凍檸茶，三杯都沖得岩岩好，好好飲！

牛頭角有間新開既茶餐廳，主打燒味，當然要同朋友一齊黎試下！餐廳櫥窗掛佐好多燒味，一望就知好吸引！我地先試佐馳名嘅燒鵝🦆下午茶燒鵝髀瀨粉$34，唔好以為下午茶就會偷工減料，燒鵝髀依然大隻，啲皮燒到香脆，肉質軟腍，超正呀！😋另外仲叫埋雪菜肉絲米粉 $50，呢個比起一般茶餐廳香好多，雪菜好多，肉絲都份量十足，湯唔會好咸，想食清淡啲既朋友可以考慮呢個呀👍🏻而且仲有方包同炒滑蛋，炒蛋好好食，好滑好正，夾落麵包食好唔錯呀！

今次黎到牛頭角，做完野勁肚餓，又唔知食咩好，行過見到呢間金滿膳燒味餐室，中意食燒味既我就決定入黎試下！👍🏻燒味四寶飯 $50四寶飯有齊白切雞，紅腸，叉燒同咸蛋，份量十足！白切雞好香好好食，唔會無味，啲雞有啲咸味，而且肉質唔鞋，好食！紅腸都唔會好膠味，都爽口有咬口。叉燒方面好香，燒到焦香既叉燒甜甜地，肉質軟腍，好好食呀！而四寶飯唔少得既咸蛋當然都好高質，咸蛋唔會死咸，係甘香既，蛋黃仲有啲漏油添，送飯一流呀！食四寶飯就緊係要食埋枝可樂先夠爽啦！🥤整體黎講呢間既燒味好出色，絕對無負燒味餐室呢個名呀！

今次呢間係牛頭角既茶餐廳裝修都係舊式香港風，霓虹燈既招牌好吸睛，幾特別，食物方面都好唔錯！招牌脆皮燒腩仔飯 $48🍚🐷一碟有成十舊燒肉，份量十足，燒肉皮超脆，一咬係有聲架！燒肉肉質唔會鞋口，反而好香豬肉味，一碟燒肉飯食晒超飽肚，掂！👍🏻雞扒蛋飯 $50🐥🥚🍚大大塊既雞扒佔左差唔多細半隻碟，太陽蛋蓋住啲飯，篤穿蛋黃撈埋落啲飯食勁正勁好食，雞扒肉汁多，外皮香脆，好好食呀！最後我地一人一杯凍檸茶同埋凍奶茶，兩杯都好有水準，配埋啲飯岩岩好！

估唔到係牛頭角街頭既一間普通茶餐廳竟然有咁出色既燒物食！🍢我地先叫佐大陸好出名既麻辣小龍蝦$228🦞雖然係叫小龍蝦，但每隻其實都好大隻，好肥美，本身果殼已經好惹味，岩晒中意食辣既朋友，而龍蝦肉爽口彈牙，好好食😋另外仲有大扇貝$108.3隻，啲扇貝真係好大隻，落足蒜蓉辣椒去燒，好香好惹味，扇貝好鮮甜，同啲蒜蓉辣椒一齊放入口好香，超正！🤤海鮮方面緊係唔少得試埋燒生蠔 $68.3隻🦪生蠔好大隻，又係落足蒜蓉辣椒去燒，好香好好食，生蠔又肥美，超正呀🤤最後係開心花甲粉 $68👅花甲大大隻，一兜有數量唔少既花甲，花甲都好鮮甜，而且仲有好多蒜蓉辣椒同埋金菇，撈晒黎食好正好好味呀！

今日去開牛頭角做野，去到下午茶時間見到呢間茶餐廳就入去試下，有驚喜呀！我地叫佐香脆奶油豬 $26同埋法式西多士$28🥞首先奶油豬真係好脆好香好好食，脆卜卜既奶油豬超香牛油味，就咁食都已經好好味，又唔會太硬，食唔停口呀！而法式西多士大大件，半溶既牛油搽滿成件多士好邪惡但好正！西多士好香蛋香味，非常酥脆，切開細細件食再點埋糖醬，好食到不得了，而且價錢又唔貴，好抵食！我地另外仲叫佐杯凍奶茶黎飲添，奶茶都好香茶味好好飲😋

今次黎到牛頭角呢間金滿膳燒味餐室，原來呢間一啲都唔普通呀，裝修雖然平凡啲，但食物好有質素！🐷柚子蜜叉燒飯 $48呢個唔係普通既叉燒飯呀，叉燒燒到焦香，每舊都好有肉汁，好有咬口，啲肉又唔會鞋口，而且用柚子蜜黎燒甜甜地，比起一般叉燒清甜，好好食呀！🦆🍚金滿膳燻香燒鵝髀飯$128隻燒鵝髀勁大隻呀！咬落啖啖油香加埋嫩口既鵝肉，啲鵝汁留埋落啲飯度，真係好吸引好香好好食！今日食呢兩個飯碟都好大，而且上菜速度又快，岩晒一班打工仔黎食呀！

叫咗兩個叉燒炒蛋飯，真係好難食。啲飯好乾仲要一嚿嚿，豉油無味，煎蛋一般，最難食係個叉燒，好似食緊擦膠碎咁，然後係死甜味，真心一個咁簡單嘅飯都可以整到咁差，真係冇下次

從來都唔起OpenRice 留過食評今次係第一篇，因為見呢間鋪有兩個負評想幫佢平反，我由佢開張第一日就幫襯，app叫過，親自去現場都買過，我想講佢d腩叉係超超超好食，外皮焦脆，唔會過肥或者過瘦，絕對係我食過最好食！同埋佢每日有唔同野有discount，我成日買半隻香妃雞或者豉油雞，自己再煮飯做lunch，雖然d雞好似冇岩岩開檔果陣咁大隻，但以價錢來講算好合理，味道都絕對係中上。app宵夜外賣我都買過，雪菜肉絲同沙爹牛麵，咁岩冇午餐肉有d可惜，雪菜味唔多夠，但性價比都係高，總體上呢間野我絕對推薦，首選腩叉！希望店家見字加油。

員工質素好差！員工質素好差！員工質素好差！10:40入座，10:45落單叫左牛肉，牛舌，雞腎，五花腩，韮菜，羊架，蒜蓉娃娃菜，2杯野飲。。。全部用鬆肉粉醃到無口感仲要無味 問店員拎辣椒粉先有少少味蒜蓉娃娃少到食2啖已經無哂個羊架等到11:15都未有明明聽到後廚話漏咗未燒叫員工問吓個客人仲要唔要員工係冇知會客人嘅情況底下就話繼續燒本人聽到就問吓個員工員工信誓旦旦話:「係其他客人嘅，你嘅羊架一早已經燒緊」10分鐘後拎住羊架係本人面前經過，話加埋孜然粉就ok點知又燒左10分鐘先有當時有另一個客人11:20先叫羊架同本人同時間有得食！呃人等甘耐仲要一句唔好意思都無野又唔係好食服務質素又差200幾蚊食d垃圾

今日夜收工周圍收晒，行過見到呢間新開嘅燒味店所以試吓，諗住燒味應該唔會點出事，見價錢都算正常雙拼$35。又見佢招呼都幾積極，就諗住叫兩個飯盒返去食。點知叫乜冇乜，得返叉燒、油雞、燒鵝。雖然燒鵝貴$20蚊要$55，但係見佢仲有兩隻掛咗係度應該唔會得返D頭頭尾尾啦。叫咗兩個飯一個叉油雞飯一個叉鵝飯，叉燒非常乾及鞋，油雞又係比下欄翼位味道普通啦，貴廿蚊嘅燒鵝有5舊得一舊有肉其他全部骨嚟。各位街坊我就以後唔會幫襯，食佢不如自己煮麵食好過