金坊泰國美食

營業中

休息中

睇戲前先黎食個午餐，初到貴景，唔知有咩好食，睇左陣就落單啦，點知落完單後2分鐘，店員遞上下午茶餐牌，哈哈，只好安慰午餐貴啲但大份啲嘅。見隔離枱有水飲，我地又問侍應姐姐要啦，點知佢叫我地自去人地張枱度拎就得㗎啦，咁得意？咁好啦，我地不問自取啦，多謝～泰式炒通菜（+$5）跟餐可以加小食，要左個炒菜，雖然隻碟係豉油碟size，但炒得幾好味，個汁夠哂濃。冬蔭功湯香茅豬扒金邊粉（$45）朋友要左湯粉，一睇就知個冬蔭功湯……唔掂啦，淡黃色，唔酸唔辣無香茅味，仲要水歸水路，差。一早煮好嘅金邊粉就咁放入湯度，仲係一舊咁，可以當麵包點湯咁食。黃咖哩豬肉飯（$48）自己要左特餐，份量極大，一大碗咖哩同飯。咖哩好重椰奶味，但好稀，係一碗咖哩湯黎，肉片叫住係幾嫩滑，味道合格。超多飯，咖哩汁又多，可以整到變成湯飯，食完飽到今晚。凍檸茶正正常常，勝在凍飲不用加錢，同夠哂大杯，天氣熱飲佢一流。食物味道唔講，算係價錢合理份量大，一定食得飽。

金坊係荃灣咁出名，相信好多人唔係住荃灣都有去食過係黃埔行完街之後有d雅興過左民泰街個邊揾食，見到係來自荃灣既金坊喎～一於入去會一會佢唔知道係咪紅磡呢頭太多好野食，呢間金坊同荃灣個間既人氣真係差好遠，都唔洗等位仲要係門口拉客不過講真呢一入去間餐廳真係唔係好舒服，因為有陣味道，d 味似係漂白水放耐左有d upup 地既臭味咁之後地下又好似污污糟糟咁，好彩今日唔係著拖鞋咋講完餐廳環境就講野食啦係門口已經見到有新餸既廣告，就係香辣汁炒花膠！花膠呢樣食材真係好好食呢，貴價花膠有佢既淋，平價花膠都有佢既chewy 上菜啦！！好香呀！！泰式香辣汁好香又惹味，仲有d 洋蔥、三色椒一齊落穫炒d 花膠既份量好多無渣流灘叫呢個餸係highly recommend 叫啤酒的，因為辣辣地個餸又熱呢飲啤酒係好適合不過d 花膠始終係平價野，所以都有佢缺點既就係花膠入面有d 硬硬地既野，好似有殼咁。而且d 花膠有d 硬呀，未免太過chewy 啦食到口都攰埋呢個餸既份量真係好多，可以四個人share黎食，咁樣牙較無咁攰可以食得enjoy d

本人是晚10月7日已訂了三位六點半 ，當時6點20分已經有兩位到了， 以他們的規矩有半數人以上可以入座，但直至等到6時35分，沒有座位給本人，本人問門口侍應生還需要等幾耐時間才能入座，她給我的答案是要等多一陣，我再一次問她要等幾耐，本人已訂了座位為何沒有座位給本人，她說定了坐位都要等， 唔知要等幾耐， 今時今日咁嘅餐飲服務 極差， 本人訂咗枱與未訂枱有什麼分別呢咁本人何需要訂枱呢？ 而沒有訂座的客人可即時安排入座😤😤😤

話說紅磡有間食開既泰國小店執左(其實執左好耐)想食泰菜而門口姐姐又非常殷勤，笑容滿面，門面幾靚，就揀左，平日夜晚幾旺場，入遲一張就要等入到去裝修算係相當唔錯，幾有特式又夠泰，侍應都係泰國人多，有講泰文坐落都舒服既，位亦企理，服務都ok好，笑容親切餐牌花多眼亂，有傳統野，亦有時令推介，望落去都好吸晴亦俾佢吸引左叫左條推介既魚野食黎之前有個大讚位，叫左象啤，黎到時俾埋個玻璃杯而個杯係象啤杯成日都話飲咩啤酒就要俾返個隻杯，一來襯，二來人地設計個杯係會突出返佢隻啤酒既味道同特色係外國依啲係基本先黎左個乾炒雞肉河，味道唔錯，正常泰野，好肚餓既關係加左分份量都幾多下既，亦夠乾身之後黎既就係燒豬頸肉，風味幾唔錯，酸辣味都幾正如果咸味或者魚露味出啲就會更正，份量就頸多，食極都食唔晒最後就係被推介既冬陰公湯大眼雞，本身想食明爐烏頭，但佢個menu影到依個好靚，又有個爐，又話時令食大眼雞，所以叫左，黎到個樣係靚同有派頭既重點黎喇，個湯濃到漿咁，食落口都唔知係飲汁定食啫喱，個味與其話冬陰公不如話係咕嚕肉汁好似將李錦記打邊爐個醬放入口咁，溝左幾次水先好啲個魚又一大伏，個樣已經唔太好，半熟上枱有啲湦味，淥左入去

中秋節原本book左枱, 我地一家大小有老有嫰提早左5分鐘到達餐廳，我屋企老人家入到去坐定了。但突然金毛胖女人(我聽到門口侍應叫佢經理)叫我地出番去，仲要好無禮貌丶粗聲粗氣。正當我地百思不得其解時，就知道原來因為我地一早book左的枱佢臨時俾左其他人。仲要係我地無取消booking 的情況下。🤯🤯認真同各位街坊講佢地安排認真混亂，仲要無得罪佢情況下俾個金毛胖女人呼喝。野食好唔好食我就唔知，但咁的服務態度認真不了。

想延續暑假去旅行渡假的感覺，所以早餐想吃得另類一點。突然想起了紅磡的金坊，因為每次去泰國旅行，泰式早餐都吃得特別開心特別豐富，就立即去了紅磡一趟。金坊的泰式早餐很豐富，我和老公都叫了黑松露香嫩炒滑蛋配沙嗲豬軟骨米線。炒蛋加了松露，格調即刻提升，比港式茶餐廳的炒蛋加香！蝦餅是比較細塊，不過作為早餐，份量也不過不失。沙嗲豬軟骨米線的沙嗲湯底不太濃，如果早餐吃，都尚算適合。不過老公喜歡味濃，說其實想會泰式辣肉碎米線，可惜今次我們成上午成11點才到，所以一早沽清，下次一定要早起去試一試。

約朋友食晏，但公司太多突發事件，太難預料，一定要揀較近嘅餐廳。而食晏時段又被逼延遲，搞搞下就兩點... 點知錯有錯著，嚟到金坊發現原來兩點已經有下午茶，嗰餐仲包野飲同小食，好平 😂我要左鴨肉船河，泰式甜品，凍檸水。味道普通正正常常，稱唔上精彩，但乾淨衛生食得落口。除左鴨肉煮過火整到幾「鞋」之外，配料豬紅同蘿蔔都幾好食。豬紅夠滑夠大件，唔太鹹；蘿蔔夠腍又入味。河粉份量唔多但夠食。朋友食正宗遊船湯河，都不過係鴨肉變豬潤，味道應該差唔多。咁平咁抵，得閒食下無妨。

中午去左紅磡搵野食行過見到呢間泰國菜好似幾抵食午餐只需$50左右於是一試入到去好快就揀好野食有個男侍應亦都幫我地落左單不過，我地一直等左20分鐘乜野野食都無，野飲都無偷聽之下聽到店員好想話我地係度齋坐唔落單於是我地主動問店員，先知無落單！跟住店員幫我地落返單，野食都好快到，不過一句都無交代到漏單問題...野食方面海南雞唔錯，雖然係雞胸位，不過都幾滑！豬頸肉正常，整體份量亦都好多，而且仲有菜，幾好。白咖喱燒雞脾飯咖喱幾香，幾好餸飯飲品方面，原本我係叫菠蘿沙冰走甜...但最後無走到...所以好甜。整體黎講，食物唔錯，但服務質素有待改善，當日只有兩三檯客都處理唔好，如果人多真係不堪設想。

之前光顧過荃灣的總店，今日來到了紅磡，這店也開張了好一段時間了。菜式選擇多，各款菜味道上都很不錯，但相比其他泰國餐館，金坊明顯上定價比較高！如果價錢可以調低一點，會覺得比較上實惠與值得。海南雞飯配例湯，雞肉無骨，肉質嫩滑，飯粒帶點甜味，香香的！柚子沙律有點辣，其實可以選擇不辣，想惹味點便要了小辣，但原來小辣也已經比較辣了。香葉肉碎炒飯，用的是豬肉碎，辣辣的，也不錯。最有驚喜的是椰皇沙冰！真的超好喝的！芒果沙冰就喝得多，椰皇是第一次呢！將椰皇起肉，拌碎，原個椰子水，加碎冰！冰冰涼涼的！超超超好喝的！

黃埔民泰街多野食就係人都知嫁喇，多年前係荃灣食過呢個餐廳一試難忘，今次突登黎黃埔食早餐。叫左個煙肉牛乳粉蛋白，蝦餅，蒜香包，再加埋扎肉湯河凍0茶。$36 埋單😛😛😛 全部新鮮即整，真係平靚正呀

對於鍾意食泰國菜嘅我哋一班poly學生，好難唔一有多過一個鐘嘅lunch break，就會把握機會嚟到金坊食泰國嘢 因為佢有每日嘅午餐精選，每逢唔同嘅日子都會有唔同嘅選擇， 所以我哋永遠都唔會食到厭 佢嘅泰式金邊粉，海南雞飯，青咖哩都係我哋每次必定會叫嘅菜式！ 佢嘅咖哩都好出色好惹味椰味好重，仲有好多款，有啲我唔記得個名啦！ 特別一提佢嘅特色飲品…椰子雪花冰係一絕嘅 佢有好多細細粒嘅椰子肉打碎係個杯飲品入面，淡淡都會食到椰肉，又唔會太甜，夏天炎炎，午餐有佢真係會有少少覺得自己去咗泰國咁！(無誇張)

真係好少咁harsh但係真係好難食...個日同個friend食生日飯，見佢仲要排隊，又諗住泰菜點都冇死，就叫咗以下嘅餸馬拉盞炒椰菜全晚最合理嘅菜，雖然都硬d，但係唔會過咸，所以最快清咗炒貴刁嘩呢個一上菜我以為叫錯咗廈門炒米，d色係橙色，真係第一次見...食落係廈門炒貴刁嘅味，酸酸甜甜，完全唔辣，真係好奇怪咖哩軟殻蟹終極大佬！！！個汁味道正常，但係凍凍地，個蟹就熱嘅，但係層粉厚到同隻蟹差不多，搞到我都唔知自己食緊粉定蟹...

今天為了去嘉禾睇戲，又到了黃埔這頭獵食，眼見某次星期六這店外排滿人，見今天閒日無咩人就心郁郁嘗嘗吧！一入去就聞到店中有股味道，像是公廁用的潔廁液，那一刻真的有點後悔進了來，來了又不好意思走，唯有照單點菜，希望美食能安慰一下心靈。由於平日我們吃泰菜必點生蝦，但朋友看見這店雖有華麗的裝潢但頭頂一直有好多蚊飛來飛去，冷氣又頻頻滴水，再加上那股揮之不去的潔廁味，令我們只敢點幾道熟食試試罷了。馬拉盞通菜基本上，一間泰菜館沒可能會失手的小菜，可惜這裡把通菜炒得過火了，失去了她的翠綠，而且多油又欠缺鑊氣，再加上有太多汁，那些汁多到好像浸住菜般上碟。燒雞味道甜甜但又不是十分惹味，假如你有吃過KFC的蜜糖燒雞，正是那種味道，但雞是比KFC較為嫩滑，當然價錢也是KFC一倍。值得一提:點雞的醬汁沒什麼味道，多此一舉。紅咖喱(牛肉)味道最為正常一道，但其實與自家煮的椰汁溝紅咖喱醬味道一樣，而且這裏汁多料少，一個要差不多一百元的小菜，每塊牛肉只有手指一節那麼大，我們每人只分到三至四塊，蔬菜只有約三隻開三邊的泰國茄子加幾粒菠蘿粒，完全是靠汁撈飯飽肚。總括來說，這是我吃過第三間難吃的泰菜，樓面大部分是泰國人，但廚房

一同三個朋友仔一口氣叫左五個菜 ：泰式生蝦🦐蝦肉好新鮮啊 一啲雪藏味都冇😍將隻生蝦包住塊生蒜 配合埋泰式甜酸醬汁咁放入口 肉質厚實、爽口、鮮甜之外仲帶有一泰式西檸既酸辣 正呀 ！ 生菜碎肉包🍞其實我平時就鍾意唔鍾意用手包住d野咬 真係好麻煩 不要佢呢個肉碎個汁係非常醒胃 我食完第一塊我忍唔住要再食多塊 因為佢炒既香料好配合 仲要食到少少我至愛既香茅同南薑味😋 作為頭盤就最好不過啦鮮蝦🦐炒金邊粉 沒有驚喜的泰國標準 哈哈 去食泰菜我永遠都一定叫炒金邊粉或海南雞 今次我揀左前者 因為佢炒得好好食 炒得夠乾身 加左少少泰國蝦米仔乾提升鮮味 花生碎豐富左個口感 已經係我標準尺度 所以我話佢無驚喜😂馬拉盞炒芥蘭🥦香口、惹味、加入豬肉碎炒香 係令你食唔停口 食唔停手 👍🏻👍🏻👍🏻燒烏頭 🐟原條頭連魚鱗燒 入面充滿黃油 肉質鮮嫩 配合泰國甜辣醬 可以遮蓋到烏頭本身嘅草青味 本身怕食烏頭嘅朋友不妨試試👍🏻

今日下午茶落左去食呢間泰國野 因為呢間下午茶抵食 叫左個海南雞飯 我唔知我有無聽錯 佢個飯唔係用一般雞油整到黃色 而係煮啲薑流出黎既天然黃色 飯好食 雞又多雞脾肉 連埋有蒜蓉個個醫食 正 跟餐個冬瓜湯個感覺應該真係無乜味精 凍飲好似係唔洗加兩蚊 下午茶 埋單$46 算係咁