金泰園 (已結業)

我就一向好鍾意食泰國菜，見到呢到有個二人餐款式豐富，所以黎食晚餐，同埋比較難得係呢到地方好大，坐得好舒適。 2人餐價錢係 $288有小食，主菜，甜品同飲品，兩人份量足夠。 前菜泰式酸辣鳳爪，無骨鳳爪酸中帶辣，醃得好入味。 馬來盞炒通菜，馬來盞份量岩岩好，味道唔會覺得咸，馬來盞好香，配通菜味道好夾。 店員一送上枱已經聞到香氣撲鼻，泰式咖哩大蝦 (配香蒜包)，大蝦都幾大隻，肉質好彈同紮實，咖哩是靈魂之一，香而不辣，用蒜蓉包點黎食，好味，我地仲有埋個汁撈炒飯 : ) 海南雞(1/4隻)，海南雞由雞皮到肉一樣咁嫩滑，點左泰式醬汁特別醒胃。 泰式蝦頭油炒飯，個飯重點一讚炒得好乾身，粒粒分明，入面有蝦肉。 泰式甜品係椰青糕，口感同大菜糕好似，椰青糕清清地味道唔甜，作為飯後甜品唔錯。

今晚去青衣探朋友，一行四人想食泰國菜，近近地就在長發邨之長發廣埸五楼找到間新開一陣子叫金泰園餐廳，坐落地方寬敞舒服，我哋叫咗個良朋好友四人餐$588，有泰式拼盤包括春卷，蝦餅及魚餅， 冬陰功湯裏面好多大蝦，十分足料味道很好;泰式咖喱炒肉蟹 ，餐廳用新鮮肉蟹、肉質結實、咖哩味香唔太辣、惹味十足、跟上條形蒜蓉飽點汁一起吃、十分匹配; 海南雞半隻有雞味，肉質鮮嫩 ;馬拉盞炒通菜、鑊氣十足及好惹味，仲有菠蘿炒飯，用原個新鮮菠蘿、配料有虾、鱿魚、臘肉飯炒得好乾身，再有大量腰果及肉鬆放上飯面、味道一流 ，跟多四杯泰式特飲，味道唔錯，最後仲有甜品，簡直大滿足，我個人，認為十分抵食，每人都係百多元，下次唔使特登搭車去九龍城食泰菜，值得一試再試！

放假前夕放婆婆一天假，帶BabyGaga同婆婆出外吃飯！近近地係返青衣食，見到新開左間泰國菜，婆婆至愛泰國菜，一於黎會一會佢先！就係長發商場五樓，以前全層酒樓，以家領匯接手後，拆開左做幾間餐廳，確實多左好多選擇。我地費時諗所以直接叫個四人餐，價錢中規中矩可以接受。小食拼盤有蝦餅，魚餅及春卷，蝦餅夠哂彈牙，魚餅咸左少少，春卷勁多料！豆腐海鮮湯夠哂清甜，小朋友都飲得！特別在啲豆腐竟然係日式豆腐！裡面仲要勁多料，可以當埋餸黎食，都幾飽下！咖哩大肉蟹真係意想不到咁多肉呀！一食落去覺得抵返哂！ 呢個真係推介，勁好味啊～～～ 我地仲配埋個蒜茸包一齊食，呢個組合無得輸啊！ 記要熱辣辣即時放入口食！夠哂脆口軟熟！每次食泰菜都必吃海南雞，呢間都唔錯啊！夠哂滑身，小朋友食都無問題！ 半隻份量都幾多喎～～～馬拉盞炒雜菜勁大碟，好多菜款，而且唔算大辣，可以接受的程度。 我成晚食得最多的一碟。菠蘿炒飯係我至愛，呢度炒得唔錯，夠哂乾身， 如果提子乾臘腸同埋肉鬆再俾多Ｄ就更好啦！最後是甜品環節，不得不讚這個，完全唔HEA！ 睇圖就知，勁多料，唔係只係用粉做出黎架！總括來說，好滿意的一餐，食得好飽！ 近屋企可以隔一排

忙左成個4月 終於得閒同老友們聚聚為左方便我 佢地重特登黎到樓下商場食飯呢間泰國菜開左無耐咋 幾抵食喎我地㨂左4人餐 埋單都係百幾蚊一個人 小食拼盤從來都係我至愛 特別係炸蝦餅入口好彈牙 重有泰式春卷 夠熱夠脆 冬蔭公湯多料又夠酸 不過可以再辣少少海南雞夠晒嫩滑 而且好入味 好好食期待嘅咖喱蟹配蒜蓉包 真係無令人失望肉蟹先走油再配上咖喱汁 蟹肉鮮甜 咖喱配上椰汁香味 加埋蒜蓉包 勁好味套餐重有菠蘿炒飯，飛天通菜同埋泰式甜品勁多野食 而且坐得舒服 完全值得encore👍🏼

今日去接男朋友收工，想食泰國菜，所以黎左金泰園，估吾到有驚喜。因為六點幾，未到食飯時間，吾洗等位，七點幾就開始多人。我地2個人，好多野都想食，所以就叫左2人餐，比散叫抵，又多野食。泰式酸辣鳳爪泰式鳳爪既好處就係去哂骨，最岩我呢d懶人食。重要醃得好開胃，酸酸辣辣，好過癮，好醒神。馬來盞炒通菜炒得好香，好惹味，通菜又爽口。泰式咖喱大蝦咖哩味好香濃，吾辣又甜甜地，送飯一流呀！好彩跟餐有2塊蒜蓉包，又香蒜蓉味，用黎點咖哩好正。而蝦又大隻，新鮮又彈牙。海南雞食泰國野又點少得海南雞呢，肉質幾嫩，醬汁係點綴，酸酸辣辣，好味！蝦頭油炒飯炒飯粒粒分明，用蝦頭油炒，好香蝦味，又多配料。龍眼冰同梛汁紅豆冰吾會太甜，夏天飲透心涼，重有龍眼肉同紅豆食。最後重有甜品添！今餐真係食得好滿足，2個人真係好飽。

上星期喺海旁跑完步肚餓，本打算到長發商場間意式餐廳食野，點知下晝差不多兩點都要等位，只好另作選擇，見隔離有間泰國餐廳唔需要等位就即管試試，我朋友點左個生牛肉船河，而我就叫了個泰式炒金邊粉，點知全場得三幾枱客都要得10幾20分鐘先上到餸，差啲比乍餓死我叫的泰式炒金邊粉雖然唔係好泰式，但都算是還可以，而我朋友叫嗰個生牛肉船河就一啲泰式都沒有，沒有任何香料香草之類既野，真真正正係叫有生牛肉同湯河，而且牛肉只有三幾片，河粉就多到咩咁，咁樣既質素唔怪得之唔洗等。

從朋友口中得知青衣長發商場有間價錢實惠而又好味的西餐廳，所以特意去試下，果然沒有令人失望我地見2人餐好便宜，只需要$288，菜式也十分吸引，就決定點2人餐了。當中包括1款前菜、4道菜式、1款甜品及2杯飲料。2人餐份量其實已經相當多。前菜是泰式酸辣鳳爪，非常開胃可口，而且唔會好辣，絕對不會因太辣,而影響食慾。泰式咖喱大蝦好味的，椰汁味夠濃，蝦都新鮮，肉質完全沒有像急凍蝦感覺，呢個價錢絕對超值 (可選辣椒膏炒大蝦、地道粉絲大蝦。而且大蝦可轉大肉蟹，不過要加入$100)。另外，馬來盞炒通菜都好味，份量唔會因為2人餐而好少，又唔會太油膩，值得推介。咖喱大蝦和炒通菜都不錯。而甜品2件，甜品味道好清甜，好好味。飲品叫了珍多冰，味道少少偏甜，但份量多。其實飲品其本上除了椰青，餐牌上的飲品項目都可以選。

放假落屋企樓下食lunch,見新開呢間泰國餐廳未食過,而又被隔離意式餐廳搶哂風頭,就諗住試下,希望以後晚飯可以多個選擇。差不多下午兩點,只有幾枱客,可能厨房有人落場之類,所以野食都出得慢。然後所謂泰式肥牛船河,肥牛得幾片,河粉就勁多,但個湯底一啲都唔泰式,仲衰過求其茶記,只有類似美極,豉油嗰啲味,另一個泰式炒金邊粉,又係茶記貨式,只能話唔難食,啲香料真係咁貴嗎？兩個粉面連飲品,埋單$96,唔算貴,但只係一間唔會再幫襯既茶餐廳!

青衣長發廣場 對我個人嚟講真係非常陌生, 今日約了朋友吃飯原來這個商場食肆非常多不過我個人最喜歡都係吃泰國嘢 ，所以選擇了這間泰國菜見到餐牌有二人餐 而且都相當豐富。 頭盤有酸辣鳳爪 ，鳳爪啲味道配得剛剛好唔會太酸亦唔會太難。 還有馬拉盞炒雜菜啲菜都比較炒得嫩口， 其餘有泰式海南雞啲雞肉質非常嫩而且好入味， 加埋店舖泰式醬味道就更加出色。 最期待就係泰式咖哩炒大蝦，啲蝦都非常大隻， 而且肉質好彈牙， 蒜蓉包配埋咖哩汁一齊吃又有另一番風味 。最後還有泰式蝦頭油炒飯， 啲飯啲size真係足夠四個人吃 ，配埋特飲和甜品 ，真係非常飽了。

自小嚮公屋居住，一路以來，公屋各方面跟私人屋苑始終有段距離。自十年前開始，長發商場遂步翻新及升格後，裝潢、環境、空間...都有好大提升，當然價格也相應提高了。我們一家幾鐘意黎這裡的泰國菜館食晚飯，貪其夠闊落坐得舒服，而且價錢比青衣城真係平好多。冬陰功湯可以講係食泰菜必嗌的，味道酸酸辣辣，飲後會很開胃。小食拼盤可讓我們一次過食晒三款泰國炸物。西餐的豬手多是燒、炸、焗的，所以會乾身，泰式則不會這樣，唔駛擔心熱氣。辣椒膏炒蟹聽個名以為會好辣，其實只係微辣。馬拉盞的咸香是好正的，用黎炒菜係好好食，尤其是用黎炒通菜。菠蘿炒飯係好豐富的有豬肉鬆、菠蘿粒、青豆...總之係好多料啦！菠蘿冰及椰汁冰雖然唔係沙冰，但一樣清涼，啱晒嚮天氣炎熱時飲。

今日去左長發探親，有段時間冇黎，樓下屋邨商場翻新過，環境跟以往完全唔同晒。堂表哥帶左我地去食泰菜，一行4人，每人150蚊唔駛，仲要有蟹食。我上兩星才嚮屋企附近食完泰菜，若果點同樣的食物，粗略計算，呢到都仲要平少少。蒜蓉包雖然厚身，但真係非常非常的脆。 蒜蓉味唔會好重，但係啱啱好。煲冬陰功湯一大煲，材料十足，老少咸宜。辣椒膏炒蟹，原隻碎上，不會太辣，很惹味。泰式豬手也是碎上的，而且已去骨，很細心的呢！我覺得略為 ”濕” 左d，但整體還是可接受的。菠蘿炒飯滿滿的，最終都食唔晒!食泰菜梗係要食地道的珍多冰及椰汁冰啦！

今日同家人同去食， 叫左四人餐，有咖哩大肉蟹，馬拉盞炒通菜，豬手，菠蘿炒飯，金邊粉。咖哩咸到嚇死人，豆腐湯是味精湯。豬手份量好少，每人一塊。只有炒飯同金邊粉係好食。總括而言，份量不足，味道一般，性價比低。

朕呢排覺得口淡淡，想食啲濃味少少既野，隨從們就即刻有好提議，話說青衣長發商場上一排裝修兼大執位，有好多新舖，而其中一間就係---金泰園！！！一坐底，店小二就推介四人套餐俾朕，話大件夾抵食喎，隨從望過Menu，都話CP值高，可以一戰！咁野食就由隨從發板，朕就只係睇下飲咩就得啦，呢排天氣悶熱，朕就叫左一杯香茅冰降降温！香茅冰飲落香甜清新，又有淡淡既香茅味，咁既天飲香茅冰仲好過飲椰青！先黎小食拼盤，有蝦餅，魚餅同埋春卷，魚餅夠香口，蝦餅又彈牙，春卷又夠多料，加埋個泰式甜辣醬夠哂開胃！跟住就黎朕最喜愛既海南雞，食海南雞除左要滑同彈牙，同埋要無骨，無骨，無骨，啲骨起得乾淨亦都好緊要，同埋個汁都係重點，一個高汁既汁亦都係重中之重，呢度既汁既甜酸度剛剛襯托到海南雞既香味，令人食指大動！豆腐海鮮湯，海鮮都俾足料，有蝦，蜆，魷魚，紫菜同埋粉絲，不過豆腐竟然係用玉子豆腐，就真係估佢唔到！個湯係清甜既！食咁多濃味野，飲個海鮮湯調和下都幾好！跟住就係是日主菜，咖哩大肉㙰配蒜蓉厚多士，大肉蟹真係好肉肉，一口咬落去，啲肉就喺個口度爆出黎，加埋個香濃而又挺身既咖哩汁再配埋蒜蓉厚多士，夠哂大滿足！泰式菠蘿海鮮炒飯，海

屋企1行4人叫了個588套餐，份量勁多，4個大人食到飽都食唔晒。據聞是新開餐廳，個商場都睇得出翻新過，店內裝修都新淨舒適。但清潔方面就要加緊，女廁衛生麻麻海南雞相當不錯，雞皮下不太多脂肪，肉質好軟滑，帶著清香雞味。醬汁帶少酸辣，點少少更可助提升雞的味道。(有時連貴價餐廳都做得沒這個好。)通菜可能未到季節，菜有啲老，火喉有點不夠，味道不夠偏淡。拼盤不過不失，基本都是水平之作。冬陰功酸甜度適中不辣，老人也啱飲。內裡都有料到 - 3隻中蝦，新鮮，草菇秀珍菇等配料，一大煲，人人可飲2碗。菠蘿炒飯又是值得推介! 用料甚多，除面頭肉鬆腰果，裡面仲有提子乾，什豆，蝦仁，當然唔少得清甜菠蘿。飯粒軟硬度好，還帶有椰汁香味，好清新最後是蟹煲，蟹應係新鮮，肉質實又離殼，食得爽。而且粉絲彈牙，炒到一絲絲好分明，食落除蟹香味仲有點花椒味（好少食到呢個味道），見到有一粒粒好細粒綠色籽。成碟好香，好野味甜品2款糕點，無食到，唔評論。飲品無特別，好一般。但作為一間邨內商場食店，無論價錢，裝修環境，服務，食物質素，絕對是cp值高，要再encore的餐廳。家人話平時一人套餐都係40幾，50不到，對於老人家或街坊絕對係佳音

百無聊賴同朋友行去青衣，病左幾日口淡淡想食d開胃嘢，刺激一下味蕾！搵搵下見到長發廣場有間金泰園，即刻同朋友試下！酸辣鳳爪嘅調味做得唔錯，魚露同紅辣椒比例啱啱好，入味得黎又唔會太辣！馬拉盞炒通菜幾有驚喜，大廚用咗大量嘅炸蒜頭令到通菜的香味層次升級，而適量嘅紅椒同鹹魚帶出鹹香，最重要係煮得夠晒獲氣🤩泰式咖喱大蝦嘅咖哩唔係辣味，而係甜香嘅椰香味， 蝦相當大隻得嚟仲好新鮮，鮮味十足無仲雪藏味，肉質仲彈牙厚實🙌咖喱炒飯加入大量蛋白黎炒，所以聞落去已經好香，飯炒得乾身粒粒分明，我鐘意加埋咖喱大蝦嘅汁一齊去食，更香口惹味，兩個人好快就KO左成碟飯！最後佢地還附送左甜品，劃上了一個完美句點。😚