金泰燒烤

營業中

休息中

呢間舖大多數都係2人位, 所以我地4個人過左分舖食, 但都要等20分鐘先有位；等到好肚餓, 所以我地叫左好多野食呀…生蝦–因為怕不潔, 所以無試；朋友話好鮮甜加埋好似wasabi醬簡直一流燒魚–燒得岩岩好, 好滑唔老有少少咸得條大骨(岩晒我唔鍾意lun骨既人) 燒硯–好大隻厚肉而且非常鮮甜, 應該只係落左鹽, 但份量好少, 4個人得7隻(分贓唔勻)咖哩蝦–微辣有蛋香及椰香幾惹味, 但蝦既份量又係好少蒜蓉包–係用豬仔包掃上蒜蓉汁再放上爐燒, 所以熱騰騰好香蒜蓉味再點埋咖哩汁, 超正!串燒–雞全翼, 墨魚丸都係用蜜糖燒類似自己BBQ咁, 都幾好食P.S. 由於太多人, 等左好耐先有得食, 下次要早d去, 廢事同人迫。

晚刻，一行六人到金泰燒烤，呢度啲燒鰂魚同埋啲燒乳鴿非常好味。啲鰂魚係用啲泰式香草塞入個魚肚度燒，而啲乳鴿則調得好好味。另再叫一些其他燒烤，跟住嘆番支singha.....超爽。意尤未盡，再來半隻海南鶏，兩碗油飯，一碟濕炒泰式豬肉河，飽飽............

各樣食物味道都唔錯泰式瓜份量不多,加料頭髮一條泰式鱸魚, 有火爐熱住都唔錯串燒幾好但唔係勁正個隻.坐位為摺櫈, 唔係好舒服人手不足出菜慢.

四個女仔去開飯！<生蝦>，估唔到咁鮮，但個綠色既汁就真係辣到嘖火！<炸蝦餅>，炸得幾好食！<串燒>，好味！最鍾意食雞翼^^<蝦膏炒通菜>，正！好有鑊氣呀！食到唔停口！可能我地早去，入坐時得一枱客，9:00pm開始多人，出菜就開始慢，因為人手真係唔夠。但服務態度就真係好好，比出面個D連鎖店仲要好！！！

今晚去左新店，第一次試呢間菜館。同男友食左：1)咸魚炒芥蘭2)青木瓜沙律3)青咖哩雞湯4)串燒：豬頸肉、牛肉、雞心服飾ok，因為人客幾多，但侍應人手唔係o甘夠，不過都幾nice。最後埋單一百三十幾蚊。

在舊舖附近開了新舖，大D！串燒很好味，尤其是燒大硯、牛肉、雞翼和墨魚丸，大家一定要試。

在正舖附近開了新舖，可以去試。最好味是燒大硯、牛肉、雞翼和墨魚丸，真的又平又好味，一定要試。

串燒類- 掂, 多選擇價錢平($6起)湯類- 掂, 味濃料足熱騰騰價錢平($30有交易)炒菜- 掂, 大碟抵食唔肥膩($25)燒魚- 掂, 大條唔乾新鮮又平($30)炒飯- 熱騰騰唔貴椰青- 正, 新鮮不足之處: 坐位少有時會好大煙,小心D衫吸晒味.

見到佢個櫃有舊類似札肉的東西.問佢係乜佢答係黏肉,其實我聽唔清楚,好似係咁叫掛?10蚊.陣味怪怪的,個人覺得麻麻.

味道ok.本來想試佢d炒飯, 但原來要下午五點先開始有.所以都仲未試過.

睇番先知原來之前有關此店既食評落錯地方，不過既然相隔咁耐亦費事搞。星期四公司超級大地震，連同四位大粒人仕合共五人忽然人間蒸化，雖然震唔到我，但聞者心情都唔會好得去邊。既然己成事實，同女友決定食番餐勁，實行今朝有酒今朝醉。過往路過都見店內店外皆人頭湧湧，但礙於坐得唔好，女友係打死都唔肯試，不過今晚見朕意己決女友亦不再大搞對抗了。先來一客燒雞肝($6)，由於本人愛吃內臟，加上此店燒得惹味，滿意。生蝦剌身($35)一客有十件配上綠色醬料，相比起金寶既$70同樣得十件，此處真係抵食得多。剌身蝦夠凍外肉又厚又爽，比隆姐和籽苗葉既勝一籌，唯一可惜係蝦頭不知所。椰汁雞湯($30)一客分得四小碗，屬二人份量。外表白雪雪，椰汁味香濃，幾潤，加上湯內有大量磨菇雞肉，令人飲過番尋味。海鮮濕炒河($30)濕得好緊要，海鮮有蝦、青口、墨魚丸等，材料屬其次，主要在於師傅炒得夠鑊氣，汁醬雖多但又出奇地岩口味，同女友一致讚好。火車頭炒飯($30)為何物大家都不得而知，相信係雜錦炒飯之類，配料己經忘記了，但記憶中係鑊氣夠，女友則嫌飯炒得過火。辣羔炒大蜆($50) 係壓軸菜式，等到頸都長。不過幸好無令人失望，蜆肉肥得有點

除了去買鹵水鵝，路經此店，聞到好香的串燒味，見佢都有幾多款的串燒，價錢大多是6蚊，幾平咁，就又一樣買了幾串。因為好多都係番燒，所以味道是不大好。串燒牛肉及雞肉都一般，另外丸類都係一般水準，不太好亦不太差；反而串燒雞肝幾冶味，可惜燒熟晒，口感較實，如果唔係燒得僅僅遜的話是又軟熟又好食；相比之下燒雞心就更好味，口感比雞腎軟熟，又不失口感，須知一隻雞只得一個小小的雞心，如果有得賣的話都值得一試。

上星期日，我和家人8:15到餐廳，都不用等位，但越坐越多人。食物方面，串燒好味，而木瓜沙律就好辣，炒粉都ok，就濕咗D。因為人太多，都要等幾耐D食物才到整，成餐飯食咗個半鐘，都幾耐。

同女友叫左數碟野,其中比較有印像既係蝦黃炒飯,佢話用蝦頭d 膏黎炒飯,由於女朋友唔多喜愛蝦膏,所以都考慮左一陣,不過心諗佢又可以拎得出幾多蝦膏丫..佢所以最尾都點左,當然蝦膏味並唔太濃,不過味道都幾好..第二覺得幾出色既係燒雞..叫前認為味道唔會太好,不過見其他既都有,所以試試..發覺燒雞除有雞味外亦有一種炭燒味,呢種炭燒味0係市面都幾難尋,值得一試~其他既印像比較模糊,只係記得濕炒河真係好濕,濕到同湯河一樣..值得一提呢度有時有泰國波睇,氣氛都幾一流..

事頭婆服務態度親切,串燒既沙嗲汁好好味,唔鐘意沙嗲汁可以要辣汁,一樣好味.燒蜆大大隻,夠晒厚肉(但有時會食到成口沙)乾炒河粉不會太多油,炒雜菜仲係無乜油添,岩晒我怕油膩既人.之但係旺既時候要等位等得耐少少.