金滿堂甜品

營業中

休息中

食完小曼谷..下半場黎呢度解渴麥提莎糯米糍($18): 賣相頗討好...味道就麻麻啦咬落去先係軟既糯米糍...再黎係麥提莎...我想講..其實佢地真係唔夾 分手啦!!咖啡果凍伴雪芭($28): 雪芭真係好好味 咖啡果凍自動成為配角雪芭既咖啡味濃郁...混有小小果仁同細粒版既咖啡涷...好好咬同朋友一人幾啖...好快手咁ko左佢...皆因佢溶得好快鴛鴦雙冰($27): 兩邊分別係芒果同藍桑子味兩個味加埋又幾match...酸酸甜甜...岩哂而家咁熱既天氣食..正食到中間有驚喜既發現...個冰中間原來有d爽口西米同椰果條真係睇番menu先知...個menu仲話有香滑雪糕..食到底真係見唔到有可能食得太慢...溶哂嗎!?? 唉呀有機會既話...再試試佢地其他甜品

夏日炎炎係飯後黎一個甜品, 真係好正.朋友話呢間野好出名, 佢話叫我一定要試個叫水果杯既甜品. 聽個名我覺得好普通, 如果我係餐牌上面見到我, 我一定唔會點.因為舖面太多人, 我哋就決定買番屋企食. 一番到去就掉左入冰格, 雪左半個鐘再ling番出黎. 透心涼呀~~ 呢個水果杯其實就係鮮果果凍(應該係), 質地比軟冧冧既者哩更有口感. 甜度適中, 唔會太甜. 夏天如果食d一味甜既甜品會令人有種痴立立既感覺, 佢呢種甜度反而有d似荔枝嗰種清甜. 鮮果真係新鮮水果唔係罐頭嫁. 我嗰杯食到底仲有粒藍梅,好少可有甜品舖頭會加藍梅入甜品到嫁囉. 不過唔知係唔係天氣炎熱既關係, 食到最後嗰幾啖, 唔夠係冰格一ling出黎嗰陣咁凍就覺得無咁好食.

記得有看過金滿堂的 Openrice，不是我不試不可的舖頭，但記得評語不差，所以就試了。我一向都喜歡吃冰類食品，當然選擇了這裡的推介－－天使綿綿冰。有很多選擇喔．．．普通的朱古力呀，士多啤莓，芒果當然少不得，但有一些比較特別的味道：石榴，藍莓，花生醬．．．．而我點了的是我最愛的榴槤味．．．沒有錯的。賣相已經很吸引啦！不像其他牛奶冰，因為不是冰粒來的，似一塊塊布匹疊在一起，真的人興奮。榴槤的顏色跟牛奶相約，所以看起來好像普通鮮奶冰的色水。不過當我一準備叉一啖來品嚐時，WOW，竟然是一牽起整塊的冰啊！引不住一啖放入口－－－不用一秒就溶，感覺好奇妙啊！超清新的榴槤味，它沒有榴槤那種痴立立的感覺，卻有濃烈的榴槤味，實在太好吃了！吃第一口時簡直有初戀的感覺！看看綿綿冰是弄得那麼的薄，我想這是最關鍵的一個製法吧！這家店標榜的是少糖低甜，但我又不覺得它的味道很淡，所以大家也不用加甜啦！Trust me！(我仲試左個金枝玉葉，其實係楊枝甘露底，不過加左龍眼肉，唔難食但冇乜特別，所以冇野好講）

看到新假期舉辦的食肆推介，今次終於可以試到麥玲玲頒獎的甜品店，金滿堂。由於整晚下著滂沱大雨，所以不用等位，店內也有七成客人。我與友人一於share齊齊吃！ 最驚喜是「草棵」有多種口味，綠茶紅豆味最配合最perfect！凍食超爽口！很彈牙有頭，應是用了葛粉做材料。佐敦道的「裕華國貨」地庫超市有得賣葛粉，夏天大家有興趣可以加果汁做自己喜愛的口味！

其實我地已經去過金滿堂起碼十次, 大部份九龍城區既食品店都試過, 食黎食去都係覺得金滿堂最好食, 所以現在每逢去九龍城食晚飯, 都係會去金滿堂食甜品.每次我都必定食熱之麻蛋白秌或者紅豆綠茶蛋白, this is my favor^^可能好耐冇黎, 見到綿花冰, 我地首先試左石榴味, 我平時唔食番石榴的, 但係個石榴綿花冰好好味, 之後試士多啤梨味同芒味都ok. 還有一樣直得推介既就係佢地既一種西米, 我平時唔鍾意食西米既, 因為林 pat pat. 但係佢地有一種西米唔係林 pat pat 都好好食, 老板娘話係一種海產植物黎架.我地食好多野, 四個人每人自己食一份, 再叫了3個綿花冰, 好鬼飽.老板娘同大部份waiter都好好, 唯獨有一個男waiter, 我地叫了他給我們碗2次, 佢都冇反應, 有待改善.

食完野黎呢度食糖水呢間野又係幾多人下，幾乎滿座! 勁!叫左:朱古力綿花冰"我覺得好好味喎! 好食過糖百府! 因為佢朱古力味勁香! 糖百府太淡啦!而且佢仲平過糖百府添!佢D冰真係好綿...軟淋淋，好似食雪糕咁!佢配料唔算太多，但我覺得D小丸子好好味 =)金枝玉葉"睇佢個Discribtion好好笑架!　話係楊枝金露加強版....用XL既呂宋芒整我地叫左黎食都幾好味呀好香芒果味...D芒果肉都好甜，一D都唔酸佢唔係用西米架，個D叫清心丸? 好得意! 一粒粒好爽口!龍眼肉都好好味，好清甜!Overall d 野食都ok呀! 而且少甜好呀! 健康D!俾錢既時候老闆娘好健談...係咁聊我地 2 個傾計!仲叫我去九龍灣識下佢個仔...話佢仔仔同佢一樣樣!佢好NICE同好搞笑呀! =)

哈~九龍城真係食既太多~今次既飯後甜品係:麥提沙糯米滋..嗯..比想像中差..佢又唔係話唔好食既~只係唔係真係咁特別到要黎食囉~因為佢根本就係麥提沙+左層糯米+防潮可可粉~不過都幾抵食既~多人可以一試!不過個人中意凍食既甜品~自己因為好中意食麥提沙所以黎試~下次我諗都係買返一盒真既麥提沙好d~~哈哈芒果雪花綿綿冰-其實我覺得間間差唔多~不過佢地少甜少糖~唔係my cup of tea囉~但為左健康既話,可以試多幾味dessert囉~哈哈

黎九龍城, 唔食金滿堂..一定唔得仲要係食飽..要食番個甜品..咁就叫Very Good 啦叫了一個鴛鴦雙冰和雪中花鴛鴦雙冰甜佐d..不過都好好食..So cool....又有我至愛既芒果..內面仲有雪糕..正到暈雪中花..(忘了影相)雲尼拿雪糕, 豆腐花, 紅豆加涼粉,同椰汁...Mix 得好好味..話時話...食緊個陣..見店員係咁拎d甜品過總店..麥總店無廚房嗎??真係辛苦咯...

去到九龍城同朋友一家人食完飯之後經友人媽媽介紹後千里紹紹係九龍城廣場行過去.. (因為其實友人媽媽係唔認得路架)行左成20- 25 分鐘呀不過都值既.. 因為叫左個朱古力綿花冰好靚... 真係好似綿花咁架好靚呀~~ 而且朱古力味仲好香濃呀!~ 好似食緊朱古力雪糕咁

時近3：00，走到金滿堂踫踫運氣，印象中，甜品舖列明的營業時間，最少要計個八折，才會看見它開門營業 ... 沒想到，3：00 沒到，卻已開門，室內以橙紅色為主調，佈置簡約舒適，海報般大幅的甜品相片貼滿一室，只是頭頂上的一盞吊燈略嫌俗氣 ... 在牆角不太當眼的位置，貼了一句標籤：「本店少糖低甜，如要加甜，麻煩請通知侍應 ...」餐牌上推介著十大甜品，我點了其中的宇治金時刨冰 ... 等待期間，鄰桌的幾個女孩子，嘰嘰喳喳的談論著桌上的甜品，剛好來了一客芝麻蛋白燉奶，吃著的那個說：「咁就叫十大推介甜品 ...」有點嫌棄 ... 宇治金時刨冰來了，可是，雜豆喧賓奪主，綠茶雪糕和刨冰成為配角，紅豆、珍珠、西米舖滿一碟，甜而不膩，吃了讓人心花怒放 ... 反正不常來，還想再吃，再點了咖啡果凍配炭燒雪葩，喜歡咖啡的人一定會愛死，味道香濃，但「少吃多滋味」一話總有其道理，吃多了，也不覺滋味了 ... 臨走前，那侍應遞了張印花咭給我，向我介紹印花優惠，凡消費滿 $50 就有一個印花 ... 嗯 ... $50才一個，挺貴的，但看他笑容可掬的，也以笑臉回應了 ...

出發去食晚飯既時侯已經決定要黎食飯後甜品....十時左右到達....等位既人已經佈滿成個門口.....黎過lee 間糖水舖都唔記得幾多次, 頭果幾次都係食唔同野...不過自從有一次朋友介紹食雪中花之後, 次次黎就次次都叫lee 個, 次次都話下次要試新野, 但就次次去親都無....最誇張果次...亦係o岩o岩上隱果排...試過一連3日 (星期五, 六日) 都黎食同一個糖水...今日又黎...又係叫佢 ~~ 雪中花....雪中花係咩?? 佢有豆腐花, 雲尼拿雪糕, 涼粉, 紅豆再加個椰汁底.....好味.....下次一家要試宇治金時

唔知點解, 今時今日的糖水舖的品質會越來越差話說今日同屋企人去開九龍城購物, 去了韓國餐廳食了一餐美味的石頭鍋飯,可惜今天沒有機會吃人參雞湯 (因返不切貨), 有點失望.之後因時間尚早 (7:15pm), 所以走去試吓在九龍城比較有名的 : 金玉滿堂.經過門口時, 看見它們新出了近期很熱的 "雪花冰", 故決定入去試試.不知是否時間尚早, 舖內只有幾個顧客在吃其他甜品.坐落後看見它們的餐牌上有8款雪花冰,我們看見餐牌上每款的雪花冰口味都有不同的鮮果配合,心想都幾好, 只要點不的雪花冰, 就有不同的生果可以食吓.而且不同雪花冰口味是應該配該口味的生果才對.所以我們點了不同口味, 分別是 : 士多啤梨, 蕃石榴及芒果口味當想點餐時, 周圍想找個伙記都無, 坐了幾分鐘都沒有人理會我們.只見到他們不是同水吧的女仔傾談 (他是背著我們企, 所以看不到我們), 就是垂下頭不知做什麼.最後都要大聲叫了幾聲才有人過來理我們.算呀! 年青人都是如此啦. 食物ok就得啦.(真正氣憤的東西來了) 首先來個 士多啤梨雪花冰雪花冰的量小得可憐, 如果不是看著他們由水吧拿出來, 真的以為是上手食剩, 睇吓我影啲相

剛去完清真牛肉館比人激...就o黎o左呢間之前決定o左會食o既甜品店...因見此店標榜「少甜低糖」...仲開一間分店o係對面...應該值得一試吧...本來都考慮過隔幾間舖o既皇室甜品...但係第一次行過未開舖...第二次行過開o左舖...但門外只有大量相片...一點介紹也沒有...於是就入o左呢間...服務態度好...細心...海藻粿子有14種味可選...我地選擇o左荔枝,水蜜桃同紅豆綠茶...店員好有禮貌o甘教我o地由最淡味開始食...紅豆綠茶->水蜜桃->荔枝...海藻粿子好有質感...比普通啫喱有彈性好多...需要咀嚼一下...幾得意...宇治金時朋友說不錯...芒果椰汁西米清心丸也okay...但我的海藻鮮雜果就比較普通...味道：中上。環境：舒適，氣氛良好。服務：態度良好。衛生：十分整潔。抵食：海藻粿子稍貴。總結：有時間可以再試其他款式。

昨晚吃完飯後，想吃糖水，於是在附近兜了一圈，因本人很少去九龍城的。本想去 "合成"，但見裝修是舊式，最後我們揀了 "金滿堂" ，因見是新派裝修及招牌寫着 "少甜低糖" 又有我要的甜品 - 椰汁綠豆爽清心丸，便姑且一試。我的 honey 則叫了雪糕紅豆冰。** 椰汁綠豆爽清心丸 **對我來說有沒有椰汁我不在乎 ，其實我較喜歡潮式綠豆爽清心丸那種 。當侍應哥哥端上來後才發覺除了綠豆爽和清心丸外，還加入了西米。起初我以為有很多綠豆爽，結果卻不是 。而且我覺得 "料" 不夠多，我個人較失望。** 雪糕紅豆冰 **雪糕好味！因為是椰子味。紅豆也很好吃，不太腍。我的 honey 說這個較清心丸好。希望再有機會試試其他甜品。

喺九龍城食甜品，原本同仔仔想去合成食，但係仔仔唔鍾意，因為佢話無野啱佢食，哈，始終都係新式甜品舖先啱佢行去隔離街，入左金滿堂食，門口張貼大量報導，似係名店一間．．我地叫左麥提莎糯米糍同埋蜜瓜西米露食，其中店員推介個糯米糍好多人食，不過食完原來都係不外如是而已，至於個蜜瓜西米露味道都ｏｋ，只係蜜瓜唔夠甜，一般咁啦，食完覺得只係一間好平凡既甜品店