金滿堂甜品

營業中

休息中

呢間係我最愛嘅甜品店，但近期佢出左新產品，係我最愛嘅香芋呀呢個甜品個名已經好夢幻，叫做櫻花樹下。實質佢係有龍眼椰汁沙冰，配上椰果、水晶珠、忌廉同碎花，最重要係佢面頭嘅紫薯芋泥。本身會有啲擔心龍眼椰汁沙冰嘅龍眼味會太重而蓋過左紫薯芋泥嘅味道，但佢嘅龍眼味係岩岩好，唔會太濃，撈住紫薯芋泥食就岩岩好啦！仲有椰果去增加甜味同口感，水晶珠咬落去脆脆地咁，成件事都好完美。呢個紫薯拿破侖入面會有一個面頭放左紫薯芋泥嘅牛乳布丁，唧左忌廉嘅脆皮，另外成個甜品都淋上左練奶同碎花。佢嘅牛奶布丁非常嫩滑，係會有動L嘅狀態，同佢味道清淡，配住紫薯芋泥一齊食就岩岩好。脆皮連忌廉一齊食超級夾，再加上練奶增添香味，成件事更上一層樓。呢間店係好出名，所以好多人幫襯，不過服務員都好熟手同埋出餐流程都好順暢快捷，唔洗排好耐就等到位。以下係呢間店嘅餐牌：

糖水舖買少見少 依家經過都要食返轉先😛❣️金枝玉葉 $36有芒果+水晶珠+蘆薈+龍眼/小丸子🥳 呢個價錢真係抵食👍🏻 可惜冇得龍眼同小丸子都有☹️ 好想食小丸子呀👅 配料好多 芒果base都好夠味(๑˃̵ᴗ˂̵)و ❣️龍吐珠 $38朋友嘅最愛💛 有椰汁冰+珍珠+水晶珠+龍眼😆 好清爽又足料 不過偏甜😛❣️泰迪小熊呢個朱古力雪花冰有啲伏😂 好淡味 而且配料都麻麻地 係造型幾得意🐻

記得讀U嘅時候第一次食金滿堂，之後一直都係甜品愛店之一🥰最近新推出咗紫芋系列，標榜用咗台灣大甲芋頭同紫薯，咁嘅組合梗係要試下🤩~🍁 從缺 ($38) (唔記得咗叫咩名，搵極都搵唔到，歡迎指點🙈)紫薯芋泥配搭雲呢拿雪糕、仙草同小丸子😍紫芋泥好綿密好足料，而仙草同小丸子份量都幾多🥰金滿堂嘅甜品標明係低糖少甜，所以呢個糖水嘅甜味幾乎都係來自雪糕，甜度啱啱好🤤

咁啱喺九龍灣食完晚餐，想食多一個甜品作結，於是搵咗呢間好出名嘅金滿堂，嚟到門口要先揀好野食，菬好單先安排入坐，甜品名好有趣，要睇埋解釋先知係食啲乜野，坐低5分鐘左右就有野食，今次叫咗一個「巨峰奇緣」主要係用櫻花冰做底，我覺得無棉花冰咁幼細，但粗小小反而有返冰嘅質感，而又未至於有冰粒，食落唔會有shock shock 聲，冰里面有巨峰提子汁，好full，食到尾都唔會淡而無味。而topping方面，一早set好，配搭上亦都好夾，雪糕好順滑，但我覺得上面堆cream先係點綴，令到清爽中都可以滿足到食甜品想要嗰種對糖同奶油嘅追求，其他嘅topping分別有椰果、丸子、「大粒爽口西米」同新鮮藍苺，每一種都有獨自代表嘅口感，食落每一啖都充滿不同體驗，有選擇困難或者唔想用腦嘅人可以直接點呢個啦，基本上都一定啱食。

和朋友說：甜品店🍮好像都很小，明明港人都很喜欢吃甜品。 说着说着就来到金满堂，等了一会儿便可以入内。因为大家都喜欢紫薯🍠炖蛋白就都叫了四個「富紫天下」。紫薯味很濃郁；蛋白很滑，又有🥥的香味；清心丸剛開始以為是椰果，不過它沒什麼味道，也不是很Q，感覺一般般。但是他家主打少糖，所以吃起來不會太甜，恰到好處，香滑而不膩，喜歡椰子🥥做甜品的朋友不要錯過。有朋友建議叫芒果🥭糯米糍，因為一碟才三個。然後這裡就發生了一件蠻好笑的事兒，就是其中三個人以為其他三個人想吃，就叫一碟，結果上來才發現烏龍，大家都撐到爆，吃不下了，最後就由一個朋友自己KO，她說皮太厚，🥭芒果不新鮮，不建議點～

夜晚同朋友一齊食宵夜，於是到九龍灣附近尋找甜品🍮發現有金滿堂甜品，所以我哋就一致決定選擇這間甜品店🥳 相信應該有不少人知道這間舖頭，也不必多介紹，不過甜品質量大部份都不錯👍到夜晚想食糖水，都有多個選擇😂‼️留意：夜晚係高峰期，絕大部份糖水店都要等位！所以如果好想食嘅話就要乖乖地排隊啦😂1️⃣熱 椰汁燉蛋配芋圓 （都好食😋不過就比較濟） 2️⃣椰汁香芒清心丸（超級好味😋）$36芒果椰、果水晶、珠蘆薈、清心丸

又回到熱到唔想郁，唔知食咩好嘅天氣🥵正餐食咩慢慢變得無咁重要，因為飯後甜品先係我期待已久嘅主角🥳金枝玉葉$38🥭呢個好似係舖頭嘅熱門之一，熱到唔想郁嘅天氣，最適宜食呢啲酸酸甜甜又多汁嘅芒果系糖水🤤入面有芒果，水晶珠，蘆薈同龍眼，誠意滿滿架☺️望落好足料，味道方面無平時食開嘅咁死甜，亦唔會特別酸，就好似無柚子肉版嘅楊枝甘露咁，ko曬成碗都唔會喉嚨痛，麥提莎糯米糍(叫兩份甜品可享優惠價$15/5粒)外皮比想像中薄，軟糯嘅口感包住入面又甜又脆嘅麥提莎😌PS呢間糖水舖甜品種類都幾多，而且大大個招牌寫住少糖，大家食多碗都唔驚呀(前題係正餐唔好食咁多)😆

一放低隻匙即刻收野，三位食 有一位碗野熱 食慢啲 用行動催催催～催到三爬兩撥掂頭吞！幾時執啊你？如果唔係我阿媽唔知點解不停俾機會。。我真係一次都唔想再去！又唔係唔駛錢。致OpenRice: 請問以上哪一句侮辱間餐廳？定還是間餐廳侮辱我地？thanks.

飲飽食醉，食埋個甜品就Perfect啦！今日喺淘大食完晚飯，見金滿堂排隊嘅人唔多，就口痕入去食返碗糖水。基本上我嚟咁多次都係叫呢碗‘雪中花’，入面有紅豆、涼粉、豆腐花同埋雪糕，加埋椰汁喺面味道嘅夾！而我媽媽就叫咗碗楊枝甘露。咁啱見到佢枱面有個優惠，叫兩碗糖水就可以加$15加配多一樣甜品（原價好似係$20），咁我就揀咗麥提沙糯米糍，第一次食口感幾特別，佢嘅糯米皮既煙韌程度啱啱好，只不過我覺得就係同麥提沙唔係太襯。

最近天氣又焗又悶熱，食凍冰冰嘅甜品簡直一流。位於淘大嘅金滿堂，每逢夜晚一定排長龍，所以今次揀下午去食。由於真係太熱，我叫左個芒果綿綿冰黎食。🍧食落真係透心涼，另外有珍珠、椰果、小丸子，好有口感。由一開始係咁嗌好熱，到食到一半，變左嗌好凍🤣認真有消暑效果，食到最尾冇溶到變水，仲保持到綿綿冰嘅狀態👍🏻👍🏻而朋友叫左椰汁香芒清心丸(走清心丸)，我就淨係試左個芒果，有芒果味，而且唔會酸，整體來講值得一試，可能一試愛上。😍

夏日炎炎，最正莫過於來碗冰凍嘅涼粉！呢日同老公到九龍灣行街，行到好熱所以就喺淘大搵甜品食，最後揀咗金滿堂。呢度以港式甜品為主，款式都幾多，不過我地偏愛傳統涼粉，所以最後我同老公都係叫咗西瓜涼粉。涼粉可以選擇西瓜汁底或椰汁底，喜歡吃西瓜的我，當然就選擇了西瓜底！西瓜非常清甜，西瓜底都好夠凍，食完成個透心涼！

我一望餐牌見到有白馬王子同黑馬王子，就覺得好好笑。再細心D睇下原來佢哋有好多唔同嘅配料，一次過滿足晒我嘅願望，好吸引。結果我叫咗白馬王子，有紫米露、芒果小丸子、仲有超多椰汁，好滿足呀。朋友叫咗雪中花，有一球雪糕呢。

由細食到大的金滿堂甜品，次次去都係人山人海，不過員工既態度一樣咁好!!等位既時候就可以，就可以諗定食咩好～～～～不過有樣野係必食嘅！就係麥提莎糯米糍！😆將麥提莎包在糯米糍入面，煙煙un un，好好食！推介比麥提莎嘅愛好者甜品店有個大三元組合，就係麥提莎、草莓🍓、芒果🥭糯米糍！不過咁啱無哂芒果，所以就比我哋揀多一盤同一口味😆😆之後重叫咗薑汁湯圓、單戀傻小子、下一站杏福！單戀傻小子同下一站杏福，真係一個完美的愛情故事🥺🥺單戀傻小子其實係草莓🍓加乳酪雪糕！酸酸甜甜，就好似初戀嘅感覺🥺🥺金滿堂甜品地址: 九龍灣牛頭角道77號淘大商場二期地下G201號舖電話: 27518900

夜晚空閒同朋友食甜品，心太軟，配兩球圓圓潤潤的雪糕，心太軟夠甜，內裹的流心夠熱，環境一流，清脆的歌聲，氣氛唔錯，唔少人幫襯，種類繁多，冷熱亦有，十分好，甜入心....

港式甜品一向係我的至愛特別係冬天食個暖胃糖水就最溫暖不過啦但每次食港式甜品都面對同樣問題唔知點揀好.. 樣樣都想食🤔解決辦法就係叫個最齊全的一次過有齊湯圓、芋圓、桃膠、清心丸仲要係我至愛薑汁底滿足哂所有願望配料都俾得好足 樣樣都好有口感煙煙韌韌特別要讚一下薑湯真係勁辣超重薑味係我喜歡的辣度 咁先夠薑架嘛！食唔到太薑的朋友就建議食返較溫和的燉蛋白滑溜蛋白配椰汁底甜度剛好裡面亦都有桃膠清心丸 同樣係不錯之選