金滿盈 (已結業)

我食左這問餐廳都好幾次!味道勁好! 每樣野食都好有味道....可以話入味!極力推介：所有蒸飯，特別係煎蛋肉餅飯，鳳爪排骨飯~ (排骨超入味)奶茶....超超超好味呀!!!我個人好鐘意飲茶/奶茶~好多間飲完之後個口都好差既口感...這間...一個字：滑!!讚!!!我叫左二杯飲~飲完再飲!一杯唔夠!真係應該試下!!!!讚!!!!備：服務生雖然係阿嬸，但服務態度勁好! 真係...讚!

住係附近,所以經常係度開飯!通常都係叫晚餐,有湯有菜,都幾飽肚! 有時食吓蒸飯都唔錯呀!今晚叫咗;鱆魚蒸肉餅 ;味道好正呀!不過今晚呢個就得好小.好薄 ! 西芹抄咸肉 ;中規中矩!油墨菜 ;要腩汁,冇蠔油咁單調 !例湯;節瓜鱆魚煲唐排, 好大碗 !順便講吓joelsoo 係11/9/09 呢餐,因為佢叫個d我都成日食;http://www.openrice.com/restaurant/sr2.htm?shopid=8811除咗呢個麻麻地之外,其它都幾好!就係; 麻醬手撕雞 我食個次d雞好乾好硬兼冇雞味 ! no good ! 已經向付責人投訴!

放工後與三五知己到旺角短聚啊姐服務態度好， 所以選呢間試下啦！有驚喜之菜。。。。。。蒜香骨＆香脆炸雞翼 非常之好食，外脆內嫩，夠熱！ 不似一般茶餐廳預先炸好，應該是即叫即做！鮮茄紅衫魚無咩special，但有媽媽嘅味道。魚香茄子肉片有d咸，味道都一般啦。菜肉雲呑米線 個米線軟硬適中，不會太腍！菜肉雲呑好多料，抵食！蝦酱豬腩王 有d油，不過話明係豬腩王嘛，煮到好腍，豬肉好入味！果然係引推介之作！麻酱手撕雞 我嘅最愛！係一碟冷盤，勁多芝麻，唔點酱都好好食！雖然環境普通，但整體食物有质素，啊姐服務好，笑容和藹！啊姐講嘢有d口音所以有笑位，愉快的一個晚上，可以一去再去！

24-3-2009開會前搵地方 early lunch, 呢日想食麻辣米線, 0黎到最就腳的呢間試試, 還掂0係灣仔食過隔0黎川居覺得麻麻 (http://www.openrice.com/restaurant/commentdetail.htm?commentid=1917035). 坐低發覺原來呢度係茶記,「米線」可改公仔麵又可以轉烏冬 (!), 仲兼賣蒸飯, 心涼了一截; down-to-earth 一點叫個米線餐吧, 點知食物質素係 literally "down to earth" --「低得貼地」!先飲熱奶茶, 茶底薄, 飲落好稀好淡, 可幸唔會好多奶!主食係「雜醬」湯豬肚 + 五花腩米線 ($30), 加金錢(月展) (加 $6)... 米線硬度剛好, 煙煙韌韌感覺不錯, 不過配料太差了 -- 雜醬就咁一 pat「塔」0係面, 賣相幾倒胃, 唯有將佢攪拌到湯內, 味道帶淡淡花椒八角味, 少少辣及少少少少少麻, 但完全唔夠香, 真無癮; 豬肚爽口, 不過「太入味」了, 食落好鹹; 五花腩好差, 瘦肉硬硬實實無喱味道, 肥的就太肥, 白色一團團無味物,, 都係唔食了; 金錢

晚上回到旺角，到了先達逛了至差不多8 時30，見肚餓，便到後面的花園街覓食。在數間食店門外看過餐牌，商量了一陣，最後決定試試這間米線店。二人各要了一個佰餐，分別是清湯鮮菇龍蝦丸米線+燒煙肉串+熱檸蜜和炸醬手打鯪魚球米線+油菜+豆漿。米線跟一般的小鍋米線不同，沒有大量配菜，幸好枱上有樽菜脯任加，手打鯪魚球略鎌過實，米線則幾煙韌有勁，整體味道不錯，套餐不過是$28，但份量足夠一個男孩子，吃得過。

好食~!雞中翼更是正正

1.梅菜肉餅蒸飯$18~個碗唔係鐵碗,係用膠碗,不過真係用原隻碗蒸的,肉餅一般啦,而飯的份量都幾夠的.個餐可以加$5有碟菜.2.枝竹牛腩酸辣雪菜湯米線$23~個湯都唔酸辣的,不過牛腩都幾好食,夠林夠入味.

朋友推介話呢度米線好食,而且招牌菜係麻辣米線,咁咪試下囉!講真,米線又真係幾掂,又滑又好味,但係麻辣就都係太麻太辣,令我頂唔順,果然係無呃人!最後因為太辣都係食唔晒,浪費左…下次都係食番一d唔辣既選擇好一點…

旺角大把野食係人都知, 但係係旺角返工咁耐, 先第一次來呢度食lunch....我同事食米線, 佢話唔錯, 亦唔係好油, 見佢塊炸豬扒都幾好食同幾大塊!! 而我就食冬姑蒸雞飯($18),d材料幾多同味道亦算不錯, 另外半價加$4(原價$8)飲例湯, 今日係花生眉豆煲雞腳, 個湯幾大碗, 又多湯料而且無味精, 好有家庭feel呀!!我見好多客人唔叫野飲都要例湯架....所有蒸飯或米線都可以半價享用例湯或冷熱飲品!係旺角呢個鬧市間唔中可以試下呢d住家靚湯, 都係唔錯的選擇!!

今日去小巴站等車...排長龍?! 見橫掂有腳軟...就決定去我舊愛<< 金滿盈>>坐一坐啦。 最好味呢就係....炸雞翼la.. 同埋排骨鳳爪蒸飯lor..( 係我至愛) !!! 不過, 暑假去過一次難食左!!!但鬼叫我有倦咩..決定俾多一次機會佢!! 但今次竟然有..意想不到驚喜!!好味...炸雞翼la 同埋排骨鳳爪蒸飯又返啦!!! 究竟點解呢??? 不過算啦!! 我決定再去食炸雞翼同埋排骨鳳爪蒸飯!! 因為又再次愛上你la!!he he ..!!

以前吃過都几好味,昨日再去叫個燒排骨米線,咩唔同咗味？？？再望真啲,原來轉晒人,失望!!!燒排骨炸到好似柴咁.請都唔去!!!

米線套餐約有8款, 連1款小食(雞翼or煙肉卷), 都係28大元, 凍飲都係再加2蚊。唔係特別好味, 但的確係好大碗, 我揀左醬爆沙魚丸米線, 中規中矩, 麻辣湯底似冬蔭?味多d, 雞翼同煙肉卷雖然細d, 都整得幾好味...其實仲有好多款米線, 都係25元上下, 間野都尚算乾淨企理, 會再去!

呢間餐廳o係正小巴站,唔係去搭車都唔易找得到.<br />佢地既雲南米線好大碗, 套餐仲有兩三款餐跟飲品, 28 蚊算底食, 米線湯底幾正,我最鐘意係酸辣湯底,配米線既料有爆槳牛丸同肉丸,燒排骨,沙爹牛肚等,味道不俗,仲有d 蒸飯相當正,拾零蚊都唔算貴,細細間都幾企理,我會一去再去的。