金滿庭京川滬菜館 (德福廣場2期)

營業中

休息中

十月中的一天晚上，我、娘親、爹爹和我男人來到九龍灣德福廣場逛街購物，晚飯時間，我們來到位於二期頂層的金滿庭京川滬菜館，吃個晚飯。餐廳空間寬躺闊大，呈長方形直廳，整體裝潢走簡樸風格，店內提供有電視讓顧客觀看，座位方面用上軟墊坐椅，再配搭上柔和燈光，感覺設計貼心，舒適寬鬆。有機豆漿豆漿選用有機黃豆製作而成，分量充足大杯，飲用時冰涼透心，口感濃稠順滑，醇香清甜，甜度恰當，味道有著濃郁豆味香氣，是一款含有豐富蛋白質的飲品。紫心番薯浸豆苗數款食材鮮艷的色澤配搭，端上桌時富有清新感。豆苗分量眾多，色澤呈翠綠，口感清爽鮮甜，濕潤嫩滑且富有蒜香。紫心番薯肉綿鮮嫩，香甜四溢，整道菜式均健康鮮美。蟹粉有機豆腐潔白的豆腐頂層淋上大量金黃蟹粉點綴，賣相已叫人垂涎欲滴。豆腐同樣選用有機黃豆為主要原料製造而成，口感滑溜綿密，香嫩清淡。蟹粉綿滑微黏，濃郁鮮味，一濃一淡的食材正好互相協調，味道相配。翡翠鮮魚羹羹湯用上魚肉、蔬菜、蛋白煮製而成，色調翠綠中帶白，從半透湯底中已看見用料毫不吝嗇，飲用時稠密清香，與配料同食更軟滑鮮嫩，同時增添不少口感層味。蟹粉小籠包蟹粉小籠包共有五隻，其外觀奏摺眾多，頂部可見有蟹粉點綴，入口

星期六晚飯時段去取外賣，只得我一袋openrice外賣，已心知不妙。外賣三個餸，柚子雞球，每舊雞都有很多骨，雞肉又鞋又冇味，只有幾粒柚子肉，所謂雞球完全沒有柚子味；螞蟻上樹，粉絲又咸又多油，只得少許肉碎，沒有其他配料;乾煸四季豆，啲豆煮到淋哂，多油又咸。老實講，如果預咗冇乜生意冇買新鮮食材，同埋冇正圧廚師返工，不如索性不要做晚市好過，冇謂搞臭自己個招牌，制作啲遠低於正常水平的食物提供比食客，建議於這間餐廳叫外賣前必須慎重考慮。

今晚book左間中菜唸住3個女子聚舊吹水, 坐低睇下食咩先, 我地嗌左上海小籠包(8隻), 楊州炒飯, 奶油津白+特價(減20蚊)menu其中一款小菜-咕嚕肉.🥢食物好快送上, 小籠包中規中矩屬正常level; 楊州炒飯啲料好豐富炒得非常乾身同均勻👍🏻; 奶油津白都好足汁料, 個芡整得都好好味, 係中菜嘅creamy感; 至於咕嚕肉, 整碟份量感覺唏噓....但味道ok係有小小乾柴.🥢**埋單時真係要留心睇張單**以為啲promotion電腦自動計好, 返到屋企睇多眼先發現原本喺特價menu嘅小菜收正價😑

今天家裡沒有煮製晚餐，我便相約了居住九龍灣的好友一家吃飯，我們一如以往選擇到金滿庭用膳，皆因它菜式不論男女老幼亦很是適合。招牌炒飯飯粒炒至色澤金黃，入口煙韌彈牙，粒粒分明，香濃可口，製作得乾身而不油膩。配料豐富眾多，有雞蛋、蝦米、肉粒、蟹柳、蟹籽等，為口感味道更添層次。紫番蕃薯浸莧菜莧菜色澤碧綠，口感柔軟細嫩，菜味濃郁，碟旁放有紫番薯作伴碟，入口肉綿軟糯，香甜嫩滑，整道菜清新鮮美，且含有豐富營養價值。一口小籠包小籠包一籠五件，外皮口感軟糯煙韌，厚薄適中，夾起時不會輕易破爛，內餡豐富飽滿，咬開後湯汁佈滿口腔，肉餡香嫩鮮美。原湯水餃湯底色澤清澈，入口鹹香清淡，加入少量蔥花、蛋絲煮製，味道更惹味可口。水餃外型細小，正好可以一口一顆，口感皮薄餡嫩，鮮美香濃。流金歲月流金歲月就是奶皇包，其外形圓潤飽滿，麵包皮軟綿鬆化，內裡的奶黃漿製作成流心狀，入口緩緩流出，滿佈口腔，奶黃味道濃郁，順滑鹹香。整體而言，環境寬闊舒適，整齊衛生，食材新鮮豐富，味道製作出色，而且菜式不論男女老幼均適合，是與親朋好友吃飯的好地方。

許久沒有與家人一同外出晚餐，今天便帶同他們外出逛逛順道用膳，最後我們便選擇到老地方金滿庭進餐，皆因他分店眾多並且老少咸宜。有機豆漿有機豆漿色澤呈現奶白色，入口冰涼絲滑，順喉解渴，甜度恰到好處，味道醇香濃厚，帶有黃豆的香氣。紫番蕃薯浸莧菜色澤碧綠的莧菜入口新鮮軟嫩，菜香味濃，帶有微微蒜香，紫番薯鮮甜軟糯，綿密香滑，整道菜沒有多加調味，簡單煮製，清淡健康。招牌炒飯招牌炒飯色澤金黃，炒得乾身，粒粒分明，配料豐富眾多，分別有肉粒、菜圃、雞蛋、蟹柳等，頂層再加入大量蟹籽作點綴，賣相吸引，入口香濃惹味，鹹香可口。一口小籠包小籠包一籠八件，外型細小正好可以一口一顆，入口湯汁流滿口腔，香濃惹味，外皮軟糯煙靭，內餡豐富飽滿，細嫩鮮美。北京水餃北京水餃一碟八隻，水餃外皮軟糯柔滑，厚薄適中，內餡帶有肉汁，鮮嫩彈牙，肉味濃郁，沾上醬汁進食更添美味。北京烤鴨鴨肉烤至色澤金黃，外層帶有少量油份，入口肉質新鮮嫩滑，肥瘦適中，鴨餅皮味道鹹香，柔韌軟糯，配搭進食甚是相配，惹味可口。整體而言，餐廳裝潢簡潔淡雅，環境舒適闊落，乾淨衛生，服務態度良好，食物用料新鮮，味道出色，是與家人朋友吃飯的好地方。

有一段時間都沒有去德福廣場這邊食飯， 朋友介紹这間金滿庭的食物唔錯， 今天專誠來到這間金滿庭試一試， 選擇了小籠包，這個小籠包湯汁滿滿即叫即蒸，味道鮮美。燻魚食京滬菜我必選， 這個燻魚賣相和味道都好好。簡簡單單的揚州炒飯亦炒得很乾身，足料味道好，整體這間金滿庭真的值得一试。

6:30入座，人不是太多，之後陸續有客，我坐卡位，一入座侍應派左四個紙袋比我哋入口罩，相當細心。呢間有五款全日菜式優惠，我揀了賽螃蟹$86，其餘都揀了正價菜式一口小籠包：皮薄適中，趁熱食好好食京醬肉絲拼叉子燒餅賽螃蟹：優惠價$86干扁四季豆：這碟好惹味玫瑰骨：果汁不錯豆腐三文治：這碟是冷盤，都幾夏日四個人食咗$720 ，價錢可以，朋友聚餐可以選擇這𥚃

母親節前夕，約埋親友一齊預早慶祝母親節。吾食正日，吾洗同人迫之餘，金滿庭下午茶有下午茶套餐，叫正價餐牌又有85折，免茶芥，免加一，真係好抵！自從德福三期多左上海菜館之後，金滿庭下午茶無以前咁多人，但可能疫情關係，剛放寬限聚令，多左人，不過我地一向早到先攞籌，所以好快入座。幫襯左好多年，最鍾意食佢嘅小籠包，皮薄多汁，好少失手，係我食過咁多間連鎖川滬菜館最正一間。另外重點推介流金歲月（流沙包），甜中帶咸香，吾膩，又「流沙」，好食我通常都一家五至八人黎幫襯，所以會叫一兩個面餐，鍾意佢啲面帶嚼勁，至放配菜，見仁見智。燻魚、素鵝都好食，素鵝菇夠，外脆內軟，燻魚更香脆可口，我媽媽最愛回鍋肉炒年糕，大碟又惹味，材料又足，出面好少有，好少人識食水煮魚反而有少少失望，今日個薯粉轉左幼身，吾係以前扁平狀，所以食落糊口吾夠彈牙，但個湯汁都一樣惹味夠辣勁。配個下午茶面條一樣咁正今日6人食，叫左一枱菜，都係六百幾，我抵食又開心

由於外賣有七折，所以上星期試了一次，覺得味道還可。於是今天晚上再在九龍灣分店叫了外賣麻辣酸菜雲吞，點知食到最後發現有一隻完整的曱甴，非常嘔心，立即反胃！🙄🙄🥵🥵🥵

今天沒在家中下廚，便與家人到附近商場進食晚餐，金滿庭座位寬躺舒適，而且中菜館適合男女老幼，我們便入內享用晚餐。紫心蕃薯浸莧菜紫心番薯口感較為結實，入口帶粉香，番薯味濃郁，味道香甜，莧菜質感柔軟，容易咀嚼，清爽嫩口。一口小籠包每籠有八隻，大小恰好，正好可以一口一隻，外皮薄身，呈現半透，夾起時卻不會易穿破，入口煙韌，內裡饀料充足，肉汁豐富，帶有甜味，味道鮮美濃郁。北京烤鴨薄餅鴨皮色澤紅潤，把鴨肉連皮切成一塊塊，再用薄餅包上青瓜條、醬料等配料進食。咬開包好的烤鴨薄餅，濃郁的甜麵醬先湧入口腔，鴨皮中的油脂與薄餅中和，恰到好處，鴨皮的汁豐盈飽滿，酥脆滑潤，鴨肉肉質肥而不膩，嫩滑惹味。翡翠鮮魚羹鮮魚羹用料充足，真材實料，顏色雪白翠綠，每口均充滿魚肉，口感清爽，魚肉鮮嫩軟滑，湯汁入口濃稠，鮮甜味美。排骨蛋炒飯飯粒幼身條長，炒得乾身，粒粒分明，蛋香十足，香口惹味，排骨色澤金黃，選用厚切的方式，入口更有口感，外層酥脆，肉味濃郁，軟嫩帶肉汁。水煮牛肉特意選用水煮的方法，目的是使牛肉的營養流失得最少，這碟水煮牛肉除了滿滿的牛肉外，還有水晶粉，上桌辣香撲鼻，牛肉入口嫩滑醇厚，香濃軟腍，水晶粉煙韌入味，嚼勁十足

同朋友去左九龍灣，又唔知食咩，咪是但試下e間，叫左3樣野，(因為價錢比較貴)小籠包，擔擔麵，雞絲粉皮(e碟野都80蚊)，服務員問我地飲咩茶，叫香片話佢地無，應該比我地睇下有咩，大部分茶樓都有，好奇怪，最後叫左玄米茶(服務員無講，係自己睇餐牌見到)都幾特別。小籠包:新鮮，又多汁，皮薄餡靚擔擔麵:同正常ge擔擔麵有d唔一樣味雞絲粉皮麻醬味太重，雖說佢份量多，但都係一般般食物好一般，又貴，咁樣就食左227。

整體昨晚菜色很美味 （當中北京片皮鴨、流金歲月 /流沙包、酒釀丸子、花香玫瑰骨和賽螃蟹……等），昨晚食團年飯 （共10人）因預先訂枱，他們安排 VIP 房間及我們全家人可以自由自在地開 Party 的感覺，我十分喜歡這次安排及讚許金滿庭員工服務很好。

難得約到好耐無見的朋友帶埋BB出黎見面，於是搵間坐得舒服D的地方食Brunch 。九龍灣德福廣場真係有好多選擇，最後我地揀咗《金滿庭》因為星期日的關係，所以我早幾日前已經book左12:30pm的枱，入座時其實都仲有好多枱未坐滿，但到1:00pm已經坐爆哂。花雕醉雞雞都幾嫩滑，聞落去好重酒香味，但食落口又唔覺咁勁酒味👍🏻流金歲月～即係流沙奶黃飽，表面平平無奇，但真係內有乾坤嘩好流呀⋯⋯熱辣辣，起沙的口感，好好味呀炒鱔糊有葱，韮黃，芽菜，鱔，我個人覺得咸左少少，但味道都可以排骨湯拉麵排骨都炸得幾脆，放耐左都無‘林’哂麵條真係值得一讚，口感好好湯底都好味招牌炒飯一上枱就聞到好香好香的飯味，當堂垂涎欲滴，流哂口水🤤🤤，食入口真心唔差，可以一試其實我地仲叫左砂鍋雲吞雞半隻，但因為張枱無位，所以佢擺左另一邊幫我地分，最後唔記得影相😥砂鍋雲吞雞半隻有好多娃娃菜，大約10粒雲吞，半隻雞都算大隻，湯頭都好味👍🏻👍🏻

中秋正日跟同事打算食餐好慶下節，預早幾日打電話去訂檯已經 Full 左，唯有預早去walk-in 碰碰運氣。12點20分就去到，估唔到唔洗等就順利入閘。點左松子魚，小籠包，螞蟻上樹，海蜇，高力豆沙，雙面黃。通通都係等了又等，追了又追。食完正餐就叫上高力豆沙，等左二十分鐘，再追之後就叫埋單，埋單速度十分之高，唔洗三分鐘就計卡都碌完。再等十分鐘都未到。但其他檯既高力豆沙陸續送上。再追問下經理話要再等半個鐘！咩話？再等半個鐘？我係一坐低就叫，大大話話等左個半鐘，依家仲要等？而最後只有無奈咁取消。食物質素都免得再作評論，因為寫完大家都會覺得怒氣而變得不中肯。

前菜- 青瓜酸酸辣辣又開胃，好味的，不過唔知收幾銀。醉雞 ，鍾意佢夠醉，花雕好香好濃，用來飲真的一流架。不過件雞的肉質就一般般，亦唔算入味。紫薯浸莧菜，新鮮又大碟，紫薯幾甜的。可惜湯底咸左D，師傅重手了。一口小籠包 五隻皮算薄，饀料亦幾好味，有水準啦。生煎包 三隻都幾香，唔油膩，食得過。桂花丸子 一碗麻麻地，可以 skip . 裝修同服務都 ok 啦，不過不失。埋單四百幾，其實只係叫左幾款小食啫⋯⋯前菜茶水 mark 得高，感覺偏貴。