金海海鮮酒家 (已結業)

一間舊式茶樓, 見到食物好底食, 本身都仲考慮去唔去食既, 但原來都冇咩揀我地就去食下啦, 茶樓內的人都是好舊式, 晚市的套餐好低食, 食一個3個小菜的套餐都不用$200, 我地真過分, 兩個人叫左炸小鳥一隻同埋3個送的套餐, 炸小鳥好低食, 先$23.5一隻, 另外套餐叫左燒鴨、炒菜、咕嚕骨。炸小鳥--真心好好味, 油味唔重, 正燒鴨—好新鮮,熱騰騰的, 好正炒菜—我地叫左通菜, 其實好吃, 但太多油了咕嚕骨—一般, 可能其他野都好好味, 所以唔可以作準…Read More

早上和爸爸到屯門醫院覆診，睇完已差不多兩點，行去兆康的金海海鮮酒家，剛好是下午茶時間。原本點了六款食物，最後只上了五碟。1. 香茜牛肉腸 ($14.8) : 首先上的是腸粉，暖暖地，腸粉皮厚了一點，味道普通。2. 蜂巢炸芋角 ($14.8) : 芋蓉香口，餡料也豐富，好食。3. 安蝦咸水角 ($11.8) : 咸水角的皮有點硬，像是擺涼了一會，麻麻地。4. 金沙千層糕 ($11.8) : 除了最上層外，中間至底的千層糕都比較濕，欠缺鬆軟。5. 鮑汁鮮竹卷 ($11.8) : 坦白說，吃不到鮑汁味，鮮竹卷內的雜菜亦太腍。本來還點了沙薑豬手，但等了大半小時還未到，我們向報長查詢，她放下電腦紙說了一句 "電腦單只有五樣" 隨即行開，我們想告訴她漏了沙薑豬手，她處理完另一枱客便走去第三枱客，期間我們向其他侍應揮手，明明有眼神接觸又偏偏不過來，最後部長回到我們那枱，我們告訴她不應中途離開，她說"不是只得你們一枱客"，結果我們不要沙薑豬手了，便去埋單。整體來說，食物除了蜂巢炸芋角好吃外，其餘都麻麻地，服務惡劣，不會再幫襯。…Read More

兆康商場不嬲無咩好食 由於遲起身又超肚餓 於是我地把心一橫 決定去試下間酒樓蝦腸就係去酒樓必食既 今次都唔例外 呢間既蝦腸皮唔夠薄 唔夠滑 甚至有少少黏口 蝦都一般般 不過整體黎講都唔算太差跟住就叫左珍珠雞同山竹牛肉 都係d基本野 牛肉反而別有一番風味 牛肉蒸到岩岩好熟 落埋喼汁都幾香 算係依間酒樓既出色點心珍珠雞一打開就好失望 因為實在太細件 同七仔個d叮叮珍珠雞無乜分別 賣相又唔太美觀 性價比好低再黎就係叉燒包 叉燒包都係d 經典點心 好唔好食都睇得出間酒樓既功力 食落口熱辣辣 味道都唔錯 叉燒都算瘦 唔係個種肥淋淋又多肥膏既叉燒 可以再試…Read More

為了慶祝端午節，今晚和家人、長輩一同於兆康苑聚餐。自從西鐵開通後，出入屯門巳變得快捷方便了。說回食物，份量大，味道也好，和一般酒樓的宴席酒菜相比，這家的份量真的很足。蝦夠大隻，食落都新鮮。乳豬仔皮脆，最重要不會太肥。沙律紫菜龍皇卷，我很喜歡吃，紫菜包住花膠及沙律醬一齊炸，香脆可口。碧綠花菇扣鮑螺片，花菇、螺片夠軟林、又入味，伴碟的蔬菜也很足份量，這個很重要，用來平衡之前食了太多肉。那個沙律紫菜龍王卷…Read More

:)經過金海酒店，一於食呢間做午餐，見到好多母親節特價套餐，見到店舖出面的燒臘晤差，今個母親節又可以試吓。酒樓環境尚闊落，不會太逼。食物款式多，同舊式酒樓差晤多，一睇知做街坊生意，牛肉好夠肉汁，燒賣都晤差。…Read More

剛剛睡醒，想和家人一起飲茶，便一齊前往金海海鮮酒家。早市有皇牌推介，點心11.8 元起，數式有十多款，不用20元便可享用點心，物超所值。上湯鮮蝦水餃水餃餡料足，大大隻很鮮味。家鄉煎薄餅薄餅煎得香脆，葱香味十足，吃得很滋味。臘味蒸蘿蔔糕蘿蔔糕蒸很嫩滑，富有蘿蔔和臘味味道蟹籽北菰燒賣燒賣用料講究，內有蝦肉及豬肉餡料，鮮味十足。鳳爪排骨飯大大碗蒸飯，足夠二人享用。叉燒飽甜味十足，口感鬆軟，越食越開胃。不用$150元便可品嘗多款點心，物超所值。…Read More

因當年就讀中學在兆康，中午周不時會過來吃學生碟頭飯，平靚正，職員服務一向街坊友善。事別多年，尋日和媽媽去完屯門醫院看醫生，就近過來懷念幫襯下，安排座位的知客態度非常非街坊，當時是2點左右，已做完午市，酒樓內有很多4人空枱，但她竟安排我們2人和其他兩家人合共10人逼在一張大枱，所以我要求坐其他位置，其他職員示意要出去問知客，我剛巧看到有一張二人枱有人走，便記下枱號跟知客說，當時知客聽到要轉枱已經黑哂口面話呢度係要搭枱，之後聽到我話有二人枱剛有客走，就話那枱已有人等緊，咁我就話唔緊要我地可以等一下，佢好差態度咁寫等位紙，我同佢講其實有咁多4人枱，佢可以先安排我地坐，有需要再和人搭枱，不用一開始放我們落大枱要10個人一齊逼，佢大大聲黑面話：都唔知你講乜野！呢個位唔話佢都唔得喇，服務態度差，連常識都無。最後善良的媽媽拎走了我，希望店家再培訓一下員工，呢啲知客，趕客專用，唔好辜負街坊對你哋嘅期望，兆康有好多老人家街坊，希望你地會對佢地既態度好啲。事發時間29/6/2017 14:00，知客，戴眼鏡，年約三十多，到肩直髮，中等身材。…Read More

今日又到爸爸飲茶時間，今次去到兆康飲茶，講真對這間都冇咩期望，去？到10點半吾多人，有平價點心當然叫啦……但竟有意外驚喜吾錯點心。最後結帳都係每人$50/位飽飽離開都抵食，會再來幫襯。首先水仙茶膽吾得，似茶根質素，失望，最後係飲熱水。幸好點心夠熱味道驚喜吾錯，水餃6粒份量足料又多菜，青椒帶有少少辣又夠熱身好香口，菜苗餃肥嘟嘟味道吾錯，但牛肉腸的牛肉偏少，最失望原個馬拉糕底太濕吾好食，最後只食頂部的馬拉糕。…Read More

農曆七月十三外出食餐勁,挑了兆康站附近的金海海鮮酒家,只因交通方便而自己又省回轉車時間。商場地下的海鮮酒家佔地蠻大,沒有金碧輝煌也沒有華麗水晶燈,沒有主打火鍋的街坊酒家還有不少優惠套餐供選擇,難怪晚市都有著不少街坊食客。茶芥每位$12,小吃是鹽水花生,叫碗白飯也可當為鹹豆送飯嚕;香片茶也有點水準,泡出的茶湯色澤金黃也有淡淡茉莉清香,不算得上品但也不會令舌頭有澀澀的怪怪的感覺,只是用上高腳紅酒杯感覺總是怪怪的,簡單的給我一個茶杯就可以了。菠蘿咕嚕肉功夫不少卻最早送到,一放在桌上已感到她的那陣醋意!!醋味蠻重的酸甜汁剛好將每件炸肉包裹,沒有多餘酸汁令咕嚕肉像放湯一樣,外觀是對辦的;外層粉漿調得不錯,炸後保持一定香脆,跟肉質鬆軟的豬肉配合得不錯,絕對可以打開胃口,我家大人向翠綠青椒及多汁菠蘿埋手,結果轉眼間已只餘吉碟一隻。要是發現有小炒皇的名字出現通常都會點,只因每家的小炒皇不盡相同,這盤金海小炒皇就是鴛鴦魷+蝦乾+腰果炒韮菜花,全部材料皆我所欲也。 幼細韮菜花嫩綠清甜無渣,忘記何時開始喜歡這款蔬菜了,個人喜歡韮菜花多於韮菜;小魷魚切功細緻,如小圈圈般間中出現在韮菜花叢中,蝦乾雖沒我家大人所買的大隻,小小的蝦乾仍有其鮮美及韌勁,也為菜式添了一些海鮮味,還有那鹹香有致的香脆炸腰果,造成這道送酒下飯皆宜的香口小菜。膽固醇萬歲的豉椒鵝腸牛栢葉竟是濕漉漉的多汁版本,目測也感到其鑊氣實在不足了。名為鵝腸實以急凍雞腸代替,只因其腸衣厚度及闊度也不如鵝腸般闊大,腸壁裡更沒有那甘美脂肪連著,絕對是對食物很有要求的同事所言沒肥膏的鵝腸要退貨的水準! 沒脂肪的鵝腸及牛栢葉同樣爽口,兩者本身基本味道欠奉,都要靠豉椒汁來提味,只是多汁如湯的豉椒汁味道根本不濃也枉論豉香了,這道膽固醇菜實在有改進必要。原籠蟲草花蒸雞約有半隻雞左右的份量,肉質稍薄的雞肉醃得入味肉質也夠滑,雞味定必欠奉,整體味道卻不錯,只是沒有脂肪的雞皮真的軟淋不好吃,棄之不可惜!雞肉不錯連配料也有水準,蠻厚肉的冬菇吸收雞汁後美味培增,橙色蟲草花爽爽的也沒浪費掉,用作點綴的蔥花也特以熟油灒過令蔥香更濃,要是荷葉可以散發多一點荷香定更好吃,個人覺得那蒸雞汁真的需要伴碗白飯才免浪費。咱們沒有點白飯,反而點了一款如乾炒牛河般堂食定較好吃的鹹魚雞粒炒飯作填肚之選,結帳時才知道這款炒飯竟比小菜還貴,早知多點一款小菜更好。炒飯用上不少雞粒,這方面材料是充足的,加入翠玉瓜粒增加爽口感覺,只是我還是較喜歡以菜莖來炒飯的配搭,鹹魚份量非常稀少,間中吃到一微粒的梅香鹹魚才記得這是一道鹹魚雞粒炒飯耶!或許廚師恐怕因有鹹魚在內食味會偏鹹,因而炒飯味道本身調味甚淡,當作白飯伴以蒸雞汁才更好吃。晚飯敬送甜品而且還有兩款以上選擇,以免費糖水角度算是難得的了。大人選的紅豆沙看來蠻綿稠,紅豆也煲成沙,不是涇渭分明的紅豆糖水。 雪耳木瓜隨侍應手勢,我和細佬的兩碗有著很多木瓜,鄰桌年輕人的雪耳較多,分配的確是有點不均勻。橙色木瓜還是未夠熟,本應軟身的木瓜肉吃來還有點硬硬,似乎煲糖水的時間也不算得足夠也是原因;雪耳小小的一朵像點綴般,它也沒有令糖水變得有點潤滑膠質感覺,伴以清甜冰糖水也不失為清潤甜品。鄰近西鐵站,這家街坊酒家也是外賣飯盒熱點,門外的車仔有著不少即食餸菜,觀察幾次又以其炸雞翼炸豬扒最受歡迎。每款單併燒味飯盒($22),其實自己最想吃乳豬飯,只是晚上八時多的時間當遇不上,不過其燒肉飯也靚仔哦,只因這裡只賣燒腩仔嘛!排放整齊的燒肉可算是皮脆肉香,肥瘦相間啖啖肉沒有骨,$22份量也不算少了。燒腩仔最底部的粗糙瘦肉連骨頭部份大都切去,店家會以$20大大盒的在外賣車仔上出售,用來煲金銀菜湯真的一流。…Read More

今日 (8-12-2012 Sat)想join女友人WK去屯門燒ｏ野食,不過call o左佢後又唔想去,於是搵住o係屯門女友人LT,問佢有冇興趣?點知佢話成家都咳,唔可以燒,咁我o地不如同佢o地飲茶啦.於是WK 同我分別入屯門入佢,LT帶住兩個女外,重帶埋佢幫人湊o既兩個女仔LCK同LLT,咁就一共7個人食.LCK同LLT唔等WK就話要食碗仔翅,LT拎o左兩碗o黎,佢都加o左幾多胡椒粉,呢個翅都幾足料,雞絲木耳絲都好多,食落唔太稀,味道都正常,不過LT真係落得太多胡椒粉,味道幾重,WK o黎到喇,我o地睇食咩o野,LCK話要食油雞飯,LT大女LWT話要食燒賣,咁我o地就剔o左:2. $23.00一碗o既油雞飯飯餸分開上,碗飯都幾大碗,油雞算滑同都好夠味.3. $98.00o既午市超值套餐B,有白灼時蔬同楊洲窩麵,再揀鮮竹牛肉球同鮮蝦菜苗餃.白灼時蔬係芥蘭,加o左豉油,芥蘭冇苦味,處理得幾好.鮮蝦菜苗餃,呢個一夾就好黐,內裡o既蝦仁係切開晒,菜苗唔係好多,味道淡淡,唔係特別好食.楊洲窩麵,好大窩,料都有好多,有冬菇,蟹柳,豬膶,叉燒,菜,魷魚同雞肉,雞肉係最多,食落,麵質算爽,湯底好夠味,雞肉同叉燒口感都唔會太腍,而麵o既份量呢,竟然係多到我食o左3碗麵都食唔晒.鮮竹牛肉球正常冇問題.4. $39.80一籠o既精裝點心拼盆,有下列點心各兩件鮮蝦餃皇同蟹子燒賣皇我都冇食到.潮洲粉果大大件,我一食食到辣味,五香粉落得太多嗎?失準呢.潮式糯米卷糯米略嫌有少少硬,但幾香,外層o既卷好軟熟,算唔錯.金沙千層糕呢個甜甜地又鬆軟,竟然係好食.香茜魚翅餃,呢個個個都唔食,攤到凍同硬晒,我就食o左一件,都係淡淡地,冇乜o野啦.服務:唔多收o野.o係埋單畀錢時,因為我剔o左一籠燒賣但冇o黎,事實上好彩冇o黎,所以我親自去埋,睇睇有冇計到.收銀打好後,銀碼係$199.00,我就問佢有冇計燒賣?佢就遞畀我叫我自己睇.我當然知要自己睇,問題係,佢語氣唔好.睇o左係冇o既,後來至諗返,原來燒賣係印係另一張紙,而我係漏o左畀侍應.價錢我計6個人,味道分係3.45分,抵食係2.53分…Read More

女友人L約我今日(18-9-2011 Sun)食lunch預祝我生日,佢先湊住兩個女o黎,我到o左喇,就o地剔o左8樣點心.1.芒果布甸係因為佢大女鍾意食,我冇食到.2.叉燒包我冇食到.3.蝦餃熱辣辣,但皮又好黐,味道正常.4.香蔥薄餅煎得o岩o岩好,唔太燶唔過火.5.梅姐粉棵好奇之下剔o既,仍扁平狀,內裡有好多爽口沙葛,冇乜肉類亦有乜菜,但出奇地算好味,只係又係啲皮黐.6-8. 雞紥,燒賣,珍珠雞味道正常…Read More

昨天跟屋企人返完大陸就嚟左呢度食晚飯,好耐冇嚟....估唔到好失望呀.妹妹想食冬瓜盅,但賣晒,媽媽想食生炒排骨,所以就叫左一客生炒排骨,跟住就再點多幾樣嘢啦,叫左一個粟米魚肚羹例牌,脆香雞半隻,蒜蓉炒菜芯呀.另叫左兩個白飯.生炒排骨好快就嚟,但係個碟係大,但d料好少,好似俾人偷食左d咁,價錢則要50元,變相加價,味道ok啦,好多洋蔥,紅椒,排骨好少,青椒都多.排骨都幾肥呀.不過都可以的.粟米魚肚羹好細窩,感覺又係縮左水咁款,味道都唔係好好,好淺的黃色,好少粟米,冇咩味.蒜蓉炒菜芯,這個都叫大碟的,正常味道,但其實都唔平囉脆香雞半隻30元,這個就抵食及都好香好味的.估唔到冇嚟一排就變成咁,真係唔太抵食呀,又貴又麻麻地好味,仲要縮晒水添....…Read More

今晚放工去買左盒燒肉油雞飯拎走，我已經講明要走雞胸，點知見佢斬時見到好似仍然係雞胸，咁臨入袋時叫收錢個職員比我睇一睇，點知0的薑蓉遮住左，於是我再問多佢一次，係唔係走左雞胸，斬0個個師傅仲要話係，點知返到屋企一睇，真係火都黎嘛，4-5舊雞入面有三舊都係胸!!!!再三問都要講大話，呢個喊，就係比呢個大話師傅!!!!!…Read More

星期日同屋企嚟左呢度食團年飯.十個人本想叫小菜,因打電話訂位時話可以叫小菜的,點知嚟到寫好晒,計好晒散叫叫咩,但仕應竟然話一定要叫套餐,於是我們就叫左一個十二人套餐,2088全包.套餐包括:12支支裝汽水白灼蝦-都好大碟,但不是太新鮮,有點梅燒味拼盤-有燒鵝,海浙,叉燒,油雞,燒肉好脆,都好味呀翅-都好足料呀,有好多翅喎,好味珊瑚蚌鮮魷西蘭花-好味呀,珊瑚蚌都好大件好爽,鮮魷都係,西蘭花好甜炸龍蝦丸配沙律-好味喎,好彈牙爽口蠔士豬利發菜生菜-ok呀,隻蠔士都好大隻呀魚-唔知咩魚,不過都好味,剛剛熟及好滑燒鵝-好肥呀,但都好多汁既糯米飯/伊麵-好味,糯米飯好淋身,伊麵好乾身好味糖水-本來有南瓜西米露的,但已冇晒,跟住係淨返紅豆沙,但係好難食,好水冇料的笑口棗餅仔-都好味呀整體嚟講食物係好味的,由於係差唔多過年的關係,所以勁多人及d枱實會好迫的.…Read More

今天中午同屋企人嚟左呢度飲茶,差唔多1點左右都幾多人呀.等左一陣先有位.三個人見隔籬枱有點心拼盤,所以我們都叫左一個點心拼盤,一籠叉燒飽,一碟炒米粉.點心拼盤有:魚翅餃,水晶飽,蝦餃,燒賣,奶皇馬拉糕,潮州粉果每樣兩件,38元都幾抵食呀,係個水晶飽個皮較厚,其它味道一般啦.叉燒飽-幾多叉燒,唔算肥肉多.炒米粉好多料,好味,好多西芹,火腿絲坐到下午茶出面有好多野係大排檔自取,薑汁燉蛋只售6.8,好抵呀,我出去攞左一碗嚟食,好彩快手都好多人攞呀.味道唔係好重薑味,但好熱好熱,d蛋都好滑及唔係好甜,好味呀.…Read More