金滬庭京川滬菜館 (已結業)

今晚同屋企人去咗呢間酒樓食飯，食物ok，但幾乎畀人呃咗三十幾蚊。首先講吓菜單：樟茶鴨(半隻) $80三鮮炒拉麵$52什錦鍋巴$65蔥爆羊肉$68上湯翠瓜浸花膠$68韮黃炒鱔糊$68未計茶芥加一係$401。茶錢$8位，酸菜$3位，但係四個人都只係得一細碟，唔好食，唔合理，變相係收緊$11位茶。加一之前係$445，加埋一係$490。但係埋單嗰時佢竟然同我講要$523！我覺得好似收多咗，於是睇吓張單，見張單啲嘢食同價錢都冇錯，所以就畀錢。等找錢嗰時越諗越唔對路，計來計去明明都係$490，所以佢返嚟嗰時我攞咗張單，逐樣嘢計，發覺佢竟然可以搏大霧，將加一前嘅$445變成$475！！！再加一就變成$523！電腦都可以加錯，擺明係手腳唔乾淨，想出蠱惑。後尾個經理先話check吓張單，減番$33，冇畀貼士，冇下次交易。=(

晚上和友人去了那兒食晚飯,叫了賽螃蟹及雪菜炒麵~先是賽螃蟹,好食~d蛋白好滑,蟹肉又唔會話好少,個size都ok嫁...而個雪菜炒麵都好得~~only 2樣野都已經full和隔離座位個距離太近...唔多好

上星期五晚7點左右去到，walk-in好彩有位，個waitress好有禮貌帶我坐「遠離吸煙區」的非吸煙位，真係好感激佢。我同我老公2人點了以下菜色：小籠包：有5個，非常滾熱燙口，d湯多到一咬就「必」出來，皮薄餡靚，正！砂鍋雲吞雞（細）：料多又好味，個waiter好細心幫我地盛湯同分雞肉，very good；花膠炒西蘭花：花膠有d腥，西蘭花炒得好爽口大致上都好好食，難得d食物唔油膩，見到週圍多數都係一家大細來食就知，下次要再來食第d至得；不過d茶就麻麻，我叫既係碧螺春，下次都係叫返龍井應該會好d。

約了同事打保齡球打好下關係, 先來到附近吃飯.本來打算吃越南菜, 但那店已關門大吉, 唯有另找地方到了此店.菜式要了頗多款, 有:小籠包雲吞雞獅子頭椒鹽排骨大班炒飯三絲炒麵賽螃蟹蟹肉豆腐&豆漿一瓶小籠包較金滿庭出色吃了兩件都沒有立刻破皮, 不過一吃好易會"漿爆", 要吃得小心點.雲吞雞雲吞較細, 皮不及金滿庭的滑, 那雞湯算ok 但不十分清甜.大班炒飯炒得唔太夠香, 色水較深, 有蝦, 蛋絲, 魚肉, 肉碎, 材料也叫豐富, 但碟底幾多油下.三絲炒麵味道一般,碟底也是同樣的多油.賽螃蟹做得好些少, 蛋滑也香; 蟹肉豆腐相較稀, 但幸好豆腐滑.椒鹽排骨...椒鹽味唔夠, 炸得可以再香脆d, 肉質算是交足了貨.普普通通都吃得過, 吃得也算飽, 水準在金滿庭之下, 但當晚開懷大笑, 俾笑面是形容那當晚的心情.後記:1.駕車到愉景新城吃飯, 在一處地方stamp收據, 又要搭電梯到地庫交parking fee,走來走去, 十分不便. 下次還是搭車好.2.此店和東涌富東酒樓是同一集團.

完全唔可以相信仲有多人等位.....是日菜單：一個字..辣，辣到唔想飲都係一個字..辣一個字.....鹹....鹹得過份...一個字....廢...早知返屋企煮麵冇咁嬲！

餐飯好難食，一味糖同味精。小籠包唔熱，有雪水味。百結好甜，甜到假。皮蛋豆腐不知所謂的醬油撈埋一兜。成晚最過引的係見到個朋友，坐幾張檯外，見佢望唔到我，咪打比佢，電話響有人聽，講埋D9唔答8的野。仲要唔係我前面條茂李。嘩！驗DNA啊！有無咁似啊！我嚇到驚羅！

上次係嚼江南食晚飯唔得,呢次午飯試呢間先.5分為滿分.風雞海哲(4)-海哲爽口又夠厚身,雞肉絲都有味道,呢個冷盤少少o地,幾好.回鍋鱔片(2)-鱔片較薄身,冇咩口感,成碟食送都覺得好油. 不太討好.蘿白絲酥餅(2)-個片好厚,唔合格.三鮮鍋貼/蒸銀絲卷(3)-尚可.高力奶黃香蕉(3.5)-餡好足,又唔會得啖風,但係夠實淨.有d奇怪.呢間餐\廳其實可以再試.

因看到傳單覺得食物好似好好味,同埋價錢又合理,所以想去試試...點知..食物味道一般都算..價錢唔算划算..而且..仲有蒼蠅在頭上fly...有點推介蟹粉小籠包..根本不能入口...我當然有反應....個位waitress..佢話係咁...你去邊度食都係咁味道...真係唔識做..想幫間店倒米...仲之好唔定...佢地應該好好檢討下...

上星期五嚟食飯，七點左右嚟到已經好多人。等咗二十分鐘仲未有位，就問吓幾時先有枱，個帶位女仔就話下一張六人枱到我地。點知等吓等吓已經七點八，就再問吓，個女仔話要到下兩張枱先到我地。咁就同佢理論啦，個女仔唔係好啋人。跟住佢先話有啲人打電話嚟留咗枱，嗰啲人嚟到會俾咗枱佢地先。後尾我地表示不滿，佢先肯俾張枱我地先。咁樣就要成八點先有飯食。講真啲嘢都唔係咁好食，茶又冇味，仲要成$8位。除咗個石頭鍋飯比較好之外，其他的食物都一般。另外一提，呢度啲嘢食都幾細碟。

平時見咁多人, 諗住好好食點知都係一般.1. 雞絲粉皮ok2. 小籠飽皮唔夠薄, 汁都算多3. 擔擔麵好辣4. 蜜味雙方好得意, 有腐竹脆脆地幾好味.5. 砂窩雲吞雞ok. 剩係得雞同雲吞, 菜都冇條.6. 糟酒魚片酒味太勁.7. 豆沙窩餅唔油, 好味.8. 高力豆沙皮太厚, 餡太少.我個人認為金滿庭好食d.個日有個好新丁待應, 佢托碟蘿蔔絲酥倒係身上面, 見佢擺返齊, 跟住比人食, 都幾恐怖.

同ex-bf年半無見, 再見亦是朋友, 一齊去食飯~ 小籠包- 一籠五件~ 已經係全晚最好味o個碟, 算係皮薄但唔易穿, 又多肉汁咁囉~蜜汁雙方- 咁古怪o既?? 分三碟上, 一碟係包, 一碟係炸脆o既腐竹, 一碟係蜜汁肉片, 包住o黎食, 味道一般, 只係得意咁囉~擔擔麵- 依個都ok, 都幾辣~ 早知咁大碗, 叫一個麵就算~酸辣湯麵- 湯唔辣唔酸, 麵一pat pat..........油豆腐粉絲湯- 依樣無可能衰o架~ 杏仁豆腐- 唔加罐頭什果好d......高力雪糕- 俾佢欺騙o左~~~~~~~~~ 竟然係高力"雪米"~~~~~~ 好難食......佢俾錢, 好似係$3XX~Service ok啦~

星期日同男朋友和他的朋友去了將軍澳的分店食飯,我們點了海蚚頭,上海抄年糕,抄鱔糊,片皮鴨,小籠包,及蒸餃子,甜品點了擂沙湯圓及高力雪糕,小菜味道可以,但並不十分出色,而小籠包,及蒸餃子都不好吃,但最差的是甜品,擂沙湯圓非常甜,而高力雪糕的雪糕則全都溶掉了

潮流興食京川滬菜，金滿庭做到成巷成市，搞到而加好多乜庭物庭，菜式都跟到足。哩間都ok0既，裝橫靚，食物普普通通，不過始終覺得抄人唔係咁好...

屯門開左一間,但係超多人,11點開鋪已經有人等位,我上次去11點三到要等到11點九先有位。xo炒年糕幾好味,小籠包都多汁皮薄,雞絲粉皮都ok。點知我再去試多次既時候,我叫左棒棒雞同雞絲粉皮,個名唔同但完全係同一樣野,只係一個辣一個唔辣囉~叫個經理唻又態度惡劣~

我到過將軍澳東港城的分店, 都覺得幾好呀, 點解各位會咁講的?