金坊泰國美食

營業中

休息中

食過咁多間泰式，最難食都算係呢間，香茅雞翼無香茅味，炸粉太多，淨係放D香茅係面就檔香茅雞翼，泰式炸豬手仲離譜，淨係食倒炸粉味，個樣跟食譜簡直兩回事，食淨一半，軟殼蟹一樣唔掂，超咸，最正常就衹得豬頸肉湯河，唔會再幫親😡

突然想食泰菜，去了這間。門面看已經好泰feel, 很多泰國的佈置。點了些喜愛的泰菜。這是每次食泰菜都必食的炸蝦餅，味道不錯，好評！推！海南雞飯，雞很好味，份量也不少，雞油飯飯香、不油膩，好評！為了食薄餅，就點了綠咖喱牛，牛肉有點硬，且有雪味，但綠咖喱味道很好，點薄餅很美味。薄餅份量略少，多兩片較好。泰式炒通菜，比其他泰國餐廳好味很多，好評！這個有驚喜。飯後有少少甜品送，甜品也很美味。總體來說，食物很好。

大大推介嘅泰國餐廳抵食之餘 份量超級多 性價比極高邊到搵到咁抵食嘅泰菜🤩賣相似普通碟頭飯 但完全唔簡單會再回頭😋✨冬陰功豬肉炒金邊粉 $56咁嘅價錢包左餐飲同冬瓜湯冬陰功味道唔太辣 勁有鑊氣份量多得驚人 兩個人都食唔晒成碟野唔油 唔會太濕口 勁多豬肉 仲有唔同配菜真心推薦👍✨泰式無骨豬手飯$56豬手勁軟身 而且肥瘦比例均勻仲有泰式辣醬點下如果滷水汁多少少配飯更好龍眼冰跟餐只係加$6究竟呢個價錢仲可以邊到搵重點係勁足料 勁多粒龍眼肉✨酸辣鳳爪沙律 跟餐+$18份量就普通 酸酸甜甜✨泰式炒通菜 跟餐+$28又係好大碟 炒得好惹味最後頂住肚咁走🫣呢間仲有其他分店真係值得一試 餐廳仲有泰式裝修仲有好多野想試 奈可飽得濟下次再幫襯❤️👍

第一次食呢間泰菜，門面望落普普通通，但食物味道整體唔錯。坐位算係闊，都舒服既。侍應服務態度正常，唔收服務費但水要每位$3。叫左三樣野，黃咖哩豬肉正正常常，豬肉唔夠爽口但咖哩送飯都幾正。海南雞同蝦丸都好食，特別推薦個蝦丸。野食係幾好，但賣相用既碟就普普通通。叫左杯芒果沙冰，幾好飲得黎大大杯。我覺得價錢算合理（冇加一）。提一提，餐廳入面擺左幾多佛像既擺設，都幾重泰國當地特色。如果介意或者有個別宗教信仰既朋友要留意。

平日一至四呢間泰菜都會有支裝啤酒特價，今日我哋又黎食咗我哋最愛嘅咖喱軟殼蟹$168，今晚個咖喱汁煮得好杰身，可能落蛋多掛，令到我哋嘅蒜蓉包唔係好掛到汁，但味道依舊好好，算係性價比唔錯既一道咖喱，加埋即焗蒜蓉包條$38簡直係絕配，今晚改改口味叫咗一個馬拉盞雜菜粉絲煲，馬拉盞味就唔係特別濃，但都叫做有個煲仔上keep住個溫度，食落都還可以嘅。btw 唔明點解水喉水都要收人三蚊個(收銀妹妹話因為本店冇收加一服務費）🤷🏻‍♂️

踫巧今日屋企突然無水，而且天氣好熱，真係要去商場冷靜下！今日想食泰國菜，趁早可以食個午餐頂成日 ✌🏼(168斷食中)第一次來金坊，分別叫了兩個午餐：1, 海南雞拼豬手飯 + 椰皇沙冰 (特飲加少少錢)：味道唔錯，而且份量都多。我一個女人仔食唔晒，要老公幫手清埋。我自己鍾意海南雞多d，因為夠嫩滑。椰皇沙冰幾特別，第一次試，味道清清地，唔會好甜，而且仲食到椰肉 👍🏼2, 馬沙文咖哩雞脾飯 + 椰汁黑珍珠涼粉冰 (特飲加少少錢)：味道唔錯，個汁甜甜地，好得意。雞脾肉夠嫩滑 👍🏼係我地自己有誤會，以為黑珍珠即是台式珍珠 🤣 不過都好味道。另外追加小食：蒜蓉飽條 ＆ 沙嗲雞串燒：雖然普普通通嘅款式，不過好味道。例湯竟然有冬陰公湯，好開心 😱🤩感覺係泰式茶餐廳，整體味道唔錯，份量亦好大方。食午餐嘅好地方，抵食好味又大份！

有時想食泰國菜又唔想落九龍城，哩間都叫幫到手😂，近近地又唔使坐得咁迫夾，今日叫咗個咖喱軟殼蟹，其實都係為咗食蒜蓉包條🙈，不過佢個咖喱甜甜地辣辣地幾好味㗎，軟殻蟹亦炸到脆卜卜、當然唔少得主角蒜蓉包條啦，我估呢個都係佢哋嘅招牌菜😂，麵包好厚好大條，落咗勁多牛油同蒜蓉焗，用嚟點咖喱真係不得了、另外都叫咗個生菜包，如果唔食得辣嘅朋友，記得叫佢走辣，因為都幾辣㗎，最後我想講，佢嗰度有個啤酒優惠，寫住逢星期一至星期四係有特價，食飯當日係星期四，不過埋單係正價，應該又係果啲假期前夕🤦🏻‍♂️餐牌當然冇寫明，我都費事同佢坳🌚希望餐廳留意下啦。

今日過新都地做嘢，忽然好想食泰國嘢，見評價唔差，就去一個人泰菜午餐！馬沙拉咖哩燒雞髀飯，雖然知道馬沙拉雞髀係甜既但冇試過甜到咁既地步，係甜到少少咖哩味都冇，至於隻燒雞髀乾到呢，講真大快活既下午菜燒雞髀好食過佢！馬拉盞炒通菜食咁多次馬拉盞炒通菜，最健康今次，清淡到呢，正常少少辣好惹味，但呢碟清到唔覺辣又唔惹味一定啱小朋友食！春卷加蝦餅春卷應該係交嚟唔係自己包，所以工常！蝦餅就，我未食過咁粉咁膠既蝦餅！冬蔭功（跟飯送）有冬蔭功味，但少少辣都冇，得酸酸甜甜既味！青檸梳打杯青檸梳打唔知係呢間餐廳係咁定整果個冇落糖水（因為有D餐廳真係唔落糖），冇咁味，少少酸！總抱嚟講我唔會食第二次！

與朋友上司相約飯聚，為了相就他的住處小的特意訂了荃灣區的雞煲打邊爐。朋友喜歡火鍋人所共知，甚至乎於辦公天之生日午飯也居然選擇重慶火鍋。那天臨時有約談洽生意，結果一大班人為他慶生，朋友與小的卻兩個人趕頭趕命地喪吃半句鐘，然後屁滾尿流地跑去見客。辛苦了一大輪，展轉反覆聯略更進，最後還是白白地撲了個兩頭空。雖云天道酬勤，然而時運卻絕對地掌握了成敗的契機。沮喪失落了一番，日子還是繼續地過。然而在晚飯當日天公忽然下起滂沱大雨，由黃雨到紅雨，雷暴警告、山泥傾瀉警告一併生效。如廝狀況又怎能跑到無遮無擋的荃灣工廈去？結果咱們唯有臨時變陣，朋友專誠跑到將軍澳來。居所接連地鐵與商場絕對屬完美配套，居民可無懼風吹雨打、日曬雨淋，難怪地產行家最喜歡講一句：Location，Location，Location！朋友乘坐地鐵直達將軍澳寶林站，咱們便於地鐵上蓋的新都城商場尋食去。新都城商場分3期，其中1與3期比較細小，存在著許多的街坊舖與自營小店，至於2期的大型商場則是重點栽培，大型超市、千色店百貨，還有連鎖集團林林總總。這一陣子還開了許多的餐廳，莫以為僧多粥少，寶林區就是存在著龐大人口，只要定價合理，在暢旺時段食

店內裝飾好有泰國風情feel🥰舖裏面積寬敞,有卡座位置寬闊舒適服務員招呼殷勤有禮貌😊生蝦 $133肉質爽口,夾住生蒜片配酸辣醬汁好惹味😋馬拉盞炒通菜 $88菜夠鮮嫩, 炒得好惹味😋泰式炒椰菜苗 $94菜苗有啲大條,亦有啲老泰式醬汁炒, 有少少辣味辣度適中,所以菜苗咬落有少少渣, 都可以接受😉冬陰功大蝦湯$118（小）$148（大）辣味適中帶椰香的湯湯內配料多大蝦亦夠口感青檸汁燒牛排 $118牛排切開一片片, 好juicy👍配合青檸檬醬汁,口味清新🤩泰式炒飯 $88炒飯唔係好乾身但容易入口,味道都唔錯明爐烏頭$168配料夠曬豐富但略嫌魚肉味有少少腥不過點辣汁吃, 味道又唔錯餐後彩蛋奉送椰汁大菜糕👍

由中學食到而家嘅泰國菜，一直都有食係因為佢大份兼抵食，每一樣嘢嘅份量都好多！燒豬頸肉上枱時微熱，口感夠爽彈，肥瘦均勻！而且我都好鍾意佢個醬汁，好惹味豬肉肉碎生菜包呢間好抵讚嘅係生菜夠多夠完整，平時最驚食到啲爛生菜嘅生菜包，呢間就冇問題啦！而且豬肉肉碎都有得小辣，有得調整都幾好！雞肉青咖喱咖喱份量多到不得了，完全夠四個人分，而且裏面嘅蔬菜配料都好多，青咖喱椰汁味都好夠！冬陰功金邊粉成大個湯碗咁上，又係兩三人份量，冬陰功夠酸夠辣，香料充足，咁樣食又有湯又有粉，抵食！

門口幾泰🇹🇭feel主餐到齊，影張📸全家福先炒鮮蝦🦐金邊粉（$92）Fried Cambodian Rice Noodle with Fresh Shrimp炒金邊粉多到好似唔使錢咁，大大碟。大廚炒得好乾身，配埋大大隻嘅新鮮蝦🦐，口感一流。旁邊有好多泰式醬汁勞嚟食，任君選擇泰式紅咖哩（牛肉🐮）（$98）Red Curry in Thai Style (Beef)泰式咖哩辣🌶️得好香，食落口啲辣段段有。小妹認為咖哩一定要配包🍞或者薄餅點嚟食，先至係最夾。蒜蓉包條🥖（$50）Mashed Garlic Bun Strip佢呢款蒜蓉包條🥖點咖哩，簡直係perfect match。一定要成條蒜蓉包🥖沖涼咁🚿，浸曬咖哩汁先最惹味。椰汁🥥黑糯米飯（$60）Black Glutinous Rice with Coconut Juice 黑糯米食落口暖笠笠，點埋旁邊嘅椰汁🥥，好煙煙韌韌。枱面見到「打卡免費送甜品」，梗係唔執輸打下卡先。 ----------金坊泰國美食 (將軍澳)將軍澳貿業路8號新都城中心2期2樓2016號舖

呢間泰國菜原來我大約半年前已經幫襯過荃灣分店，個陣食都已經覺得好吾錯，今次黎到寶琳新都城，睇吓個水準得吾得先🙈入到去我覺得環境同空間郁好闊落，兩個人都會安排4人坐位，吾洗同人迫，可以坐得舒服啲。店員服務都殷勤招呼，都幾nice 😊🔹包蛋海鮮炒飯 $88首先都幾欣賞佢既炒飯，佢個炒飯吾係好乾身個種，係加左啲醬汁落去，加上佢啲海鮮份量都吾少，有帶子、蝦、魷魚等，每啖都可以食到海鮮食材，係我鐘意既炒飯味道，值得推薦👍🏻🔹泰式海鮮雜菜煲（少辣） $88呢個雜菜煲係可以揀番自己喜歡辣既程度，有（大辣、小辣），而我地就揀左小辣。雜菜煲係新鮮製作，上到枱仲散發住個「熱」蒸氣呢。食落超級惹味，仲再有少許辣味，完全刺激左我個味蕾，岩哂送飯食呀。🔹燒雞（半隻） $108一上到枱俾隻雞個光滑面吸引左🙈🙈真係燒得好靚，金黃色的。除咗外貌吸引之外，食落味道都好得👍🏻，佢吾單止外皮脆、雞肉嫩，食落仲有啲咖喱既味道，所以吾係普通燒雞咁簡單呢，呢道菜都令我喜出望外既👍🏻🔹龍眼冰 $33龍眼係一樣好有益既食物，所以特登揀左龍眼冰試一試。飲落吾會過份甜，而龍眼肉質十分嫩滑，感覺都不過不失。我哋食完之後，坐多陣店員做主動送

今次黎到新都城呢間金坊，算係一間唔錯既泰式餐廳，環境好靚，裝修非常之別緻，座位又夠曬闊，真係岩曬一家大細黎慢慢食呀。叫左個馬拉盞炒通菜，味道好特別，調味偏甜味，岩曬唔係好食得辣既朋友仔，甜味唔算太勁，而且好惹味，食落又有油香，通菜好爽脆，唔會太軟，炒到岩岩好斷生，食落好爽口。另外仲叫左個燒雞，外皮燒到好焦脆，望落就好有食慾，而且隻雞份量都好足，皮脆肉嫩既口感，食落d肉仲好juicy，唔會好柴，火喉岩岩好。特色既泰式調味，都係偏向甜甜地，味道好特別。仲有足足2邊雞脾肉，咬落嫩口彈牙。甜品方面，叫左個紅豆馬拉糕，甜度唔算好勁，食落好Q彈，口感好軟熟，真係幾唔錯，岩曬唔鐘意太甜既朋友仔。

我愛吃東南亞菜系 若以午市性價比高來説 這間可排前3名之內位於新都城中心二期 店鋪和內裡裝飾都充滿泰國風情 面積頗大 有卡座 只是其他的枱凳有點老氣和很擠逼 相比之下 坐得有點不舒服午市套餐選擇很多 湯粉價格由52元起 飯麵就56元 包括湯和飲品 更可加配小食我要了馬沙文咖喱脆炸龍脷魚飯 香料豐富 椰汁味濃帶甜味 超好味呢 餐湯可選冬瓜湯或冬蔭公湯 也ok另配大大杯的珍多冰 其餘的湯粉 黃咖喱羊腩和咖喱鷄飯都很不錯最值得一讚是全日免收加一