金滿膳燒味餐室 (已結業)

我個老婆大人真係好好，平安夜嘅晏晝同朋友食咗餐意大利菜慶祝，食慣好嘢嘅佢話晚餐食平啲就得喇！大家話喱啲老婆去邊道搵吖！我哋嗰日要去觀塘買嘢所以就喺附近搵吃。行過牛頭角道見到喱間金滿膳燒味餐室，見到掛喺道隻燒鵝幾正咁一於就同老婆大人嘆佬餐啦。喱間餐室除咗有燒味之外原來仲有串燒食嗰喎！不過串燒要九點幾十點先有得食！咁唔使煩叫個燒味二人套餐兩舊水都唔使好抵食，鬼咁口渴嗌咗嘢飲先！老婆大人加三蚊雞要咗凍檸茶走甜我就例牌飲熱奶茶，兩個茶底味道都唔錯表現正常。套餐每人都會有一碗例水青紅蘿蔔湯，又幾鬼足料飲落都幾好味起碼唔會淡茂茂先！鍾意食燒味喱個餐就真係啱晒喇，本身有一個例牌乳豬可惜嗰日太好生意賣晒！所以我哋轉咗做叉燒，另外仲有個細嘅雙拼例牌我哋揀咗燒鵝同油雞。                              最重要係有碟白灼菜心，咁鬼多燒味全部都肉騰騰有碟菜即刻健康晒！菜心夠淋夠甜加啲蠔油食好呀。先試左個例牌叉燒老婆大人鍾意食半肥瘦我梗係就佢啦！喱個叉燒口感又幾盞鬼喎淋得嚟又有啲爽口，調味啱啱好唔會好似出面啲叉燒咁一味死甜唔錯唔錯。我哋好好彩豉油雞得到隻雞髀，所以食落去啲肉係滑嘟嘟嘅。

琴日下午茶果陣餓餓地去左屋企附近呢間金滿膳燒味餐室度食，又幾好食喎🤣👍去茶餐廳食下午茶當然要叫返個法式西多士，呢度既西多士只係$28，真係好抵食，以為呢個價錢份量會好少，點知黎到都幾大舊，好厚，份量比到足，麵包炸到好脆，內脆外軟，口感啱啱好，上面牛油都大大舊，熱辣辣既多士啱啱好溶化左d牛油，牛油流哂落黎，同糖漿一齊混合，再比麵包吸哂，一啖食落去，好甜好滿足，無論係口感同味道都好唔錯👍🤣值得再食！

⬆️蜜汁生燒叉燒🌟🌟🌟🌟🌟好香啊！燒得岩岩好🤤可以瘋狂encore😎⬆️惹味黑椒牛仔骨🌟🌟🌟🌟啖啖肉，食落唔會覺得啲肉靭👍🏻⬆️烤羊架🤤🌟🌟🌟叫咗9成熟，下次睇吓有冇7成熟先🤣香烤靚生蠔🦪🌟🌟🌟🌟雖然啲蠔唔算太大隻，但勁惹味！麻辣小龍蝦🦞🌟🌟🌟🌟🌟已經叫咗最少辣🌶️但係都好辣🔥小龍蝦份量勁多！好似食極都食唔完😂燒雞翼、雞腎、雞軟骨都唔錯，最鍾意係燒雞翼❤️😎

平時係呢到都係食燒味飯多，但入到嚟突然之間又想轉下口味唔食燒味，試下其他嘢食睇下掂唔掂先🤤我同男朋友今次真係fat fat啦！我地叫左三樣肥仔野食🤣法式西多士$28呢個西多士真係超級厚，煎至兩面金黃，厚厚的牛油及香甜的糖漿，邪惡又美味。秘製豬扒包 $32豬扒包嘅豬扒夠曬大塊，而且炸到好香脆，外脆里嫩，食落香而不膩，咬一口仲會爆汁。香脆奶油豬 $26而香脆奶油豬就比起豬扒包更加邪惡添，因為個包嘅縷鋪滿滿滿嘅奶油，識落甜甜地好香奶油味呀。食完呢餐超滿足，但係啲卡路里係嘥得抵嘅，因為真係好好味🤩我同男朋友即刻返屋企樓下跑返幾個圈過2日再嚟食過🥰

車爸爸聖誕節竟然可以連放六日假期簡直係天大的恩賜啊！平安夜的午餐跟好友們吃了一頓豐富的意大利菜，之後走到觀塘apm買想吃已久的牛角包，所以就順理成章於附近找晚餐吃。行到牛頭角道見到這一間金滿膳燒味餐室，首先被燒味部內的燒鵝及叉燒吸引著，再看看內裡牆上的可愛的壁畫令我覺得這兒非常有趣，由下午行到夜晚我倆都已經非常疲累一於決定就在這兒開餐吧！入到到餐室看看餐牌發現是間非一般的燒味餐室，內裡除了有燒味之外另有自選暖心湯飯、像車仔麵般的燒味新食法，另外9:30pm後更有串燒供應呢！看到串燒夜餐牌上那個蜜汁生燒叉燒串我已經流晒口水了！可惜這天我們早開餐！既然串燒試不到那不如來吃個金滿膳燒味二人套餐吧！這個金滿膳燒味二人套餐只需＄188內容非常豐富豐，當中包括有乳豬例牌、燒味雙拼例牌(細)、蠔油時蔬一碟、可在白飯、通粉、公仔麵、河粉和瀨粉中自選兩碗 (出前一丁/烏冬加＄5、辛辣麵加＄8)兩，另外奉送例湯、咖啡或茶(凍飲加＄3特飲加＄8)。是日例湯我們得到的是青紅蘿蔔湯，湯頭挺足料而且不油膩喝下去味道不俗。不知是否平安夜太好日子套餐中的乳豬已經售罄！不打緊反正我喜歡吃叉燒一於將它轉成叉燒吧！點了半肥

嚟呢間餐廳係因為咁啱去開牛頭角，上ig 就見到有人share食呢間嘅燒味飯，望到賣相幾唔錯，就吸引左我地。嚟到見到好可愛嘅招財貓側邊仲有啲食物牆身設計，環境空間好大又乾淨。味四寶飯 $50 四寶飯嘅紅腸、鹹蛋、叉燒、油雞真係缺一不可，但最愛嘅係叉燒肉質淋得来有咬口，肥肉和廋瘦肉比例適中，燒得岩岩好。而油雞瘦得嚟又唔鞋，超滑🤩。秘製燻蹄飯$48燻蹄飯煙韌韌好好味，入口肉嫩又有咸香，真係食到停唔到口😆最後清哂全部🤤兩個飯都超大碟，女仔未必食得哂，男仔食完一定夠哂飽，最鐘意嘅係佢地啲餸真係滿嫁，唔係得幾件，性價比好高🙌🏻

今日獨自一人的滋味晚餐，當然係去金滿膳。金滿膳位於牛頭角牛頭角道357-375號仁安大廈地下。佢今年的6月份開張的，公司放飯好多時都會嚟食，經濟又快靚正。下午都係食碟頭飯多，夜晚時間鬆D就試下佢其他野。錫紙焗金針菇$38 金針菇用蒜蓉和牛油做調料，所有材料包曬入鍚紙再拎去焗，一打開就有好香蒜蓉同牛油味，嗰汁同呢撈飯吃一流呀😋開心花甲粉＄68有粉絲，金針菇，當然仲有主角花甲啦！花甲就用蒜蓉和辣椒做調料，所有材料包曬入鍚紙再拎去焗，一打開就有好香蒜味，聞到都好香。加左辣椒有小小辣，所以好惹味。燒五花腩 $18 和肥牛金菇卷$28大大串，加埋餐廳的秘製調味粉，有D籽孜然味，又辣辣地，好香口！五花腩半肥瘦，唔會太乾。肥牛同金菇的經典串燒配搭，無得輸呀👍

今日去午頭角上堂，放學就係下午茶時間，見到有間新餐廳，餐廳門口掛左了一排排的燒味，有燒鵝，叉燒，油雞，燒肉見到都覺得吸引呀！再睇下個餐牌，下午茶好多選擇喎，有燒味粉麵，雪菜肉絲米，通粉，西多士，奶油豬等等，價錢都係合理範圍內。餐廳裏面好光猛，乾淨企理，最令人注目的係果幅好有色彩的霓虹燈牆，霓虹燈閃爍著餐廳的名，好有香港氣息！我就叫個秘製豬扒包加杯凍奶茶＄32 , 個秘製豬扒包都幾大下，入面有炸豬扒，生菜和加左秘製醬汁，豬扒有成個隻手掌咁大，生菜都舖滿曬，師傅仲將個包分開兩半，方便客人食。成個下午茶餐都唔錯，下次可以再呢食過。

男朋友好鐘意食燒味，前幾日就陪佢去左呢間燒味餐室食飯。呢到燒味都好出名，差唔多枱枱客人都有叫燒味飯，咁啱見到待應送緊個燒鵝髀飯比人，我即刻叫男朋友望下，超巨型好正喎。我地就決定先叫一個金滿膳燻香燒鵝髀飯，燒鵝髀飯就嚟大過我塊面，真係份量十足😋。而且燒鵝髀飯你都好肥美，啖啖燒鵝肉真係好滿足，而且外皮脆，肉又嫩，冇得挑剔！一個飯唔夠2個人食，所以再叫個秘製燻蹄飯，燻蹄皮咬落彈牙，肉嫩帶有咸香，又幾好食喎😆

同姊妹行街行到又熱又累，想坐一坐食少少野補充下體力過下冷河，見到有間港式餐廳，由出面望入去企企理理，乾淨光猛，再睇餐牌都有很多選擇，下午茶有粉麵，燒味，西多，豬油包…等等，價錢又合理。我地就叫左個秘製豬扒包 $32和香脆奶油豬 $26。個秘製豬扒包都幾大下，入面有炸豬扒，生菜和加左秘製醬汁，豬扒有成個包咁大，生菜都舖滿曬，師傅仲將個包分開兩半，方便客人食，咁剛剛好我地可以兩份share。個香脆奶油豬烤到熱辣辣，外皮脆卜卜，內裏係柔軟的，師傅茶左牛油和煉奶，包的溫暖度將2種醬溶化，吸曬入麵包度，又香又甜，食落去脆卜卜的口感，好滋味呀😋呢間茶餐廳值得推介，價錢實惠，食物有水準，環境乾淨企理。佢係位於牛頭角牛頭角道357-375號仁安大廈地下的＂金滿膳＂。

難得放假梗係同朋友嘆返個悠閒嘅下午茶，再周圍去玩。由於我同朋友食量都唔大，所以嗌咗兩個輕量嘅下午茶。香脆奶油豬 $26朋友嗌咗奶油豬，表層香脆，內部就被塗上濃濃的牛油同煉奶，牛油味好突出，整體上可以話外酥內滑，咁高質素嘅奶油豬都只係26蚊，好值得一試，如果配上一杯港式靚奶茶就更美滿了。秘製豬扒包 $32咁多個下午茶菜式中，我覺得最抵食同最好味嘅菜款，我會話係佢哋嘅秘製豬扒包。包嘅皮被烘到好脆口，而主角豬扒就最出色，豬扒應該有事先被醃過，咬落好鬆軟，而且有醬香味，豬肉味濃郁但唔油膩，外脆內軟，口感一流，真係令人回味無窮。

本身係咁啱行過比佢哋玻璃窗嘅燒味吸引到入咗去，原來咁啱佢哋做緊下午茶仲抵食，出名慳家嘅我梗係慳住男朋友個荷包叫下午茶餐。燒味下午茶只係 $34蚊，可以揀瀨粉、米粉同河粉。男朋友就叫咗招牌脆皮燒腩仔，燒肉外皮燒得好香脆，咬落去仲「索索」聲🤭肉質方面都十分之鬆軟，識落仲有燒肉嗰種鹹香味。而我就揀咗玫瑰油雞皇，雞肉超級滑，食落仲會有啲玫瑰香味，甜甜地咁😳粉面嘅份量都好多，夠晒大碗，麵質煮得啱啱好，唔會太淋又唔會太硬。

金滿膳燒味餐室呢間餐廳好現代化時尚設計，廚房係雲石面顏色，而且餐廳牆身仲有好可愛嘅招財貓公仔，唔怪得咁好生意啦！入到去我地好快就諗好左叫招牌脆皮燒腩仔拼秘製燻蹄飯同雞扒蛋飯。招牌脆皮燒腩仔拼秘製燻蹄飯兩款餸我都好鐘意食🥰燒腩仔外皮真係做到脆皮嫁😚啲肉食落有啲鹹香味，同埋又唔會話太肥全部都肥膏，有少少肥得來又有瘦肉，比例岩岩好👍🏻燻蹄又係另一種口感，外皮煙煙韌韌，肉質軟腍，兩種唔同味道嘅享受。雞扒蛋飯都同樣好食，雞扒超大塊望相就知道有幾巨型，仲要係咁大塊都仍然keep住有肉汁，勁Juicy唔會乾爭爭，隔離仲要有個流心嘅太陽蛋，蛋汁流晒落嚟，連埋雞扒一齊食，哇真係食到我飽到上心口都想食哂佢🤭

琴晚放工懶得煮飯，就同老公落樓下食左呢間金滿膳燒味餐廳，又幾抵食喎👍😚我地叫左個金滿膳燻香燒鵝髀河粉同秘製燻蹄河粉，燒鵝髀勁係好多隻，成塊面咁大，個皮燒得好香，食落好香油脂味，又唔會好多肥膏，入面仲要啖啖肉，肉好香肉味，配埋d油脂，真係好正，仲食啖河粉，真個享受😋🤭仲有個燻蹄，整得好滑，燻蹄最怕整到d肉好老，呢個完全唔會，肉質好滑，仲要個皮有d彈彈地，口感好正，味道酸酸地，肉味好香，幾好食，河粉都好好食，湯底清清地，唔怕會搶肉味，配肉食啱啱好👍😋下次再試下其他野食！

本身住牛頭角，見到開咗間新燒味舖，見啲街坊評價唔錯，於是同屋企人一齊試咗一試，果然真係食完返尋味。脆皮燒腩仔燒鵝髀飯為咗試多啲唔同類型嘅燒味，於是我哋嗌咗兩個雙拼飯。首先係呢個脆皮燒腩仔燒鵝髀飯，先講燒鵝髀，聽講都係佢哋嘅招牌，淨係見到個皮色已經好吸引，而且油潤光澤，咬落去皮好脆滲住油香，至於啲肉就好肥美，配上油脂咬落去真係啖啖滿足，非常送飯。而燒腩仔就比鵝髀更多油脂，而且咬落去完全無臊味，皮都燒到好脆口，雖然同燒鵝髀一樣都係外脆內多汁，但就係兩種唔同嘅口感與滿足。叉燒燻蹄飯屋企人嗌咗個叉燒燻蹄飯，叉燒嘅質素係評價一間燒味質素嘅重要準則，佢哋啲叉燒唔會太甜，食落有淡淡柚子味。雖然係傳統嘅叉燒做法，但食落有佢驚喜嘅地方，叉燒肥瘦相間，保持到口感，真係約食越好食。再講個燻蹄，燻蹄味道偏淡，食落有鹹香，皮咬落去口感彈牙，同入面嘅肉好夾，質素唔輸叉燒嘅。最後要講嘅係佢個玻璃樽裝可樂，仲係好classic嗰種，好有以前舊式茶餐廳嘅風味。