金域冰廳

營業中

休息中

小妹上星期跟公司去銅鑼灣開會，因為趕時間諗住附近就腳就入去幫襯，當時店內有少量遊客，亦都有幾多位可以坐，由於係遊客區我一個人已經問一位可以坐邊，以免打攪佢哋做生意，收銀話隨便就得晏啲先會多人，直至我點完餐過程都正常嘅，但嘢食一到咗之後，有位身材比較瘦少嘅樓面，間唔中行到我位置就講一個人嚟食嘢阻住佢哋做生意嘅說話俾我聽，附近食客又望嚟我度，當下我只係想盡快食完，算啦當自己黑，直至琴日小妹又過嚟呢邊開會，今次同埋三個同事一齊去食晏，同事就想幫襯呢間，我都已經無諗咁多只係食餐飯，一入去身材比較瘦少果位樓面就指示我哋坐卡位，當時仲有好多位可以招呼其他食客，我個同事睇緊餐牌果陣，有班唔係講廣東話拖喼嘅遊客入嚟，身材比較瘦少果位樓面招呼完佢哋就坐之後，當時位未滿其實仲可以招呼到其他食客入嚟，佢行嚟我哋度無出聲從我同事手上搶走本餐牌放咗喺收銀度，之後無理過我哋，我哋唯有走去第二度搵嘢食希望大家日後有機會幫襯到佢哋嘅話，唔會好似我咁黑，遇到呢啲情況

點了雜菜煲 咕咾肉 開邊蝦和乾煸四季豆 份量足 有鍋氣 好少會特地來寫評論 但這個份量 這個惹味程度真的難得下次來銅鑼灣都會吃！！現在香港越來越少良心店，比起網紅店和滿街的日料更加令人想珍惜香港味道

今日走過本想食面餐，剛好今天面餐壞了，只能改食本日午餐，籠仔荷葉蒸土魷肉餅飯，本想著不會太大，誰知來到來有驚喜。第一，真見到蒸籠第二，真用土魷只是飯有點多了水，如果乾少少更好，如果鼓油在最後給客人時放更好。有飲料加湯送。沒有想過這定店沒有騙人，更有驚喜這麽認真製作的餐廳很少見。難怪生意不斷，在一個旺的區中有一家客人不斷的茶餐廳，確實真的難得一見。

看看冰廳兩個字感覺幾特別，就選了這間總店。本想散叫餸飯，後來得知二人餐包湯，飯和飲品，便叫了兩個餸：沙薑雞及豆腐蒸鱔。一來沙薑雞先，喜歡他們的一小碟沙薑配料，配上厚肉雞件，正。至於鱔，他們用了豆豉來蒸，很美味呢。飯大大碗，胃口少点也需（打包）。哈哈！

今日天氣好熱，下晝在銅鑼灣區閒逛，行到肚仔餓，又過咗午飯時間，經過呢間冰室，差不多坐滿人，入去碰吓運氣，啱啱有張卡位，即刻坐低。下午茶有好多選擇，全部都係$48送埋飲品，有芝士焗豬扒飯，有星洲炒米，酸菜魚連白飯，乾炒牛河，肉絲炒麵等等。揀咗星洲炒米和凍檸茶， $51。星洲炒米，好好味，唔算油膩，餡料足夠，有蝦和火腿；凍檸茶有足夠茶味，炎炎夏天，啱啱好😋呢個價錢，喺銅鑼灣地段，坐低慢慢嘆一個下午茶，👍

我們原本一行三人，想等待卡位，店員指示我們在門外等候。可是當有卡位時，卻被店內其他顧客私自調至卡位，點員不但沒有阻止，還假裝忘記我們在等候，態度極之惡劣。由此可見，餐廳安排亦大為混亂。如果想體驗態度惡劣的餐廳，絕對值得來！至於食物就…原本餐廳以為很多遊客，10分吸引人，卻令人大失所望！

話說入去時，佢安排我1個人坐張4人枱，然後精彩了，食一餐飯被2次要求轉位坐，又話背囊唔可以佔無人坐個位，原來而家變到1個人食食下野，都要求你轉枱坐，妳d位咁緊張，就唔好安排我坐4人枱，坐低食緊野又不斷叫人轉位，真的接受不到這體驗。

特别差！服务态度很差，点餐不停的被催促，去他家消费好像给他们添麻烦一样，起码的尊重都没有。问问题很多遍才回应。最恶心的！背着顾客在pos机上多收钱！这种行为跟小偷没区别，他们应该不止一次这样干。如果在小票上标明服务费，那完全没问题，但是他们没有事先说明，就偷偷么么输入比实际消费高的金额。回头去找，还想赖账不承认，态度及其恶劣，不给购物小票，而且一点歉意没有。味道也很一般，难吃的不行。非常的不推荐！整家店极其不专业，小偷店铺！

同班朋友響銅鑼灣做完嘢搵地方食宵夜，行過見到冇乜人又睇落都叫做裝修比較乾淨企理就入咗去食。餐牌就唔記得咗影，不過總括嚟講都係一般茶餐廳嘅種類，坦白講都冇乜睇到有乜嘢特別招牌嘢可以影。我同其中一個朋友都係嗌咗一樣嘅嘢，就係餐蛋麵餐佢又跟埋一份丹麥多士。餐蛋麵因為真係比較基本，所以唔會有乜嘢好或者唔好，兩碗麵隻煎蛋有少少唔同，一隻生啲比較似太陽蛋，另外一隻就應該比較熟咗啲，整體食落就係四平八穩。丹麥多士亦都冇乜特別，都係熱熱地嘅，叫做甜得來唔會太甜，食完之後又冇乜特別印象咁樣。另外一個朋友就叫咗個肉碎麵，望落去都幾吸引嘅，問咗個朋友，佢都係話食落去冇望落去咁吸引，但係都係四平八穩冇乜特別，另外佢都係跟一件丹麥多士同埋奄列，今年都係好似早餐咁薄薄地一片，有啲火腿絲咁就完啦。跟住凍檸茶同奶茶都係一般貨色，凍檸茶嘅茶味唔算泰龍，奶茶亦都係一樣，唔係啲乜嘢特別香滑嘅奶茶。整體嚟講就係一間如果冇地方食嘢，佢又有位嘅可以去食冇問題，其他嘅嘢就要等下次有機會先再試。

下午茶，求其入間茶餐廳，心諗住間間都差唔多架啦，邊間有位就入啦。坐低哥哥都有細心講下午茶餐牌係邊。叫佐個菠蘿油餐，唔使煮，實好快有。只係叫個菠蘿油凍奶茶，個菠蘿油好似比人坐完咁扁佐，都算，食落肚都係一樣。點知咬落去，硬過我條命⋯只係一個菠蘿油，無難度可言呀嘛！一間茶餐廳，連咁基本嘅野都整唔好，好趕客。唔好怪舖租食材貴，所以要將貨就價囉，根本就係求其做。茶餐廳係香港地道美食，如果我係遊客，都真心覺很好伏囉。

食過幾次早餐因為近番工，早餐會令我想再幫襯因為有丹麥多士。晚餐食過一次漁香茄子米， 味道一般，但當時有辣椒油算係救一救碟米粉。而今日我都係食早餐，今日個麵比之前食既淡味，落左小小鹽後再問一位女樓面拎辣椒油佢比左一小包， 隔離枱客人都跟我拎左包，佢地都話想拎多包覺得唔夠之制。我就問左樓面可唔可以拎多包 個女樓面就同我講每人得一包！之後既要收$1蚊包態度唔特別有禮都正常（因為茶記嘛）但真係十分驚訝 係到即食拎多包都要收錢 😳

這間茶餐廳食物一般到一般，接近伏的階段。我點的鹹魚雞粒豆腐煲幾乎找不到鹹魚，味道很淡， 價值$119元。最離譜嘅係我問樓面攞辣椒油，他給了一包包裝式辣椒油，我再問他多攞一包，他竟然要收一元一包。從來冇去過茶餐廳需要俾錢加辣椒油。這應該係茶餐廳慣常免費供應的配料嗎！ 沒下次了。另外茶餐廳有兩個電視，其實都不是給客人看的，因為一個播著viutv, 一個是播著明珠台。其實都是他們自己的個人喜好，一般都會播新聞台或無線。只能說這個餐廳好像沒有管理一樣。

咁啱有野要做經過銅鑼灣，趁中間有少少時間，諗住食少少野，就隨便揀一間茶餐廳坐低。坐得茶餐廳都唔係期望好好環境同服務，志在有杯奶茶過下口瘾，無諗到少少願望都咁難。入到去見唔太肚餓就選擇咗炒公仔麵同凍奶茶，老銅來說45蚊算係咁，唔夠5分鐘野食就上枱奶茶口味習慣性叫少甜，但仲係好甜，無乜茶味，一兩分鐘D冰就溶晒，感覺似係少冰咁；炒公仔麵明顯係預先炒好一堆等order，只屬微暖，最後再隨便掉幾舊豬扒落去，好籤運既我成功抽到全骨。草草食完就埋單走人，相信經過都唔會再戰。

自選排餐簡左燒汁雞排蛋飯係銅記返工真係唔多野揀想快靚正又要飽唔追求咩質素呢間都尚算可以係個quick lunch男人的浪漫一個人獨食快快食完快快換下一枱入想fancy d勿入

賣相麻麻！但食落又幾好食嘅茶餐廳🤭🤭而且仲好抵食😂兩個人食左兩個餐,但最後打包咗一個火腿奄列熟咗咗少少,熱狗個包又叮燶咗 ,不過就冇影響口感,同埋味道😚奶茶/凍鴛鴦正常！牛扒好淋,完全唔韌,食咗咁多嘢,先112蚊,抵食👍🏻