金泰泰式美食

營業中

休息中

和朋友即興的去了大埔熟食中心食泰國菜我們二人點了泰式冬蔭公(細)﹑泰式菠蘿炒飯﹑生菜包﹑馬拉盞炒通菜及串燒沙嗲(半打)泰式冬蔭公(細)配料有蝦﹑青口﹑魷魚﹑魚及菇等～配料算是豐富～味道夠濃，酸度辣度都恰好！泰式菠蘿炒飯，用原隻菠蘿盛載配料同樣有青口﹑蝦仁及魷魚，還有菠蘿肉﹑肉鬆和提子乾炒飯略帶咖喱香，但不算好乾身！菠蘿肉和提子乾的微甜令炒飯的味道不會太單調～生菜包，可算豬牛或雞平時多吃豬肉，這次試試牛肉雖不乾身，可肉碎的辣度不太夠馬拉盞炒通菜，這基本上是穩陣之選通菜不會老馬拉盞的味道惹味而不過鹹！串燒沙嗲(半打)，豬牛雞各要了2串肉的size夠大件，燒得不會太乾身沙嗲醬的味道與一般的有些不同，覺得有點不夠濃郁惹味～～不過配串燒吃的味道還是合得來的！總括來說，食物味道尚算合格像這次平日晚來不用等位的話，是可選擇光顧的啊～～

星期六BBQ就入大埔街市買野，順便係大埔街市食埋tea。入到大埔街市都成3點鐘，一上扶手電梯就見到金泰泰式美食。可能已經過左食lunch時間所以唔洗等位。叫左四個凍檬一個湯河同五杯野飲。炸雞翼凍檬一上已經聞到好香炸雞翼味。一放入口個皮仲脆架，隻雞翼中間仲岀緊煙，醃得好入味。之後到既豬頸肉就普普通通冇乜特別，炸豬扒就乾身左d又有d鞋。而個牛肉湯河就麻麻，肥牛太肥碗湯又油都係凍檬好食d。碗雜錦凍檬都幾抵食，大大碗又多餸。

大埔新街市有好多美食, 見好耐冇食過泰國野, 所以就試下呢間喇!我地叫左: 泰式金邊粉, 冬蔭海鮮湯, 什錦撈檬再加左個泰或粉卷.泰式金邊粉, 炒得好好, 唔會太乾又唔係太濕一patpat!冬蔭海鮮湯, 我都幾鍾意個湯, 味道幾香濃, 唔錯!什錦撈檬, 好足料! 有春卷, 札肉, 雞翼, 蝦片, 都係D好香口既野! lunch set黎講, 好豐富!lunch set包埋野飲都係大約$50, 都係抵食之選~

大埔好多嘢食，大埔墟街市入面熟食中心就更加唔使講。今晚入咗去食泰國菜。雖然我們的餐廳叫做「英記中泰美食」，但發現與隔離「金泰泰式美食」是同一個集團。「菠蘿海鮮炒飯」賣相已經好吸引，炒飯滿滿的，而且有兩大隻青口。真材實料，味道方面，亦非常好味。難怪當晚見到好多食客都有點這道菜。「沙嗲串燒」沙嗲串燒是我們至愛，點了半打，雞、牛、豬各兩串。雞肉非常好味，豬肉有點韌，但整體不錯。牛肉最韌，好似嚼香口膠一樣。沙嗲串燒醬汁比較特別，跟坊間一般不同，佢落咗千島醬，令整個醬汁酸酸甜甜，有點似沙律醬。味道的確一流，難怪咁受歡迎。不過當日我哋有點不幸運。隔離枱嘅食客當晚把酒談心，粗口橫飛，更忍不住抽了兩口煙。這點成為了當晚晚飯嘅唯一遺憾。*熟食中心沒有BB櫈。

好耐冇食泰國菜！今日去大埔熟食中心食😍夜晚七點半左右到，坐咗一半人～我地點咗三樣野食，好快就上齊喇👍🏻👍🏻冬蔭公海鮮湯（$54）（細）比想像中大！幾抵～好開心可以飲咁多湯😍下次黎會試其他！大湯就百幾蚊，但細俾2-3人飲都夠。一飲覺得少咗甜味，美中不足！整體都好香濃，海鮮方面，有半隻蝦、兩舊細魚肉、兩三舊魷魚、兩隻大青口。.串燒半打：豬牛雞（$65）好快上菜，唔夠熱！🙈牛好韌，失望。好彩雞同豬都好滑。我覺得最好味係豬👍🏻.最後係金邊粉（$49）就咁睇賣相都唔似金邊粉😂食落一啲都唔甜或者辣，似普通炒粉。好彩炒得有鑊氣，補返少少分🙈今餐好飽好滿足☺️最後埋單每人$84～

相信住大埔既朋友必定食過位於街市既熟食中心。假日就同屋企人黎左呢度食lunch。星期日，呢度既停車場要排長龍入，超誇張！我地叫左個冬陰公湯大蝦河粉，個湯幾好味，帶少辣同好足料，唔錯。小食就叫左檸檬炸雞翼，酸酸甜甜好香口。仲有酸辣鳳爪，個人唔係好食得辣所以無惦過，俾唔到comment。但我媽咪係將佢全部清晒嘅，哈哈。還有豬肉生菜包同柚子沙律，呢兩個都真心好食。份量又多又平！推介！總括嚟講，雖然呢度環境麻麻，但大埔呢間泰菜真係非常抵食，係街坊恩物！

今天去大埔探訪朋友，然後到大埔街市這間食市食下午茶。我點左一碗豬扒湯河，食完後，真是令人驚嘆! 實在太難食了。。。豬扒又乾又有渣，口感和味道好像食緊隔夜豬扒。至於河粉呢? 唉，河粉全部都是粉碎，而且煮得太熟了，河粉口感不爽了!

我同我的他去大埔食腐竹雪條，經過街市熟食中心，見又新淨又大就入去幫襯啦。見到空枱唔少，唯有金泰泰睇落嘢食啱食就坐落去啦。叫咗相中嗰五樣，其他嗰四樣要等上超過四十五分鐘以上，我嗰個冬蔭功金邊粉喺七點到，飲嘢過五分鐘先到，而個菠蘿炒飯要催四次單連我人行咗入㕑房催個廚師先喺七點五十分先到。太過分啦吧！味道方面，冬蔭功金邊粉尚算可以入口。粉質軟滑湯底算okay有味，菠蘿冰都okay啦。但係索價200但係等到人變木乃衣先上到菜。咁就冇下次啦

朋友介紹第一次食大埔熟食中心呢間泰國菜！叫左好多野食😋😋首先有冬陰湯，唔太辣但好有泰式風味！適合食唔到好辣但又中意食泰菜既朋友👍🏻主打仲有泰式明爐烏頭魚🐟條魚肉質好結實好新鮮，唔會太多骨，仲比多碗湯我地煮條魚👍🏻好細心👍🏻個湯都好fresh好好飲😋另外叫左個菠蘿炒飯🍍🍍份糧好夠😍我地6個人先岩岩好食哂！仲足料過出面食到既菠蘿炒飯！佢有好多肉鬆，仲有2隻青口同大蝦伴碟！我地叫左個炒肉碎，撈埋個菠蘿炒飯食簡直係絕配👍🏻👍🏻👍🏻👍🏻超推薦‼️‼️‼️仲叫左個咖哩軟殼蟹🦀高度推介‼️‼️‼️個軟殼蟹索左啲咖哩汁食一流👍🏻👍🏻👍🏻仲嗌左個芝士蝦餅🍘蝦餅入面係流心芝士超好味😋仲嗌左個馬拉盞炒通菜，同出面食到既冇咩分別😋野飲方面我地叫左幾個椰青，好青甜😋珍多冰同椰汁冰都好香椰奶味😋😋整體泥講好值得推薦既一間平民泰國菜👍🏻👍🏻

住大埔食泰國野都會諗到綜合大樓既金泰泰，最近同另外5個朋友約左boxing day當日一聚，揀左係大埔既金泰泰食飯，失望..唔入味，淨係覺得辣，個人覺得$67呢個份量就少左D。呢個炒得過水同油林林，馬拉盞個味出唔到，但都炒到岩岩好既。以前好中意食呢個菜，但當日食，好差，得個硬字。蝦醬味香，其他野都幾足料，呢個算唔錯。食串燒經常出現既一個問題，偏乾身，搞到有D硬，但個沙嗲醬就幾好味，香香甜甜。不過不失，無話特別好味，又唔係難食。外面買既薄餅，無乜特別。個蝦餅好味道，建議可以只係食個淨蝦餅。又係好水，大大碗，個味道撈飯就最好，但係雞既份量得好少。整體都比以前差左好好好好多

係大埔行完旅遊塔，行去都算地標既大埔墟街市及熟食中心，入面分左3層，而最上層就係熟食市場啦，經過好多間好勁鑊氣既食肆，好想試勻佢朋友話試過呢間金泰泰式美食，所以就坐低左啦！同行朋友極力推介呢個什錦檬粉，入面有蝦片，蛋，雞絲，札肉，雞翼，蝦春卷同其他基本撈檬配料，配埋D撈檬汁，好肚餓既我地勁快清左；再加多份蒜蓉牛油雞翼，點泰式辣醬，皮就炸到好厚，肉其實好少不過呢度已經夠哂2個人食提提大家，去熟食市場唔好坐錯位呀，D椅子同餐牌都係跟食店架

平時去開大埔熟食街市都會 食 好出名嗰間上海雲吞麵 今日 上左去食tea 突然想轉下口味試下 旁邊 泰國菜雜錦金邊同埋牛丸金邊，金邊粉嘅份量還真多一大碗 滿滿的，湯底味道 夠濃，魚蛋魚片 爽口 彈牙 ，係雞翼略為 炸得不夠香脆，偏林。泰式魚香茄子 香茅和金不換味道很重， 炒得也很香口 新鮮食炸西瓜汁沙冰， 不錯 ，不會又稀又多水 和太甜

夏日炎熱，有時真糸覺得無胃口食野，吾食又會傷胃，所以點都要食少少，最好糸食D醒胃又吾肥ge，我知大埔墟街市2樓熟食大排擋近電梯位，~金泰泰式美食~老板娘同好幾個伙記糸泰國人，午市時間通常滿座，而我吾喜歡等位，所以食 tea time ，少D人呀馬！營業時間上午11：30……4：00點 下午6:00……11：00點猪頸肉湯檬粉跟凍飲$33~下午茶餐雖然糸茶餐，但碗粉好足料，抵食，平呀_總有就糸我喜歡佢D乾辣椒粉，好多泰式菜館都吾一定有，酸辣口感好醒胃，下次再試其它或者晚餐，

唔知道由幾時開始愛上左泰菜，而我覺得係香港最好食最地道既始終都係九龍城既同心，但係由於小妹我住係新界始終唔可以成日去九龍城，唯有退而求其次食住附近既thai thai先啦講返呢間係熟食中心裡面既thai thai....well...收費係好合理既，好啱附近街坊一家大細/小倆口過黎開餐既，味道方面呢可能為左迎合香港人既口味樣樣既都唔夠辣，如果辣返d既話都可以做到九龍城既7成既，而佢又平過九龍城2成，所以都ok la是日我地order左雞肉青咖哩，豬頸肉沙律，印度薄餅，椰汁冰青咖哩-青到有d假，個汁唔好咁稀同埋辣返d會更好，味道都唔錯，d汁多到要嗌多碗飯送🙈🙈豬頸肉沙律-呢個冇記錯好似係68，好抵食好多肉好多菜，做到同心既7成，唯一係豬頸肉調味香料好似唔夠多所以冇咁惹味椰汁冰-冇thai tea唯有飲呢個，味道不過不失，幾好幾解渴薄餅-唯一嗌錯左既野，20幾蚊雪藏野(｡-_-｡)

大埔墟熟食中心內只此一家泰國食肆，由初期經營一個檔口，發展至現時兩個，證明生意不俗。食物味道雖不能與九龍城區內泰店相比，但偶爾光顧，未嘗不可。通常會選吃香葉肉碎炒飯及雜錦湯粉，可惜，近期用餐後發現水準下降。炒飯有時會炒得過燶或太濕；湯頭變得越來越鹹，再加上冬菜作配料，令鹹度進一步上升，進食時被迫要飛湯。期待泰籍老闆娘大力改善現狀。