金滿堂甜品

營業中

休息中

同朋友係九龍灣食完飯，心思思想食甜品，決定行去淘大個邊食返個金滿堂。呢間甜品店出名好食，所以排隊時間都比較長，但絕對值得一等。榴槤女皇($42)濃香的榴槤飄香從侍應端來時已經聞到，而且榴槤肉很豐富，加左少少椰汁令甜品香味更濃，啖啖榴槤肉配合粒粒西米露，令口感更豐盈，正。麥提莎糯米滋搓到圓碌碌的糯米滋感覺很可愛，而且滿佈朱古力粉的誘惑，令甜品大大加分。糯米皮內是原粒麥提莎，加上糯米層好薄，軟林林的薄皮中有著脆脆的麥提莎內脆外軟滿足了筆者的口感，值得一試。 

淘大有好多糖水鋪，金滿堂﹑許留山﹑滿記﹑松記，但我唯一會吃的都只有金滿堂，因為水準為多間之上。金滿堂多選擇，甜品夠特別，賣相味道亦不差，但現在漸漸加價也開始少吃了。來到金滿堂通常只有幾個常叫之選：「單戀傻小子」和「芒果大皇」。這次介紹「單戀傻小子」（約＄28）。士多啤梨﹑啫喱配乳酪雪糕下層還有栗米片，有層次之餘乳酪雪糕也很好吃！這個吃過數十次了，水準依然。

飯後又想食甜品，呢間甜品店排名幾高，中式糖水仲唔錯，就去試下去到見到門口人山人海，連門口都坐埋，又有一大班人企響度等位，我見到咁嘅情況，轉陣買外賣算數！因為好嘈雜，又唔鍾意坐門口比人來人往嘅人望住食！門口好方便咁放咗張大餐牌！再有個櫃檯仔！我去櫃檯阿姐度落單！攞到票就在門口等叫號碼！好快就有得攞！椰汁紫米清心丸（$24）：返屋企打開，係用可以入微波爐嘅碗，幾窩心！紫色好靚，撈勻食，唔會過甜，紫米足料，煮得入味，中間夾雜煙韌清心丸，口感豐富，椰汁唔會太多，增加滑溜口感！好味！都係中式糖水較正氣養生！

跟朋友吃過飯餐想加點甜，就試試比較少分店的金滿堂。朋友本點了熱戀小傻子 (芒果味) 卻來了單戀小伙子 (草莓味)。配乳酪雪糕清清淡淡，不錯。我點了粉紅佳人 (野莓味) 超甜 很像藥水味，冰溶太快變水了。和菓子QQ的不錯。PS : 注意可以改少甜，只是自己忘記而中伏。。。

九龍灣好似得返呢個糖水舖,去到門口!嘩甘多人既! 原來等外賣!.....同個朋友係門口等左5-10分鐘就入得喇!天氣甘凍,簡左好多都唔知食咩好!先叫呢個 好椰味.......食落去幾香,唔得椰子既人就免了!幾特別!推介的熱食!份量雖然不是好豐富,但勝在點解可以有甘平,又有質數的棉棉冰!黑色的朱古力味都幾濃,岩曬我中意食苦朱古力的人...整體不錯! 食完....真係好凍好凍阿

天寒地凍，令人想吃暖胃的東西，所以去了位於淘大商場內的金滿堂甜品。没想到這店子居然有甜品下午茶呢！我們點了人氣推介之一的糖不甩、下午茶精選的麥提莎糯米茲、椰汁芝麻湯丸、綠茶三重奏。所有甜品都非常好吃，十分有水準而且如他們標榜的一樣，不是太甜！難怪他們常客滿！！經過淘大商場一定要去嘗嘗他們的甜品，不然會後悔喔！

同朋友食完飯食甜品, 行過揀左金滿堂. 哩度最出名就係麥堤沙糯米糍, 就叫左一盒試下. 佢每一粒都搓到好圓, 面頭有朱古力粉, 外觀好靚, 食落佢真係成粒都係糯米糍, 係原粒係入面. 不過我覺得糯米果層好薄, 食糯米糍就係鍾意yin un 想咬下野嘛... 因為有個朋友生日, 見到餐牌寫住有個好得意嘅服務, 就係係碟心太軟上面幫手寫happy birthday, 所以就叫左一個試下啦. 朋友見到都好surprise, 因為佢完全唔知, 我地落單果陣就咁指比個店員睇, 個店員就知咩事, 下次大家都可以試下哩個服務 味道方面就無咩特別啦, 都係切開心太軟, D朱古力漿流出來. 整體都叫做好食嘅, 不過無禁特別

有次同朋友係好巧遇既機會行過「金滿堂」，見唔多人所以我地就簡左呢間鋪頭試下啦一開始入呢間鋪頭果陣，我見到唔多人，但係望一望個價錢牌，好少有少少貴咁不過坐落左 我同個fd都唔好意思走，所以就決定求其試下個心太軟，始終都見個餐廳寫住推介心太軟。跟住十幾分鍾之後，侍應就送左個心太軟上來。我同友人都即刻覺得好驚喜，賣相除左個心太軟之外，廚師亦會花唔少心思畫個圖案比我地，而我地個圖案係個大笨象 都畫得幾似 之後我地一用匙去吉個心太軟，跟住好多朱古力就跟住流出來喇證明在質感上呢個都算系唔錯既心太軟 味道方面，朱古力醬太甜了，欠缺了一份朱古力的苦味。但由於兩個人Share既關係，我地好快就食晒個心太軟。質素不錯啊

今日好難得約到D FD出黎嘢,食完正餐後,我地當然去左食甜品啦,行下行下就黎到呢間之前冇去過既金滿堂食啦我就叫左呢個朱古力雪糕豆腐花黎食,呢個豆腐都唔錯架,雪糕甜度岩岩好,再加上滑嫩既豆腐花,其實都十分好食至於我個FD就點左呢個雜果西米露,佢話生果都幾新鮮,比出面D甜品屋好食好多,另外西米露份量就岩岩好,認真唔差我地都叫左呢個薄餅share一齊食,呢個薄餅,小小咸,多多脆,重要加上唔知邊種香料既香味,所以食落覺得好好好好食,你地一定唔可以錯過

好耐冇去過九龍灣淘大個邊行過見到間甜品店 諗都唔諗就同朋友一齊入去食而家D甜品真係好貴 但係哩間D價錢非常合理!鍾意食芒果既我就試左個芒果烏冬個賣相好吸引 至於口感真係冇得彈 好特別D烏冬夠哂煙韌 仲有D西米呀小丸子個D配埋一齊系絕配呀另外仲叫左個綿綿冰夏天食個陣真系透心涼不過其實同出面個D差吾多我就吾系到多講喇

好少甜品店會有下午茶時間 金滿堂真系好正平時都吾算貴 有下午茶就更加抵個日5點左右去食 可能差吾多系晚餐時間 吾洗等位兩個人嗌左一芒果一綠茶雪糕既雪中花其實兩個都好好味 不過個人鍾意食綠茶雪糕果個多D撈埋香滑既豆腐花，紅豆同意式涼粉一齊食真系絕配走之前仲嗌埋個麥提莎糯米滋拎番屋企SHARE估吾到佢外面軟林林入面麥提莎脆脆地又幾好食平靚正!下次一定會再去!

一行六人去食宵夜, 所有甜品都幾好味, 六個人都只食左二百幾蚊, 比其他甜品店平同好食。榴槤飄香十分足料, 椰皇燉蛋白都好香好滑, 但麥提莎糯米慈冇乜特別之餘, 仲有D奇怪。

9點幾 食糖水吹下水店內坐無虛席 係門口等左陣先入得今次第2次食 對上一次已經係年幾前 一樣都係咁多人榴槤烏冬是其店首創 喜歡試新野的既我見到就想試榴槤夠熟所以甜 榴槤汁味道相對較淡 中和番個味道 烏冬口感煙韌彈牙 欣賞某啲甜品名稱的設計圖片亦十分吸引 下次再試其他野!

黎到九龍灣呢邊，緊係要試下金滿堂食個糖水喇。我地叫左幾個甜品去試，呢度既甜品款式同出面其他有少少唔同，最重要係落既糖感覺上都少啲，唔會有一種好甜好膩既感覺。其中最鐘意既就係龍珠二世，其實係黑珍珠加小丸子加球雪糕配芒果汁底，配搭幾新鮮，而且28蚊又唔係真係貴，可以再試呀。

個次同朋友去九龍灣睇完戲，咁岩又到左食糖水時間，咁岩又經過金滿堂，咁岩又唔洗等位，連個天都比左個機會我試試金滿堂，我仲有得避咩?命中注定比我揀中呢個士多啤梨雪糕奶凍，夏日炎炎果然透心涼 士多啤梨唔會太酸，賣相好吸引，所以食完感覺好幸福，我會比一百個讚！下次經過九龍灣既朋友仔都要記得試下呢間金滿堂