金御海鮮酒家

營業中

休息中

與朋友聚會，一行五人，四個大人，一個小朋友。臨時臨急去這間餐廳也有位，而且是窗邊位，環境也不錯。一開始去到，我們這麼多人只派了一張比較小的枱，隔離枱3人也大過我們那張！但是眼見不是太多人，有很多吉枱，所以我們爭取了比較大的一張枱。服務最差的是，最後竟然沒有問我們要不要糖水，就全部倒了！他們只是為了盡快關門。。。沒有糖水，卻沒有其他賠償，態度也沒有任何歉意。服務員也不時黑面，只想我們盡快離場。我們有小朋友睡着了，所以也要點時間才安頓好嘛！服務員在我們未走的時候，就伸手收碟，不停的有點碰撞，令人不適！中環的酒家可以這樣的服務，真的是有夠差了。希望他們可以受到培訓，改善服務態度。至於食物，其實是可以的。也有配合我們的要求，例如酸菜魚本身要不辣，但是小朋友不吃辣，之後我們也加回辣，也有配合。椒鹽豆腐略嫌皮厚，不夠其他酒店/酒家好味。半肥瘦叉燒熱騰騰上碟，值得一讚，我們亦有encore小朋友指定要吃的炸雞我們點了一份炸雞翼，配泰式辣醬有些雞翼有血水，不是全熟的感覺豆苗還不錯的叫了陳皮鮑魚價錢公道

啱啦嚟到中環這間海鮮酒家飲茶，一坐低就勁期待佢哋嘅招牌流沙包🥢。揀點心我哋夾雜住期待同饞涎欲滴，拍住篤篤枱就捱到第一籠熱氣騰騰嘅蝦餃。 誒，呢啲包就真係皮薄餡靚，入口即溶，蝦又夠彈性，碌咗兩個入肚都未算多。啱哂我哋香港人嘅口味！再來既黑金奶皇流沙包，簡直係今次食評嘅絕對主角👑！包包軟糯，峰迴路轉之下，一啖咬落去奶皇即刻溢出，熱辣辣金黃色嘅流沙啲味道真係得令！雖然吾算多嘢，但係濃濃嘅芝麻香味低涌，實在太滿足。食完甜品，緊接住就嚟個鹹食巨星燒鵝脾。外皮烤得脆嘎嘎，脂美肉嫩，一路送入口一路得意，好過癮。總體來講，心滿意足又驚喜連連，家常啲嘅美味，但係都非常有心思之作。食完仲要拉埋老婆浪漫行個街，算係完美嘅午餐時光。👫💕

今天2023年最後一個工作天,同朋友在勵精中心看完醫生,圖方便,就在3樓的金御飲茶,當時目測,大堂並非太擁擠。男部長問明我們沒訂位,逐盡力騰一張四人枱給我和朋友,負責茶水的女伙計禮貌周周問我們要喝什麼茶。坐下幾分鐘後,一個女部長衝前來,語氣急速無禮地表示您們只有兩人,只可以坐二人枱,不能坐這張枱。我們摸不着頭腦,不是我們自己搵位呀!連捧着茶前來的女伙計也看不過眼,表示是男部長安排的。這位女部長,以不屑的態度,粗暴的回應同事的反映,堅持我同朋友不能坐這張四人枱,極盡粗鄙及傲慢。最後,我當面斥責她無禮貌,即時離開酒樓。如果各位想俾錢來受氣,不防試一試。今天其實沒吃過東西,但評分一定五項必填,真心俾個劣評呢個女部長。

星期六同事聖誕飲茶聚餐，午市不用訂位，約6－7成滿，同事都滿意; 如冇數錯，吃了12個點心，每個質素都有咁上下，包括一人一個椰皇燉蛋白; 有人說這個如果熱些更好，四個入面，一個椰子較老，椰肉吃不了，其餘的連椰肉可以全部刮出來吃，就是一個甜品都相當飽肚; 蘿蔔絲穌卷是我的至愛之一，熱辣辣盪咀的口感很好而且外脆內軟; 燒賣和蝦餃也不細粒; 比起鄰近x湖，點心選擇較多; 吃到一半過了午市才播聖誕歌，其實可以早D播，同細聲少少

Lunch time同事帶我去飲茶🫖呢到d炸野新鮮即炸，熱辣辣脆卜卜😋我最鐘意！同事話呢個椰皇燉蛋白好正，我就麻麻地椰子所以冇試到。覺得呢度既蝦餃同粉果都幾好食，幾大粒，個皮又煙煙韌韌，口感幾好👍整體黎講飲茶食點心都唔錯！

强烈建议不要去这家餐厅吃饭，图片上的3个菜一共收了450元港币，服务态度非常恶劣。点云吞的时候特地问了要云吞面的那种汤云吞，给上的炸云吞皮沾糟卤，还说店里只有这种云吞，是我们点错了。最差的一次就餐经历，非常失望。2个人没有点酒水，加收了40多元的服务费，一小碟炸花生收了20元，最后结账一共450元港币。3个菜中只有西兰花炒蚌片勉强能吃，七色豆腐很辣菜单上没有任何标注。非常非常难吃，强烈建议不要到这里吃饭！

細個嗰陣星期六日放假一定會跟老豆阿媽去飲茶。今個星期六難得同阿媽出中環但又諗唔到食乜好，自然就會想飲茶。🤣喺中環要搵間CP值高嘅茶樓真係唔易。陸羽又唔係我呢啲庶民可以高攀。好彩以前曾經同朋友食過呢間金御，於是就帶埋阿媽來encore。我飲茶一定要食蝦餃同鳳爪。冇食過呢兩樣嘢基本上等於冇去飲茶。同埋一間茶樓如果呢兩樣做唔掂基本上我唔會再去。上次去金御蝦餃係略為厚皮，但未至於差評。今日嘅蝦餃意外地好食。皮有7摺以上，厚薄適中，蝦肉彈牙，肥豬肉同蝦嘅比例大概係3：7。算係近期我食過最好。豉汁鳳爪就正常發揮，唔會好鹹，夠腍。最有驚喜係黑金奶皇流沙包（好似係呢個名）。一咬落去熱辣辣嘅奶皇好似爆漿咁流出來。好耐都冇食過咁流心嘅流沙包！唯一要挑剔就係包皮冇乜芝麻味。如果芝麻味濃就perfect池。另一個驚喜就係燒鵝脾。我好耐都冇食過皮係脆嘅鵝脾😭，而且啲肉仲唔係得個鹹字。好滾動～雖然兩個人要差唔多400蚊落樓係有啲貴，但間中一次ok啦！😂

如果一大班同事喺中環區飲茶，我就會諗起金御海鮮酒家，位置就喺Donki附近，價錢亦唔算太貴嘅酒樓。比較推薦嘅係墨魚餅同埋鮮蝦腐皮卷，上枱嘅時候熱辣辣，應該係即叫即炸，墨魚餅釀咗少許粟米喺入面，食落去非常彈牙，好高質；另外鮮蝦腐皮卷，腐皮好脆，鮮蝦爽口。另外推介嘅係海蜇手撕雞，海蜇脆身爽口，手撕雞係粒狀，兩款食物配埋幾特別。今次仲叫咗燒賣同埋牛柏葉，燒賣大大粒，上面有好大隻蝦，豬肉口感亦算新鮮。另外牛柏葉用咗蘿蔔絲同埋少少薑絲一齊蒸，食落口亦好爽脆。

态度不好，味道差！服務不匹配價格！态度不好，小baby也要茶位费，还没有给茶杯！味道变得没有以前好吃了！真的不推荐！服務費12%也沒啥服務！無語🙄環境沒改善，別家都競爭激烈！但是估計差評越來越多！

晚飯開2枱麻雀，包房要$4000，點晒店長推介，加拿大蟹$398/1隻避風塘炒法（係得，好食），松葉蟹$538/1隻清蒸（尚可）。最中伏係條藍瓜子斑$1180/1條（清蒸），我都仲估緊呢條係咪我選果條，魚缸得1條？！仲蒸到過晒火，鞋到冇朋友！影相比大家睇吓係咪我點果條？！

十幾年前, 我同 “俠女” 同期入行做分析員, 各自各轉工之後都係喺中環番工, 每次約食飯都係 “金御”. “俠女” 搵到新工, 之後番九龍, 今日再約中環食飯, 佢二話不說建議老地方 “金御”, 仲話 “金御” 超級好食, 不過轉頭又話對食無要求, 食飽就OK. 咁即係點?🥰 去 “開飯嘞” 做功課, 共74篇食評, 12笑, 18 Ok, 15喊. 負評甚多, 點解十幾年都唔執笠? 好明顯有佢嘅存在價值.🍽 餐廳地方光猛, 今日安排嘅座位算係闊落, 以酒樓嚟講, 唔算太嘈, 裝修唔算太舊. 今日點咗六款點心.🥢 鮮蝦腐皮卷. OK喎, 脆口, 合格.🥢 蜜汁叉燒腸. 腸粉皮做得唔錯, 唔會黐立立.🥢 金御鮮蝦餃. 蝦餃皮OK, 餡料足夠.🥢 豉汁蒸肉排. 肉排靚仔, 豉汁味好食.🥢 原隻鮮蝦燒賣皇. 唔錯!🥢 瑤柱珍珠雞. 正常發揮.🤗 總結: “俠女” 嘅故事總係驚天動地, 食物嘅味道相對失色, 整體OK, 樣樣夠熱, 合格有餘. 可能客人唔多, 服務正常. 以中環嚟講, 價錢合理, 一分錢一分貨, 地點方便亦係賣點.

今天才年廿八，想不到已經收新春價，全部正價。職員表示由今日起加價，一律正價，而且要加12%服務費，真係好貴，以中環一般假日早茶而言，這價錢可說是加幅驚人。金御平時已是人手不足，服務態度非常一般，但今次突然加價，可說是殺人一個措手不及。職員表示未知道正價會維持到何時，不過以中環這個價錢，相信有更加多比較好嘅酒樓選擇。新年期間真係唔敢再幫襯呢間酒樓。唔至於食物質素方面，由於太少員工上班，以致送餐上枱都比較慢，放到枱面食物已經凍哂，好多時茶壺冇水都冇人幫手沖，坦白說打開門做生意咁嘅服務態度點得㗎，希望這間酒樓能夠深切反省，好好檢討服務質量，唔好價錢就一味係咁加，服務卻不升反跌。而且這間酒樓創先河地加12%服務費，真係有點搶錢，係另類的變種加價，顧客去幫襯真係要相當小心這個價錢上面嘅特別設計。還要值得分享的是，今日去幫襯，張張枱都沒有牙籤，餐廳現在奉行環保節約嗎？怎麼將張張楨連牙籤都沒有，還是都讓茶客拿走了？希望酒樓管理層多加注意！

看來在下的人際關係不差？今天跟同事一起出去吃飯下午茶2：00後入座一律7折茖茶每位 $12看來在下2是真的要再節省一點For這些突然的公司聚會嗯..一如以往在下不動腦筋只負責吃所以全都是同事點的菜式一壺香片 一壺鐵觀音食物就由在下最喜歡的開始吧蛋黃流沙包😋很多時吃到的流沙都沒有流沙而這裡的實在讓在下興奮不只流沙 還可以用溢出來形容味濃而不膩燒汁茄子😋是在下本來就喜歡茄子的關係吧超級熱辣辣地上枱茄子肉肥美加上輕炙過的木魚花香味Hi~ o(*￣▽￣*)ブHi~ o(*￣▽￣*)ブHi~ o(*￣▽￣*)ブ百花釀魚土😋這個是墨魚丸加上蟹籽 底底是一塊塊魚肚磚在下喜歡的是魚土而墨魚丸在下沒有吃好像不大吸引魚肚的厚度就真豐盛吸入汁醬鬆爽又綿綿其次就是正正常常不過不失的排名不分先後羅漢上齋腸蜜汁叉燒腸原隻鮮蝦燒賣皇魚湯鮮竹卷蜜汁叉燒包雞包仔香芋燒腩卷鮮蝦春卷金球咸水角芝麻脆蛋散香煎虎皮椒酥炸魷魚鬚香煎蘿蔔糕炸鮮蝦雲吞最後就是在下今天覺得相比下比較差的鮮蝦豆苗餃 (。•́︿•̀。)皮一直爛 是蒸太久了而且沒有韌性雖然內涵豐盛十足的材料 可惜的皮啊✧*。٩(ˊωˋ*)و✧*。✧*。٩(ˊωˋ*)و✧*。✧

以後永遠唔會再去呢一間金御，其他金御我都會考慮唔去，因為這個係管理嘅問題。希望餐廳及餐廳管理層反省一下。禮拜六晏晝喺中環唔知食乜啱啱見到金御，之前去過其他金御都OK所以上樓一試。入餐廳4:10，侍應生服務OK帶位坐低，叫了幾碟點心完全冇問題，食物大概10分鐘已經到。但係過了10分鐘已經出事。食物啱啱食咗一半突然餐廳熄燈，見咁嘅暗淡環境下食嘢有點唔舒服，所以同侍應生講，講了幾次但係見到佢都冇任何動作，只係話下午茶一般收早，而且就嚟關門。見到佢左望右望，原來望隔離坐喺一台嘅一個女經理，同埋一個白恤衫男人。兩人喺我哋嘅隔離枱食緊快餐店嘅燒雞翼同紅豆冰。見到中年男人望個侍應生示議開燈。原本解釋解釋之後開返燈便冇事，但係開返燈之後我一路食嘢白恤衫男人竟然繼續講話，講香港地大家都知道下午茶嘅時間，關燈係一般嘅事，話我應該知道。我聽到之後覺得真係唔舒服，一路食嘢佢喺隔離一路講，於是同佢理論，話香港咁多餐廳點知邊一間收幾多點，而且入嚟時侍應生冇講到任何時間話幾點閂門，就算如果真係閂早，關燈之前起碼講一聲，預先講一聲我知道便冇問題。但係完全冇咁嘅動作之後仲喺隔離枱講咁多嘢。理論一番之後，佢竟然話佢哋其實

中環想飲茶唔想天價，選擇咗呢間。11:00 前埋單。三個人食咗12個點心，都係三百幾蚊，飽到夜晚。必食即拉鮮蝦腸粉。蝦餃、燒賣夠大粒。韮菜餃三個好大隻。仲有係推介蘿蔔糕，煎得啱啱好。地點要搭office部𨋢上去，好處唔洗等位。點心即叫即蒸。