金囍冰室

營業中

休息中

今日我叫咗個西多士加一個熱華田，個呀姐送到個熱華田過嚟我見到有一條好長嘅眼睫毛，我叫個呀姐攞去換，佢死都話睇唔到，佢換咗又喺度大聲聲咁喺到講話：係你先睇到，我都睇唔到！佢仲話有得你食就得啦，仲咁多嘢講，食你就食啦！之後又比個西臉比人睇，又眼超超咁望住我，我勁驚，唔知佢會唔會喺我嗰個嘢食到落嘢，所以我嗱嗱臨食完就走！其實附近仲有好多嘢食，唔洗食佢，份量又少，又唔好味，價錢又貴，大家真係可以唔洗食佢，同埋態度勁X差！

每次去親呢間餐廳食飯都中伏😖🤢第一次食飯叫咗個番茄肉醬焗飯 等咗50分鐘都未等到個飯 令我lunch time冇飯食 等待途中已經同餐廳反映過催促好多次 每次都話整緊整緊 最後整50分鐘都未焗到個飯 中途有攞過一個隔離檯唔要嘅番茄肉醬意粉俾我（佢明知我要嘅係焗飯 即係上錯的 就問我肯唔肯將就食意粉先）我話ok 我可以將就食意粉 個姨姨擺抵個意粉幾秒 我食都未食就又攞返走個意粉入廚房 玩嘢？？？ 第二次去食依然係叫番茄肉醬焗飯 但一食就發現非常唔對路 我真係成世都未食過咁鬼酸嘅番茄肉醬 酸到好似係用過曬期嘅爛番茄整出嚟 一d都唔誇張 我食咗一啖就即刻頂唔順同餐廳反映返呢個問題 餐廳都肯處理問題嘅 就話幫我換過一個餐啦 但因為換餐要重新出一張單 個姨姨唔知做乜企喺離我張餐檯勁遠嘅地方直接掉張單落我檯面 非常冇禮貌 過幾分鐘（新餐都未煮好俾我食）個姨姨就黑曬面問我坐咁耐幾時先肯走？（當時已經係下午時段 餐廳裡面完全唔full 得幾個人有好多位置 非常冷清 加上我最多只係坐咗15-20mins 為咗等我嘅飯😅）服務態度極其惡劣 食物質素亦差自此以後 即使係lunch time 時段其他餐廳fu

呢日有事嚟到大圍，經過商場，諗住求其搵間茶餐廳食個晚飯就走。我地幾個人都叫咖喱飯同咖哩烏冬…一個飯價錢約$60-$70左右，有湯+熱飲送，凍飲加$3。咖喱牛腩烏冬$62個咖喱牛腩烏冬嚟嘅時候烏冬同咖喱係分開上，已經覺得好古怪，而咖喱汁個texture仲古怪，係一Pat Pat，杰撻撻，好似糊仔咁🫣覺得有d嘔心🤢但食落個咖喱同牛嘅味道都尚可嘅，係個牛有d靭咖喱豬扒飯$62豬扒同樣都幾靭下。。咖喱吉列魚柳飯$70 & 咖喱牛脷飯$62 上台個時個碟側邊好古怪咁有d汁痴係到，但明明個汁係哂個碗到，唔似係個碗瀉出嚟，令我覺得有d嘔心😖個魚柳同牛脷味道就還正常

放假唔想煮飯，打開外賣app睇下求求其其有乜好食。食茶記都唔諗住高要求。點知就被震震到都未食過咁難食嘅茶餐廳。平時正正常常都唔會出post 。但呢間連正常水平都去唔到。首先，星洲炒米炒等太乾、冇味每間茶餐廳都有嘅星洲米，點能夠煮得住得咁差。另外，喇沙係一拎起上嚟以為係咖喱汁。食落就係咖喱汁加水嘅味開炸雞翼又乾又柴撈檬汁太酸海南雞豉油俾幾滴 ，油飯冇咩味外賣野飲冇得揀甜度食之前諗清楚…..不可一、不可再

熱愛茶記/冰室既我，今日又黎試新野首先黎到份量都幾多，但唔明點解會有d花生係到🙈因為我個人唔好花生，所以冇食到，味道方面都唔錯，但有骨海南雞食落好唔爽🙈我都係鍾意無骨既多d，而雞既肉質唔算太滑，所以今次真係唔個算唔算試左伏🤣

今日1點幾本來3位俾耐性等位入席，侍應居然叫後面遲來4位入先，女收銀仲好野，再叫後面遲來2位入先，明明門口無人時我地先來，一眼都無望下我地，完全當我地透明。永不幫襯。希望大圍街坊唔好再去為食個茶餐廳飯受氣。

服務態度差，說話語氣差。枱上面嘅餐牌我岩岩睇左，就走埋黎叫我整返好佢，第一我啱啱坐低嘢食都未到，第二呢啲唔係應該叫客人做。我地兩個人一個食海南雞飯+凍檸茶。一個乾炒牛河+加熱好立克。老實講未食過咁差嘅茶餐廳… 兩份餐都難食同兩杯飲品都難飲… 價錢亦都唔算平$12x非常失望，估唔到香港竟然有咁無水準嘅茶餐廳… 感覺佢應該冇開冷氣，只開咗幾把風扇，有點焗…坐得都算迫，整體黎講唔太舒服，好趕客………………….

係我唔好，七點鐘有啲餓，只係叫個鮮油包，已經要等15+分鐘。想打包又話嚟緊嚟緊，我話又唔駛烘點解要咁耐，佢話‘唔烘唔得，點食呀⋯’ 無語了！點解而家咁簡單嘅嘢都要咁覆雜？

垃圾餐廳，不知所謂，已經坐底咗五分鐘落埋單，一路都冇人抹枱，我只係好聲好氣第一次叫呀姐抹枱，竟然比呀姐鬧話：咪攞緊囉，吹吹吹，我都係第一次叫你抹枱，已經好聲好氣問，我之前幾時有吹過你話抹枱？跟住第二個呀姐埋黎抹話唔好意思，我問佢：我話唔洗鬧下？講真食物已經唔係好食，只係星期六日，大圍食市一向都難搵位，行過見到你依間餐廳有位，先入去食，之前有一次食我叫凍檸檬茶，點知黎左凍奶荼，我同呀姐講，我係叫凍檸檬荼唔係叫凍奶荼，幾個呀姐望住我，好似我錯咁，依間垃圾餐廳，唔會再去食，冇禮貌都算，仲要鬧客，真巴閉

真垃圾女店員態度橫劣無禮貌用外賣app叫外賣，明明已遲15分鐘到店取外賣，環看店門無外賣跡象先步入店內問，女店員竟然D9我話「有就會放岀去，（命令我）岀返門口等！」明明間店得幾枱客 唔講以為唔使錢，佢派飯俾我食，同乞衣講嘢口吻我得罪你啲咩？結果我由落單等左足足51分鐘我幾乖？！唔問都唔入去check，原來漏咗單仲要鬧我岀返去，明明間店無客結果仲要俾錯單我 豬扒俾雞扒 質素就茶記質素無謂講好勁！咖哩無咖哩味黐線 唔好幫襯佢不知所謂

店內鋸扒之選要首推牛扒，牛扒首推雙頭牛柳，內質鮮嫩，即叫即煮，上碟鐵板熱度十足，值得一試，其次係西冷扒及肉眼扒，份量很滿足，配意粉，薯菜或沙律，都是美味配搭，意粉唔係白烚，有茄醬炒，算是有誠意，整體來說，以約110-$100 既價錢，係抵食兼具質素之選，惟獨是要改善既係獻汁，有些結及咸，另餐廳環境衛生可整潔一些更好。

十二點鬆去到唔使排隊，但到十二點三開始要排隊。午餐幾多選擇，有越南泰式又有一般港式，揀咗雙拼喇沙，五十幾蚊，豬排好大塊（切開會好啲），扎肉三大塊，好厚身，湯底幾好食😋份量都大。奶茶都夠香滑估唔到OpenRice 咁多劣評😂可能我揀啱嘢食！但出餐係有少少慢，等咗十幾分鐘先上，如果出餐快就應該唔會排隊🤣

經過幾次見個裝修都幾雅緻就諗住入一入嚟試下個安格斯肉眼扒啦，見話100蚊都抵呀，不過入到嚟先知有問題首先就環境，坐卡位，啲梳化皮起晒縐紋咁，同原本所諗嘅新派冰室環境有差別，再睇番啲檯同地板，好似永遠殘殘舊舊咁衛生，你估唔到啲飯粒仲留喺梳化度仲要乾晒😧，即係完全無意識去清理，照計個場唔算大，每日打烊清理下好難咩？到嘢食啦，嘩，安格斯肉眼扒原來就係相入面嗰堆呀？😮好多下價茶記朝早薄牛扒歐陸早餐咪就係呢啲水準囉，如果咁計嗰啲都應該打正招牌自稱係安格斯歐陸早餐啦，如果早餐賣唔晒，都唔好拎啲有淨嘅食材改名嚟昆人得㗎，唯一賣點係份量比較多，不過同想像中嘅安格斯差得遠熱檸茶夠濃夠熱，不過唔知點解飲到洗潔精味。唔通用斧頭牌檸檬洗潔精沖嘅？🤔羅宋湯還可以，味道適中加少少辣，有啲開胃作用，拎番少少分數啦不過總體上都係唔合格㗎啦😒

星期日上午九時入座。九點零三分己經落order。一碗牛肉米粉商業同豬豬扒太陽蛋。等了10分鐘先上熱奶茶。我想到齊先開始飲。結果等到九點二十五分，米粉同豬扮都未黎。同工作姐姐講完都無用。餐廳只顧先做外賣餐，廚房外面只見多多的外賣盒。老闆娘仲叫員工快啲出外賣，完全無想過堂食客我眼前4，5座一樣等了20分鐘以上。我本來預好足夠時間食早餐之後去上堂，結果我要買菠蘿包係課室偷偷地食🥲真係唔該曬，金囍😡😡😡😡😡😡😡

本身以為會有人帶位啦，結果咩都冇，個職員望咗眼，叫我哋嘟安心出行，之后就冇再埋我哋。搞到我哋要自己搵位，到坐低咗，連餐牌都唔比我哋，局住要自己去拿。到我哋諗好食乜，叫個職員嚟（着藍色衫肥嘅職員），勁黑臉咁走過嚟問我哋食乜。奇怪嘅係，我哋叫海南雞飯、雙拼扒餐同咖哩牛腩飯，得海南雞飯冇嘢飲。仲要本身係有得選擇要咩湯，佢直接話冇白湯，得紅湯，未反應得切，人就走咗。好啦，落完單后，佢好似發脾氣咁，放三杯熱水係枱，啲水倒瀉散！佢直接轉身走，好似咩都冇發生咁。好彩冇整到任何人！最搞笑係，我哋叫咗青檸梳打水，佢比咗我咸檸梳打水，雙拼扒比咗全雞扒！跟住咖哩牛腩飯仲變左蕃茄豬扒飯？！問佢哋拿番茄汁，啱啱倒完，就問仲要唔要…大佬啊，我仲用緊！跟住一路食就一路用勁重消毒係到拖地，拖第二到都算，跟住仲要拖到我地腳底？！成個餐都係消毒味！然之後，我哋食咗二十分鐘左右，食到一半，佢哋已經過嚟緊想收走我哋啲嘢。我哋話未食完，佢又黑曬臉咁，問咁你哋有咩係唔要架？好似我哋阻住佢哋咁，見枱枱客都唔係好妥佢，我先知原來呢間店服務態度係咁！食物質數普通，唔會特別回頭。海南雞冇味，同白切雞冇咩分別。青檸梳打水半杯都係糖漿，甜到