影片
招牌菜
一碗只有少量西米，得三四粒芒果，又冇柚子，好重棷漿味，得个甜字，好似飮紧糖 水一样，算有史以來最唔得既楊枝金露。唔知係咪除夕夜無唒料呢？定老板年纪細唔知點整糖水？唉，除左食裝修外，諗唔到有乜好？附近咁多間好食既一定唔會再來。寧願響第二間等耐d位好過。
繼續閱讀
果晚同姐姐+佢個朋友附近食完飯之後見到這間...我地三個見未太飽所以入去了...我地睇過menu之後先叫了個焦糖燉蛋,心太軟同梳乎里.....呢個係焦糖燉蛋.....個面好脆好甜....蛋都算係滑同都重蛋味...之後呢個係心太軟....雪糕球係焦糖味的...個蛋糕好香濃....旁邊有些士多啤梨醬再加上一些彩色朱古力脆粒.....個雪糕亦有香既焦糖味!最後到這個梳乎里了....佢好漲卜卜....我地一切下去同吃一啖後......覺得都係比較一般...係有蛋白既香同埋有糖既甜係度....不過味道較遜一些
繼續閱讀
今日岩岩同女朋友係圓方睇完戲諗住行返出佐敦道搭車返去啦...點知係到落天橋女朋友已經話累咁岩見到間甜品店寫住用法國朱古力製心太軟喎...咪諗住入去坐下休息下食個甜品再行過~~咁我e d心太軟怪當然諗都唔諗咁叫左個心太軟啦還有得選擇要咩雪糕...我就要左個蕉糖碎餅女仔就比較貪心...叫左個叫三心兩意既野~~係有三樣小型版既甜品(香橙慕絲/法式蕉糖燉蛋/朱古力慕絲)三心兩意因為唔洗焗所以好快就黎...個店員還好好咁同我地講先由香橙>燉蛋>朱古力慕絲咁食落去...可以就返個甜度~~首先食個香橙慕絲...清清地酸酸地配係黎真係一絕...食完搞到我都好想叫個黎食之後就個燉蛋...其實就普通一個蕉糖燉蛋...冇咩特別~~再黎就係試個朱古力慕絲...好香既朱古力同酒味...迷你版個份量就岩岩好...因為都真係好"流"下等左十幾分鐘我個心太軟終於到了...賣相一流...味道勁香朱古力味但又唔會太甜喎~~好似魔鬼蛋糕咁香...估唔到咁好食個雪糕就應該係想做到h記果隻咁...但始終都同h記差d...但這一餐真係勁滿足...食完女朋友既倦意全消...再行過 唔講咁多...去相
繼續閱讀
因買了團購coupon, 一句講哂, 68蚊有心太軟, 又有梳乎厘, 仲有火焰雪山食, 仲想點?!當然仲有其他甜品, 不過賣相比其他甜品店及店內相片差太多, 所以都無謂影了~一入店內, 侍應禮貌都好好, 沒其他評語講到咁差啊!!!而且雖然COUPON話一次只可嗌一樣, 但佢都冇咁做,反而見我地嗌心太軟, 知道焗時間比較長, 建議我o地叫2個添!等候期間, 亦主動問我地食唔食cheese cake, 不過味道似屋企樓下面包鋪果o的 = 冇芝士味!另外, 叫了焦糖pudding, 由於店舖雪櫃放於坐位旁, 可親眼見到侍應在雪櫃拿了cheese cake跟心太軟及焦糖pudding出來! 終於黎o左心太軟~相片可見, 來到的心太軟, 朱古力溶液已溶哂出o黎, 不知道蛋糕本身是焗唔夠時間定還是面粉不夠, 很軟身, 整個心太軟已破壞了賣相, 相反友人那個就焗得成功, 賣相也很漂亮~享受心太軟期間, 也見師傅在另一旁也一起食心太軟, 可見心太軟是最成功的甜品吧!食完心太軟就叫o左呢個蘋果脆脆, 純粹因為價錢係最貴, 值$48!!!但係, 食落就覺得唔值$48, 材料費應該佔了一大半吧!若果整個脆脆大份一點, 可以包多點蘋果會較, 而家暄賓奪主了, 有7成是脆皮, 得3成是蘋果 最後叫了梳乎厘及火焰雪山, 2者等候時間都很長~但可惜, 梳乎厘焗的時間未夠, 入面的蛋白有小部份還是蛋白水, 未熟!!! 至於, 火焰雪山~因為剛食完梳乎厘, 2者都係蛋白泡焗出來的, 所以分別不大~另外2者的分量也很強勁! 一個的分量是可以成2人的食用份量~建議少些蛋白水比較好!期間也叫了綿綿冰, 桂花糕同香蕉船~綿綿冰味道似雀巢雪糕做出來的~ 不可能跟其他甜品店的比較, 幸好它本身的價錢不貴~桂花糕比相像中好食, 至少佢落的是魚膠粉, 不是酒樓的大菜糕粉, 口感煙韌!香蕉船就麻麻, 雪糕太快溶了, 而且始終係似用了雀巢雪糕, 太甜!整體來說，不過不失，但沒有下次了!始終識做甜品, 將甜品分享給屋企人同朋友食, 同將甜品當做生意是2回事啊!
繼續閱讀
早排收到呢間野團購既email, 見佢$68任食好似幾吸引~又近公司~可以收工過去盡情咁食個痛快~不過我呢d精明既消費者 , 緊係即刻上黎"開飯"度睇下佢d評價啦~嘩! 唔睇由自可, 一睇竟然個個都踩到佢咁差, 咁緊係即刻Delete左個email啦~果陣心諗, 唔係卦, 俾人彈到咁都重夠膽做團購promo?? 想死得快d咩!?本來都冇左件事架喇 , 不過早幾日, 我班"lunch leg"話發現左間新開既車仔麵lunch幾抵食~咁岩果日冇帶飯, 咪跟埋佢地去囉~行到門口見到個名已經覺得熟口熟面, 硬係好似唔知系邊度見過咁既~一坐低就醒起"今次中計喇", 食評話呢間野"遺禍百姓"架喎~但係又好奇怪佢lunch會爆場喎~Lunch Set 4餸1麵 $30 我點左 扎肉\牛腩\羅白同埋生菜 & 公仔麵,+$4蚊要左杯凍奶茶~扎肉同生菜 就冇乜特別啦~反而個牛腩同羅白就好吸引我喇~ 佢d牛腩好似出面食清湯腩果d牛腩咁~唔識點形容~總之就好味啦~重有D羅白都好甜呀 食得出係新鮮野~食完之後有一種好想同佢平反既感覺~所以就打左咁大篇野出黎~~今次真係"因為沒有其望, 反而得到更大收穫"重有個紫米糕都好食架~唔太甜~食飽飽整番件甜糕點~滿足晒2個胃"金滿屋" 加油呀!!! 我幫你打汽~~~
繼續閱讀