金子半之助 (東薈城名店倉)

營業中

休息中

每次經過東薈城都聞到滿滿的麻油香味，原來是餐廳金子半之助傳出的！隨著傳來的香味令我也忍不住進入餐廳品嘗一下，原來餐廳是採用日本特製高級胡麻油,怪不得製成的天婦羅芳香撲鼻！我們點了一個江戶前天丼和迷你天丼配稻庭烏冬。江戶前天丼分量十足裡面包括有蝦，干貝及魷魚海鮮炸半熟玉子、海苔最不得了的是長達30公分的大尾穴子，比手掌還要長！！！穴子其實是星鰻，味道與一般鰻魚相較穴子的魚肉質更為甘香鮮嫩。雖然天丼看起來比較大，但是下層的米飯不會太多，所以不會感覺很油膩，而且秘製醬汁搭配米飯，令人很開胃，蝦子結實彈牙，將半熟的玉子戳破伴米飯簡直完美.迷你天丼配稻庭烏冬：迷你版天丼食材和天丼一樣豐富，有菇菌、海老、南瓜、海苔、莢豌豆及溫泉蛋！店員更會配送一個儀式感滿滿嘅長形木盒，等食客按照個人口味自己加入配料到湯烏冬裡面，配料非常豐富，包括有婦羅碎、蔥花、海藻、鰹魚花和半熟溫泉蛋。再配上煙韌彈牙烏冬非常暖胃。

中午在金子半之助品嚐了一道精緻的天婦羅蓋飯-天丼。 這個天婦羅使用海老、菇菌、海苔以及莢豌豆作為天婦羅的主要原料。 每一種食材都新鮮可口。海老的味道獨特，肉質富有彈性，每一口都能感受到鮮甜。 菇菌柔軟，咬下去就能感受到新鮮的滋味。 天婦羅式的海苔給了我全新的味覺體驗，獨特的味道令人難忘。 豌豆香甜爽口，與其他天婦羅食材形成美妙的對比。最後，我把溫度剛好好的溫泉蛋炸開，看著濃鬱的蛋液流出來，覆蓋每一粒米。 那是一種幸福的享受。 這碗天碗的各個元素都完美平衡，讓我深深體會到了金子半之助的廚藝。

同朋友夜晚去亞博睇show，去之前先喺東涌醫肚，我哋揀咗呢間想食好耐嘅金子半之助，之前喺日本都已經想食！六點前我哋就嚟到，唔使等位～ 一入座嘅時候，店員就先serve咗黑豆茶俾我哋，覺得杯茶都好順口好好飲！之後我哋掃qr code落單，我揀咗個江戶前天丼，友人就揀咗個海老天丼！成個餐好豐富，有味噌湯同少少配菜，啲餸鋪滿成個碗，炸物好香好鬆脆，影相要快手！真係要快啲食先食到佢最美味嘅一刻！而啲飯嘅汁都好好味！最後飲多兩杯黑豆茶，清一清口，非常滿足～

都有好多分店 今次去左東涌個間個位置都幾難搵 要係另一邊搭電梯落一樓Menu唔係好多選擇 三款丼 兩款烏冬食嘅天婦羅都大同小異😌叫左一個江户前天丼 ($138)成個餐包一碗味噌湯同漬物主要賣點係條好長嘅穴子天婦羅好普通嘅魚 唔係特別滑或好食賣相的確唔錯 不過全部都唔脆仲要油淋淋🫠 真係好冇水準本身天婦羅調味又唔夠 飯又唔夠汁性價比真係好低👎🏼另外都叫左上天丼 ($118) 同江户前天丼分別係條魚呢個係白身魚 口感似鱈魚 還好不過都係淋哂唔脆🫠另外有炸蛋、紫菜、蝦、豆全部都係淋哂 味道好一般唔推薦大家試 不過其他分店唔知會唔會好d🫠

今日嚟到東涌東薈城，行完街順便搵間餐廳食lunch。呢間餐廳係商場嘅一樓，食飯時間1點幾唔算多人，店員本身安排bar檯比我地坐，但見到入面都有好多檯，所以轉咗全table位呢間係日本過江龍，今次第一次係香港食，因為鋪頭開係東涌，所以定價都偏低今次叫咗海蝦天丼，入面有大約5隻蝦、流心蛋同埋天婦羅餅（入面係墨魚粒）首先，隻蝦炸得好脆，同埋有蝦肉味。最有驚喜嘅係嗰塊天婦羅餅，入面有粒粒嘅墨魚，同個炸粉都幾夾。下次嚟東涌買完野，可以試下呢間天婦羅專門店

約咗朋友去行東涌東薈城outlet，行到攰左，搵嘢食，一於食天丼補充體力。金子半之助之前我喺第二間分店食過，東薈城第一次食，次次都保持水準。車海老帆立貝天丼喺期間限定，帆立貝天婦羅都係第一次食。首先車海老超巨型，肉質緊致嫩滑, 味道鮮味. 而帆立貝是北海道直送，珍寶size，口感彈牙，咬落去超滿足。一貫作風醬汁精心炮製味道香醇，唔會太多太濃味，剛剛好住啲飯，整碗天丼好有水準。野菜天婦羅盛合想食多啲菜有均衡營養，所以叫多咗個小食，野菜有四款，茄子，南瓜，菇菌和西蘭花，經過高溫短時間的烹調，能夠保持蔬菜的鮮味。

話咁快又完了四日三夜之旅，抵港又快又平嘅回家方法就係巴士去東涌再轉港鐵。去到東涌都7點多，廉航又無飛機餐，餓到爆….決定醫醫肚先回家。好少去東涌，一上扶手電梯就見到間金光耀眼的天丼店好吸引，一於試試。裏面以木系為主，日式裝潢簡約，感覺舒適，座位仲幾多添！選擇有多款天丼、烏冬配迷你天井、單品、飲品和兒童餐。餓了5個多鐘，要食得豐富啲！揀咗迷你天井配稻庭烏冬（$118），有齊兩個組合，正！溫烏冬還配有一個寶盒，內有溫泉蛋、海藻、蔥花、鰹魚花和天婦羅碎，放進滑身的烏冬內，變得更豐富美味！迷你天井都好豐富，粒粒飽滿嘅米飯上放咗多款天婦羅，有菇菌、海老、南瓜、海苔、莢豌豆和溫泉蛋。全部都不錯，最喜歡菇菌，又爽又脆；南瓜就外脆內粉綿；海苔就脆卜卜。最正係將溫泉蛋刺開，蛋黃液滲入米飯中，加埋秘製醬汁，好味得很！見到OpenRice 啲食友推介穴子天婦羅（$68），又試下先！嘩！好長呀！差不多有我上臂咁長，仲好厚肉，勁！食落外脆內肥美軟滑，再點啲醬汁更好味！還有白身魚（$28），同樣外脆內嫩，啖啖肉，完全無骨，仲好鮮美，喜歡！味噌湯 （$8）暖笠笠，有豆腐粒、蔥花和昆布，味道剛好，不會太鹹。

早前抽到兩張昂平360纜車來回車票兩張, 就和老公一起到東涌影Hello Kitty, 再坐纜車上昂平遊一圈, 回到東涌當然要吃餐好的, 就選了有「日本第一天丼」美譽的日本過江龍天婦羅丼飯專門店的金子半之助.  甫踏進店內, 已聞到陣陣麻油味, 原來金子半之助採用日本特製高級胡麻油, 令其製成的天婦羅芳香撲鼻及色澤較深安排好入座後, 店員先奉上一壺黑豆麥茶, 是自家炮製, 可以解膩.點好餐之後, 吸引到我注意的隨了是牆上的櫻花圖案, 還有桌上一個木製小瓶貼著”醍醐味”,  原來是類似七味粉的調味料。用法不是打開上面的塞子，而是抽開下面的小圓木棒將調味粉倒出來。非常別緻, 另外還有品嚐天丼步驟的介紹, 仔細看完後再稍等一會, 美味的天丼就差不多上桌了.  因為每碗天丼都是現炸的，所以要預點時間等侯一下。軟殼蟹天丼 $158非常豐富, 除了軟殼蟹, 還有海老(蝦), 小柱魷魚天婦羅餅, 溫泉蛋, 海苔(紫菜), 莢豌豆(荷蘭豆).  全部真材實料, 新鮮好味, 蝦肉彈牙, 小柱魷魚口感柔軟有彈性, 海苔以天婦羅方式吃感覺滋味, 莢豌豆很清甜, 品嚐完美味的炸物, 將軟棉棉的炸溫泉蛋戮破,

平時間中就會去金子食飯，今次就去屋企附近分店食，餐廳以日式木系裝潢，舒服乾淨。天婦羅丼飯出色，款款都炸得卜卜脆又香又唔油。黑芝麻油調配嘅醬油，味道鮮香，令我成日都忍唔到返嚟食。.同埋每枱附贈嘅黑豆麥茶，都好岩愛養生嘅我😌🔸車海老帆立貝天丼（$168 ）有2條大炸蝦，厚肉爽甜！仲有小柱魷魚天婦羅餅、溫泉蛋、海苔都炸得好酥脆，又唔油。黑芝麻醬油好香，令味道提升。🔸上天丼 （$118）有白身魚、海老、小柱魷魚、溫泉蛋、海苔、莢豌豆，半熟流心蛋、配上美味醬汁、日本米飯，好滿足！附有味噌湯、海藻子薑都好好食😋🔸帆立貝鱿魚天婦羅餅（$28）每次必加點！❤️帆立貝粒粒彈性鮮甜，正！🔸菇菌（$18）上次食過原來炸菇好好味今次再加點口感外脆內爽口 菇味都好濃😋

東涌行outlet，心血來潮想食天婦羅😋期間限定好吸引🤩車海老帆立貝天丼 $168北海道直送的帆立貝和蝦都十分鮮甜彈牙，而且份量幾多，還有小柱魷魚天婦羅餅、莢豌豆、海苔、溫泉蛋，大滿足採用日本特製高麻油，天婦羅香氣十足，色澤亦較深，外皮酥脆，沒有油膩感，而且粉感不重！丼飯均勻淋上古早秘傳醬汁，每件天婦羅都沾上適量醬汁，味道更提升，更有層次，和溫泉蛋一齊撈飯更是一流！迷你天丼&稻庭烏冬(溫）$118+$38 升級轉迷你軟殼蟹天丼軟殼蟹咬落啖啖肉，另外還有菇菌、南瓜、莢豌豆、海苔溫烏冬可自由加入配料(蔥花、海藻、鏗魚花、天婦羅碎、溫泉蛋)口感和味道更豐富；配料放在大木盒內送上，很有質感👍🏻 這種迷你雙拼好適合三心兩意咩都想食嘅我😆

最近朋友們都相繼外出旅行，今天跟剛送機的朋友談及日本時，都興致勃勃的提到日式拉麵跟天丼，於是便決定找個東涌朋友一起去東薈城吃金子半之助😋不久前試過大角咀分店的天丼，發覺與其他餐廳的天丼感覺有點不同，於是便上網搜尋一下，據聞 #金子半之助採用日本特製的麻油，會較深色和特別香；另外，與一般天婦羅不同，因為金子半之助希望每件天婦羅都能沾到特製的古早秘傳醬汁，所以口感上與一般脆口的天婦羅有所不同，絕對是另類的享受😎還有他的天丼加稻庭烏冬組合也很不錯，小天丼加上嫩滑彈牙的烏冬，適合貪吃又胃口不大的人仕專用😁

生日好想食天婦羅🍤，因為喺日本本店食過金子半自助，印象非常良好，超好食，所以就揀咗呢間諗住重拾美好嘅回憶，點知大中伏😭啲天婦羅好燶同埋係淋咗既😑 & 調味好鹹，真係要嗌分開上汁先得😥啲飯軟淋淋、癡粒粒，好唔掂😓 見到隔離枱都食淨勁大碗飯…個麵豉湯又係超級鹹，完全飲唔落口，就連就咁食啲紫菜豆腐都覺得啲紫菜豆腐好鹹，help… 價錢都唔平，lunch仲有收加一然後沒有然後了，今次事件教識我只有日本先會就咁行入一間食肆都好食😭

呢間天婦羅丼咁出名相信都有唔少人知道🍤而我都係今日先至第一次去食😍行完outlet再去嘆翻個份量滿滿既天丼🍚真係咩疲累感都無哂，而且仲有暖笠笠既黑豆茶飲🍵食多碗都唔怕膩。店舖主打係各款天婦羅，而另外唔太中意飯既朋友都可以自選烏冬或者好似我咁嗌天丼配烏冬既選擇試哂兩款🍜。🐒迷你天丼+稻庭烏冬💰$118如果我地嗌烏冬的話就會有埋一盒配料可以任意配搭，例如係柴魚片，海帶，蔥花，天婦羅脆脆，另外呢個set仲會有隻溫泉蛋可以落落去令湯底有蛋花♨️而迷你天丼係主要蔬菜🥬例如南瓜，菇，豆，另外都有蝦同蛋🍤所以要啲蛋汁流落啲飯到食🤪。🐒江戶前天丼💰$138而同樣地呢款都有隻流心蛋，所以都要拮穿個蛋去食，令到個飯更加濕潤🍚而呢款江戶前天丼最特別既就係有穴子天婦羅🐟呢款長過手掌既穴子天婦羅勁滿足✋而另一樣就係有款魷魚餅好煙韌同彈牙🦑

A slight disappointment compares to its other branches. We went in late at night, around 9 pm and they closed at 10 pm. No waiting was needed. We sat down and order our food, took quite some time for it to come (longer than usual?).  We ordered the special tempura rice don and the Edomae premium rice don, and the first thing we notice when they came was that it looks a bit oilier than before when we had them in the Wan Chai branch, then we confirm that when we had our first bite. The tempura was

今日同好友專登來東涌睇outlet買運動野，當然要搵好野食，我同兄弟都喜歡食炸物，所以揀了這間專食炸系列天丼☺️「江戶前天丼」穴子、海老、小桂魷魚天婦羅饼、溫泉蛋、海苔、莢碗豆，全部都炸至脆口，我最欣賞就是海老及溫泉蛋，大蝦大隻爽口，而溫泉蛋炸後仍有溫泉蛋feel😆😆😆 穴子是店內招牌茶，長達30cm,超厚肉身，肥美軟滑，yummy😊「上天丼」與江戶前差不多，只有魚是不同的—赤金鯛，炸後也沒有乾身🥰 正呀！天丼天婦羅不一定是脆口，重點是醬汁，味道野味，令食飯更吸引🍤備註：店內仲有冷稻庭烏及湯烏冬，下次要試下先😉 可以解一解熱氣感😌