金島燕窩海鮮酒家 (已搬遷) 新店位置

之前Honey都話想試下金島, 所以尋晚就o黎食…我地點o左…1) 原盅鴿吞燕燉湯(原價$450): 即係燕窩釀乳鴿湯- 燕窩就係女人o既至愛, 所以Honey特別order俾我飲。d湯好清, 而且都算多燕窩, 好味道! 依家燕窩系列仲有八折添呀!2) 胡椒豬肚湯(加辣): Honey就最鍾意飲湯o勒! 雖然個湯係四人份量, 但我地兩個都可以飲晒。佢地個湯同其他潮州酒樓比係煲得好飲好多, 如果再辣d會更好味…3) 滷水鵝片: 鵝片比較"o鞋", 反而鵝件d肉仲滑, 同埋d滷水豆腐好好味…4) 煎蠔烙: yummy…5) 炸雙拼(蝦棗&蟹棗): 兩種都好味, Honey就鍾意蟹棗多d…幫我地落單o個個經理o既服務好得, 我地一order鴿吞燕時即刻大為緊張, 話哩個湯需時較耐, 幫我地落o左單先, 之後食緊o野時又o黎睇下個湯o黎o左未, 見未又幫我地追。仲有, 落單時, Honey想繼續嗌"食送"時, 佢就嗌停, 叫我地食住咁多先, 唔夠再嗌過... 而d o野食都大碟, 我地兩個都食唔晒...哩處o既價錢雖然貴d, 但d食物都有番咁上下水準, 值得一試!

已經黎過幾次, 雖然點心款式唔多, 但勝在好食.先黎6小杯工夫茶, 再order左5樣點心:1. 蒸潮州粉果- 皮夠薄配埋入面d蘿蔔同花生- 正!2. 沙律明蝦角- 食得出d蝦好新鮮.3. 四寶滑雞扎- 可能d滑雞太厚, 有d唔熟, 要拘分!4. 瑤柱珍珠雞- 一籠兩件, 大大隻, 好足料.5. 潮州炸油角- 一定要食, 外形呈三角形, 外面炸到橙黃色, 已經好吸引, 一食落去, 真係一個字形容- 正! 入面d花生芝麻同黃糖混埋一齊, 無得彈!尖沙咀區飲茶, 呢到算唔錯, 值得一去!

服務態度親切, 環境好好, view好正, 房內可以睇到海景, 味道一流, 食到好飽, 飽到連甜品都差食唔落

ｏ黎呢度通常都係食蒸魚、雞、蟹、菜、例湯同燕窩粥。。。水準都有番咁上下！！！當然唔少得飯後甜---芋泥啦~雖然我知道芋泥係搵豬油整、好肥，不過我次次ｏ黎都一定會叫！哈哈~因為我真係好鍾意食！ <br>