金滿樓 (迎海薈) (已結業)

乌溪沙街坊，見假期不用排隊太耐，便選此酒樓。叫了八樣點心，共300几買單，茶錢10元。價格不街坊，服務不錯，只是環境好迫，枱之間缺乏距离。食物水平尚可。餐具几有特色，雞公碗，夠傳統。

食客來到傳聞中美食沙漠，通常要求都會下降，不過這間酒樓又做得不錯，午市點心和晚餐都表現正常以上的水準。最先試午市點心，唔覺太肥膩，又不會太咸，且味道恰到好處。於是放膽去吃晚飯。乳豬不是我的茶，但朋友話想食，姑且試下，咦，發覺好正！乳豬真係皮脆肉嫩，人人都讚。甚少點粟米斑塊，但酒樓竟然放門口推介，也就試下。一試之下，嘩！冇得頂！咁厚魚肉口感真一流！粟米斑塊味道和外面的差不多，重點係比靚魚你食，這個是我食左咁多年最正的粟米斑塊。也有點清蒸魚，火喉拿捏得很好！其他菜式也在正常水準之上，意外之喜！終於有啖好食。不過千祈唔好食完晚飯問有冇甜品送，因為送上來的紅荳沙真係好得人驚，唔知道自己比錢食嘅紅荳沙會唔會靚d，所以對這間酒樓的甜品則不會推薦。

叫了4個餸，所有餸的份量都異常地少其中川椒雞球極鹹，而且當中看不到亦吃不出川椒味。雞肉口感亦太腍。食完後幾個鐘依然感到口入面好鹹豉油皇鵝腸完全沒有味道，和一起上的大蔥同時放入口的話除了大蔥的味道甚麼都吃不出啫啫排骨煲的肉質很差，有騷味， 調味則是淡而無味其餘的湯和餸菜也只能說是不過不失，連中上都算不上服務亦不算好，開蓋要加水等了好幾分鐘都沒侍應來，最後要主動叫人來加水價錢絕不算便宜，可以說是全商場最貴，而且份量比起商場內其他同類型食肆極少，性價比亦很低

新開酒樓，早午賣點心，晚巿做粵菜。重新裝修後，餐具 and 櫈，望落應該係全新，而且多左店名印喺 d 碗碟杯上。亦多左幾間貴賓房，俾客人包房，大廳枱數唔多，大部份係 4 至 6 人枱，枱與枱之空間還好。門口派位姐姐笑容好好，其他服務員態度都正常，唔會黑口黑面，都唔會見到當見唔到，亦唔會一叫就轉身走。午巿大廳坐滿，連d貴賓房都開晒門坐滿客。開茶、執枱都快手，唔會一枱桔碟食完無人執。午巿點心，花款唔算多，但一般茶樓點心都有齊，味道正常，亦都唔差。價錢亦算合理。所以對晚巿都會有d期望。

聽聞烏溪沙開了新酒家，嚟開做嘢，特來一試。其裝修用了香港60年代的照片做點綴，簡單舒服。點心選擇與一般酒樓差不多，我們兩個人，只叫了5個點心。义燒腸（$29.8）先上，一時心急，每人挾走了一件才記得影相。腸粉皮拉得滑，尚算薄，义燒料足亦有菜。可惜义燒不夠厚身，亦不算香口，故味道只屬合格，並不特別出色。潮洲粉果（$21.8）餡料足，睇相見其漲卜卜便知。內有菜甫，肉粒丶蝦米及脆花生，皮亦不過厚，香口好味！👍🏻👍🏻👍🏻薑味鷄包仔（$25.8）一籠3個，樣子望落ok，食落卻嫌麵包皮略為厚，餡料是碎豬肉及菜，味道普通。小籠包（$29.8）有豐富肉餡，不過包皮始終不夠薄，同樣不吸引。最後一個點心是鳳凰煎米雞（$29.8）是眾多點心中我最喜歡。糯米煎完仍黏黏地，有糯米獨特口感。餡料有豬肉碎丶冬菇粒⋯等，加埋醬汁及煎香了的鷄蛋包實，口感豐富，香口！😋😋😋茶是每位$10，正常價格。由於5個點心只有兩個做得較好，金滿樓不會是我在這區飲茶首選。