金太郎 (已結業)

又去搞影相既野，已經好爽手好快，但都好tired。都係唔諗咁多，又係黎呢度啦。今次要墨丸菠菜拉麵。哈，又中計，睇成為墨丸+菠菜+拉麵。其實係菠菜麵。都幾好味。暖暖要了照燒牛柳飯。另加兩碟壽司，平就係平，但包得真的太散!

不得不讚這間金太郎平價壽司店只限三文魚壽司係10蚊3件，10蚊3件既三文魚唔會比--尾位,有時我都會叫到腩位。推介係蔥Tura 壽司，都係$15 2件。同板前差唔多。還有uni (海膽) 都係新鮮野。$12 / 2件雖然間餐廳既名氣不及板前或北海道好。但food 既quantity 不比其他的差。價錢又唔貴，做個精明消費者，要食好野又何必排長隊食野呢???????

好抵。一行三人，叫了七碟sushi，仲有d係三件一碟，加優惠價的$20一客照燒牛柳飯，及一碗雞扒拉麵，連加一都係$134。

心情好差好差的一餐，唔想食太貴同最緊要快，所以揀呢度食日本餐。好迫。食物質素還是OK,我要了街頭烏冬，阿暖要要原隻魷筒飯，都好味，不過我成日食呢D，會唔會好高膽固醇呢？暖暖還要了兩碟壽司，三文魚係最抵食，$10三件。綠茶無味。講左成幾年都無申請的優惠卡，最後我都申請了。$20用一年，都幾多優惠下，申請得過。

朋友提早收工，約左佢響旺角等。我０岩０岩ＳＨＯＰＰＩＮＧ所以提議上金太朗坐陣．．．都係食返最抵食０既～２５＄四隻手卷（會員優惠）每人用左１５＄坐左２０分鐘（哈）未免有點怪＞＜；

1.27 late dinner星期六around 9pm等位等咗陣，超多人每碟壽司$10至$15不等，小食每碟都係below $20，算抵啦迴轉有d唔太新鮮，例如沙律出水、魚又出少少水，仲搵到一條頭髮喺炸墨魚丸!最好味係玉子龍蝦沙律、三文魚刺身（3片厚刺身只係$15）、炸多春魚壽司、仲有個黑椒汁三文魚(有d沙律醬喺面)、炸墨魚丸啦不過，見佢價錢比板前嗰ｄ差唔多平一半就眼不見為乾淨啦，下次識揀野食就更ok！兩個人食咗十幾碟，飽飽…

其實都唔係太差姐只係D 沙律有少少酸D 吞拿魚有少少霉不過其他都唔錯丫自己覺得呢個價錢食到既唔可以要求咁多其實都物有所值吧而且有很多款色要求無咁高既又想食平壽司可以試一試

新年快樂！！去尖沙咀睇show倒數完，一行肚餓的人去旺角搵野醫肚，有人提議去呢度，我未去過唔知於是無意見。響迴轉檯坐低，未開始叫見到壽司的賣相已經心知「大件事」，見到迴轉帶所有壽司紫菜全部林的，好明顯已經擺左好耐，壽司已經吸哂倒汗水，唔新鮮；見到有極鍾意食的炸蝦壽司，拎左一碟，蝦幼細得可憐，只靠沾上大量麵包糠充撐，食左一件我已經分哂俾其他朋友。壽司唔得，唯有叫個東京拉麵定食求其填飽個肚就算。碗拉麵D湯唔係滾的，食到三分二已經開始凍。其中一個朋友叫左燒牛肉飯，佢分左件牛肉俾我，食落除左覺得佢地加左點酒之外，根本同茶餐廳／快餐店的牛扒無分別；另一個朋友點左銀雪魚，除左鞋同腥，已經再無第三種味道。佢地的三文魚，顏色暗淡、亳無光澤，一睇已經知道唔得。最驚嚇的係果碟跟餐的所謂蟹子沙律，一來已經睇見出哂水，結果我掂都唔敢掂。雖然睇佢的格局同價錢，食材並不能同高級餐廳比，但都成無理由俾D完全唔新鮮的野客人食卦！咁的水準，早知去茶餐廳食好過啦。

同好姊妹、仲有朋友仔最鍾意食三文魚，所以呢度已經黎過好幾次啦，每次必ｏｒｄｅｒ　三文魚壽司，燒三文魚頭，真係好正唷〝其次就北寄貝沙律，唔知點解佢會整得咁鬼好味，一行４人．．食到抱住個肚離開，好滿足啊～

上星期日和男友去這間壽司店食晚飯, 太約七點去到, 我倆坐在迴轉的位置, 己看見出面的三文魚, 壽司等, 好像放了很久很不新鮮, 我們唯有tick紙, 諗應該會新鮮點吧, 點知重衰, 其中一碟蟹子沙津, 我男友竟然食到有隻蟑螂腳, 嘩......救命呀! 食物味道己不好, 連衛生都這樣差, 太過份了.

成日听班FAN讲话呢度D野又平又好吃，寻日同我GF去吃，吃左拉面，几碟寿司同三文鱼刺身。拉面汤底好咸，刺身霉既。所以话平野无好野，呢个真系一个定律。下次请我都唔去

星期日12:00 黎到, 完全唔洗等位, 迴轉壽司仲未有, 所以要order, 亦係比較新鮮既原因.我地兩個人食左都幾多野, 有三文魚刺身, 麵豉湯, 九州拉麵, 牛柳, 多春魚, 同埋幾款壽司. 除左九州拉麵麻麻地(好似五香肉丁味), 其他食物都唔錯, 又新鮮!埋單約$160, 價錢都ok.相片可參考:http://www.fotop.net/thxdtsdd/eat

同朋友們gathering. 其中一個想食日本野, 佢就話黎金太郎.好多人, 等左一陣位.由於我地好肚餓, 一坐低就拎左好多碟野...基本上普普通通冇咩特別好and特別差.銀雪魚好似唔太夠味.金菇肥牛ok.三文魚骨麻麻.本身叫左拉麵, 但漏單... 個waitress都好好禮貌同埋非常唔好意思咁同我地say sorry, 算佢啦.不過其實錯有錯著, 因為果陣我地已經好飽啦...環境麻麻啦, 好迫呀...其餘都冇咩特別.

下午4時多入店,人不多以點紙形式叫菜,下午茶很抵吃有幾款拉面只是13元!!我們點了:1.三文魚壽司:不新解,而且飯很硬2.蟹子沙律:吃了一口已經吐出來,罷明隔夜,沙律一早撈定,已經變成水了,青X和蘿白絲已經林哂,連招呼朋友都唔好意思拎多黎啦,佢地竟然可以若無其事咁比人食!真係欽佩!!3,銀雪魚飯:銀雪魚煎得很香口,配以濃濃的燒汁很香口,雖然是我朋友點的,但我已經以試味的名義吃了一半!哈哈!!4,東京拉面:2X元,很抵吃,很多料,感覺上比味千拉面還要好吃!但味精過重,吃後很口渴!!免+1,埋單70,便宜,但服務及衛生程度實在令人咋舌。隔離客人走後直到有另一班客人來才善後。唉!

前幾日接女友放工, 又去左呢度食一次, 有友人陪同人流依舊一樣, 都係咁多人我最唔鐘意就係呢度既燈光, 青bb咁, d壽司又好唔新鮮, 就算落紙叫黎的, 都係一樣, 反而刺身就ok我地叫左雞飯, 三文魚壽司, 三文魚尤金魚刺身, 曼魚壽司, 仲有其它唔係好記得, 最好食都係個刺身今次值得高興既, 係經理的態度, 因為咁o岩想去洗手間, 但遇到清潔中, 她特意托侍應清潔完叫一叫我, 值得一讚